استانست لما شفت ردود نسوان ما يحبون يروحون أعراس. و أخيرا شفت اني من فصيلتي هههههههه الله يزيد و يبارك. أم زوجي كل تحاول ويايي أروح أعراس علشأن استانس و إني أقول في خاطري لو تدري اشقد اتضايق من هالحفلات ان چان ما جابت طاريهم ليي.
اللي يبغاني استانس يسفرني او على الاقل يوديني البحر
ههههههههت

مافيش إلا قروض على ظهورنا

ايران السبب خربت البنات على ( سفرة عجم )
اذا ما سوتها في يوم الملجة والحناء الا تجيبها في الحفلة يم الكوشة

اكو اني وخواتي ما سوينا سفرة عجم

ما اروح الا اعراس اهلي وصديقاتي المقربين
وما مرة شفت ناس تعقر
الا بالعكس تبارك للمعاريس وتتمنى ليهم السعادة والهنا والتوفيق والذرية والعشرة الدايمة
ما ادري عن اي مجتمع تتكلمون
والحفلات يا مرمريز او الدانة ونيو سيزون تكلفتها 5000 او اقل
او اذا فندق حوالي 6000 وفوق
الحفلة للاهل وبيستانسون في ماتم
او في صالة
اذا كانوا يحبون المعاريس
وما يبون الاهل يتفشخرون قدام ربعهم على حساب العروسين

اللي يبي يحش سواء في عرس ماتم او عرس فندق
او حتى في فاتحة
فالاحسن ان العروس تسوي العرس لنفسها ولزوجها لان هم اهم شخصين
وتسوي الاشياء الي تعجبها وترضيها وتخليها تستانس وتفرح
والاهم لمة الاهل والاحباب حوالينش وفرحهم فيش
مو المكان ولا الاكل ولا اي شي ثاني

يسافرون بفلوسهم احسن.

اني اذا في عرس عندي عيد هههههههه اول الحضور واخر المغادرين وناسة فاضية حدي

كنسلت الروحة للاعراس و ارتحت و لله الحمد باقي بس زوجي يستوعب ويش يصير في هالحفلات علشان ما يعتبرني مقصرة في حق احد

اكيد عقرة .

النسوان يتلذذون في العقره.

جميع الاحاديث الشريفة و الآيات القرآنية تحرم الغيبة و لكن النساء لا يتعظون ....

 قال النبي صلى الله عليه وسلم: (( قال أتدرون من المفلس قالوا المفلس فينا من لا درهم له ولا متاع فقال المفلس من أمتي من يأتي يوم القيامة بصلاة وصيام وزكاة ويأتي قد شتم هذا وقذف هذا وأكل مال هذا وسفك دم هذا وضرب هذا فيعطى هذا من حسناته وهذا من حسناته فإن فنيت حسناته قبل أن يقضي ما عليه أخذ من خطاياهم فطرحت عليه ثم طرح في النار )) رواه مسلم

تابع ....

 قال النبي صلى الله عليه وسلم: (( أتدرون ما الغيبة قالوا الله ورسوله أعلم قال ذكرك أخاك بما يكره . قيل أرأيت إن كان في أخي ما أقول قال إن كان فيه ما تقول فقد اغتبته وإن لم يكن فيه ما تقول فقد بهته )) رواه مسلم .

هههه هالنوعية اللي مااحبها ..تلاقيهم رازين وجهم في كل عرس وكل بوفيه واذا جاء عرسهم ..زين والزحرة اللي زحرتينها زين ظروف زوجش صعبة او حابة ماتصرفين لاتخلينها في الناس عيب

اول من يدخل العروسين اعوذهم من العين واطلب لهم بالسعادة واقرا الايات واصلي على محمد وال محمد سواء كانوا قريبين او معرفة واقول الى بناتي صلوا على النبي واله وادعوا لهم بالسعادة والغيبة مرفوضة

هامان

ههههههه

انا اقول ما قل ونذر اذا اشوف لرجال يعقرون في المعرس بل اكاد اجزم انه هذه السالفة ماهي موجودة بس النسوان كيدهن عظيم واكثر هالسوالف اتصير عند النسوان وله لرجال ياكلون الموجود ويمشون ايدهم في الطوفة بس للامانة موكل النسوان ايسوون هذه الحركة بس اكثرهم. وانا مادري وهديلين رايحين حفلة زواج واله رايحين لجنة تقييم او لجنة تحكيم في برنامج مسابقات والله حالة هذه شايفها روحها وهذه ماتعطي وجه وهذه فستانها قصير وهذه طويل انزين وبعدين متى بتخلصون روحكم من هذه السوالف البطاليه.
التوقيع::::::
(مواطن مهزوز)

يعني بس في مجتمعات النساء تتواجد العقرة والغيبة والنميمه؟! اصلا في كل مكان في ناس متجمعه اذا مو على ذكر الله بيكون على ذكر الناس وهات من العقرة في عرس في ماتم، الملاحظ عليكم ... كله انتقادات للحريم ليش؟

..

... ولكن في احد السنوات ذهبت الى احد الاعراس من الأصدقاء و تأخر العروس و العريس كثيرا صارت الساعة 11.30 و الناس تمللوا و طلعوا من الصالة و انا قلت بانتظر شوي و عندما جاءوا المعاريس كانت العروس مبهدلة التسريحة اختربت و المكياج طار و الفستان معفس ..

ما اروح اعراس

احس الاعراس نفاق اجتماعي و عقرة و اكل ...

انا لو يرجع بي الزمن غيرت كلشي بحياتي ..
صح سويت حفله كبيره واستانست فيها وكانت ذكريات حلوه واهلي واهل زوجي كلهم استانسو فالحفله..
لكن انا فالنهايه وايد تأذيت وزوجي تأذى من القرض وفوق هذا كنا نبي نأثث بيت وكان ودي نسافر بس ماقدرنا لان وايد صرفنا على الحفله..
وللعلم انا ماكنت اعرف للحفلات وكنت ابي حفله بسيطه لكن اهل زوجي اهم اللي تشرطو ويبونه يسوي حفله عوده وليومكم اهو يعايرني عليها وانا ماطلبت منه يسوي لي كل هالبهرجه! ساعات العروس مالها ذنب .. الله كريم.

كلام سليم ومن الواقع

أهل زوجي وبالأخص عمتي الله يخليها سوت لنا حفلة خطوبة كأنها عرس ومصاريف وغفصة وحملت ولدها اللي أهو زوجي قروض على جبده ومع العلم راتبه ضعيف والحين بعد تبي تسوي له حفله عرس ويوم تكلمت تقول ولدي العود ابي أفرح فيه انزين إحنا بنفطس بعد هالحفله خل نسافر نغير جو ونستانس تقول لا لازم عرس ولا عارفين نقنعها ولا نبي نزعلها وما عارفين شنهو الحل..

اختي اتمنى لك حياة سعيده وموفقه ان شاءالله ..
من اخت انصحج ابتعدي عن كلام الناس لان فالنهايه محد بعيش حياتج غيرج انتي ! .. لا صار ماصار محد بيوقف لج وكلهم بيغسلون ايدهم ويبي يعيش حياته وهذي تجربه مني ..
اللي يريحكم انتو الاثنين وتبون تسوونه سووه لكن لا تخلين احد يقرر عن شنو تبون تسوون في حياتكم لان بأثر وايد في حياتكم المستقبليه..

اذا هي مصرة على العرس خلها تدفع
صدقيني عقب انتين اللي بتعيشين الحياة مع زوجش
فكري فيه المسكين وفي نفسش لجم سنة تدفعون بهالقروض
تستانسون فيها وتفرحون وتسافرون ولو الله رزقكم بالذرية ان شاء الله
لا تضغطون على نفسكم سووا اللي مرتاحين له
هم بيستانسون في ليلة وحدة
وانتون بتدفعون وتحاتون وتتقشفون لجم سنة
الله يوفقش

أهل زوجي كانو يبغون يسوون جذي

وكانت أخته اتقولي احنا أهلنا واااااجددد
اختاري صاله كبيره
كلمت زوجي وقلت له بالله عليك أنت عندك قال لا
قلت له البيزات لي بنصرفها على حفله ما منها فايده ناثث فيها شقتنا ونسافر
وسويت شي كلش بسيط وحقرت الكل
وزوجي ايدنى وقال ليهم بتدفعون من عندكم في حفله انتون تستانسون فيها
وانجبو
حتى امى حقرتها ما عجبها الوضع بس ابوي قالي لي تبينه سويه
وسويت وجنه العيد وضربت كلامهم بعرض الحائط

حفله الاستقبال المهنين اعتبرها اطراره بس من نوع ثاني

هههههههههه هذلين النسوان ما يعجبهم العجب ولا صيام في رجب ,, اذا ما تعقر ولا تحش في صديقاتها ما تعتبر بنيه

لو خليت خربت

موالكل لاتشملون الناس كلها فيه ناس تروح وتقعد شوي وتطلع تأدية واجب والحين بعد خفو الناس في عمل الأفراح الزواج والخطوبه مره وحده وفيه ناس ماتطلب حفلة خطوبه بس ملجه ترا احنا أرخص دوله في مصاريف الزواج والمهر مو مثل دول الخليج الباقيه الله يرزق الجميع أهم شي الزوجه الصالحه ذات أخلاق ودين مو مثل بعض الشباب يدور بيوت الناس كلها حتى يحصل ملكة جمال المفروض هذا الموضوع يطرح اهني بنات الناس مو لعبه أو أنه بيختار سياره في معرض

محد جبركم تعزمونهم

اني سويت حركة في خطوبتي وفي زواجي ماعزمت الي معروف عنهم الغيبة والنميمة وخليتهم يزعلون وكانت حفلتي وناسة مع اهلي والاصدقاء المقربين والي يعزوني ولا ندمت ولا لحظة لاني ماعزمتهم طقاق يطقهم يوم فرحي لازم استانس

الحين بعد اشوى من قبل

الحين بعد ناس واجد تفهمو الظروف يعني اسون حفلة وحدة وتلبس فستان ابيض هو خطوبة وزواج مرة وحدة وعقب تسافر ادنات مكان

الناس اول كل شي حلو عندنا بالاعراس والاغلب يكون العرس بسيط من بساطتهم اما الحين كل شي تغير وانا اقول ان هالزمن الناس مايستاهلون العزومة للعرس خساير ع الفاضي وبالنهاية مايملي عينهم الا لتراب فأفضل شي يكون العرس بين الاهل والاصدقاء وخلاص توفير فلوس وغيرة والحمد لله متونسين ويخشون فلوسهم لهم تفيدهم للمستقبل

ولد الرفاع

محد فهم عقرة يقصد كلام الناس

نفهم

يقصدون الحش والكلام على الناس

بعض النسوان سطحيين ونظرتهم مادية وتدور الزلة على العروس

أنا كرجل اذا اروح خطوبة او عقد قران أول شيء يجي في بالي اني فرحان لهذا الشخص بخطوبته .. اما نوع الاكل او ثياب المعرس ما يجي على بالي بتاتاً لأني جاي للمعرس مو للأكل .. طبعاً إلا إذا المعرس لابس شي غريب فهذا أكيد بيلفت النظر

تعلم وتعلمي هذا الدرس :

الناس لن يرضوا عنك سواء أقمت حفلا بسيط عائلي أو كبيرافي صالة ، فلن تسلم من ألسنتهم فهناك من سيبقى ينتقد أو يسخر ، فقم بما يناسبك ويناسب ميزانيتك .
ولننتبه ينقلب عملك من إدخال الفرح والسرور إلى غيبة وأكل لحوم الناس ، فالصمت حكمة وقليل فاعله
فإذا ذهبنا لحفلات ، فامسك لسانك الأ عن خير .

الشره على أم الفشار اللي سوت كل هذا وتاليتها ما استفادت من فشارها إلا العقرة عليها وعلى أهلها، لكن تستاهل الزمطية

الحقيقة المرة

للاسف اصبحت حفلات الزواج عبارة عن تفاخر بالمكان والطعام وخسارة اموال وقروض يدفعها الزوج ديون على ظهره في خلال ساعات فقط والناس تقص فيه واهل العروس والمعرس هواش ونجره على خرطي والرجال راحت من عنده يدفع سنين عمره قروض علشان فلانه او علانه لويروحون بلفلوس الحج او العمره ابرك من وجوه الناس اللي تتطنز على كل شي ومايعجبهم العجب ولصيام في رجب.

العقرب

حضور مواضيع مهمة تشغل الناس و تمثل كلام الناس كغلاء الاسعار و دعاوى التقشف الإدخار بينما البذخ والهدر دار ما دار من ..

ام ساجدة

افتقدنا تعليقاتك اخي العقرب

منهو يعقر

اني مااحب اروح اعراس مو لأن عقره ودا بس ماليي مزاج ولين بصير عندنا زواج احاتي ع قولةة خواتي چنش عايشة بزمن مو زمنش بس ماادري ليش مااحب اروحوع فكره الليلة معزومة ع زواج خواتي كلهم بروحون واني بقعد يالبيت مااحب اروح ومبروك لكل المعاريس

زائر 3

اني نفسش
ماحب اروووح

اذا مابتروحين وي خواتش

عجل تعالي قعدي ايايي في البيت هداني مو طالعة الليلة مكان

اقدر انا اجي اقعد وياش ..

..

والله روح العرس تزهق وتملل
انا لي بناتي كبروا
بقولهم لا تسوون شي
نسوي شي عائلي صرف نفس لي سويته:)
أمه خواته فقط وجدته وعماته وخالاته فقط
انا وخواتها وعماتها وخالاتها وتاج الكل امي
بسس
وكان الله غفورا رحيما
ليش الفسق يعني
ريال يقعد يدفع 10 سنين قرض على سبة ساعتين أكل وتفسفس
الناس ما بتفرح لج إلا بالحفله الضخمه
ولي حاب ايي يبارك في شي اسمه قدوع حياكم الله بس
بلا فشخره زايده وتسافر معاه وبس

اني بعد ما أحب كلش

والمصيبة يقولون عني متكبرة أو مغرورة
شنو اسوي ما أحب اروح معاريس

هههههه نفس حالتج , اختج في الاسلام , ما احب كلش اروح اعراس ايام قبل اروح مع امي غصب و انتظرها فالسياره لين تخلص و الحين صارت ما تروح اعراس و تجبرني اروح اأدي الواجب فقط , اروح لان ما ارد لها طلب .. بس اروح الساعه عشر و اطلع بعد ساعه الا اذا اهل المعاريس ما خلوني استحي و اقعد عشانهم شوي اكثر , الله يبارك للجميع ان شاء الله

زائر 40

انا نفسش بالضبط
اختنق لي اروووح
ولي نويت اروح عشان زوجي بس
ساعة واهو واقف برع بالسياره
ينتظرني واطلع
واخليه يتصل فيني عشان حجه بعد من اطلع ما ارجع خخخخ

ياكلون و يعقرون

و الله حرام فيهم الأكل و المصاريف .. بس يرجعون يسحتون في هالصبغ و للسان شغال قص في الأوادم .. شفتين فلانة مسوية خشمها ؟! شفتين علانة متنانة ؟؟! شفتين نفنوف فلتلانة مو جنها لابستنه في عرس مرت اخو حمي ابو حماة عمها ؟!! هدويش أكلهم ما ينبغى ،السمبوسة بايت ، و المعرس احلى من العروس و مكياجها يلوع الچبد ..و بس ياكلون في لحم الناس بالغيبة .. النساء و ما ادراك ما النساء ..

اهم شي ...

ان المعرس احلى من العروس ..... وااايد اسمعها حتى لو كانت العروس ملكة جمال عصرها والزوج كحيان وحالته حالة .. مادري هل غيرة والا غاية في نفس يعقوب

كله يعتمد على شيء واحد وهو ( الوجبات ) !!

أنا حضرت لحفلة زواج صديق لي بالعمل وهذا الزميل ما شاء الله عليه (عقربه في مخباته ) أي يابس حصى كلش لجه " بخيل " في القاعه يوجد فقط اشوية مكسرات وصحن واحد صغير حلوى وكم علبة بيبسي لا غير ،، حتى المعرس هذا غادر القاعه وراح البراده يشتري كم علبة بيبسي زياده لأنه انحرج !!الصراحه صادته العقره لين بقول بس، شبع عقره ،،،، أما النساء لا أعتقد يعجبهم العجب بيطلعون أي غلطه في الحفل وبتصير العقره على بيزه.. كله يعتمد على الأكل إذا زين وكافي بينجح في المهمه وإذا لا بيروح ملح من العقره.

ولد زويد

نصيحتي إلى المقبلين على الزواج أن يقوم بعمل حفلة جدا بسيطة وصغيرة وتكون فقط وفقط إلى الأهل وبعد ذلك يتوجه مع شريكة حياتة إلى أحد الدولة العربية أو الأوربية ويقضي شهر العسل لانة النسوان يجون كل وحدة تترس ليها الصحن إلى فوق من البوفية وفي النهاية ما تأكلة والي يجي من بعدها ما يحصل شي يأكل ناهيك عن القرة والحش المعرس أسود المعرس كرية طويل اعوج اصلع أو العكس المعرس حلو العروس جيكرة المكياج مو حلو فستانها موديله قديم من السعودية مجمع الحياة بلازا وووووو

الحمد لله

قطعت الذهاب الى الاعراس من سبع سنوات تقريبا بسبب ما يحدث في الاعراس من تبدير واسراف وصوت الديجه التي لبسوها لباس إسلامي وهي لا تمت للاسلام بصله الحمد لله ويا رب ثبتني على طاعتك