شكا عدد من المواطنين تضرر سياراتهم لوجود حفرة مهملة على شارع 14 بمنطقة جدحفص، مشيرين إلى أنهم قاموا بتقديم عدة بلاغات إلى الجهات المختصة إلا أنها لم تتحرك لصيانة وتجديد الشارع من جديد.
وتقع الحفرة بالقرب من البوابة الجنوبية لمقبرة الإمام في جدحفص، على شارع حيوي تستخدمه السيارات طوال اليوم، وتتسبب في وقوع أضرار بالسيارات. وطالب الأهالي الجهات المختصة بصيانة الحفرة وتجديد الشارع الذي بات يفتقر للعديد من الأمور الأساسية، ومنها الإنارة ورصف الشارع.
تخضخضنا
توي من جم يوم كنت امشي في هذا شارع وما اشوف الى سياره طايحه في الحفره واحنا لي في سياره انزهقنا لانه الحقره موطبيعيه ...الحفره ماتبين تشوف شارع عادي بس من اطوف عليها سياره تتكسر حتى لي يسوق يضرب راسه سقف من قوة الحفره
هذي مو الحفرة الاولى ولا الخيرة ولا هي المنطقةالوحيد شارع للبديع كامل حتى الشوارع الرئيسية يبي ليها تعدل البنية التحتية حتى الفرقان كلها بسبب تبطط البيبات مال الماي الي في الارض وتعالي لين اشتغلو يخلصونها ممكن في يومين لكن متى يجون ويسكرونها برمل من فوق لا فوق وتعالي انتظر 3 سنوات عشان يجون يعدلونها بالقااار او يبلطونها العتب على وزارة الاشغال واستهتار الي فيها وعدم التشديد على المقاولين الي ياخذون المناقصة حتى في سالفة بناء بيوت الاسكان استهتار بالوقت وتسيب العمالة واعطاءهم المبلغ كامل غلط 50%
الشوارع الداخلية أغلبها مكسرة، وياما كتبنه على تويتر لحساب وزارة الاشغال ولكن دون جدوى، والغريب أن الوزارة تستجيب لبعض الطلبات دون الأخرى ولا نعلم ما هي معاييرها في ذلك!!!
عميان ماتطالعون يعني؟؟
موضوع غريب
صلوا على النبي ياجماعة
الحين الحفرة مسببة مشكلة لهالقد؟
لو الوزارة ما تلتف إلا إذا نزل خبر عشان تقوم بواجبها؟
في نص الشارع .. تبي نطير يعني ؟؟؟ تعال في وقت الشارع زحمه وجوف تطب فيها او لا ..
او اشرب ريد بول عشان ما تطب
تقصد من العميان؟
من الاعمى ؟؟
رحمة الله والديك
الشارع خرمس
بالفعل هالحفره كسرت سياراتنا وسببت زحمة