أثار قرار وزارة التربية والتعليم الأخير بشأن عدم قبول الطلبة دون السن القانوني والمنقولين (المستجدين) من المدارس الخاصة إلى المدارس الحكومية موجة من الاستياء، وذلك بعد أن لوَّحت الوزارة باتخاذ إجراءات قانونية ضد المدرسة التي تخالف ذلك، إذ قالت في تعميمها الذي نشرته "الوسط" في وقت سابق: "إن المدرسة التي تستقبل الأطفال المستجدين دون السن القانوني ستتحمل المسئولية القانونية التامة".
وقد أبدى أولياء أمور في حديثهم لـ "الوسط" استياءً من القرار، لافتين إلى أن الوزارة في وقت سابق كانت تقبل مواليد يناير للالتحاق بالعام الدراسي الجديد، وتربط الأمر بالشواغر المتاحة. وتابعوا: "هذا العام اختلف الأمر وشددت الوزارة على عدم قبول الطلبة، وسط تناقل الأوساط التربوية لتخصيصها مدرستين فقط لقبولهم".
معلش شن اسماهن المدرستين لي يقل لو مواليد 2011 شهر 1
قرار غير مدروس واطفالنا متشجعين حق حفلة التخرج ومتهيئين حقها التخرج الحين يوم درت انها بس بتروح الحفله لكن بتعيد روضة وش هالحاله يعنس والي تسجيلهم خلص وش يشوون والقرار جاي على النهاية هذا قرار تعسفي والحين اضطر لدفع حق اثنين للروضة ولدي وبنتي
اني بنتي تسألني ما سجلتيني للمدرسة والاطفال الييي ويايي سجلوهم .. والحين جى هالقرار الييي المفروض ينفذ بعدها على الاقل بعامين او ثلاثة
والروضة الييي هي فيها خلص التسجيل
يعني واقعد ادور فيها علشان اسجلها لروضة وهي متهيئة للمدرسة ويش هالحاله
وغير اني ما اقدر ادفع لاثنين في الروضة
كان المفروض بنتي تروح واخوها يدخل الروضة
ويش الحل
اخليها في البيت ؟؟
اني ما بستفيد ولا البنت
بالفعل انا بنتي الفصل الثاني بتكون اتمت ال 6 سنوات وزايد عليها بعد .. يعني السنة الجاية بتكون 7 سنوات الا شوي !!! وش هالفيلم .. يعني بتكون حالها حال اللي عايد السنة وراسب من دفعة 2010 ؟؟ مساكين جيل الثورة هذا انتقام شي اكيد وواضح .. حسبي الله ونعم الوكيل ... والله فوق يمهل ولا يهمل .. ليش ما يسوون اختبار ليهم واللي ينجح يدخل الصف الاول واللي ما ينجح ينطر للسنة الجاية .. حرام الشطار والاذكياء من هالدفعة يخسرون جدي وكأنهم يعاقبون بلا ذنب وفي هالحالة يكون فيه انصاف ولكن الوزارة ما تفكر بالخير للغير
استغرب من اللي يقول مواليد يناير صغار وما يستوعبون نفس غيرهم ، انزين ومواليد ديسمبر يستوعبون لانهم اكبر بجم يوم؟ حرام تخسرون اطفالنه سنة من عمرهم بسبة قرارات غير مدروسة، بعد رفعتون الدعم عن كل شي بسبة الافلاس ، تنزلون قوانين جذي بسبة شنو؟
بنتي مواليد شهر 1 في البداية وتعرف تكتب وتقرأ باللغتين افضل من اللي بالمستوى الاول الابتدائي حتى .. تعبت وياها واوديها دورات واخر دورة استلمت شهادة ابكاس مستوى الاول .. وفوق هذا جاية هالمعلمة تقول انها تعاني من اطفال هالشهر لان المناهج صعبة عليهم ترى اللي تعطونهم اياه نفسه ماخذينه في الروضة زيادة عليه العلوم وباقي جم مادة .. بس اللي ايده في الماي مو مثل اللي ايده في النار .. واطفال هالجيل هم جيل واعي وعلى قدر من التفكير يخليه يستوعب ويرفض واطفالنا محبطين من القرار التعسفي في حقهم .. الله ينتقم
قرار غير صائب ابني في قمة الاحباط
قرار غير صائب
المفروض تطبيق القرار بعد ثلاث سنوات من اصداره
المفروض يخبرونا من قبل مو حزه التخرج من الروضه حرام بصراحه
هامان
انا عندي ثلاثة ابناء مواليد يناير الكبير 1/1 واستفاد من النظام والاوسط مواليد 31/1 استفاد بس كان عليي اودیه مدرسه شوي بعيده عن البيت وعندي اخر العنقود مواليد 1/1/2012 وماراح يستفيد ويش هالحاله جت علی الاخيري يعني بس الحمدلله ماوديته الروضه السنه لانه نتوفه وكان قراري مناسب حق سنتين روضه بعد هالقرار المجحف حق مواليد 2011
مواليد 2011 لم يخسروا بالعكس هم سيدخلون المدرسة في سنهم الطبيعي
هامان
اشلون ماخسرو مواليد يناير 2011 اولا بيتوهقون الي مخلصين روضه قدامهم خيارين احلاهم مر يا ان يعيدون نفس المنهج الي درسوه او يقعدون في البيت
قهر
تصرف حكيم
انا كمعلمة اقول القرار سليم انا اعايش يوميا مشاكل مع طلبة يناير المشكلة صغار على المتاهج الصعبة لكن الاهالي ماتقتنع
بالله عليكم
اكو الوزارة تعتمد سياسة الترفيع يعني ينطون سنة والطفل اذا عقله يستوعب هالشي ليش اطوفه سنه من عمره اني بنتي من مواليد يناير والحمد لله كانت متفوقه لحد ما تخرجت بصراحة حرام اطوفه سنة من عمره
مؤيد
قرار صائب جدا سوف ينشر العدل بين الطلبة من مواليد يناير الى ديسمبر
دائما الوزارة تقوم بإعلان قرارات غير مدروسة. الله يكون في عون أبنائنا .
اي صح انت بعد
وش هامنك لاعندك ولد اومتخرج السنة من روضته اومتهيئ لمدرسته ""اورادينه جان حسيت ابنا ""جان خبرونا من قبل ولابيصير الي صار
الصح ان كل مواليد السنه من ١ يناير الى نهاية ديسمبر في دفعة وهكذا ماليه داعي مال يناير يدخلون ويه اللي قبلهم مهما كانت الأسباب !! هذا متقدم وهذا متأخر ليش ماليه معنى الموضوع
الله يكون في عونكم الديرة ترجع ريوس
إني بنتي مواليد يناير ماتمت مدرسه ماسجلته وعقب سجلته في الديه وإني ساكنه في مدينه حمد والحمد لله رب العالمين كل شي بيد مديرة مدرسه وزارة ماليهم كلمه عجزت وإني اروح ليهم
يوميا ولدي يسألني ليش أصدقائي في الروضة سجلوهم كلهم الا أنا ؟
قد ترى الوزارة بأن مصلحت الطفل تقتضي هذا الإجراء او القانون الجديد ولكن ماهو ذنب الطفل الذي قبلتم التحاقه بالروضة قبل ثلاث سنوات وسوف يصعد بعد أشهر على منصة الخريجين من الروضة ؟
لمذا قبلتم التحاقه قبل ثلاث سنوات وترفضونه الان ؟!
لماذا لا يطبق هذا القانون ع الأطفال المستجدين في الروضة ابتداءا من هذا العام حتى لا يتأخر من التحق سابقا عن أبناء جيله ؟
اتقوا الله في الأطفال فقد بدأت عليهم علامة الاحباط
سؤال يكرره طفلي يومياً
ماما متئ بتسجليني للمدرسه
المدرسه ليش ما يبونا
هذا القرار يؤثر بالسلب على نفسية الطفل حيث انه متهيئ مع اقرانه للتخرج من الروضة والذهاب للمدرسة وهذا مما يؤثر على تحصيله في المستقبل بسبب الصدمة والاحباط الذي تعرض له
قرار غير صائب
في مثل هذه القرارات المفصليه يجب تهيأت القاعده لتقبل مثل هذه القرارت من قبل اولياء الامور والطالب مسبقا ...
ويوجب التنويه لرياض الاطفال من قبل ذلك حيث ان رياض الاطفال هي من اصدرت اعلاناتها مسبقا بقبولهم
والمعروف ان رياض الاطفال لاتقدم على اي اعلان او قرار الا بموافقة الوزاره
وهدا ما وضع اولياء الامور بين المطرقه والسندان
قرار ظالم في حق الأطفال
شلون مصلحة لابنائنا فهمني غير ان تطوف عليهم سنة ويخسرون سنة من عمرهم بدون فايدة.
\nلا يوجد سبب مقنع لهذا القرار المجحف وعلى من اقره مراجعة نفسه
\nكفاكم قرارات سيئة خربتون التعليم تمديد الدوام الى ثقل الشنطة المدرسية الى كثرة الطلبات اين النهوض بالتعليم ؟؟؟؟
اسباب خفية
من خلال تحدثنا مع المسؤولين في وزارة التربية والتعليم اتضح لنا إن هناك اعظم من اكتفاء المدارس بالعدد المسموح والدليل على ذلك تخصيص مواليد 2011 ولم يعمم على غيره من سائر المواليد..
اختي بعيت اسالج يعني الدفعات الا قبل ٢٠١١ ، لا يطبق عليها القانون؟ لان ولدي مواليد 2009 و في مدرسه خاصه وتريد نقله ، اسفه على الاطاله والارعاج بس ممككن اتفيديني
لو سمحتي اختي انت اتاكدتي من الوزاره ان راح يطبق علىً مواليد 2011 وما فوق فقط؟ افيدني لو سمحتي
حراااااااام
يعني شنو اولادنا تكمل ثلاث سنين روضة وتقعد في البيت السنه الرابعة وأقرانهم اللي معاهم في نفس المستوى يدخل المدرسة .. اليست وزارة تربية ؟! او هكذا نربي اطفالنا بحرمانهم من الدراسة
تربيتهم خلها
عليك
محد يربي أولادك غيرك
نررجو المبادرة في دراسة القرار.. يجب تطبيقه بعد ثلاث سنوات من اصداره فليس من العدل ان يكون الطالب مهيأ للصف الاول بعد دراسة 3 سنوات في رياض الاطفال ليضاف سنة رابعة لم تكن في الحسبان
قرار صائب
لا داعي للأستياء من قبل أولياء الأمور هذا لمصلحة أبنائهم
القرار صائب اذا طبق من بداية التحاق الأطفال بالروضة وليس الان بعد إكمالهم ثلاث سنوات وهم على مقربة من التخرج ! كل من التحقوا معهم في الروضة قبل ثلاث سنوات سوف يدخلون المدرسة في العام القادم الجديد الا هم سوف يتحملون خطا قبولهم قبل ثلاث سنوات !
اي مصلحة؟
أنا ابنتي ثلاث سنوات في الروضة.. وأحسن من الكثير من الطالبات والطلبة اللي معاها في الروضة.. تعرف تقرأ وتكتب.. وما شاء الله عليها بشهادة المعلمة اللي اتدرسها..
أي مصلحة تبقى سنة إضافية في الروضة تدرس نفس المحتوى بدل ما تتطور تظل على ما هي عليه؟
الوزارة ورطت أولياء الامور وحطمت الاطفال
بسبب هذا القرار واجد اطفال بيعيدون السنة في الروضة وهذا يؤثر سلبا على نفسياتهم ومعلوماتهم .. الكثير من أولياء الأمور دخلو عيالهم الروضات اعتمادا على أنهم بينقبلون في المدرسة مع الي أكبر منهم .. فإن كان ولا بد من هذا القرار ف المفروض يخبرون به قبل 3 سنوات
والله حرام تطوف سنة على بتي بسبب هالقرار الفاشل
شفيها يعني ادا عطوهم مجال ان يدخلون في نفس السنة
ماعتقد انه بينقصهم شي ولا بياثر على ميزانيتهم
كل شي يسوونه بالمقلوب يمشون ويفلتون قرارات من جيسهم ومافي الا احنا اللي نتاذى الناس تتقدم وهم كل ما يجي ليهم يرجعون ريوس
حسبي الله ونعم الوكيل
مو جديده
مدامهم برج الدلو فعليهم تحمل البلاوي وهي نازله عليهم من كل حدب وصوب
نعم مثار استياء
من الطبيعي أن يثير هذا القرار استيائي، فبعد أن درست ابنتي في الروضة وتكمل 3 أعوام من الدراسة في رياض الأطفال، يتم رفض تسجيلها للمدرسة.. فتبقى سنة إضافية تدرس نفس محتوى ما درسته سابقا، وأقرانها من البنات ممن درسن معها واعتادت عليهن وكونت معهن صداقات وتعارفت عليهن يدخلن المدرسة..
الرجاء اعاده النظر في القرار مره ثانيه .. 3سنوات دروسا روضه حرااام