مو مهم المهر المهم هل هي تحب البحارنة أو لا لأنه هالايام منتشرة موضة ......... تشبع و تالي لي جاء وقت الزواج تطيح في رأس البحراني المسكين فأرجوا التنبه يا شباب البحارنة لهذه المسألة جيدا ولا تتزوجوا سوى البحرانية الطائفية فهي أحفظ للعرض وطيبة المعشر و تصون نفسها و اهلها

هههههههههههه خير انشاء الله .. الي حاب اقوله ان قرضي لي سنه 2021 و الفلوس ؟؟ مادري وين راحت لا شفنا تجهيزات ولا شفنا بطيخ
باي

اني بصراحه بمهري اخذت لي سياره بسيطه و سجلتها باسمي بس في النهايه هو الي يستخدمها لان احنا ع قد حالنه و الحمدالله علر كل جال .

في نسوان جذي واجد بس ما يبين في عيون الرجال ويخونون

اني رجعت المهر نفس ليلة العقد ،،، أخذته حافي منتف ،،، اثثت الحجرة اللي سكني إياها بفلوسي ،،، أخذت قرض وسويت حفلة الزواج كلها على حسابي ،،، والباقي فتح به مشروع ،،، واخرتها يخوني ويكلم بنات وعلاقات ولو زين يعترف انه غلطان يوم صدته ،،، لليوم صابره علشان الأولاد.

و ليش تزوجتيه اساسا !!!

ويش عرفها انهو جدي..خلاص طارت الطيور بارزاقها ..لو تدري م وافقت عليه من البداية اكيد!!!

السلام عليكم ورحمة الله
زوجنا اختي وما اخذنا مهر إلا شي رمزي 100 دينار وقلنا تتصرفون ويا بعض وش تبغي تجيب لها وهو ما قصر إياها بنت عمتي تزوجت نفس الشي مره شي رمزي تزوجت بيت عمي قالو مهر ما تبغي وش ما تجيب لها نحسب قيمته مهر أحد معارف تزوج بنت مليونير كم كان مهر ها 500 دينار تقريبا وبكل تواضع كلنا تزوجنا والحمد لله ببركة محمد وال محمد

هههه
ناس ماخذه السالفه تحدي وناس تحلل وتحرم وناس معتبرينهه برنامج الاتجاه المعاكس
بس ناس تعليقهه منطقي والاغلبيه ماخلو للجهال شي

الصراحه اضحك والله شقول على هالتعليقات
بقول شغله وحدة كل تعليق يدل على حجم عقل صاحبه ومن هالتعليقات في نساء ورجال كلمة جهال قليلة عليهم
ههههه تحسهم تحدي السالفه ومعاير ومعقدين حياتهم بامور تافهه الحمدلله على نعمة العقل

الجاهل من لا يتعض ..

اسمح لي ان اسدي اليك هذه النصيحه علك تستفيد منها , عليك ان تتعض من تجارب و اخطاء الأخرين حتى تتفادى مما وقعوا فيه , فغدا سيكون لك اولأد و بنات و سيكبرون و من الواجب عليك نصحهم و توجيههم التوجيه الصحيح , فإن كنت قليل الخبره فلن تستطيع ارشادهم , قرائتك لهذه المشاركات تثريك بمعلومات قيمه و تطلعك على تجارب الاخرين و المطبات التي وقعوا فيها ..

انه بعطيك نصيحه اغلبية المعلقين حكمو على الموضوع على اساس تجربتهم الشخصيه وليس على الموضوع يعني احكام غير عقلانيه وكونك انك
فشلت في موضوع مو معناته كل الناس فشلت والحكم بسبب تجربه شخصيه يكون حكم مغلوط انشاءالله تستوعب النصيحهه لانه من كلامك شكلك رديت على الرجال وانته مااستوعبت كلامه بالمره وكلامه سليم ومنطقي لازم ننظر للامور من جميع النواحي مو من منظور تجربه شخصيه لانه بيكون حكم خاطئ يعني مثال اللي اشترى سيارة مستخدمه وانصم بيقول لك لاتشتري مستخدمه مع انه فيه مستخدم زين بسبب تجربه شخصيه فاشلة

ردك يضحك اكثر من التعليقات هههههه شكلك انته تحتاج من ينصحك عشان تستوعب الكلام قبل لا تعلق
هههههه

اغلبهن يبكين على المهر

بكاء وعويل وتحسف وندم على المهر الذي أرجعته لزوجها ولم يعد! قبل الزواج تتمنى أي واحد يجيها لو تدفع ليه عمرها خوفاً من العنوسة.

انا

إنا من الناس اللي عطيت زوجي المهر يتزوجني

ما صار مهر هدا بس رقم مكتوب حبر على ورق

ادا عطاني اياه باليمين وسلمته له باليسار ما ستفدنا شي يعني بس ع الورق ان دفع لي مهر ..اني ضد ان البنيه تعطي رجلها المهر جان قال لها باخذ ببلاش وﻻ ان يقص عليها ..ودام هو مو قد تحمل المسؤليه ليش فاج راسه للعرس ..بنات واجد سلموو رجالهم المهر وتالي عرس عليها يعني لاحظت برجيلها وﻻ خدت سيد علي...والله اخده وفل روحي به فل انجان بسافر وياه شهر العسل بالمهر يمكن امن ياخده وﻻ اشوف فلس احمر ﻻ يبااا

مهري ما استخدمته كنت بعثة وجهزت من فلوس بعثتي ومهري صار كم شخص يتسلفه ويرده حتى جهزت في النهاية بيتي شريت الباب والدرج. منه الحمد لله عطانا كل خير

صديقتي عرفتها منذ مرحلة الابتدائي ونعم البنت اخلاق وبشوشة ملتزمة بحجابها محافظة على صلاتها ملاك
جائها خاطبا فقبلوه لبساطته تمت الخطبة وعند الزواج سألوها وين المهر وين الطايح لحفلة الزواج قالت اعطيته زوجي اثثنا الشقة ووو لانها سيكون سندي وملاذي وخيره لي ومابعد الزواج انجبت ولدين دمرها سنين عمرها جعلها جحيم عند خروجها ياتي بالنساء لشقتها يراه البعض وهو يرتاد اماكن الدعارة ترك العبادة كتمت الامها وصبرت من اجل صغارها محاولة اصلاحه ولكن اصحاب السوء يلازمونة ..ابتلت بامراض غريبة ادخلت الانعاش وتوفت

الزوجة إذا حبت الزوج وعجبها وحست أن كفو وينحط على الجرح يبري
والله لو المهر مليون مثل الماي تسلمه اياه وهي تضحك بعد
واسال مجرب ولا تسال طبيب
ههههههههه

حالك حال زوجتي ..

بعد زواجي منها سلمتني المهر لعوزي و فقري , و لكن بعد سنوات عوضتها عنه بعد ان من الله علي با الخير الوفير و اشتريت لها افخم السيارات و اسكنتها اجمل الفلل و ارقاها و وعدتها بأننا سنكون معا حتى اخر ثانيه من عمرنا و لن اتزوج عليها ابدا .. و ها نحن قد بلغنا الخامسه و الخمسين معا لا نفترق بعد ان كبر عيالنا و اصبحوا يتبؤون اعلى الوظائف .. لذالك لا تأسفي يا ابنتي إن سلمتي زوجك مهرك عن طيب خاطر و هو يحبك و يسكنك قلبه ..

صحححححححح

ابو س

انا زوجتي ولله الحمد قنوعه لدرجه لم اتوقعها وأرجعت لي المهر بالكامل لأصرفه في أمور الزواج ولم تعايرني في يوم من الايام وإذا قدرني الله تعالى في الأشهر القادمه سأعوضها عن ما صرفناه في أمور الزواج

بعضهم يسلمونه الزوج أو يصرفونه للأسرة ..

بصراحة اني وجة نظري عادي اسلمه المهر ونتقاسم الحلوة والمرة مع بعض واللي كاتبنه الله بصير والحمد لله على كل شي الحياة قصيرة

الفرق بين الطائفتين هو احترام الزوجة وتقديرها والرفع من شئنها والمحاولة قدر الامكان ارضاءها وتوفير لها سبل الراحلة بعض الناس تاخذ وما تعطي لا معنوي ولا مادري
والرياييل مثل الياهل على ما تعودينهم اذا من اول مشكلة مادية ساعدتني بحجة انه ما يروح يبحث عن شغل اضافي ويتحمل مسئؤلية بيته حطيها في بالج على طول بيلجىء لش بحكم نحن واحد وانتي اولى من الغريب اتسلف منج وعقب بعطيش وانتي تعايري وهو يبرطم من البداية خلش قوية كل الي تقدرين عليه تخففين مصاريف حق يضبط ميزانيته مهرج خشيه للفاتحة كل سنة خمسي عليه

ضحكني الخلط في كلامش

ياتتكلمين او تتكلم بالچاء او الشين
حطي في بالج
بيعطيش

للأسف رد طائفي
المهر ماعليه خمس
والخمس يخرج من المال مرة واحدة مو كل سنة
خلكم على بلاويكم ترى عندكم مصايب

@ الطائفة الثانية ...
المهر حده 2000 دينار
الذهب قالو لك هدية مو واجب عليه ان عطهى منه ومن نفسه
الحفلة في ارخص مكان الفستان 3/4 البحرين لابسينه ويقول لك المحل اول لبسة ( هذا موضوع اخر )
ارخص حناية عادي تنصم خرابيش ومو غامق ارخص صالون ارخص سفرة عجم
وحجرة مؤقتة في بيت ابوه لو شقة نص ونص ( اذا بعد ابوه مو عايش في اجار زين )
طالع من المدرسة ويشتغل يوم يدام وخمس ايام غايب ويبي وحدة بارزة مبرزة تشتغل وتسوق وسيارتها عندها وزواج جماعي اذا صادف حظه ويتحايل بجميع الطرق جان يسترجع المهر يتبع

ويش الحين؟ الاجنببة لو البحرينية؟

الموضوع بين انه الاغلبية يرجع مهرها للزوج،فلاحد يتحجج انه الاجنبية ارخص و تراعي.
بنت بلادك اتشاركك في كل شي و تشتغل و تصرف على البيت،و لين جت اتكلمت الا لانها شايفة عدم التقدير و الاحترام.
الرجال يحتاجون توعية كبيرة عن الزواج،لانه صراحة على المنابر ما نسمع الا يجب على الزوجة و يجب على الزوجة،و الرجال يصيدهم الغرور.حتى لو فيه نوافص ما يلتفت ليها و لا يفكر اعدلها.
الله يهدي الجميع و يجمعهم على خير و حب يا رب.

بوركتْ أناملك ،" الله يهدي الجميع و يجمعهم على خير و حب يا رب. " ، هذا أثمن زاد نتزوّد به .

بنات الحين أذا زاد عليهم طلب مش بوزك تتعاون وياك في مصاريف الزواج وتبغي شبكة ألماس وحفلات على كيفك. إلا من رحم ربي.

@ فكر تربح ... 1
الطائفة الاولى :
المهر فوق 3000 دينار
الذهب مو الخاش باش الخفيف يضربون على الغالي والمتروس والثقيل والطويل وغير انه لازم يشتري طقم فضة للعرس وخاتم ألماس ويشترون قطعة ذهب فخمة حق العمة
الحفلة في فندق او اكبر صالة بالحرين وما في هرار الصالة لا مصمم كوشات مختص وفني زهور
التصوير مو مال ابو ربيتين
الفستان اوردر من بره
والحناء يدورون الاغلى والافخم حناية
وغيرها .......
والبنت عايشة ومعززة ومكرمة وراسها مرفوع وطلباتها اوامر وعمرها ما نامت ودمعتها على خدها

مو لهدرجة

واجد بالغت في الاسعار بالعكس البنت البحرينية مو متطلبه وخصوصا هلايام قامت تراعي واجد لزوجها

بالنسبة ليي ماكنت متطلبة خليته هو يحجز الصالة على امكانيته وذهب ماخدت والمهر عطيته وياه بعدين حق نجهز بقية الشقة وماني ندمانة اني عطيتن لانه في النهاية انصرف على شي حقس وحقه والطايح ماسويت حفلة عرس سافرنا فيه
في النهاية كلها بيزات لا تودي ولا تجيب اهم شي تعامله زين ويايي وادا عنده مايقصر الحمد لله ولو عندي واشتغل جان ساعدته ازيد

العقرب

هالموضوع راح يفتح جروح كانت مندملة ويشرخ بيوت كانت مصانة
كل واحد مسؤول عن تصرفاته فلا تعطي الزوجة و بعدها اتمن ولا تطلب من زوجتك على اساس انه حقك
تكاليف الزواج اقل ما فيها المهر مو لانه المهر قليل بس لانه المصاريف صار فيها بذخ وسفت ومراوى

اضم صوتي

اضم صوتي ويا اخًواتي الي ماعنده لايتزوج ايروح ياخذ ليه دجاج ايربيهم احسن ليه من ياخذ مال زوجته يطيش اياه وياخذه مدام تبيه ليش متزوج

خير النساء اقلهن مهورا - والنساء اللي حاطين على الرجال ويخونون ويسوون ويفعلون انتو ناسين روحكم؟ يعني النساء أيات منزلة من السماء ما يغلطون ما يخونون ما يسوون شي؟ مو مقياس انك تحدد سعادة حياتك وحبك واستقرار حياة زوجية تكون مربوطة في مهر في مبلغ وقدره! الحب هو اساس كل شيء اذا انوجد الحب كل هذا الموضوع مو مهم واذا ما فيه حب بين الزوجين يعني الهدف مجرد زواج واولاد وبيت وعشان كلام الناس الواحد يتزوج ويعيش علاقة علنية بالحلال فهذا الموضوع الحساب في الفلوس ما راح ينتهي بينهم ليوم الدين بينهم. وموفقين

بالنسبة للي مستكثرين على الزوجة المهر انت تجيب خدامة تعطيها لمدة سنتين أكثر من المهر غير راتبها الشهري وأكلها ونومها ومصروفها والزوجة المسكينة تعطونها هالكم دينار لمدى الحياة وتمنون عليها في وهي شغلها أكثر من خدامة

في رجال لو رجعت لهم الزوجة المهر يستاهلون .. لأن لوالله عطاه الخير بيرده أضعاف مضاعفة لها .. وفي رجال ما يستاهلون الزوجة تحاسب له وهو يخطط في لوحده ثانية

عادي مادام راضين .

الحتنكور .... تابع التعليق الأول

الزوج هو المسئول عن مصاريف الزوجة بالكامل حتى و إن كانت تعمل وليس من واجبها الصرف عليه ولا على بيته ولا على أولاده ، أفهموا الشرع و كونوا رجال ، الرجل لا يقبل أن تصرف عليه إمرأة مهما كانت هذه الإمرأة و يعيش حسب دخله ويبني نفسه بنفسه ولا يقبل على نفسه أن يأخذ فلس من أموال زوجته . فعلا كما قلت الرجولة في خطر .

كم الف عنش هذي ورها قروض وهذي جت من طلعت الروح ، ثاني شي ندري اهو المسئول عن المصاريف وكل شي لاكن اذا المرأة بتشتغل بيطلع عليه رادي في كل امور الحياة ومنها الحقوق الزوجيه لان كلا تعبانيين
المشكله انتي مو عارفه قصد الشارع المقدس من المهر المهر لحفظ الحقوق فقط وعدم التعدي وللتنظيم ايظً، ( اذا المرأه ما تشتغل بالبيت ولا تطبخ ومو واجب عليها شغل البيت وارضاع الابناء ولا تربيتهم ) ابي اعرف شنو يكون دورها عجل مكينة تفريخ مثلا
ارجو من الوسط طرح اسئله في هذه الزاويه ومنها الاحاديث المتعلقة بالمرأه

هامان

كلام صحيح مئه بالمئه ولكن لا للتعميم هناك رجال ترفض ان تطلب او تاخذ منها وان عرضت الزوجه

الحتنكور

كلام غريب عجيب اللي يسمع المهور عندنا في البحرين يقول بالملايين ماصارت كم ألف لاتغني ولا تسمن من جوع ، يا أخي إذا أنت مو كفو الزواج لا تتزوج و تبهدل بنات الناس معك ، البنت أهلها تعبانيين عليها و معلمينها و مدرسينها و مخرجينها من الجامعة و صارفين عليها مبالغ كبيرة تجي حضرتك تمن عليها بمهرها اللي هو حقها شرعا ، بصراحة الرجولة في خطر في وقتنا الحالي ، لم أسمع من قبل بأن رجل في قدره خير يدفع المهر و يطلبه مره ثانية من زوجته ، يالله شنو هالبشر و في أي مجتمع نعيش ، الرجل هو المسئول عن مصاريف الزوجة

كلامك صحيح.. مسؤول عن "نفقة" الزوجة بما "يليق بشأنها"..
لكن العرس في "أرقى" صالة، واللبس من دار الأزياء وسفرة غجر وهالخرابيط اللي ما يرضاها الله..
طلعات الأسواق والمطاعم بلا مبرر
التلفونات آخر موديل والثياب اللي لبسة وحدة
الكماليات اللي تكسر ظهر الزوج
واذا بيتحول في شقة أو بيت تخليه يسبها في داخله ألف مرة بسبب كسرها لظهره بالديون عشان نتفة گاشي او تشكيلة او غيرها من تجهيزات بيت الهم
اوتعوا لأنفسكم.. هذا انسان بيعيش كم سنة وبيموت.. متى بيعيش الراحة من الديون؟

اهاااا

٩٩، من الرجال يأخذون المهر منها بكل وقاحه عيل ليش دافع المهر وانت عينك عليه مو حجه. انك محتاج هذا من حقها ومحاسب عليه

أعتقد المسلسلات الخليجية أثرت على عقول البنات
الغالبية تشوف الرجل مخلوق منعدم الضمير، يخون لأقل الأسباب
هذي أفكار مسلسلات وما ننكر وجودها
لكن المسلسلات خلت البنات تفكر بهالطريقة في كل المواضع والظروف

الوسط أشكر لكم بجد ماتقومون به من مواضيع بنائة نعم للأسف الأربعة إلى ألأربعة الأجيال التي فاتت والأتية الأن لاتفهم مفهوم الزواج ههه والقليل من يفهم مفهوم الزواج بسبب هبالة وغباء الكبار في السن لمايوقف لك ويعلم بدل مايقول لك إن الزواج مسؤولية يقول لك المرأة وهذا شيء صريح المرأة غير فاهمة بشيء لما تتزوج تجي على نياتها وبيتها ملقنينها تمام الرجل مايدري بالعالم عنده إنه اتزوج للحلال فقط ولكن أتمنى من الوسط تثقيف المجتمع بمعنى الزواج أنا واحد من الفاهمين جدا والمقبلين على الزواج بسبب اختلاطي بالعالم

المواضيع هذه وتعليقات القراء تكون عصارة خبرتهم للجيل الجديد فى فهم الحياة . الله يحفظكم .

برأيي مافي احسن من المساعده والتعاون بين الزوجين وتقاسم المتطلبات الحياة الزوجيه الصعبة في وقتنا الحالي ولكن بشرط عدم الخيانه والخدر والمنه من قبل احد الطرفين على الاخر
الحياة مشاركه

انا بصراحة بنت عمي ما قصرت ويايي .. عطتني اياه بعد اسبوع .. وانا حاولت قد ما اقدر اوفي اليها وازيد .. وهي بعد صرفته حسب الاولويات الضرورية ..

اني غير

ماعطيت زوجي فلس حمر من المهر وذا بيتزوج عليي مو من حقه مااحلل ليه ياخذ عليي ولا ابر ليه ذمه الا يوم الدين ولا ينطق الساني بلسانه مافي اي دين ايحلل ياخذ الرجال علا زوجته ثانيه اذا هي مو مقصره

هههههه

قويه قويه مافي دين يحلل ياخذ ثانيه اذا انتي مو مقصره من وين هالفتوی عمتي

زائر 150 اني بعد ما احلل له يتزوج علي ولا يفكر حتى
مو مقصرة معاه في شي
ولو كان في تقصير يقدر يخبرني عنه
غلطه هو وحده ان يتم ساكت على شي مو عاجبنه
وعقب يقول تقصير ومو راضي ومو سعيد

انتين تخالفين شرع الله والله شسالفه الله محلل وانتي تحرمين متاثرة من المسلسلات شكلش
ههههه

المره العدله

المرة الي العاقله الي ماتعطي زوجها شي لو ايموت عجل ياخذني مجان اني مو رخيصه

شدعوه اختي هههه زوجج ترا مو عبد عندج ماتعطينه شي لا تعطينه مهره لكن اشياء اخرى

تستلمه الزوجة باليمين و تسلمه للأب باليسار

هل الوضع العام في عوائل البحرين متفكك لهذا المستوى فعلاً كما تظهره التعليقات؟ لا أعتقد ذلك.. الكثير من الأفكار المطروحة توضح جهل البعض بمفهوم الزواج، وكأنها ارتبطت بعدو أو بمخلوق يطمح في خيانتها من البداية، وهذا الأمر سخيف للغاية..

والسبب الاول هو :
ردود الرجال في التعليقات
بينت للنساء شقد الرجال ما يقدرونهم ولا يحترمونهم
ولا لهم اي مكانة عندهم
ويفضلون اي شخص اخر عليهم
والتعليقات بينت ان كل رجل يفكر بالزواج على زوجته
او يتصنع السعادة امامها
فاكيد النساء بتتخذ هالموقف

الأخت زائرة ١٦٠

الى الأخت زائرة ١٦٠ والله دبحتينة عطي غيرك فرصة يعلق مليون تعليق سلبي نفس الاسلوب
والله البحرينيين بشكل عام الغني والفقير الرجل والمرة ناس طيبين قنوعين متعففين لاترمون تجاربكم الفاشلة على الشعب الاصيل .

ياجماعة الخير معاشات الناس كم ومهر النسوان كم من وينه نجيبه تعرفون في العالم كامل 75 بالمئة من العالم نسوان يشتغلون الرجال يمثلون ربع العالم يشتغلون !!!!!!!!!!!!! وينه المقارنة وثاني شي اذا معاشاتنه من 200 إلى 400 كيف تطلبون 1500 و 2000 من أي بنك وين التفاهم في شي غير مفهوم اييي من حقه يطالعها في المهر انا اشيل شقى سنيني وافلته ولا اطالعه مستحيل انا شقيان فيه النسوان مو شقيانين في شي والواحد مظطر يتزوج وإلا لوما انه محتاج وماشي تمام ويصلي وش له بهالمصايب بأغلى الاثمان احد يروح ا لنار برجوله !!!

هذا حقها الشرعي مالك حق تطالبها فيه..الا اذا هي حابة تساعدك منها ومن نفسها .. اذا من الحين هذا تفكيرك لاتعب روحك وتتزوج..لان كل فلس بتصرفه عليها بتقول هذا شقى سنيني وتعبان فيه.. واذا تقول النسوان مو تعبانين في شي عجل من اللي يطبخ وينظف ويغسل لك؟
ارتقوا شوي وتثقفوا واللي ماعنده ثقافه زوجيه لا ياخذ بنت الناس ويمرمرها وياه

احسن ليك لا تتزوج تم جمع في البيزات على جبدك محد تعبان فيها غيرك ... ما فيه غير الصوم وعبادة والتعفف احسن ليك من الزواج وتأسيس أسرة

نرى في هذا الزمن أن غالبية البنات المُقبلات على الزواج لا يعون المعنى وراء هذه العلاقة، ويعتبرونها مجرد تنافس في المظاهر أمام الناس، وهذا ما يؤثر في مفهوم الشراكة الزوجية مستقبلاً، وهذا نلمسه في ازدياد نسبة الطلاق؛ ربما لأمور تتعلق بالوضع المادي. يجب أن تتفهم الشابات أن الوضع المادي في البلد سيء، والشاب ليس "مكينة أي تي إم" وليس ساحراً لكي يجمع عشرات الآلاف في غضون 4 أو 5 سنوات من عمله.

بالتأكيد فإن "المهر" حق شرعي للزوجة، ولا يمكن لأحد أن يضع فلسفة إرجاع المبلغ كدليل على التفاهم والمساعدة. ولكن من باب آخر.. المرأة التي ترى بأن مساعدة الزوج مادياً أو التخفيف عليه في المصاريف أمر لا يستحق العناء، فإنها لا تعرف معنى الزواج الحقيقي، فالزواج في النهاية علاقة تفاهم وتعاضد وشراكة.. وليست علاقة "بوي-فريند" عابرة!

بنسبه الي انا من بعدالعقد مباشرة سلمتني زوجتي المهر حتى اكمل بقية مسلزمات الزواج

بعض الزوجات تعمل وهي بخير

فلا مانع بأن توهب مهرها لزوجها المعسر اذا كان يستحق ويعمل بالمعروف

اللي أخذت مهر زوجتك اذا وهبتك ماعليك اذا قصدت منه دين

فيجب عليك تأديته

اللي اعرفهم كلهم رجعوا مهورهم يا للمساهمة في الشقة وتاثيثها او مقدم لسيارة او شراء مستلزمات الزواج وبس وحدة منهم حطوا فوقهم وراحوا فيه الحج

المفروض تقرضه ولا توهبه

اذا كان محتاج لان اذا وهبته وأرادت الانفصال لا سمح الله يطالبها بالمهر فيجب تعطيه المهر واللي وهبته راح عليها

الرجل يفكر بمنطقية ، بينما المرأة تفكر بعاطفة نرجسية،البحريني لا ينوي بدأ حياته بمشاكل مالية وقروض و يسعى لبناء حياة أسرية مستقرة من الماحية المالية ، إذ أرتكزت البداية على إنطلاقة سليمة لن تكون معوقة فيما بعد،فإدخارمبالغ الأعراس و المهور المبالغ فيها تعود بالنفع على الزوجين ، البحريني يفني حياته في توفير السكن و المأكل و الملبس الذي تطمح فيه زوجته و عياله ، التفكير الأحادي المادي للمرأة أصبح مضر للتفاهم و المعايشة ، البحريني يطلب فقط أن تفكر المرأة بجزء من المنطق ،لماذا فرضت المهور بمبلغ معين؟

...

خخخخ اني اشتريت لي ذهب و ماعطيته ولافلس واحين كل كلمة والثانيه يقول لا تنسين انا دافع مهر وقدره ... !!

الحمدلله على كل حال

ام لعيال الحمدلله صرفت المهر واستانست فيه عليها بلعافيه، والحين اعطيها مصروف قليل مسكينه وبعد تصرفه على البيت يعني منكم واليكم ،ويوم العوز والظروف الصعبة باعت دهبها حق توقف ويايي.
على راسي ام عيالي

المشكلة مو في المهر حلال عليكم يالنسوان.
بس المشكلة الكبيرة في مصروفات الزواج حق ليلة العمر
خسارة توصل إلى أربعة آلاف دينار على هرار ومفاشر.. وكله تمثيل
المشكلة الأكبر في هذه التقاليد البالية اللي تكسر ظهر الشباب
ولو انقلبت هذه التقاليد المعفنة وصرنا مثل بعض الدول الأخرى اللي يصير فيها تقاسم للحياة الزوجية، جان كل واحدة بتبلع لسانها وما بتقعد تمن على الزوج.. وتعتبره "كولي" وبنك للفلوس.
لازم تكون الحياة مشتركة في التكاليف والمسؤوليات ويسود التفاهم (لا الاستغلال) بين الطرفين.

الوسط

ويش المقصد من هالموضوع؟ الفتنه او الناس تاخد الامور بشكل سلبي و تفضح روحها

محمد

انا دفعت المهر وماكنت حاسب حساب انه بيرجع ولاكنت انتظره اصلاً
بس زوجتي الله يخليها ساعدتني بالمهر في تجهيز الشقه

اولا تعليقا على الي قالت ان الي تصرف على البيت غبية ضحكتيني واليعني تخلي اولادها ما يلبسون عدل ولا ياكلون عدل عشان انتين وغيرش ما يسمونها غبية احمدي ربش ان عطاش زوج هو المتكفل بكل امورش ترى ناس عايشة الويل ازواجهم يشتغلون وشغل زين وبعد ما يصرفون على البيت ، وبالنبة للي يقول ان تفكيرنا بالنسبة للمهر ايام الرسول غير ووو اوكي ندري بس فكر فيها شوي البنت بتدش على زوجها شلون تدخل عليه بخمايمها مو لازم تشتري ملابس جيدة وعبايات وخلافه خاصة ان بعض العوائل فقيرة اذا ما تعدلت وسوت اليه بيطالع غيرها

صدقتين اني ماكنت اقدر اجهز نفسي للزواج من عند اهلي وجهزت بالمهر

للبنت واهل البنت
عن رسول الله صلى الله عليه واله انه قال:خير نساء امتي اصبحهن وجها اقلهن مهرا
من اجل تغيير عادات واعراف لا فائدة منها
الناس الفاهمة تشتري الرجال الاجودي

ابحث عن امرأة ذات قلب حنون ..

تزوجنا بعد قصة حب فلم نتفق و لم نتصافى فا انفصلنا و كلا منا ذهب في طريقه و في حال سبيله, بعد فتره عاد لها رشدها و صحى ضميرها من سباته العميق بعد لوم والدتها و الناس و حتى اصحابها خصوصا و اني لم اجرحها يوما و لم ابخل عليها في شئ بحكم منصبي و الراتب الكبير الذي اتقاضاه فحاولت اعادت المياه الى مجاريها و دأبت على ملأحقتي عبر اتصالأتها و تتبع خطواتي و لكن كبريأئي يمنعني من ذالك, والدتي تود تزويجي من ابنت اختها التي لا احبها و اعتبرها كا اختي بحكم تربيتنا معا, فماذا عساي ان افعل يا ناااااس??? دلوني

لا ترجع ليها ولا شي الي يبيعك بيعه ولا تفكر فيه ودام رخصت فيك بترخص فيك مرة ثانية، وبالنسبة لبنت خالتك لا تتزوجها ولا شي خلي كلمتك قوية وصير صمود جان زين اعرفك جان تزوجنا هههههههه

تبي نصيحتي طاوع امك وترك عنك حب وما حب
بعدين بتحب بنت خالكتك وكلام امك اهو الصح
واياك ترجع الى طليقتك لان العشره خلاص معدومه واستغل شبابك واتزوج لاحق على الدنيا

حاول تسامح خصوصا انك تحبها .. وان ماقدرت فحاول تبحث عن انسانة تكون حياتك وياها تكون مقتنع فيها

الى زائره 139

اولا اسمحي لي ان اقدم لكي شكري و عرفاني على نصيحتك النيره التي من خلالها استشفيت ان معدنك اصيل و تحملين قلب صافي كا الزلأل و ضميرا حي و قلب ينبض با الحب و الحنان .. اما من ناحية زواجك مني اقول .. ريت القدر يجمعنا و نضفر ببعضنا و نعيش في سبات و نبات و نخلف صبيان و بنات ..

هامان

خوك لا ترحع ليها ولا تاخذ بنت خالتك خلك عزابي الی ان تتاكد انك نسيتها علشان لا تعفس حياة وحده ماليها ذنب اكبی غلطه تتزوج وحده وانت تحب ثانيه

الكبرياء والحب لايتفقان .. الا ان تتخلى عن أحدهما .. ارجع للحب وابني حياة جديدة بالتفاهم

زوجي ما جاني إلا مكون نفسه ،، استخدمت المهر لتجهيزات العرس، بما أن أحنا ما طولنا في الخطوبة
ما مداني حتى أجمع لتجهيز نفسي وسافرت شهر العسل منه وتناتيش للشقة

الوسط لسان المواطن
اولا : اشكر صحيفة الوسط على هالمواضيع الاجتماعية البنائة
ثانيا : المهر من حق العروس ولو بالشيء البسيط
ثالثا : البنت الفاهمةوالي تقدر ماتخلي الرجل يدفع شقى سنوات من الصبر وحرمان نفسه من اجل تامين هالمبلغ حق تكملت نفص دينه والستر عليها يروح على شغلات غير ضرورية وانما يفترض منها بدل اضعضع الميزانية اتقويهة لانها ستكون شريكته في مشروع زواج يجب ان يكون مثالي وليس بدء لسلسلة من الديون والعوائق
وشكرا

تجربة شخصيه ان لما تزوجت كانت علي ديون كثيرة واحتلج ان اثثب البيت اقترحت الزوجة اعطائي المهر ولم اقبل بذالك وبعد الحاح شديد قبلت على ان يكون سلف لاني ما عمري اخدت من اي انسان شي ولا ابي احد يمن علي في اي شي وبعد فتره من زواجنا بلغت الديون ذروتها وتفاقمت واتاني مبلغ بسيط من حيث لم احتسب لا يغطي ربع الديون واذا بالزوجة تطلب المهر وانا في احلك الضروف ، عطيتها المبلغ ولاكن ستضل نقطه سوداء في حيتنا الزوجية الى الابد خمسة عشر سنة اكد ليها والى الاولاد وتالي تطالعني في كم دينار ماخذهم وهي تعلم بالحال

هامان

اهني المشكله خوك الزوجه صح تعطي لاكن تعاير وتطلب ترجع فلوسها في اول مشكله تصير واذا حست دخلت عليك فلوس وان كنت مديون هي تصر تكون الفلوس ليها عجل ليش انقول لا تاخذ منها شي تطلع فيها في البدايه خذ حبيبي وبعدها تروح السكره وتجي الفكره ياتعاير يا تعاير جنس نمرود

للامانة ما سالني عن المهر ولا طالبني فيه لكن اني صرفته على تكاليف الزواج كله

اني عن نفسي استلمت المهر وصرفته كله على الذهب واستلمت الحين الطايح وبينصرف على تجهيزات حفلة العرس من فستان وصالون وحنة وكذا ولكن في المقابل بساهم وياه بمبلغ جدا بسيط مقارنةً بالمبلغ اللي هو بيدفعه حق الزواج ولو اقدر ادفع وياه اكثر جان دفعت لأنه يستاهل بعد عمري حارم روحه من واجد اشياء عشان ما يقصر عليي بشي
من رايي ان كل وحدة لازم تصرف مهرها بالطريقة اللي تحبها وما ترجع للمبلغ لزوجها الا اذا فعلا جافته محتاج ومافي غير هذا الحل مع انها مو ملزومة والأولى ان اهله يساعدونه

لا والله؟!
أهله يساعدونه
وشنو دورج في التخفيف عنه؟
لا يكون يشتغل مدير بنك أو صاحب شركة كبيرة
خوش والله

هامان

كملي احسانش لا تعطينه شي لان ماتسوی عليه بعدين المعاير

يا بنات بنعلمكم قصه قصيرة
الشاب اول ما يفكر في الزوج يكون بين عمر 20 الى 30 والاغلب يكون توه مشتغل براتب صغير لا يتعدى 400 دينار ومتطلبات الزواج تكون كبيرة ومنها عمل شقة او تعديل في البيت المبلغ يتراوح بين 5000 الى 10000 الاف دينار وثاني شي يكون تكاليف الزواج وهي لا تقل عن 5000 الاف دينار وثالث شي تأثيث الشقه وهي لا تقل عن 4000 الاف دينار المجموع يكون في اقل الاحوال 150000 الف دينا وتالي تجون حضراتكم تمنون عليه بالمهر
ما اقول الا مالت على افكاركم وثقافتكم وخلنا سكتين انجان ينشر المسج

صدقت ، الراحد ما يتزوج الا طلعت روحه من الديون والقروض والجمعيات وتالي تجي تفسفس البيزات على اشياء تافهة...

بصراحة

حالتكم حالة يالبحرينيين
حياتكم تعيسة
وكل واحد شاط روحه على خرطي
عيونه على الاجنبية لانها متحررة
ويبغي بحرينية عشان تجيب ليه اولاد ولانها من بيت اجاويد
ويبغي يتزوج ببلاش ويعيش ويعيش عياله ومرته على بساط الفقر
ولكن لو تصير عنده بيزتين
مايروح يعدل حاله..لا سيده على الشهوة والزوجة الثانية او الجمبزة مع البنات
انزين اذا انت منتف وحافي ليش ما تعدل حالك بدل ما تظلم جهالك وزوجتك
هي طلعت من بيت اهلها عشان انت بتكون اليها سند بعد الله
مو عبدة اوجارية عندك
النبي قال.. خيركم خيركم لاهله وانا خيركم الاهلي

والله مافي احسن من بنات البحارنه طيبين وتراعي الزوج لاوتسلمه المهر يوم ثاني اقول انا اشتغلت 15س مضيف جوي وزرت اكثر الدول ماشفت انوثه ونعومه زوجتي ام الساده يخليها الرب

الشيء راجع لها هي فاهي تستلم وتتصرف فيه شي مايخص أحد سواء أنها سلمته زوجها ولالعبت به ولا أي شيء أهم شي إنها استلمت أنا نفسي لا أعلم ولكن اللي عليننه سلمناه !!!!

انا عن نفسي ،، صدق عطيت زوجي مهري لتجهيز باقي اغراض البيت والباقي في چيسه خخخخ
لكن ولله الحمد ماقصر معاي ولافي شي شايل مسؤليتي ومسؤلية بيته وعياله ولامخليني احتاج لاحد
ولابد انه الشخص يمر بظروف بين فتره لفتره ووقت الظروف صعبه احتسب له ولا اتطلب منه او اقوله ابي شي بس اذا وضعه زين ماااايقصر
وعلى فكرة ترى اللي زوجها ماعنده مسؤليه وهي اللي شايله المسؤليه بداله اقول ترى الزوجه هي اللي تعود زوجها على اي طبع سواء زين او شين واي وحده تصرف من معاشها وتصرف على بيتها هي غبيه

هامان

جوفي لو شنو بعد تقولين عطيته لو يحط هو الف دينار وانتي عشره دينار بتقولين ساعدته وشاركته

اللي يستكثرون على الزوج المهر تعساً لكم والى ثقافتكم والى البيئة التي ربيتم بها
الزوج وما ادراك لزوج يقول الرسول الكريم ( لو كنت امر احد ان يسجد لغير الله لأمرت الزوجة ان تسجد لزوجها )
ويش هالجيل الماصخ والدليع اللي شايفين روحهم راحت ايام التربية السنعه من القدماء
ابي اعرف انتو اشلون ازواجكم متحمليكم ويش تقول تقول المهر اخذه زوجي وتمن عليه وحامله عليه في قلبها
ارجو النشر

اي والله شايفين روحهم
بناخذ اجنبية ما يكلف مهرها 200 دينار

هي ما منت عليه عطته برضى وطيب خاطر
بس لو تشوف الازواج ويش شايلين في نفسهم وقلبهم على زوجاتهم
وما يشوفونهم الا بابشع الصور
ومسكينة الزوجة ماتدري بالدنيا
شوف كلام الموضوع الامسي وبتعرف اي قد الازواج حاقدين على زوجاتهم الي متحملينهم وصابرين عليهم

الله يقول (واتوا النساء صدقاتهن نحلة فان طبن لكم عن شيء منه نفسا فكلوه هنيئا مريئا)
يعني من طيب خاطر
انت شلون زوجتك متحملتنك رغم سلبك لمهرها وتصرفك في حلالها وراتبها بدون اذنها
خوب هذي زوجة مو عبدة عشان تستغلها بكيفك
تعسا للثقافةالتي تجيز سلب الحقوق الشرعية للزوجة ..
الله يعين زوجتك عليك

شكلك ما تعرف للاسلام الصحيح

المهر حق للزوجة يحرم اخده منها والنفقة حق للزوجة ايضا تبي تمنع النساء حقوقهم الشرعية

الزائر 94
الرد على الردود
اول شي انا ما اخذت مهر زوجتي ( جي انا مجنون )
وبعدين ندري ان المهر حق الزوجه ما احد قال لا ولكن في هذا الزمن بسبب الظروف المعيشيه الى اغلب الناس ان لم نقل الكل ان تكاليف الزواج والشقه والتأثيث اكثر من 15000الف دينار واغلب المتزوجين الجدد يكونون في ضائقة ماديه
ما اقول الا مالت على الزمن اللي انتو فيه خدم وخب عليكم بعد

العقرب

المهر من حقها والصرف واجب على الزوج
اطالب بمهرها على العين والرأس بس لا اتعايره
وهو لو يفكر اي واحد ويدفع اليها 10 دينار شهريا راح تنقضي السنين ويرجع المهر ولا راح يحس
احسن من المشاكل اللي اتصير بسبة هالمعاير

اوك احنا نعطيهم المهر بس نبغي تقدير لان اغلب لرجال يتساهل المراه وحق الزوجة الثانية يطلع المهر وكل شي

شهالحالة

الزوجة اذا تبي تعطي من طيب خاطرها..
بس الزوج يحط عيونه عليه
. قمة الوقاحة.. هوو اللي يمن عليها بالمهر. . هذا حقها الشرعي.
إذا ترضاها على خواتك. .بعدين ارضاها على بنات الناس..
وإلا الزوجات لعبة في ايدكم
من واجبك تصرف عليها..

انا برأيي إذا بهالشكل موضوع المهر ليش موقفين الناس عن الزواج بالفلوس!! إذا هي تصرفه على تجهيز البيت ويا الرجال ليش من جيب الرجال ليش موهي تجهز حاجاتها من جيبها!!! اللي هي تحتاجهم والرجال يصبغ ويسلك كهربا ويبني ويجيب ستاير ويصير شي متعاون وليش إذا هي بتعدل وياك الشقة من جيبك المبلغ وبعدين بتصرفه للزواج من جيبها المفروض وإذا موقابلين اللي بيجهز شقته مايحتاج مهر وش معنى إذا هي تصرفه في تجهيز شقة وماشقة يعني وهو جهز الشقة !!! التوقيع شاب لم يتزوج بعد عماقريب بيصك ال 25 سنة وشكرا

انت ملزم

انت ملزم بالنفقه يا عبقري زمانك

فهمنا للمهر غلط تماما فزاد لدرجه كبيره لتزيد العبأ على الزوج الجديد، فأكيد بترجعه له او شيء ب هالمقابل بعد هو ضارب قرض واحد بس مو عشره، وكله علشان يتزوج،
اين وصايا الرسول ص عن هذا الامر، ولا ناخذ الي نبيه من الدين وننسى الباقي..!

يا رجال الموضوع ليكم بعد هههههههههه
اكتبوا وعبروا عن مهر زوجاتكم لا تستحون

سلمني باليمين وخذاه بالشمال

بعد سنوات من التضحيات لو بسردها بألف موسوعه ..شفت الويل على ايده… مافي صفه ذميمه في الدنيا ماشفتها فيه… اضطريت للطلاق الخلعي ودفعت اضعاف مضاعفه… يعني يابنات يابتدفعين المهر في تأثيث شقه او لأنه محتاج او متسلف حضرته… يا بجرجرش في المحاكم وبتدفعينه اضعاف… تبآ ل هيك رجال

زائر 46 صادقه خيو

اني اخذته مافي جيبه 5 دينار ووقفت وياه وساعدته وشلت مسؤليات تهد جبال لين صارت البيزات علي چبده وتالي اكتشف عنده اجنبيه مفل وجهه يسافر ليها ويقضي وطره وياها… وماطلقني الا بعد مادفعت المهر… اضعاف..… وكل التجارب اللي حوالي اشوفه فاشله… ثلاثة ارباعهم مايخافون الله في الزوجه…

كلام الرجال امس يحز بالخاطر

التعليقات اليوم بينت ان اكثرية البنات يرجعون المهر و يساعدون ازواجهم برواتبهم او ذهبهم وغير انها تخدمك أنت و عيالك بعيونها
و لما يجي موضوع يرفعون الاجنبية فووووق و كأنها ملاك نازل من السما و يذمون بنت بلدهم غريب حالكم يا الرجال

اصروا الاهل اخذ مهر مبلغ 2000
وكله رجعته عشان يبني شقة في بيت ابوه بدال نسكن في غرفة وحمام

أني عطيته إياه وما رضى وتالي يوم بنتزوج أصريت عليه واشترينا غرفة نومنا وأشياء أخرى وهو من ناحية الكرم كريم والله الشاهد في الخطوبة سألته ميزانيتك لأي حد عشان ما أتجاوزها قال أي شي في خاطرش سويه ولا تسألين عن الميزانية وبعدين اكتشفت ان تسلف من عند صديقه بدون ما يقول ليي بس عشان ما يصير في خاطري شي مع اني سالته الله يعطيه على قد نيته ويهديه ويهدينا واياه.

المهر حق الزوجة الصريح

يجب ان لا يحرج الزوج زوجته و يطالعها في المهر و لها مطلق الحرية و الاختيار بالتصرف بمهرها .. هو مرة في العمر .. لكن لن و لم أنسى وقفة زوجتي معي عندما كنت سابقاً في أزمة مالية و بادرت من تلقاء نفسها بتغطية ذلك العجز و نظير ذاك الاحسان تعهدت بإرجاع المبلغ و الاضافة عليه فقد أشترتني بتلك الوقفة

ليومكم هذا زوجي على باله خاشة مهري
ومن زمان انصرف وما تم منه ولا فلس للتجهيز ما قبل الزواج والمصاريف

ياخده ......ابوها خد الله روحه ،، كأنه الا يبيها من الله يفتك من بته وياخد البيزات

عيب عليك هالكلام وحتى لو اخده تدعي بهالدعوة ليش ؟؟ اثاريك شخص مادي تبي تكوج على مهر زوجتك من جدي حاز في نفسك ولو في ايدي ويسمح العرف جان ضاعفت المهر خمسة الاف نص للابو والام وتص للبنت..مربيها ومدرسينها فوق 20 سنة ومعلمينها سياقة وتستكثر عليه ان اخد المهر وان كان خطا تصرفه وعقب تشتغل وتصرف على البيت وشابعة غريزته الجنسية طول العمر وطباخ وغسال وتربية اولاد وخدمة بيت كل هدا على بعضه ب6000دينار المهر بالمصاريف ..هدا تكلفة خادمة 4سنوات..وصاحبنا يدعو باخد روح ابو زوجته..الله يعطيك رجال بنات تدعي عليك

اكبر غلط

المره الي تعطي زوجها المهر اني عن نفسي قلت لزوجي مابعطيك المهر هذا حقي ازعل مني وعقب ٧ سنوات عرس عليي وني للحين مو ندمانه حتى لو عرس هذا حقه الشرعي كيفه

زوجش مو عايل عليش لما تزوج عليش ثانيه
الكل يعرف ان في هذا الزمن الرجال لما يعرس تطلع روحه من المصاريف وانتي خاشه المهر عنه من بداية عرسكم
على الاقل قول له سلف

المهر حق من حقوق الزوجه

ما انسى.. في زواجي الأول. . طليقي حاط عيونه على مهري قبل حتى لا نعقد.. وكنت صغيرة .. وما أعرف. .
يقول ليي المرة العدلة هيي اللي ترجع المهر لزوجها. . وسلمته اياه. . وفي الأخير بعد 3 شهور تطلقت. .الحمدالله
والله رزقني بزوج حمدالله رب العالمين..عوضني .. ولا في حياته جاب طاري المهر..يقول هذه حقش..
المهر حق من حقوق. الزوجة..هي بتعطيك حياتها مستكثر عليها المهر

تفتح حساب في البنك وتودع مهرها فيه احسن

أنا رجعت له المهر

و شرينا فيه غرفه النوم و الجزء الثاني عطيته حق عشاء الرجال للزواج و ما شريت ذهب في زواجي و حتى بعد الزواج بعت طقم ذهب خطوبتي و بعض من ذهبي قبل لا اتزوج و كان ذهب ثقيل و غالي ما انكر احيانا احس بالأسف اني فرطت بذهبي صراحة
بس الحمد لله مو متأسفة لاني احبه و هو اذا عنده ما يبخل عليي و الله يخليه و يحفظه و يرزقه من حيث لا يحتسب

المصاريف اللي تبيها المرة إسراف وهو يأخذ من مهرها عشان يعشي للرجال مثل ما تطالبونها تضحي تنازلوا عن عزايمكم وعشياتكم

يارمن

انا عمي اي بنت من بناته تتزوج ياخذ مهرها في مخباه ايقول هذا بدل تربيته لبنته عجل هو يتعب ونا اخذهابارزه

شعب البحرين ليش جذي مشحون شحن وش هالزواجات الي كلها مشاكل وكلها حقد على بعض
مهر الزوجة حق وإن كان خاتم فضه مايحق للرجل المطالبه فيه
ولكن أذا الزوجه بروحها ساعدته تسكت ولا تعاير مو من حقها تساعدينة مو متسلف وماخذ قرض من عندج عشان يسدد قرض من جهه ثانيه
عشان هالحالات ماتصير عللا الرجال يدورون على قد حالهم
وعلى النساء "خذوهم فقراء يغنيهم الله" خلكم قنوعين وأرجو تخفيف من مصاريف الحفلات بدل حفلتين سوي وحده عن لا يتسلف تالي يقول لج ماعندي.
المقبلين على الزواج لازم لازم يكون لهم كورسات توعويه

أم محمد

مو حلو الزوج يطلب مهر زوجته وحتى لو من طيب خاطرها ؛ على الاقل يضمن ماتعايره في المستقبل ونصيحة لكل فتاة لا تقبلين لنفسش تعطين زوجش المهر لان غالبية الرجال الا مانذر مايحترمون ولايقدرون الزوحة اللي تعطيهم وتساعدهم وهذا اللي نشوفه ونسمعه كل يوم من قصص الازواح

العقرب

الناس ميالة الى ذكر القصص الغريبة، و الا في بنات اجوديات وفي رجال و النعم فيهم
لكن في كل ديرة مقبرة

قبال العمر.. ماليه قيمه هالمهر..
اذا الزوجين بيظلون وي بعض "عمر" طويل، وراح ينفقون من هالـ عمر والحياة أياما وليالي..
فهل للمهر قيمة؟
اذا كان الزوج طامع في "مهر" الزوجة.. فهذا ما يستحق أنها تصرف "عمرها" وياه، الفلوس تروح وتجي، إلا العمر. من يروح ما يجي
فإذا كان الزوج "رجل" بمعنى الكلمة فهو يستحق التضحية بالمهر والعمر، لأنه سيرده أضعافاً مضاعفة.. أما اذا كان "مو رجال" فهذا لا مهر ولا عمر يستحقه.. وتركه افضل من المواصلة في الحياة وياه.

مساكين يا النسوان العديد منهم ساعدو الزوج لكن اين التقدير في النهاية

مهري نسخة من المصحف الشريف

العقرب

و النعم

المهر من حق المرأة الشرعي ولا يجوز لأي شخص ياخده منها

كان على قد حاله ما سويت حفلة مجرد عقد في البيت وثاني يوم رجعت له المهر وتوفقت وتوظفت وقمت اصرف على البيت وبعد ما تمكن ماديا تزوج اجنبية

عطاني اياه من صوب واستلمه من صوب

قبل ما يخطبني ضرب ع صدره ان بيعطيني مهر 2000 وقت العقد صار 1500 وللزواج اضطريت اعطيه حق تجهيز الشقة ودفعت وياه لغرفة النوم والغسالة والثلاجة المهم انه اخذ البيزات وسلف فيهم اخوه يا حسرتي واني حرمت روحي عشانه والقهر انه الحين يمن بهالمهر مالت

انا لله وانا اليه راجعون

المهر من حق الزوجة ولها حق التصرف فيه
بس عاد اذا عطته لا اتعايره
و اذا طلبه سلف خل يرجعه
والاحسن من الاثنين لا تتقدم لبنت الاوائم الا اذا انته مستطيع وشايل حسبة بتآخذ المهر من عندها لانه هذي مو تصرفات رجال وعلى اهل العروس التكثيف في السؤال
لانه الطلاق زايد في الديرة بسبة هالسوالف وغيرها

أفا يعني يصير تاخذ المهر مرة ثانية هههههه
أنا أنسان ماأمن بأخذ المال من عند الزوجة إلى في حاله تطوعها في البيت بنفسها وبكامل إرادتها
زوجتي صرفت المهر وشرت ذهب لليوم الأسود

اسمحوا لي اللي تساعد غبية وبل ساذجة
انا استلمت المهر فقط الف دينار ويوم ثاني سلمتها له يدفع ديونة... وباقي المؤخر 700 دينار
مر على زاجنا 20 سنة لا شفت مهر ولا مؤخر
بالعكس انا اللي اصرف كل شي
بدل السيارة سيارتين شريت له وياااااما اخذت له قروض لحل ازمات مالية
واخرتها اعرف من اسبوع انه في دبي خايني مع عاهرة
اللي تساعد تستاهل كل اللي يجيها
مافي رجال عدل

؟؟؟؟؟

ولا ابوش

كان الله بعونك

هو ما يستاهل و انتين جزاش و اجرش على الله لان قدمتين كله هذا من دافع الحب و هو لا احساس و لا ضمير ،، الله سويتينه مو غلط بس مع الشخص الغلط اللي ما يستاهل

هههههههههههههههههههههههههههههههههههه

مايصير

ليش التعميم يا اخت العرب
انا دفعت لزوجتي ٢٠٠٠ دينار مهر ماخذت منهم فلس واحد وللعلم زوجتي موظفه حكومية واعطيها مصروفها الشخصي والحجي حن سنتين

بالأمس كتبت واليوم أيضا البعض ماشاف مهر بالمرة!

نسيبتي ليلة العقد فأجئ الجميع والشيخ ينتظر قال لهم : غدا بجيبه وطاف الموضوع بالحيلة وماشافت المهر ، من ليلته طاغوت وللحين هو مو عدل في حياته وياها ، مسالمة البنت ، ندموا أهلها ماسألوا عنه ، عجبهم لسانه اللي يخفي المكر والدهاء .

اولا تعميمش خطأ إن ما في رجال عدل
وثانيا المشكلة واضحة من زوجش
وباين عليش من النوع اللي يمن ," لا تمن على اي احد بالهدية"
{ان احسنتم احسنتم لانفسكم}

ما يصير حالة من ألف حالة تحكمين على كل الرجال وتقولين مافيهم واحد عدل،وتقولين اللي تساعد غبية يعني لا الله ولا انبيائه ذموا ها الشي انتين على واحد ما يسوى من ستين الف رجال تجين تقولين الا تساعد غبية او تحكمين على الرجال كلهم مثل بعض ومافيهم واحد عدل علشان واحد خايننش!.... ارتقوا

اكو امس قلتون كل البحرينيات مو عدلات ولا هم زينات ومافيهم خير
وعممتون على الكل والجميع بعض التصرفات
واليوم ما تبون تعممون على لرجال

ههههه

اذا انتي .....ليش اقولين ما في رجال عدل كل شي في الزين والشين فيه رجال مو عدل وفي نسوان مو عدل بس تعممين كل الرجال مو عدل يعني ولدش وابوش واخوش بعد مو عدل واذا ولدش مو عدل الخلل فيش

اي انتي من النوع اللي يمن
ترى مو كل شي بالفلوس عطيته مهري وسويت له ومشريت سياره ، واذا اخلاق زفت وطحنه ونجره وس تبين الرجال يسوي
اذا كل شي بالمن مو بس يخونش بل يخون كلشي

انا ماستلمت مهر بالمره.. ولادينار.. بس الحمدلله زوجي بعدين عوضني عن المهر اضعاف .. ومثل الشي طقم ذهب ماخذيت بس بعد الزواج عطاني اكثر من ست اطقم ذهب خلال اربع سنوات زواج.. كل واحد يعطي .. الله يعطيه على قد نيته بعدين.. بداية الحياة الزوجية لازم تعاون وكل شخص يوقف مع الثاني..

تكملة

الرجال لا يستعجل في طلب مهر زوجته،اصبر مثل ماهي بتصبر وياك لين تدبر امورك
طبعا اني تجربتي مثل اي بحرانية ،كسر خاطري و عطيته نصه لغرفة النوم،و اتنازلت عن الطايح لانه ماعنده يعطيني و الباقي كملت فيه تجهيزات الزواج المتواضع و الحمد لله

ههههه

كل وحده تقول خليه لليوم الاسود ترى يا حجيات مافي يوم اسود على الرجال ازيد من اليوم الي يعرس فيه

فيه بعض الناس ياخذ البنت، وكنه ماخذ له "ملك يمين"، ويطبق عليها مقولة: " العبد وما يملك لصاحبه".
وعلى هذا الأساس، ياخذ المهر سلف، ولا ينوي يرجعه أصلاً. ويخطط ان يتحكم في راتبها، بالكلمة الحسنة، واذا ما نفع، يستخدم العنف والتهديد.
وبعد ما يتمكن من أخذ بطاقتها البنكية، يتكرم عليها بمصروف شهري.
وكل يوم تجيها رسالة من البنك، تخبرها ان تم سحب مبلغ وقدره، وغالباً على مصروفه الخاص، في القهاوي والتفسلق.

المهر من حق الزوجة

العاقلة تعرفه قدرها و قيمتها من البداية،ما اقصد تطلب مهر واجد،بس مهرها يكون تحت تصرفها
و اذا عطته اتكون متأكدة انه يستحق العطاء و ما بيظلمها،لكن المشكلة انه بداية الارتباط اتكون المشاعر طاغية و ما تتوقع المستقبل و تعطيه بكل حب،فتنصدم بعدين بأخلاقه واستغفاله لها.لكن الزوج الخلوق الطيب اللي يخاف ربه ما بتندم انها ساعدته لانه برجعه ليها و بحسسها بقيمتها و قدرها عنده و ما بيبخل عليها في اي شي.

المهر حق من حقوق الزوجة، و لها الحق الكامل بالتصرف فيه كما تشاء، و ليس لأحد الحق في ان يتصرف به دون رضاها، السائد في العرف اعتقد ان المهر يكون لتغطية تكاليف حفلة الزواج (بعد الملجه)، و البعض يرجعونه و البعض يأثثون وو .. طبعاً على حسب الوضع المادي للزوج الجديد و على حسب الزوجة، بالنهاية حتى لو كان العرف يسطر بعض الامور إلا ان المبدأ ان المهر من حق الزوجة و حق تصرفها برضاها و لا يجوز المساس به دون رضاها.
اتمنى الاستطاعه على اعطاء زوجتي المستقبلية مهرها دون استخدام فلس واحد منه.

ليش تعطي الزوج المهر هاي حقها الشرعي لازم الرجال يظل امفلس علشان ما يتزوج هههههه

رد على زائر 39
قديمة: حتى لو الرجال مفلس يقدر ياخذ الثانية.
الزوجة الثانية مهرها 500 دينار، وبدون حفلات.
وأجار الشقة والمصروف عليها.

بصراحة المهر تعطينه الزوج او تدخرينه او تصرفينه اهو كله مبلغ بسيط لا تثمن الزوجه به أساسا .

!!

حسب الحالة لا يوجد شيء ثابت وبعض البنات لا تطلب مهر أصلاً بس يكتبونه في العقد عشان يمشون الاجراءات واهم شيء عندهم الحفلة والتجهيز للملجة وخلافه

اله معاشه 300 دينار ويش يقدر يدفع مهر اصلا؟ يأخذ اقروض ويدفعه! حتى اذا مو متزوج ما يعطونك مال غلاء ولا شي! أصلا اشلون تقدر اتجمع للمهر الف او الفين لما معاشك 300 دينار؟ صراحه ما ادري ومتعجب انا! ما داشه ابعقلي الناس اشلون عايشه!من حقها البنية تطلب مهر!اصلا قليل في حقها الف او الفين صراحه! لكن انا متعجب من هالمبلغ يعني انه اله معاشه 300 دينار اشلون يقدر يجمع مهر؟ انا بالغصب اقدر اجمع الى موبايل اشتريه!اشلون بعد اقدر اجمع الى مهر! ما يبقى شي من الراتب!

ناس تشترك في جمعية عشان تقدر غصبا عنها توفر
خصوصا اذا شخص عزوبي وعايش في بيت ابوه
ما بيكون عليه مصاريف غير اشياء بسيطة مثل عشا بترول لبس
اذا خش كل شهر مئة دينار ولا 150 بيقدر يجمع له مبلغ المهر تقريبا خلال سنتين
او اقل

غلطة عمري رجعت المهر عليه لا وبعد ساعدته في الاثاث ولا اخش عنه فلس دائما يقول امفلس والجزاء الان الضرب بعد مرور 15 سنه زواج حسبي الله ونعم الوكيل

مامنهم امان

انا يختي عطيته من مهري عشان الغرفه وبعد الزواج وكم سنه عشره معاه بيعنا ذهبي كامل وحتى التامين مالي سحباه ولما كنت اشتغل يطالعني حتى بالربيه وماكنت أخد شي من معاشي ليي وف الاخير شنهو حصلت منه غير الخيانه وعلاقاته الكثيره وكان يضغط علينا ويقصر اتاريه يجمع فلوسه لبنات الشوارع،، حسبي الله ونعم الوكيل

شي خاص

شي خاص بينهم محد لا دخل اهما احرار خطيب وخطيبته محد لا شغل بينهم الله يوفقهم ما اقتقد بنات هذا الزمان ينضحك عليهم

عطاني اضعاف نصف مهري الذي اجله لبعد الزواج

المهم في الحياة الزوجية ان كل طرف يبذل للآخر برضا نفسه ويقدم حبه لشريكه قبل كل شي، وذلك يعزز التفاهم بين الزوجين ويجعل كل واحد بنفس الآخر بصيره. لاتبذل او تعطي وتمن بما اعطيت واذا لم تكن مقتنعا بما تفعله فلم تفعله اساسا؟؟ المهر مجرد رقم المهم هو العلاقة الزوجية والسكن النفسي

عطاني اضعاف نصف مهري الذي اجله لبعد الزواج

الحمد لله تزوجت وكان زوجي لم يكمل نصف سنة في عمله ، واعطاني نصف مهري ووعدني بباقي المهر بعد زواجنا ، ولله الحمد والمنه حتى هذا اليوم بعد 14 سنة زواج اعطاني نصف مهري الباقي بعد سنة و اضعاف نصف المهر مضاعفه بعدها وعمره ما بخل علي بهدايا ولا مصروف وراتبي في البنك ماقط مره سألني كم عندي ؟ بل يعطيني كل ما احتاجه من راتبه...
اللهم صلّ على محمد وآل محمد

!!

محظوظة حدش مع زوج ميسور وكريم

والله مايستاهلون

انا حالي حال البقيه .. عقب شهر من الزواج قال لي جيبي المهر طبعا عشان نكمل تاثيث الشقه وبعطيج اياه بعدين والحين كل ما طالبته بالمهر لما يطلع له بونس على قولتهم مال الشغل يقول لي ماقلت لج برجعه انا ومحد قال لج اعطيني .. انا لو مخليته عند ابوي اشرف لي
نصيحه البنت من تاخذ مهرها تروح تشتري لها ذهب في نفس اليوم لا تقولون لي اغراض عرس ولا تكملات عرس واذ بغيتو هالاشياء طلبو بيزات لا تستخدمون مهركم
والا بينصح ساعدو وساعدو ازواجكم ترى مردهم بلشطون بيزاتكم
وشكراا

ههههههههههههههههههه

اني استخدمت مهري في تكملة التجهيزات لان نقصني وقلت ما بثقل عليه واستحيت اطلب منه

الحمدلله اني بعد ماتزوجنا وكان الحال ضييق ومعاشه على قده واجار ساكنين بالعكس تساعدت وياه واثثنا شقتنا مع بعض وسعادتنا ماتكمل بالفلوس صدق على قده وفقيرو لكن الحب اهم مافي الحياه واهم شي انه يقدر موقفي ويشكرني على وقفتي معاه والحين عندنا ولاد ونعلمهم يتعاونون مثلنا
الحمدلله رب العالمين

نعيمي
تعالي فهمي الباقي هههه

رجعته

عطاني المهر ورجعته عليه..لاني ادري انه فعلا ماعنده ..ولما ربي وسعها عليه رد رجعه وما قص منه اربعانات..الحمدلله

ولدي تزوج بنت خالته على اساس المهر ٥ الاف دينار من غير مآخر، لليله الملجه لين الشيخ سال كم المهر ابوها قال ٥ مقدم و٥ مآخر ، تو رط ولدي وقبل، المشكله انه مفلس والمهر من عندي وكل المصاريف علي انا، المهم البنت صرفت كل المهر وشرت فيه ذهب.

الجمبزة

أنا عن نفسي لا أنكر أن زوجتي أعطتني المهر حتى أتغلب على الأزمة الأقتصادية التي مررت بها ولكن! أعطتني المهر من جانب وأخذته من جانب آخر بمعنى بعد كم شهر فقط كانت تتطلب كثيرا وأخذنا غرفة نوم (أسبشل) وغالية، وتريد رخصة سياقة وتريد سيارة وأخذت لها كل شيء والى هذه اللحظة تعايرني وتقول ليي وين المهر ، كلا تقول أني ساعدتك وأني وأني وأني ! نصيحتي لا أحد ياخذ المهر من زوجته لأن تقعد تعايره حتى يموت وأصلا عطتني المهر وطار عليها وعلى أغراضها أغلبه.

مهري

عطيته زوجي وكان المفروض ماعطيه عشان يتحمل مسؤليه من البدايه بمعنى انه لا يتعود .
مهري شرى فيه غرفة نوم ودفع ايجار كم شهر .
رغم ان اخوي عارضني لانه ولي امري بعد وفاة ابوي الله يرحمه لكني عاندت واصريت اساعده
ومو بس جذي ورثتي من ابوي وامي واللي ماتتعدى 500 دينار خذاها مني من غير أذن .
وانا متحسفه من الفعل اللي سويته عند كل شهر يمنع عني مصروفي واحتاج لمبلغ بسيط في نهايه الاسبوع ويتعذر .
الله كريم ...

هذي متطلبات كل امرأه مو بس زوجتك و مصاريفك عليها شي و مهرها شي ثاني
والمهر الزامي ومن حقها انها تطالبك فيه واعذرني اخي الكريم هو مو مقصدها تعايرك بس هي لها قيمه ومن حقك تدفعها وغرفة النوم والسياره هذي من الضروريات سواء طلبت منك او لا انت راح توفرهم لها
واعذرني على المداخله

شنو رجال ما تستحي تطلب المهر من زوجتك !! محتاجنه بعدين برجعه وش قال قال محتاجنه سلف
ما عندهم ذوق وقليلين حيا .. يقولك انا بدفع المهر الحين وبعدين باخذه من عندها .. المفروض البنت تكون قوية ما تصير هبلة يقص عليها بجم كلمة وتخر عساها الخر خخخ
يا قوي عليك من اقوى
والله في رجال ما يستحون الحمدلله انا مو من هالنوع

المشكلة ما يبين بعينهم

اني لا مهر ولا ذهب ولا شي وحتى اغراض الشقة مو من عنده وفوق هذا بعت ذهبي علشان انعيش ناكل
والمصيبة يقول متى بعتين ذهب أو مو علشانا

هااااا والمصيبة اني اروح معاه اذا ببيع

الزوجة البحرانية ذهب

اغلب الزوجات الي اعرفهم مو بس المهر يردونه الى الخطيب عشان يكمل تجهيزات الشقة الا حتى ذهبهم يبعونه ويعطونه فلوسه واذا موظفة نأخذ قرض وتساند زوجها عشان يسوي اليه مشروع
رغم ان الكثير من الزوجات كان جزء تضحياتهم ان طعنها الزوج وتزوج عليها ومع هذا العطاء مستمر

اي

ومافي تقدير الله يرحم بحالنا

هامان

في وين نسوان جذي ابغي وحده تساعدني افتح لي مشروع

حضك وما ارتفع يالاناني

كان مهرها 300 دينار ..

بعد العاصفه التي حلت علينا انا و هي جراء ما يسمى سلطان الحب و اكتشاف امرنا وجب علينا الزواج إن كان عن طيب خاطر او بقوه القانون , و لحداثة سني و سنها حيث كنت لا اتعدى 18 سنه و هي 17 سنه ارتضينا الزواج , فتزوجنا و كان مهرها 300 دينار ..

يادافع البلاء

شكلهم مهببين مصيبة عودة من جذيه عرسوكم الله يستر عليكم

الفارس

لو كان الفقر رجلا لقتلته
المهر من حق المره ولا يحق لزوج اتصرف فيه

ويش هذا التعصب !

بلا تعصب ولا احد يقط خيط وخيط .. فكروا قبل لا تتكلمون ..
وحدة متعصبة من امس وتقول على موضوع الزوجات الاجنبيات
مهر الزوجة في النهاية ملك اليها وهيه ليها الحق في التصرف فيه بكامل ارادتها .. الغلطة في الزوج اللي يطلبه مو في الزوجة اللي تعطي واذا عطته بدون طلبه هذا شي ايجابي بعدف مساعدته

خل المهر ليها

خل المهر ليها وخلها تتنازل عن مهازل ومنكرات حفلات الاعراس وغيرها تكفيها وتكفي زواجها اجار ما يقارب سنتين أو يمديهم بناء شقة بقيمة هذه المهازل

والله البنات أنواع

انا لاخديت منه المهر او اي شي ثاني... بس كليوم تعايرني لوزين خديت منك مهر غالي... تضن انه قيمته بالمهر معنه ماخذه مهر حاله من حال اي بنية

والله وهي صاجة

عاد الحين معظم ردود الشباب ما اخذناا المهر ودفعنا و و .. بس بصراحة الحين شبابنا الله يحفظهم ويهديهم غالبيتهم منطقهم وتفكيرهم غلط يبيله تغسيل .. اسمته دفع هالالف مهر.ياتصرفه هالفقيرة على امور الزواج لان اللي عطاها اياه مايكفي او لبعد الزواج بحجة الديون .. اقول لج نصيحة لو شنو يصير لاتصرفينه وخليه لوقت عوزتج انتي موب اهو.. خليه رجال يقدر يدبر اموره ويصير قد المسئولية.واياكم بالمبالغة بمصاريف حفلات الزواج ترى ماوراها الا الذم من المعازيم وعوار الراس.حفلة بسيطة وانتهى الموضوع

المهر من حق الزوجه

و الغبيه اللي تصرفه على الزوج علشان تساعده لان الرجال ما فيهم خير ، شفتوا موضوع أمس حاطين اسوأ الصفات في الزوجات البحرينيات المضحيات و مرفعين الاجنبيات فوق !! لا ترحمونهم لانهم ما يستحقون ! عومه ماكوله و مذمومه

هههههه

تعالي حجيه لا تعممين انا طبعا ضد ان الزوجه تعطي زوجها مهرها او اي فلوس هي تملكها راتبها ورثها او اي شي بس عاد مو كل الرجال مافيهم خير مايصير التعميم مثلا ابوش مافيه خير

اني ماخذيت مهر

صراحه
ما يستاهل
وراتبي كله على البيت والجهال مو مبين
باجر بيبتسم
ليش
.........من الصبح
لأن باجر الراتب هذا اليوم الوحيد لي ماتصير فيه نفسه خايسه
ندمانه ما سمعت كلام امي
ويقولي نسوان واجد يبغون رجال وبدون مهر
غبيه غبيه غبيه غبيه
لا وكله اقول بخفف عليه
حتى ثيابه الداخليه من عندي لو ساد بوزه ماعلي يقعد نص الليل عشان يتهاوش
أحد يتهاوش الفجر

صراحة موضوع اليوم يضحك ياوسط ههههههههههههههههههههههه
برنامج حلطمة الأوادم من الصبح وكله من قلب هههههههههههههههههههه

زائر 16

اتشتط وايد ترى يمكن القصد الغالبية.. بس حبيت اقول لكل مقبلة على الزواج ... لاتتنازلين عن مهرج وخليه لوقت عازتج واهوه يدبر عمره بروحه ملزوم يصرف عليج ومايقصر .. ترى معظم اللي ما خذت مهر واللي صرفته عليه مابين بعين الحبيب ..

اي والله

الا المهر لا تعطينه اياه خذي فيه ذهب واستفيدي منه وخله يولي رجال يعرف يدبر أمره للاسف صرفته في اشياء تافه وخذ نصه وما تهنيت مثل البنات في عرسي الله كريم ويعوضني

شباب هالزمن

يدفعون المهر للبنت وعيونهم عليه
وما يرتاحون نفسيا الا اذا رجعته لهم

المهر عبارة عن هدية شرعية واجبة للزوجه

فمن حق الزوجه التصرف في مهرها كيف وما شائت ... لكن في بعض القصص اللي سمعتها ان بعض الشباب اذا تقدموا لبنت يخبرها عقب العقد انه بحاجة للمهر حاجه ماسه وفطالبها ان تسترجعه لحين تدبيره لها بالمستقبل .... بالله عليكم شنو هالناس وشنو طينتهم ،، صدق اذا قالوا الحياء لا ينباع ولا ينشرى

لو لا مهرها

لو لا مهرها ما اكتملت الشقة
والسلف الا علي
سنة ونص من خطبت ولا احد من البيت أفتكر فيني غير الوالد والوالدة
الله يحفظهم
الحمد لله أحين داخل جمعية حق التأثيث ولا منة احد

الله يرزقك ويوفقك يارب

عام

انا اخدته او مارجعته. عرفت زوجتي السعاده مو بي الفلوس اهمشي التفاهم بينه صرفت على امور الزواج المهر الغالي عاده سيئه جدا جدا تعطل الزواج

ههههه

هههه اي والله السعادة مو بالفلوس عيل بشنو اذا مو بالفلوس هههههههههههه الفلوس تحل امور كثيرة وترفع من المعنويات لا حد عاد الحين يتفلسف لي ويشرق ويغرب على كيفه انتو في البحرين وعارفين البير وغطاه وبسكم مبادئ وتفلسف رجاءاً وخلكم واقعيين

صادق

بالنسبة لي

مهري كان 20 دينار و الحفلة كانت بسيطة جدا و عائلية و لما اشتغلت ساعدته في كل شيء و فرت ليه كل شيء لاني أحبه في النهاية طلقني و تزوج وحدة ثانية سوى معاها علاقة بالتلفون ..

الله يعينج اختي و الله يوفقج في امور احسن ان شاءالله

يابت الحلال

كل واحد وشيمته...

..

المهر حق خاص للزوجة في التصرف فيه...لكن بعض الأزواج يعطي وخاطره فيه ويلحن للضيق والحاجة يبغي يتسلف،يعني ياخده وما في امل يرجعه تحايل.
وبعض الأزواج أمين وصادق مع نفسه و زوجته.

بالضبط

والمسكينه اشوي وتقول له بس خلاص لو تبي ابيع كل اغراضي عشانك ما هي مشكله هههههه

هامان

المفروض
ان يكون المهر للزوجه
ولا تعطيه لزوحها مهما كان
لعدة اسباب واهمها
الا تعايره مسقبلا
وتصير المشاكل
في رأيي من تستلم المهر تصرفه علی نفسها بشراء الذهب وماتحتاج اليه من بعد الزواج عن القيل والقال

زائر 4

اني جدي
بس ماخذت مهر
اللحن ماله
ماعندي بيزات لترميم الشقه والقرض بلوه
ولأني هبله ومن ورا أهلي
تجميعتي كلها عطيتها اياه وحتى سفرتنا مني وجان زين بين غضبت امي ولا سويت لها شي وكنت اقول وبقناعه ما يحتاج مو مهم أهم شي سعادتي
لا حصلت هذا ولا هذا
واخرتها قام يتطنز على الماتم لي سويت فيه جلوتي بفلوسي ويتفلسف ليلة جلوتي هاوشني بالسياره على أن الماتم في زرانيق
جان دفعت فلوس لصاله

ابو البنات

انا زوجتي رجعت لي المبلغ كله يوم ثاني ، و الصراحه لانه طلباتهم كانت واجد واجد مبالغ فيها عشان جذي رجعت ع الأقل المهر. بس انا ما قصرت معاها في الحفلة ، الذهب او اي شي تطلبه مني لانه هي مره وحده ف عمرها و ما حبيت ما اخليها مستأنسة .
لأكن انا ضد المبالغه ف المهر و حتى مصاريف الزواج

إنما الأعمال بالنيات

انا سلمته مني و رجعته لي بعد كم يوم لأننا كنا على الحديدة و ربي بارك لنا فيه و رزقنا اضعاف اضعافه و هذا بفضل الله سبحانه و صفاء النيات