اكثر البحرينين صار عندهم وعي بمارسة رياضة المشي والجري وافضل وقت
يكون الساعة 5 عصرا ونتمنى من جميع المدخنين ترك عادة التدخين السيئة و المضرة باصحة المواطن فرمضان فرصة للقلاع عن التدخين وشكرا لجميع البحرينين ممارسي رياضة المشي او الجري ..
ورمضان كريم ...!

افضل وقت لممارسة رياضة المشي او الجري هو قبل الافطار الساعة الخامسة عصرا لغاية السادسة والربع ويفضل يوميا بدون انقطع بسبب كثرة الامراض المنتشرة والاكل الغير صحي على مائدة الافطار ..

افضل وقت لممارسة الرياضة الجري الساعة 5 واربع عصرا لغاية 6 مساء ويفضل كل يوم بدون انقطع واذا حاس بتعب امشي فقط بس اذا عندك ليقه اركض لويكون ممارسة الرياضة في مكان مفتوح مثل البرية افضل من مكان مغلق ... مثل الصاله .. وصيام مقبول للجميع
ملاحظة : هناك وعي كبير من المواطنين بمارسة الرياضة اليومية وخاصة بعد زيادة الامراض النفسية والبدنية في الخليج والعالم ..

لاتعبنا ولاشي...ادا كنت من لاعبي كمال الاجسام وتشيل حديد عقب الفطور بساعه لساعتين وادا كنت تبي تنقص وزنك فرصتك رمضان قبل الفطور بساعه ..وشكرا

من عنده لياقة بدنية فهو صامد في الميدان و يستمر ل الاذان اما المبتديء فهو ينهار و ينبطح على ارض الملعب بعض النساء تركض بالعباءة و الحذاء الرياضي او تمشي ل جيان و انا اشوفه غير مناسب لو كان في الشتاء معقولة ارحموا انفسكم ( ام محمود )

يجب استشارة الطبيب قبل ممارسة الرياضة سواء كان في رمضان او الاشهر العادية لان في ناس خطر عليهم الاجهاد و التعب تصيبهم سكتة قلبية و الجو في البحرين في الصيف لا يساعد الا اذا كان في صالات مكيفة انا اشوفه مثل الانتحار .. العرق يتصبب و هو صائم زين ما يغمى عليهم ( ام محمود )

كل واحد مسوي روحه خبير
الصحيح يعتمد على نوع الرياضة
وطبعا على ظروف الشخص وحالته الصحية

ممارسة الرياضة يتطلب معدة خالية ، لذلك قبل الفطور أفضل

رأي خاطئ
ربما مناسب المشي وليس الرياضة الثقيلة

مشكلة البعض بس لانه نقص جم كيلو سوى روحه خبير
ياما شفت ناس اعطوا معلومات غلط بخصوص التغذية او الرياضة والناس تصدقهم بس لان مشهورين عالانستغرام!

يعتمد ..
على استعداد ورغبة الشخص مع عدم وجود مشاكل صحية تضرها الرياضة ومن خلال التجربة وجدنا ان ممارسة الرياضة قبل الافطار ب١/٢ساعة مفيد وجيد خاصة وبعد وجبة الافطار يصاب اغلب الصائمين بالكسل والخمول او الجلوس في المجالس والطلعات مني ومناك .

بعد اسحور والجو يشجع

القرار بيد الشخص نفسة :
لو كان الشخص طول اليوم نايم وقعد الساعة 4 العصر طبيعي بتكون الرياضه قبل الافطار افضل
ولو هو نفسة الشخص طول اليوم مهاجل وجت الساعة4 العصر ويحس نفسه متعب تكون الرياضه بعد أفطار خفيف وسوائل للتعويض .
((( الشخص طبيب نفسه )))
لازم الكل يعرف ان وجبة الافطار في رمضان = وجبة الافطار (الريوق) في اليوم العادي
فهل من الطبيعي أنته كشخص تاكل على الريوق الصبح مجبوس وبلاليط ولحم وثريد و و و و و ...
لازم الشخص يهيأ معدتة أول بأمور بسيطه من الاكل بعد يوم كامل من الصيام

اتصور ان هذا هو الرأي السديد من خلال متابعتي و اطلاعي في المجلات و الكتب الصحية

اي والله

كل واحد سوو ذايت صار فهيم زمانه وكل حساب قال غير والا يتابعون بالطوشه مني ومن غيري امس مشيت نص ساعه في البيت بعد الفطور بساعه ونص

ادا تبون تمشون على كلام الناس اكيد بتتعبون ????
و ادا تبون ترضونهم سووها قبل و بعد الفطور ????????

نعم انا امارس رياضة المشي ما بعد الساعه الخامسه لمدة 40 دقيقه تقريبا.الامور طيبه والحمدالله

اللي ما يثقل عالفطور يسوي رياضه قبل
واللي يثقل الافضل عقب الفطور بساعتين او ثلاث

قبل

الصحة للجميع

يومياً امشي قبل الافطار لمدة ساعة وربع والحمد لله وكل الامور طيبة، وبوجهة نظري المشي قبل الافطار يعتمد اذا كان الشخص لا يعاني من مشاكل صحية فلا مانع من المشي قبل الافطار وبشرط ان لايكون الجو حار، متمنياً الصحة للجميع

أفضل بعد الصيام. لأن جو البحرين حار فبالتالي نفقد سوائل.
شخصياً آكل تمرة أو تين مجفف واشرب مياه كافية وبعدها أمارس الرياضة.

مومهم قبل أو عقب الأم تطلع من البيت عشان تفتك من حنة الفرنسية

رياضي مخضرم (2 )

تابع ... وإذا بعد الإفطار لازم ما تأكل ثقيل فقط كم حبة تمر وماء واشويه حلاوه خفيفه كلش تعطيك طاقه وتصلي وعلى طول تروح تمشي مدة 40 دقيقه وترجع ترتاح وتسبح وتواصل فطورك بكل يسر وارتياح .. لك الخيار الأول زين والثاني زين.

رياضي مخضرم (1 )

شوف حبيبي الاثنان لا غبار عليهم بس يوجد لهم ضوابط ؛ إذا كان قبل الإفطار بساعه في جو زين ( قصدي في صالة جيم ومكيفه مو في الشوراع الحاره ومشي على الجهاز لكدق 40 دقيقه بيصير شغل عجيب ،،، يتبع...

كل الأشهر امارس فيها الرياضة .. بس رمضان اخذ راحة طول الشهر

بعد الفطور بساعتين هو انسب وقت .. شلون تسوي رياضة وانت مافيك طاقة !! والطاقة تأتي عن طريق الأكل والسوائل

وقت الرياضة الامثل هو الوقت الي يناسبك! بتحرق سعرات في كل الحالات. اذا حاس انك ماتقدر تسوي رياضة قبل الفطور ليش تذبح روحك؟!

صراحه كل الاشهر اسوي فيها رياضه بس شهر رمضان عندي اجازه ..اضرب على القيمات وبس

امارس رياضة المشي السريع لساعة كاملة يوميا باوقات مختلفة ولكن وفي شهر رمضان احرص على الانتهاء من الرياضة قبل الافطار بنصف ساعة والحمد لله اموري طيبة

ستتضارب مشاركات القراء , فريق سيقول قبل و فريق سيقول بعد , و لكن الاجابه الحاسمه عند..........

لان بيتنا يقع مقابل الملعب انا اشوف الشباب يوميا يمارس الرياضة قبل الفطور من الساعة 5:30 و تكون بعد الشمس حارة .. هرولة يدورون في جماعات حول الملعب 10 مرات حرام اللي يسوونه و في المساء مباريات كرة قدم الى الساعة عشر .. و البعض يمارس الرياضة قرب البحر يفكر نفسه في لندن ( ام محمود )

اكثر الاطباء يقولون بعد الافطار بساعتين واما عامة الناس مجر رأي وفضفضه كلام.

ماامارس رياضه مع الاسف...

انا العب رياضه قبل الادان بساعه تقريباً چدي يعني أحرك دمي بس لكن ما في باور