على قارعة الطريق، وبحرارة جو مرتفعة تشهدها البحرين (44 درجة مئوية) والمحسوسة 60 درجة مئوية في فصل الصيف، عز القيظ، وبالتحديد اليوم الأربعاء (20 يوليو/ تموز 2016)، الساعة 9:07 صباحاً، يجلس رجل ستيني بحريني محني الظهر وقد ملأ الشيب وجهه ورأسه، و "غترة بيضاء" تحيط برأسه، وثوب يقطر من صبات عرقه بانتظار حافلة النقل العام لتنقله إلى وجهته.
ما إن وصل النقل العام حتى بدأ يلوّح إليه بيديه طالباً منه التوقف.
في حادثة ليست الأولى من نوعها، فقد شهدها الكثير من الناس... وأنا أرى كبار السن يركبون النقل العام، تساءلت بيني وبين نفسي عن سبب ذلك، وأتوقع أن الحاجة هي السبب الرئيسي لذلك.
هل لذلك علاقة بالعلاقة المقطوعة بين الأبناء والأحفاد؟ فقد انتشرت وسائل النقل الخاصة (السيارة) في البحرين فعلى الأقل لا تخلو من سيارة واحدة في كل بيت، وهل كل من نراهم يركبون النقل العام من كبار السن البحرينيين "مقطوعون من شجرة" أم أن الشجرة قطعتهم؟
الاب اذا كبر ما يحب يقول لاولاده ودني وجيبني و احيانا مشاويره تكون لماتم معين او مجلس كل يوم يتجمع مع اصدقائه فيطلع يروح ،لو سألته يالي تسوي تقرير كان احسن
مححد يحس ويشعر بهؤلاء غير من ذاق المر من الحاجة
قسوة القلوب
بدال مايوفرون ليه اسباب الراحه تاركينه يواجه الدنيا بهلجو
يليت عندي ابو ياليت
يالله عووووورني قلبيييي ، يلعن ام الحاجة ، أنا ايضا شهدت هذه المواقف ، مقطوعون من شجرة ؟ ام الشجرة قطعتهم ؟؟؟؟ !!!!!!
انا شاب عمري 22 سنة وما اقدر اسوق سيارة ماعندي ليسن أستخدم النقل العام مو عيب
صحيح بعض الأبناء من يتزوجون ما يدرون بأهلهم ، أني وحدة عندي ليسن لكن أحد أخواني واقف لي عظم في البلعوم ما خلاني اشتري لي سيارة و الوالد الله يهديه ما يرد عليه ولا يبغي يكسر كلمته كونه ما الله رزقه بذرية ، بس أني مالي ذنب بس لكن أغراضي كلها إذا بشتريها أروح مشي من الدوار الرابع مكان السكن إلى سوق واقف ، كل من يعامل أهله معامله مو زينه مرده الناس تعامله معامله مو زينه ، كما تدين تدان
الله يرحمه والدي كان يحب يعتمد على نفسه ويغفلنا في مشاويره سيرا او بالنقل العام على الرغم من كبره في السن كنا نتصارع من أجل توصيله ولكنه كان أذكى منا في التهرب .. رحمة الله عليه يعتبرونها كرامة واعتزاز عدم الحاجة للأبناء
كلامك صحيح مالنا بد ولا حد والله له خاطر يسوي جذي ومن أغلب مشاكلنا الحاجة قطع الرقاب مشان الحاجة قرض ياكل قوت يومنا ما ناكل ولا نشرب وخلص عمرنا ولا قضينا على القرض
ويش فيها لو استعمل النقل العام ؟ بس لأن استعمل مواصلات عامة فهو "دون الشعب" او مظلوم ؟ حسنوا أفكاركم عن المواصلات العامة فهي خدمة مقدمة للشعب ولا يعاب من يستعملها
انا الا اعرفه في الستين صغير ويسوق سيارة الا اذا كان تعبان فيه سكر او شيء قولوا في الثما نين 6
لااااا
تلك مشكلتك انت وحدك فقط ! أما نحن فالحمد لله نعرف كيفية القيام بواجباتنا
أنا معك
أولم يكن بالأولى أن تبادر السيدة كاتبة الخبر بمساعدته !؟!؟!
احنا في زمن صعب الابن لا يعرف ابوه ولا اخوه
وين المشكلة اذا رجل كبير في السن استخدم المواصلات العامة؟ في عيب؟ في غلط؟
المشكله انه كبير والجو نار
الحين شباب يموتون بسبب الحر جلطه او سكته لاسمح الله شلون لو كان كبير انا عادي اروح السوق مشي بيتنا قريب لكن مو في هذا الجوو
لفته جميله جدا وضغط على جرح لعله ينزف في ماتبقى من ظمائر مازالت على قيد الحياه قد تحرك ساكن في وسط مجتمع باتت فيه صله الرحم تحتظر
الله يعينهم!
احس بوضع اي شخص يقعد على الطريق! لان كنت في عائلة ما عندها سيارة لا الاب يسوق ولا الام تسوق ولا الجد يسوق. كنا عايشين على البركة يوم هذا الجار يوصلنا يوم ولد عم الاب يوصلنا الى ما كبرنا والحمد لله.
رفقا بآبائكم واجدادكم.
الله يكون في عونه
وانجان عنده ولاااد لو بنات خلهم يبرونه تالي بعد عمر طويل ماينفع ندم
عجايب الزمن
الله يعينهم حرام والله اني اذا اجازة اخلي ابوي ينام و اوصل اخواني بداله .. دايما اقول اذا ما ساعدت اهلي بيجي يوم بحتاج ومحد بساعدني... عورني قلبي عالرجال مسكين :(
لا هذا ولا ذاك
ما الغرابة في ان يستخدم ستيني او سبعيني اوثمانيني حتى وسيلة نقل عامة ؟ انه إنسان متحضر من الطراز النادر .. الا ان كُنتُ تستكثرين عَلى البحريني استخدام حافلات النقل العام الحديث والمكيف والمريح والذي يغطي معظم المناطق والمدن والقرى .
القضيه مو في انه يستخدم النقل العام ( المشكلة في انتظاره في محطة النقل العام طبعا راح يسبب ليه مجهود كبير وخصوصا ف هالجو الحار .. تخيل انه راح يقطع المسافة من بيتهم ل مكان المحطة وبعدها من المحطة ل وجهته وبعدها وراح يرجع مثل الشي .. ( القصد انه متعب .. وخصوصا ركوب الباص والنزول منه .. ) وهو ب إمكانه ان يحصل طريقة نهل أسرع وأسهل ل عمره .. لو أولاده وصلوه .. هادي الفكرة / من السيارة للبيت وانت نصيب عرق وتتعب شلون تنتظر ربع ساعة ف الشمس والحر ؟
اوادم للأسف تكبر و تتزوج و تنسى أبوهم ولا يدرون عنهم و الكثير من الناس و اعرف اشخاص الحمدلله الله رزقهم و عندهم الخير و لكن تركو والدهم بالطرقات يجمع العلب المعدنية بثوب حالتها يرثى لها و اولاده اكبرهم لديه بناية للتأجير و الثاني لديه مؤسسة نقليات و والدهم ... لا تعليق
اذا كان لديه ابناء فعيييب عليهم و تقصير منهم يخلون ابوهم بهالعمر في الشمس و الحر يتنقل
وصل لعمر المفروض الأبناء يخدمونه و يشيلونه على كفوف الراحة ( و بالوالدين احسانا )
عور قلبي الحجي.. وين أهله وين جيرانه وين أهل فريجهم، معقول محد يقدر يساعد،
الحياة قاسية
هل ظروف الحياة هي القاسية ام قلوب بعضنا التي اصبحت اقسى من الصخر؟!
لا يا عزيزي الحياة لم تتغير بل قلوب الناس تغيرت . كل مايجري من ضيق في حياة الناس خل يفتش في دفتره اتجاه والديه ، تضيق الحياة على العاعقين لوالديهم هذا سبب رئيسي . بر والديك راح تنفتح لك ابواب مغلقة .
احسنت قلوبنا تجاه بعضنا البعض أصبحت قاسية
الله يعطيهم الصحه والعافيه
الله كريم
اتقوا الله في ابائكم فأنكم مسئولون ماتحس بقيمة الاب الا لمن تفقده رحمك الله يا ابي
لا توجد انسانيه
وإذا سمحوا له يطلبون منه جلب إثبات بذلك وبعد ذلك يتم إرساله الى اللجان الطبيه مع المعلومات الخاصة للوالدين وسوف لن تكون هناك خصوصية للمريض او مرضه ٠
لا توجد انسانيه
بعض المسؤولين لا توجد في قلوبهم ذره من الرحمه والانسانيه يضيقون على الموظف اذا أراد ان يستأذن لأخذ احد الوالدين او احد الأولاد الى المستشفى ٠
مساكين والله كبار السن يربون و يتعبون وزوجون اولادهم ولكن لين احتاجوهم محد ليهم ، خاطري اعرف اشلون يقدر الولد او تقدر البنت اتشول اهلها الى تعبو عشان يامنون ليهم كل الي يبغونه و في النهاية يتخلون عنهم
الله يكون في عونهم ،، والله انشوف واجد من هالمساكين كبار السن واني اشوفهم في فريقنا واوصلهم يا مركز صحي يا سوق يا برادة يا يشترون خبز واولادهم ما يشتغلون و لا و القهر نايميين والابو يقول ولدي نايم
لا مو شرط يمكن يحب يطلع يشوفالناس بدل من قعدته بالبيت انا امي كبيره بس تروح السوق وحنا بالدوام تستخدم المواصلات العامه وحنا نقول لها نطرينا نخلص دوام منوديج بس تقول عادي اطلع امشي وأشوف الناس
الشكوى لله
هناك الكثير من كبار السن و الصغار و النساء عندهم النقل العام هي مواصلاتهم الرئيسيه
لكن لو حدث شي لهم و محطة النقل بعيده هنا المشكله كذلك في فصل الشتاء وخصوصا عند سقوط الأمطار بغزارة نشاهد كبار السن يبحثون لهم عن ملجاء من الأمطار
لا ننكر ان المشاكل العائلية لها دور في التواصل بين أفراد العائله
كذلك بعض الشباب ليس لديهم استعداد مساعدة كبار السن في العائله بحجة ( يمللون)
لكن أين الدوله ؟
أين تلك التصريحات عن الاهتمام بكبار السن و المتقاعدين
فقط حبر ع ورق
اولادنا قساة القلوب رغم ما نقدم لهم
مثال ابنتي ساعدها ابوها في كل امور حياتها حتى بعد ماكبرت وتزوجت واعطاها سياره ولكن عندما تمر على بيوت الاغنياء واولاد الاغنياء تتأفف وتقول وش حصلنا من ابوي غير الفقر والحرمان !!!
تختلف الاسباب . البعض لهم ابناء ولكن ابنهم الحنون ربما لقى عمل مسؤوله لايسمح له بتغيير الدوام او التغيب وهذا قد شهدته من مسؤول بخريني واخر هندي حسبي الله عليهم
مؤلم ملابسه تقطر عرق
الله يكون في عونك ياوالدي اكييد في يوما ما كنت تكافح وتتعب حتى ما يشعر ابناءك بالحر والتعب
الشجرة قطعتهم مع الاسف
لا اعتقد ماعندهم اولاد او احفاد ولكن بعض الابناء حفظهم الله يستثقلون ويملون من حاجات اباءهم وامهاتهم ومشاوريهم وهذا شي جربته بنفسي