فضحتون البنية

كفايه نبغي جسور مشاة يا ادارة المرور والاشغال مانبغي كامرات ولا اشارات دول فقيره عندهم وعندنه لا ... الحين لو تقول لهم بقولون ندرس الموضوع

اللة يشافى المصاب
اطلب من النساء
الحذر و الانتباة عند السياقة
يختلف ابعاد نظرهم عن الرجل
حقيقة علمية

الصراحة سياقة البنات والنساء في البحرين فيها عدم مبالاة وعدم تسامح واستهتار وشايفين روحهم لأنهم بنات. الصراحة البنات يحتاجون لتأديب عدل.

اني من يومين جايه من دوار القدم وماخذ دوار عبد الكريم بروح على جدحفص اخذت الدوار كله باقي شوي والي نازل علي واحد من الشباب جاي من صوب عياده ساهره زين ما تكسرنه بسبب طيشه واستهتاره الشباب طايشين وهم سبب اغلب الحوادث والقهر يضحك

بدل هدر الاموال في حفلات وهرار وفشار ،، خل يسوون جسور للمشاة ،،مو يحطون اشارة أو مرتفع نفس ما سوو بالقرب من باربار ،، الشوارع اصبحت لا تطاق من الزحمه والأخلاق الزفت لبعض السائقين حيث يظن بعض السواق ان الجميع مثله لا شغلة ولا شي ،،السواق في البحرين يحتاجون للتوجيه من قبل ادارة المرور خلال الحملات الارشادية على الأقل عن طريق اللوحات في الشارع ،بس فالحين أعد النظر ومخالفات وضرائب وخدمات زفت وزحمه تزداد يوما بعد يوم

الله يعين الداعم ويشافي المدعوم ويقومه بالسلامة

الله يشافيه ويقومه بالسلامة ان شاء الله بس ليش تسيئون الظن في الناس البنية يمكن طلع في وجهها مرة وحدة وهي قريب ليه وما كان عندها مجال تدخل السيد الثاني مو ممكن يكون الشخص الي دعمته هو الي مو منتبه .. ما يصير سيدة الغلط عليها عشان بس ان هي تسوق والكل يتعرض لهالشي ساعات المشاة نفسهم اجوفهم لاهين ويطلعون مرة وحدة على الشارع بدون ما ينتبهون فيمكن هي صادها هالموقف وشارع عام وما قدرت تتفاداه وهي اكيد حالتها الله يعلم ابها...الله يكون بعون الاثنين ان شاء الله

القانون الدولي للمرور .. سائق المركبة عندما يصطدم باي شخص هو الغلطان بدون اي مقدمات ... يمكن الرجال راسه داير .. فيه سكر .. فيه اي شي .. صرع مرض .. على سائق السيارة الانتباه في كل الظروف الله يشافي المصاب والله يفرج عن مرتكبة الحادث .. شارع لبديع حدك تمشي ٨٠

كم مره نشوف بعض البنات وبعض الرجال في التلفون ولاينتبهون حق الشارع كذا مره اشوف ويخلي السيد واقف حضرته لو حضرتها في التلفون يخلون الواحد يعصب غصبا عنه ينبهم

الله يشافيه ويرده سالم الى اهله

الله يشافيه يارب
نسبة كبيرة من حوادث المشاة غالبا مايكون السائق بنية
انا شخصيا من اللي الاحظه ان نسبة كبيرة من السواق يستخدمون الهاتف اثناء السياقه رجال ونساء
اتركو هالتلفونات عنكم اولاد الناس مو لعبه

ليش يروح المرور بعد .. اكو زوار الوسط حللوا الحادث بس باقي التقرير ..

انا مابتهم البنت لكن بتكلم بشكل عام، شخصياً ملاحظ البنات وايد صايرين متهورين في السياقة ويتجاوزون وسرعة والخ.. باختصار صايرين اخس من الصبيان .. اعيد واكرر ما اتهم هالبنت والله يشفي المصاب ويساعد المتسببة في الحادث.

يا أخي بدل ما تقول صايرين "أخس" من الصبيان ، قول الصبيان صايرين "أحسن" من البنات في السياقة

شلون يعني صايرين هم أساسا احسن بس قصده بنات هالزمن صايرين متهورات

حتى لو كانت تستخدم الجهاز بس الحادث يوحي بأن الرجل غير منتبه وهو الغلطان .الشارع شارع عام وليس به خطوط مشاة .الله يشافيه ويعافيه

الله يشا فيه ويعافيه ويرده سالما الي أهله واتمنى بعدم الضن

اعتقد مو شارع للعبور وايد خطير هذا المكان خذو الحذر منه
وثانياً الجهة المقابلة صار تجاري ولكن دون ادنى للتخطيط فجأة يدخلون بلا سكنير وفجأة يطلعون عليكم بالحدر من هذا الطريق الوعر والله يشافي المصاب

الله يشافيه ويقومه بالسلامة .. لازم يكون الحذر من السايق ومن الي يعبر الشارع

الله يقومه بالسلامه..... يا جماعه الخير مشو علي هون تري سرعه الشارع ٥٠ مو ١٠٠، و تركو عنكم الواتساب تري هذي ارواح ناس مو لعبه .... انا دائماً من أجوف واحد او وحده ما يمشون عدل اعرف قاعده تلعب في تلفونها و لين ضربت ليهم هرن تنبههم للشارع سبوك

الشارع 70 مو 50

هذا والله تهور من البنت، الظاهر والله أعلم منشغلة بالتلفون وإرسال الرسائل والكلام الفارغ مع صاحباتها، ايش ذنب المسكين هذا يقضي العيد في المستشفى.

الله يشافيه ويعافيه بحق محمد وآل محمد

سبب الحادث غير معلومة فالرجاء الدعاء للمصاب بالشفاء والعافية والرد لأهله سالم أما البنت التي صدمته فاكيد هي أيضا في مصاب وألم فدعو لها وشاركوا مشاركة ايجابية بتعليقاتكم .

انا لله وانا اليه راجعون
يمن عليه بالشفاء العاجل

الحادث في النهار يعني لا تقولون الشارع مظلم .
واااجد أجوف تهور في سياقة البنات وهم منشغليين بالسوالف في التيلفون .
الله يشافي المصاب بحق محمد وآل محمد

ضروف وملابسات الحادث والله اعلم
انها ترسل وات ساب

وقد يكون هو من عبر الشارع بشكل مفاجأ ولم تتمكن من السيطرة على السيارة...الله يقومة بالسلامة إن شاء الله ويعينها على هالبلوه

من دوار كرانه إلى دوار الشاخوره مكتوب السرعه 50 كيلومتر في الساعه يعني ويش مفاجىء الواحد ما يقدر إدش الشارع من السرعه للسواق.

يمكن هو بيعبر بشكل خطاء ، ثانياً يفضل لو تكتب الله يقومه بالسلامة وتقترح حل لشارع مداه ١ كيلوا بدون اشارة مشاه

يعني اذا تمشون ١٠٠ و سرعه الشارع ٥٠ بتوقفكم اشاره مشاه؟! بصراحه انا اءويد الحكومه تركب ليكم كاميرات سرعه لانه ما تمشون عدل الا جذي ، سرعه الشارع ٥٠ لو واحد يمشي ٧٠ بعد ضربو عليه هرن، ما تمشون عدل الا بكاميرات السرعة ، و طالعين لينا بنات هالزمن بعد يفكرون روحهم بات ويمن