من كلام الناس... احتارت الأم من طلبات ابنتها التي انهالت عليها مع بدء العام الدراسي الجديد، وكانت تتساءل: هل هذه الطلبات ضرورية أم كمالية؟
وفي حين أن أولياء أمور يعتبرون هذه الطلبات فوق طاقتهم وطاقة أبنائهم، فإن بعض المعلمين والمعلمات، يدافعون عن هذه الطلبات ويعتبرونها جزءاً لا يمكن الاستغناء عنه في العملية التعليمية، كما تدافع بعض إدارات المدارس عن طواقمها، وتؤكد أنهم لا يطلبون إلا المهم من الأدوات أو الواجبات، وسواء كنت معلما أو ولي أمر كيف تقيم ذلك من خلال الواقع؟!
كماليات ما لها داع
الوزارة توزع كتب اكل عليها الدهر و شرب لان البلد يمر بأزمة اقتصادية. و اولياء الامور مطالبين بكماليات مأاااااااأ لها داعي
الاخت صباح ع طاري مؤسسات تساعد العوائل الفقيرة ناس عزيزيين نفس مايمدون ايدهم لروبية والمدارس مصخوها من هالطالبات نحس عيابنه ف مدارس خاصه مو حكوميه !!!
استوقفني أمس في احدى السوبرماركت طالبة توصف لوالدتها ماذا طلبت عليها المعلمه وانذهلت مما سمعت شروط تعجيزيه حتى ع الفايل ؟!!! مادري ليش يطلبون كل هذا دفتر اسوي غرض وخلاص تبغيه هاللون والفايل هاللون ومن هالنوعيه والله لو ف بلاد برا مو جده يسون ..
اكثر مرحلة تتطلب و تضع شروط كثيرة تثقل على ولي الامر هي الابتدائي انا جربتهم و خاصة نظام الفصل لانهم مطالبين بذلك
الملفات الجميلة و الاثرائية لجميع المواد و اللوحات التي بها ابداع و تتطلب جهد من المعلم و جميع الدروس الكترونية على السبورة الذكية ..
هناك نوعين من المشاريع .. مشروع فردي تعمله الطالبة بالبوربوينت او بحث من الانترنت لاي درس من الدروس و المشروع الثاني جماعي في الصف كل مجموعة تعمل النشاط و يعلق في اللوحة ... المكتبات وفرت القرطاسية اشكال و الوان و هناك مؤسسات تساعد الاسر الفقيرة ..
ويش عندكم اليوم .. نعم كل بداية فصل دراسي نطلب اشياء معينة من اجل ان تكون العملية التعليمية فعالة انا اطلب دفتر العلوم الازرق لان هناك الكثير من التمارين و الانشطة في مادة الانجليزي + الملف و كل مجموعة لون معين لان لجان التحسين عندما تحضر او اي موجه سيطالبنا بالتمايز و التطوير
يتبع ذكريات ايام المدرسة
3- اخيرا .. للاسف ان الان كثير من الطلبة و الطالبات يطلبون من المكبتات يسوون لهم وسائل و بحوث مطبوعة و جاهزة بمقابل مادي و الطالب ماكتب اي حرف فيها .. و المصيبة ان المدرس يعطي عليها علامات لان شكل الوسيلة او البحث جميل ! لكن وش هي فايدة الطالب او الطالبة ؟! صفر ! بالمقابل لو طالب سوى بحث او وسيلة بمجهودة و كان شكلها متواضع يمكن يعطى درجة متدنية رغم ان استفادته اكبر بكثير من اللي سواها بفلوس عند مكتبة ! فشلون تبغون نتطور و يتطورون طلابنا ؟!
تحياتي و اعتذر عن الاطالة
يتبع ذكريات ايام المدرسة
2- اما بالنسبة للوسائل و البحوث .. ايامنا ماكان فيه انترنت فكنت اسوي البحوث بخط يدي وابحث في المجلات اللي عندي مجلة ماجد و غيرها ، و بالنسبة للوسائل لو سويتها بنفسي و بخطي بتطلع سيئة لاني مو خطاط ولا رسام و لو اغلب الطلبة سووا الوسائل بنفسهم بتطلع سيئة لكن بيكونون تعلموا شي .. لكن اللي يحصل ان البعض يطلب من المكتبة تسوي له وسيلة عن طريق رسام مختص لتطلع جميلةو تعجب الاستاذ و المدرسة تفوشر فيها و لكن الطالب مايستفيد اي شي لانه مو بجهده و اللي سوى وسيلة بنفسه يطنزون عليه!
ذكريات ايام المدرسة
1-اذكر يوم كنت صغير في المدرسة كانت امي تشتري لنا دفاتر اشكال و الوان و اغلبها حجم 100 ورقة .. نروح المدرسة يجيك مدرس احدى المواد (الدين مثلا) يقوليك لا انا ابغي دفتر بس ابو عشرين .. زين و هذا اللي اشتريته ابو 100 يقوليك لا مابغي بدله و جيب بو عشرين ورقة ! زين الحين يوم كبرت افكر اقول يا حظي شالمشكلة لو زادت الاوراق اهم شي ماتنقص لكن فعلا بعض المدرسين فيهم تفلسف زيادة عن اللزوم !
اني عن نفسي طلبت دفتر من طالباتي و نوتات بما ان ممنوع يشخبطون بالكتب .. بس اتفاجأ نهاية السنة بمشاريع ما طلبتها منهم مثل وسائل و فلين و غيره.
عجل تحري السبب يا معلمه!
ابحثي عن اﻷسباب التي جعلت من طالباتك يقمن بمشاريع وبأمور لم تطلبي منهن!
ربماواحدة بطريقة ما من فاهك أدت إلى تفجر الصف تفجيرا من المشاريع وأشياء أخرى.
لم يطلب منا استاد الرياضيأت شئ سواء أن يختار كل طالب من الخيازرين ألعشرين ألتي أحضرها معاه وأحدة لكي يعاقب بها إن هو قصر في أداء وأجبه أو تسأهل في حفظ ما طلبه منه ذالك ألمدرس قاسي القلب ألخالي من ألضمير الذي يتلذد بتعذيبنا و يستمتع بأهاتنا… ولد النبيه صالح
أرى أن الطلبات المدرسية ﻻ تتعدى الروتينية والطبيعية وهذا الحال معروف وأتصور أن الطلبات والكماليات أكثرها وأكبرها ﻻ تأتي غالبا إﻻ عن رغبة الطالب وربما بالخصوص الطالبة نظرا لما يرون من زملاء لهم يتمتعون ببعض الكماليات واﻻكسسوارات بل ربما تأتي هذه الطلبات من بعض المدرسات أو المدارس ﻻستخدامها ﻻحقا
اول السنه تجي بعععععض المدرسات مشتطه وتطلب فايل وشفافيات وتبغي نقسم ليها الفايل واخر شي ما تستخدمه تبغي دفتر والفايل زينه وتقليد لباقي المعلمات
تاكدوا من المعلمات اول قبل ما يخبرونكم بناتكم
لان اذا وحدة ودت مشروع
الباقي يقلدون ويخبرون اهاليهم طالبين علينا
وفلانة ودت مشروع هالكبر
والام ماتبي احد احسن من بناتها ويلا يقوم الشوط والتقليد
المتوفر يجيبه الطالب وخلاص , المفروض ما يتعبون اولياء الامور بالبحث عن بيض الصعو . عام دراسي سعيد لجميع المعلمين والمعلمات والطلبة . وعساكم ع القوة وأجركم ع الله ف التربية قبل التعليم ودمتم ودام المواطن المنتف .
صباح الخير ،،لا كماليات ولا ضروريات،بصراحه المعلمات مايرحمون ويبهدلونا ويطلبون فايلات لكل ماده وبمواصفات معينه تفتر البحرين عشان تجيبها،واللي ابي افهمه ليش المدرسين مايسوون جدي لان عندي ولد في الحكومة ولا يقول يبي فايل ولا هرج ومرج والحمد لله ناجح ومتفوق وعندي بنت مطلعه عيوني ومخسرتني،السؤال يطرح نفسه المدارس مو كلها تحت مظلة وزارة التربية ؟؟!!!يعني المطلوب والمفروض بيكون عالكل مو مدرسة دون الثانيه..الجواب ان المعلمات والنسوان عامه يحبون الالتزام بالقوانيين حتى لو مو مهمه ومافي مرونه.
اسألوا عن طلبات المدرسين الي كاسرة ظهر اولياء الامور!!
كل متطلبات المدرسه كماليات وكل المشروعات الا ولي الامر يخسر فلوسه عليها في نهايه السنه نشوفها في حاويه المهملات
الطلبات تذكرني بطلبات ملا بلال " ديك عور وخروف خضر وبيض يعبو وووووو" أي تعليم وأي بطيخ والمشاريع تكون على كاهل الأهل من المصاريف إلى التنفيذ
الله المستعان
ولد زويد
الصراحة فيه لوعة جبد فايل أصفر فايل أحمر فايل أزرق فايل وخلاص بعد تغربلونه ليش
اي والله ، مره مدرسه فرفرتني البحرين تبي فايل اسود مادري شفيه ..لاعت جبدي وان ادور ليها الفايل .....ليش عاد اسود رايحه فاتحه ؟؟؟؟
الله يذكرك بالخير يا أستاذ جاسم يقول كل واحد يجيب خيشة سماد حق المجالات هههه
انا طالب في الصف الخامس كل شي يطلبونه في المدارس ضروره وجهة نظر فقط
حاتم محمد علي
اغلبها كمالية وغير مطلوبة ولين ما اخذتها بتصير مطلوبة لانه المعلمات ما يرحمون ولا يخلون رحمة الله تنزل ويا ريت تستخدم كلها،،،
انا معلم ومن وسط الحقل التربوي اقول ليكم إنها كماليات
معلمين ومعلمات وأحيانا توصيات من الإدارات أن اطلبوا من الطلاب لبهرجة البيئة الصفية وبالخصوص (ركن المواطنة) على أن يحسب لهم كمشروع نهاية الفصل
كذلك هناك بعض اولياء أمور يسعون لسد نقوصات أبنائهم ببعض الوسائل الصفية
ما طلبوها إلا ضروريه ويستاهلون أبنائنا وما هي قضيه طلباتهم كلها 70 دينار توفي الغرض وكل عام وانتم بخير بمناسبة السنة الدراسية الجديدة
طلباتهم غريبه وعجيبه وكل يومين اليهم طلب و حاله
من خلال عملي كمعلمة شفت ان مجتمعنا مجتمع استهلاكي بشكل لا يصدق ... من اتوظفت و اني احب اخلي البنات يسوون مشاريعهم بأيدهم و طبعا مافي التزام و لا اهتمام و لا احترام للمعلّمة اللي تحاول تخفف العبأ على البنات و اهاليهم .. مع الوقت تغيرت و صرت أتطلب مشاريع كبيرة فتغيرت نظرتهم ليي و صاروا يحترمونني و يحترمون مادتي
وين هالحجي اكو احنه مللونه بالطلبات والمشاريع ولاعت جبدنا منهم وثانيا اانا معلمة مثلش وعندي بنات في اعدادي وابتدائي اشوف الطلبات الي يطلبونها صراحة تبط الجبد وتقهر اني اطلب الشي المعقول بنتي صف رابع يطلبون عليه دفتر ابو مئتين ليش واخرتها بس نصه تستخدمه واقل هذا مو حرام احه نقدر نشتري غيرنا لا ولا اللعام طلبوا منهم الدفاتر الزرقان الكبار ليش يعني طلبة شقدرهم يحملون هالكتب لو بس طلبات على قلة الفايدة
ان شاءالله السنة افضل وما يستخفون
تخبط
كثير من الاشياء اللتي تطلب من الطلاب لاتستخدم
بلا شك ضروريات
ما هي الإستفادة للمعلمين والمعلمات للطلبات هذه ؟ وهل سيدخل شيء في جيبهم ؟ أكيد كلها تدخل ضمن العمليه التعليمه ؛ كلها ضروريات وبلا شك .
الاول ويش حلاوتنا تخرجنا من المدارس وطلعنا دكاترة ومدرسين وطيارين لا احتجنا لفايل وردي ولا اسود ولا دفتر ابو وردة ولا مشروع هرار كنا ندرس وناخذ الشهادة وخلاص التركيز كل بالدراسة احين شنو المغزى اشتراط فايل لازم اللون الفلاني والا الشي الفلاني