بتوجيه من وزير التربية والتعليم ماجد علي النعيمي، تم اليوم الثلثاء (20 سبتمبر/ أيلول 2016) تشكيل فرق من الاختصاصيين التربويين من مختلف الإدارات التعليمية بالوزارة، للقيام بزيارات ميدانية للمدارس الحكومية بمختلف مراحلها التعليمية، بهدف التأكد من الإجراءات المنفذة من المدارس في مجال توزيع الكتب على الطلبة، وضمان تسلم كل طالب الكتب الصالحة للاستخدام.
يأتي ذلك في إطار جهود الوزارة لضمان حسن سير العملية التعليمية في جميع المدارس.
حكي مأكول خيره
نداء الى وزير التربية ... الطالب بداية سنة يحتاج الى دعم يعني ابسط شي نعطيه كتب جديده تفتح نفسه على الدراسة .. سنة جديده بكتب مستعمله وبعضها ممزقه . حرام
مدرسة مدينة حمد الاعدادية للبنين ولدي لم يستلم كتب
تضحك من هالوزارة وش هالهريج ووش هالبلاوي لا ليه داعي ولا شي ولا تفلسف ولا،شي يدش واحد يشوف مجاوب لولا ويصور وش هالعقليه اللعيبه تتطنز،على المدرسين والمدارس واولياء الأمور والطلاب يراوونهم وهو يستهزئ محلول
يطنزون على الطلاب هالوزارة كتب مستخدمة معظمها تلفانة ليش اتعبون روحكم عطوهم كتب جديدة وانتهى الموضوع
كتاب ولدي للعربي محلول كلمت الادارة ابغي غيرة قالو اوك وعطوني السين كل الطلبه بالصف تحل الواجب الا هو يطالع والحل يعني ابغي لجنه دايركت اني بحتج عندهم لو كل يوم اقعد عند الباب احارسهم
خلهم يشغلوم الاخصائيين فاضيين شغل . .... و قلة صنعة .
بدل هالفريق وزعوا كتب جديدة و خلاص
مدرسه قرطبه الاعداديه لم يستلموا الكتب للان والدراسه بدات
ليش هالفرق بعد
تخسرون الميزانية على قلة الفايدة
ادارة مدرسة يثرب ترفض استبدال الكتب الغير صالحة للاستخدام
والله لوعتون جبدنا جان عطيتونهم جدد وفكيتونا من هالسالفه
يجب أن تكون ردت فعل أولياء الأمور أكبر من ذلك بكثير
مدرسة السنابس الابتدائيه للبنات للحين ما وزعوا عليهم الكتب يوميا اروحون وردون على قلة الفايده
بتحطوا نفسكم في مواقف بايخاااااا
هاللجنه المفروض كانت تشكل قبل بدإ الدراسة لتفادي الربكه
كتب محلولة ومستهلكة ولدي أول ابتدائي ان شاء الله يبدلونهم
مدرسة إعدادية في المحرق .. الطلبة ليلحين ما استلموا الكتب .. والمدرسين بدأوا شرح الدروس
قولي اسم المدرسة احسن
مدرسة عبد الرحمن الناصر الإعدادية للبنين
بنتي في مدرسة القدس في صف الاول وكتبها غير صالحه ياريت يبدلونهم
الكتب و الطاولات و الكراسي غير صالحين للاستخدام ... أعتقد طاولات و كراسي مدرسة عالي الاعدادية منذ سنة 1984 عندما كنت طالبنا فيها
يا ريت بعد يمرون المدارس الخاصة الي دفعنا فيها فلوس الكتب و عطونا كتب مستعملة و حالتها حالة
وليش ساكتين؟
لازال الطلاب لم يستلموا كتب بعض المواد الدراسية من الاساس في كثير من المدارس من المسؤول يا وزير التربية
رحيل .
الكتب غير صالحه للاستخدام تجليد الكتب ماجلدناهم مجرد خليت ليبل للاسم ..الكتب مكتوب فيها الحل وشخابيط على الكلمات ..وأسماء بنات وكلام حب وغرام في الكتب مسحناه هذه الكتب غير صالحه للدراسة لأن شكلها يسد النفس سد الله نفس اللي بقلبي .
التوقيع وحده منقهره ومشعه شعرها
كلام مأكول خيره يبغى لكم ننشر صور الكتب في الصحف جان تحسون على دمكم قال ويش خفض المصروفات ما جت إلا على حساب الطلبة و كل يوم و الثاني مشروع و تمديد و خرابيط كلها ما ترهق الميزانية