اليسن مهم للجميع ..
ولكن الزحمه بسسب الاجانب والمواطنين الجدد

موقضية موت او حياة خصوصا مع توفر السيارات والمواصلات الخاصة بعقد شهري مع موفري الخدمة او استخدام النقل العام في البلاد يلغي الحاجة للسياقة في وقت مبكر جدا .. وعموما كل شيء له ايجابيات وسلبيات قد تختلف درجاتها باختلاف الشخصيات والتفكير ونمط تربية الوالدين للأبناء .. وبشكل عام 80 % تسلية مقابل 20% بحاجة ملحة للسياقة في وقت مبكر .

أنا أشوف كلما يكون أصغر أحسن. أقترح سن 15 مع ضوابط كافية وقوانين تمنع طيش الشباب. وأقترح على الآباء عدم شراء السيارات الرياضية السريعة لأبنائهم وبناتهم لأنها قد تكون قاتلة، فحاسبوا.

أيام أنا في الجامعة سنة بدون الليسن صرت ......... وتضايقت واجد

يا نمره 33

يا نمره 33 الكلام عن الليسن أي رخصة السياقه وليس شراء سيايير للأولاد!! روح أغسل ويهك اب ماي بارد يمكن تقرأ عدل ! صج إنك عايش في دلع .

اولا كانت رغبة لكن الحين وبعد تخرجي من الثانوية ودخولي الجامعة صار حاجة وضرورة ملحة لاني بتغربل في التوصيل وفي المشاوير الثانية الضرورية

حاجة ضرورية لان اذا ما عندك ليسن و لا سيارة تعيش مذلول ????

حاجة قبل كونها اي شي غير تعالوا شوفونا ف الجامعات شلون ننقع علما اهلنا يخلصون دوامتهم

ضرورة وخاصة للي زوجها دوامه طويل
مو لازم تحارس رجعته لقضاء امور البيت

اهي السالفة تبدأ برغبة ومن ثم حاجة بسبب انتهاءه من الثانوية فيحتاج للجامعة
ولكن تنتهي بمأساة خصوصا ً احنا النساء نصير سواقات وتنفلت كل الامور والطلبات على راسنا والسبب عندش ليسن

صحيح أني من الصبح لليل أشتغل سواقة أوصل العيال مدارسهم الصبح وارجعهم الظهر وفي أوقات مختلفة والعصر مشاوير القرطاسية والطلبات اللي ما تنتهي والمغرب مشاوير شراء الخبز ولوازم العشا، مع العلم بأني موظفةوالزوج المحترم كله نووووم مايدري بشي ولين طلبنا منه قضاء مشاوير قصيرة يتأفف مع أنه متقاعد ... ما أقول إلا حسبي الله ونعم الوكيل فيه

هذا برنامج حياتي اليومي ... الرجال اللحين صاروا اتكاليين على المرة اللي تسوق بشكل شبه كلي ... بعض الزوجات يرفضون يتعلمون السياقة حتى تفرض على زوجها ان يلبي طلباتها

الاثنين معا هي حاجة ورغبة لأنه من تخلص مدرسة تبي تروح الجامعة بسيارتك لانك لو قسطت قيمة توصيلك بالباص على سيارة كان خلصت قسط السيارة في خلال 4 الى 5 سنوات وصارت ملكك وشكرا

اذا كانت هناك ضرورة ملحة فلا باس ان يحصل الشاب على رخصة سياقة مع الأسباب المقنعه و ذلك بعد تخرجه من المدرسة مباشرة اقل من ذلك العمر مدعاة للتهور

من ينتهي من الثانوية يحتاج الواحد سيارة ليروح الجامعة اوالشغل بدل تعال وصلني ورجعني وسندارة , الله يحفظنا جميعا .

في الحقيقة رخصة القيادة في سن مبكر لا بأس منها في حال استخدام الجميع لسيارة واحدة في البيت وللضرورة. أما مسألة أن كل من يحصل على رخصة يشتري له سيارة فهذا أمر خاطيء تماما لأن مردوده سيء على الأفراد وشوارع البلد.

أنا أنصح الشعب يخصصون ليهم يوم يومين يركبون ويجربون اسطول الباصات الحمران (باصات النقل العام) وعلى شركة النقل التعاون ويشوفون شلون الوضع رايح يصير اذا خفت الزحمة واﻻختناقات المرورية يكون واجد زين للشعب فعليكم اتباع هذا المنهج أما اذا ما تغير شي! فلا بد من اعادة النظر وثم النظر في شبكة الطرق و المواصلات التعبانة و........ و........ و......
المهم يلا حددو ليكم يوم للتجربة
مع خالص تحياتي

حاجة ضروريه في هذا الزمن .
محد اليك اذا ما عندك ليسن وسياره.

كللللش ما يحتاج لبعض الآباء أن يدفع أو يشجع أوﻻده اللي هم في سن مبكرة للحصول على رخصة سياقة ﻷن أساسا هو قاعد يحلم كيف يسوق سيارة حقيقية بعد ما كبر شوي ومل وشبع نسبيا من ألعاب السيارات الكمبيوترية،هو أصلا قاعد يعد الوقت ويحسب العمر متى يجي اليوم اللي يقبض على سكان سيارة أبوه، وقاعد يشوف أنداده كلهم ساقو سيايير رايح يندفع أكثر فالأبو ﻻ يحاتي من هذا الجانب اللي أصبح أصلا شيء فطري للانسان وأتصور الكل يحب يجرب هذه التسلية وهذه المتعة، إﻻ إذا الوالدان بالفعل لديهم حاجه في امتلاك ابنهم رخصة السوق

اسأل مجرب ولا تسأل طبيب!
بيتنا كان ما فيه احد يسوق.
تأذيت في المدرسة عشان من يوصلني ومن يجيبني
تأذيت في الجامعه
وتأذيت في العلاج من يوديني المستشفى ومن يرجعني
وتأذيت في الشغل اظل للساعه سبع انتظر احد يرجعني
الى ما الله فرجها وعقب الثلاثة الاشهر من الوظيفه واخذت سيارة وافتكيت

حياتك مأساة مثل حالتي بالضبط وأنا عقب خمس سنين من اشتغلت أخذت سيارة ، تخيل بس

حاجة اكثر من كونها رغبة ، خصوصا لطلبة الجامعه او خريجي المدارس الذين يبدؤون بالعمل بعد المدرسة

سخافة وكلش ماله داعي وخطورة على الناس لأن في هالسن يصير الولد طايش وتلاقيه يسوي ريسات في الشوارع من زهقة الليسن اللي حصله

ما اشوفهم هاللي يسوون ريسات، واذا فيه غالبا الا اساسا تحت ال18 للحين ما يحصلون الليسن. عن المبالغة السلبية

أنا زائر 14 ،
قصدي الذين يحصلون على الرخصة قبل السن القانوني

تعليق حق الأكشن ، معروفة

اول ما تخرجت من ثانوية بمووت ع الليس .. كان هو طموحي
وبعد ما اخذتة .. ما كان عندي سيارة ...
ظليت جم سنة بدون سيارة ..
لما اشتغلت ووصل عمري 27 اشتريت سيارة ...وكان عندي جهال ..
بس حسيت اني اشوة اخذتة من وقت مع ان كان فقط رغبة اول بداية ...
والحين صار حاجة مع مرور الزمن .

صباح الخير

اعتقد اكثر الشباب وشابات حلمهم بعد الدراسة رخصة سياقه مع سياره حق الكماليات اما في البعض منهم حاجه لانه مافي احد في بيتهم عنده سياره

اول شي رغبة ... وبعدها تتحول للحاجة مع مرور الوقت
ومتطالبات الحياة .. وخاصة بعد ما يعدي العمر يتفهم هاشي حاجة اساسية له

حاجة ضرورية لان الي ما عاش الوضع ما بيعرف المعاناة انا حاليا ثاني ثانوي واخط البحرين رايح جاي كله بسيكل ويش نسوي بعد !

يعتمد على ظروف كل أسره
تسليه لانه عنده من يهتم بتوصيله
حاجه ربما يكون الوالدين مشغولين
ظروره عندا لا يوجد احد قادر على قضاء مشاوير الأسره او الخاصه به

الحل الوحيد لتخفيف الازدحمات سحب جميع رخص السياقة من النساء..المراة حلاوتها في بيتها تخدم زوجها واولادها ومن خلوهم يسوقون قامو يطلعون من البيت بدون كفيل مجمعات وهرار

لو حصلت من يوصلها ويوصل اولادها مدارسهم وحصلت من ياخد ويشتري جميع احتياجات المنزل والاولاد لما اتجهت للسياقه

ابوي مريض وما يسوق
وامي بعد ما تسوق!!
تعال وصلهم وسو مشاوريهم وعقب قول خل النسوان تقعد في بيوتهم!

مو انت نفسك الا اذا بتتزوج تطلب بنت تشتغل وتسوق سيارة؟!
تناقض!!

هههههههههه ضحكتني صحيح اني مااشتهي اسوق واتملل بس مضطرة لو زوجي حط ليي سايق وقعدني بالبيت وصرف علينا من الالف للياء ما بقول لا اهلا وسهلا كفاية ذل في هالاشكال عبالك احنه ميتين على الشغل يعني بس ابو العيال مسكين وين يلحق على المصاريف والحياة الكريمة
اقول استريح بس شرايك تشتغل سايق للنسوان لحوول

وليش ما يسحبونه من الرجال. رد متخلف معذرة.

درازي 87

95% حاجة ضرورية
لان في هذا السن بكون محتاج سيارة يروح الجامعة
او امور خاصة لان في هذا الزمن نادرا تحصل احد يسوي لك شي

دلع

دلع الوالدين الغير مبرر لأبناءهم وأتمنى رفع السن القانوني إلى 22 سنه أو حتى 24 سنه أفضل.

ليش 24 خلها 30 او 40 او لين راح القبر

اي دلع اي بطيخ اله يهديك لو كان عايشين في مجتمع مخملي جان وافقتك في كلامك بس احنه عايشين في مجتمع كادح الكل يكدح ويكد عشان نفسه اي قد الشباب الي اهاليهم يدلعونهم ويعطونهم سيارات وغيره اقول اصحى من النوم احسن

حاجة

لا شك أنها حاجة فالمسؤليات تخف على الوالدين من ناحية توصيل والأولاد.