صار المعلمون في زمن (( كل من له يده له )) يبحثون عن العدل في توزيع الحصص الدراسية ولا يبحثون عن الحوف.

مازال الفئة الكبرى ممن يستحوذون على الحوافز هم أصحاب الجداول الوهمية ممن يبذلون الجهد لعمل عمل الإدارة
ويتسرب إلى مسامعنا بأن فلان قد حصل على حافز أبو رتبتين وفلان وفلان
وهنا تصبح المقايضة واضحة عطيناك فاسكت ولا تتكلم

هناك نوع من الغباء لدى الوزارة ولدى الموارد البشرية حين تعتمد مصداقية توزيع الحوافز من إدارات المدارس
فمن يعمل في مجلس الإدارة طرف في المدرسة وغير مستثنون من استلام الحوافز فالضوررة سيمررون الحرافز لأنفسهم أولا قبل أي معلم
....
لماذا هذا التفكير الأعوج....
لو أصدرت الوزارة قرارا بأن الموجودين في مجلس الإدارة ليس لهم حوافز لما وجد منهم أحد يريد الدخول في المجلس لأن الهدف من دخول المجلس
حافز أبو رتبتين

لادارات المدارس حوافز و لمعلميها حوافر

ذالين المعلمين ذل على هالحافز ابو رتبه
و هم طايحين بالدرجات و الترقيات
اقص ايدي اذا اللي ابتدع سالفة التمهن للمعلمين دخل كورس واحد تمهن

متى بتتعلمون تحترمون المعلم. لازم فضايح يعني علشان ناخذ حقنا!

قم للمعلم و فه التبجيلا
كاد المعلم ان يكون رسولا
مو طرارا
الحوافز حقنا و لا هي منه منكم علينا

محد شايلنكم غير المعلمين يا وزارة التربية ، لا تصيرون محمول و يترفس. لصبرنا حدود و ترى موجهينكم و رؤساء مدارسكم اللي هاربين من المهنه علشان يتحلطمون علينا بزياراتهم مهم كفو يشيلون شغلنا

المعلم بباقي دول العالم
و حتى دول الخليج معزز و مكرم
و اهني مكروف
و متهم بالتقصير مع انه يتستر على عجز الوزارة بتوفير موظفين بأنه يشيل اشغالهم
بس ماكو تقدير و لا احترام

مدرسة للبنين في الدراز ادراتها وصلوا مربوط الدرجات في ٣ سنين من زود الحوافز السنوية

تعبنا و احنا نكرف كل سنه و بآخر السنه نطر حقنا طراره
شغلي و بس هالسنه
و شوفوا ليكم طحين جميع الاستعمالات غيري
نصاب
تأمين
لجان
مراقبة
موجهين
تقارير
تصحيح
بيبي سيتر
و آخرتها الحوافز لاصحاب الجداول الوهميه!!
هزلت

صدقت عزيزي أصحاب الجداول الوهمية الذين تركوا الإدارات تفرغهم من حصصهم الدراسية هم من يستحوذ على نصيب الأسد من
الحوافز
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل

الوزارة مفلسه
باي باي حوافز

يكفي كشف بأسماء مستحقي الحوافز لكل مدرسة لآخر خمس سنوات لتبيان حقيقة الامر و استحواذ مجموعه معينه بكل مدرسة على الحوافز
غالبا تكون المجموعه من القيادة العليا
سبحان الصدف

أرزاق يوزعها المدير على من يشاء ممن ليس في جداولهم حصص تذكر

كرهتون المعلم في شغلته
و خليتون الناس تشمت فيه
نفنش و نقدم على شركة النظافة الاسبانية دامها محتاجه موظفين يعني؟

ما خلت ليها من صاحب وزارة التربية و التعليم
طلبه و اذتهم في التسجيل و الكتب و عجز المعلمين
موظفين اجانب و اذتهم بانهاء العقود بطريقة اقل ما يقال عنها بأنها تفتقر للمهنية
موظفين بحرينيين و اذتهم بارهاقهم باعمال لا تنطوي تحت الوصف الوظيفي لأجل الحوافز اللي تذلهم عليها سنويا
حتى مع انهاء برنامج التمهن للحصول على الدرجه تماطلهم فيها
!!
ليش هالتخبط و من مصلحة من؟

اشمعنى المشاكل بس في هالوزارة؟

انظمة و قوانين ديوان الخدمة ما هي قرآن منزل
و قابلة للتحايل عليها
اذا الوزارة مخليه كل شي بإيد المدراء
و سنويا تعمل تدوير لهالمدراء اللي عاطتنهم صلاحيات مطلقه بسبب فشلهم اداريا عوضا عن محاسبتهم
فتأكدوا ان توزيع الحوافز ناله نصيب من هالفشل الاداري

ديوان الخدمة المدنية هو الفزاعه اللي تتذرع به وزارات الدولة ، و اكثرهم تذرعا به وزارة التربية
البلبلة اللي تصير سنويا بهالوزارة تستدعي على الاقل وقفة تحقيق من قبل ديوان الخدمة المدنية
دامه هو اللي واضع المعايير، على الاقل من واجبه لو ياخذ عينات عشوائيه بكل وزارة سنويا علشان يتأكد من التزام الوزارات بمعاييره
نعلمكم شغلكم يا ديوان الخدمة مثلا؟

هم يعرفون شغلهم زين
و يعرفون ان التطنيش بالوقت المناسب من ضمن شغلهم

ما منه فايده هالديوان
بذمتكم متى آخر مره سمعتون عن مشكله موظف انحلت بواسطته؟
كل النزاعات العمالية لموظفي الحكومة ينتهي بها المطاف بالمحاكم ، و على طاري هالسالفه.. وزارة التربية هي اكثر وزارة عليها شكاوي عمالية بالمحاكم بتصوري

الحوافز تذهب لمن لا يستحقها كالعادة
المعايير يا وزارة هي رضاكم و بعدها رضا المدير و حاشيته
لا تستخفون بعقول المعلمين

الحوافز الهرفيه راحت لربعهم في مكاتبهم الرئيسية و انتون قاصين عليكم بالفتافيت علشان تتهاوشون على ما يتبقى منها بعد توزيعها على شلة المدير

ما هست حوافز هالسنه لا تتعبون انفسكم بالسؤال
اذا الكتب اللي موزعينها على الطلبة حالتها حاله علشان يوفرون كم ربيه
تبونهم يدفعون حوافز - ميصير

اكثر من خمس سنوات مضت على استلام وزارة التربية و التعليم لإدارة معهد البحرين للتدريب
ما النتيجة؟
استبدال كفاءات وطنية قيادية
الغاء الاقسام الادارية و اقسام الدعم الفني
كالصيانة و الحسابات و المشتريات و الموارد البشرية
انعدام تدريب و تطوير القوى العامله من موظفين
تدهور في عدد الطلبة بالمعهد
انحذار بمستوى البرامج و التحصيل
تضخم في الميزانية لا يتناسب مع كل ما تم ذكره
و على طاري الحوافز= ماكو احد شم ريحتها من ذاك الوقت و لغاية اليوم
اين تذهب الميزانية اذا؟!!

تنشفط بعد ويش

راحت الثقب الاسود او مثلث برمودا او احتمال انها راحت لطباعة الكتب الجديده
لان الوزارة بعد فضيحة توزيع الكتب المستعملة رجعت في كلامها و بتوزع كتب جديده
الغريب انها بررت فعلتها سابقا بتوفير مصاريف الطباعة
من وين طلعت الكتب الحين؟
احتمال من اثنين ...
يا ان طباعة الكتاب الجديدتتم بنفس طريقة انتاج قرص الخبز
او انها كانت مطبوعه فعليا مسبقاو مركونه بمخازن الوزارة
قبل توزيع المستعملة

لا تظلمون الوزارة / تلقاهم مسوينها ليكم جمعية حوافزكم / ما يبغون يعطونكم مبالغ ما تستاهل
يمقن بعدين تلاقيهم ينادونكم نفر نفر و يسلمونكم كل واحد ترسة بيكب متأخرات حوافز

و حوافز معهد البحرين للتدريب؟
وينها؟
خمس سنوات ما انصرف منها شي
راحت ميزانيتها وين؟
او ماكو ميزانية من اساسه!! و اذا فعلا ماكو ، ليش؟
بأي حق ؟
بأي قانون؟

من اطرف النكت اللي قرأتها لليوم
كون الحوافز تخضع لمعايير منصوص عليها بديوان الخدمة المدنية
انتوا تعرفون قوانين ديوان الخدمة المدنية؟
و اذا فرضنا جدلا بأنكم تعرفونها، هل تعترفون بها؟
شلون نقلتون قرابة السبعين موظف من معهد البحرين للتدريب من دون موافقة ديوان الخدمة المدنية؟
و الديوان بعد علمه بمخالفتكم لقوانينه شنو الاجراءات التصحيحية اللي اتخذها؟
هذي نكته سمجه ينسفها الوضع الغير قانوني و المستمر منذ ثلاث سنوات للمنقولين.

رد متوقع
و ركيك
و مردود عليه
بكل بساطة الرد على النحو التالي:
وين حوافز موظفي معهد البحرين للتدريب؟
مستحيل الوزارة تقدر تألف رد
ديوان الرقابة المالية و الادارية صرح في تقريره ان لا وجود لتقييم سنوي للموظفين اساسا
هذي ادارة حكومية منكم و فيكم تشهد ضدكم

في المدارس وخلف الكواليس هناك من يستحق وفي المقابل هناك من لا يستحق ومهما فعل المدير سواء بتفعيل معيار الأحقية والأقدمية أو تفعيل العروض والاستمارات وفق شروط الديوان فستبقى فئة لا يرضيها شيء تفتعل المشاكل وتفتري على المدير وهنا نقترح اقتراحا سيريح المدير ويريح المعلمين وهو تكليف فريق خاص من الوزارة لترشيحات الحوافز سنويا أسوة بالترقيات المدير لديه مهام كثيرة وكبيرة وسيكون ممتنا لو أخذت الوزارة على عاتقها مسؤولية الحوافز والمكافآت ولا داعي لجعل المدير ترانزيت بين الوزارة والمعلمين في هذا الموضوع

لم يبقى للمدراء سوى الحوافز و اعداد الجدول ، الوزارة سلبت صلاحية مدراء المدارس واعطتها روؤساء المدارس ، المدير ففط ينفذ اوامر الوزارة وفريق التحسين .. والضحية هم المعلمون .

انزين ما ردت هالوزارة متى بينزلونها هالمكافات .. بس حجي مصفصف .. شكله عطو الي يبغونه واحنا كالعادة مالنا نصيب .. الزرق علي الله

ترى للحين ما خلصنا من مشكلة الكتب المستعمله
و للحين ما ابتدينا بمشكلة مواليد اكتوبر لغاية ديسمبر
و الحين وياهم سالفة الحوافز بعد
هذا غير مشكلة نقص المعلمين اللي كل يوم تطلع بمدرسة
تخصص مشاكل هالوزارة؟

لماذا لاتقوم المدارس بنشر اسماء الحاصلين على الحوافز في المدرسة حتى تكون هناك شفافية وعدالة والمعلمين بيتشجعون لتطوير والنجاح طبعا صعب على ادارة المدرسة نشر اسمائهم لانها تتكر كل سنة وهم مايستحقون للحافز وكل شي صاير سري وعلى علاقتك بالمدير وزمرته او معلم اربع اربع حصص بالاسبوع وماتشوفه الا وقت تسجيل الحضور والانصراف

ما يجوز يا اخي يفضحون انفسهم

هرااااااااااااار . خلي عنكم . في الغالب من يرضى عنه المدير من شلته . و السلام .

اتفق معك و ازيدك بأن ربع المدير اللي راضي عنهم اذا هم في القائمة السوداء عند الوزارة ما بيفيدهم رضاه عنهم لان السالفه امزجه هوامير اكثر منها تقارير و انجازات موظفين

معلمه

كل سنه اغلب المديرين والمديرات يعطون الحوافز لربعهم متملقي الادارات..وساعات في ناس ياخذون كذا سنه ورا بعض..وفي معلمين افنوا عمرهم وصحتهم في التدريس واعضاء فاعلين في المدرسه ويتقاعدون ولا يحصلون حافز واحد طول سنوات خدمتهم..ظلم