طلبة بلا كتب ...كيف نعملل
طلابنا بلا كتب ويطلبون من المعلمين والمعلمات التصرف...كيف نتصرف ؟!
اذا قمنا بتصوير الكتب فكم ستكون الكلفة؟!
وزارة فاشلة

تراها ما هي صعبه السالفه يا وزارة التربية بس تحتاج شوية محاولة منكم ... اسبوع واحد بس
يعني سبعة ايام عدّوها بدون ما تطلعون بفضيحه جديدة او تعيدون التذكير بفضيحه قديمة

نصدق كلامكم لو نصدق اللي نشوفه بعيوننا ؟
ليش الاستغفال و محاولة استهبال ولي الامر؟

لما الواحد يكذب يقولون له عيب
هذي وزارة شكبرها و شغالة كذب على خلق الله من سنين
كلمة عيب قليلة في حق اللي ترتكبه هالوزارة من تدمير للتعليم

سبحان الله
الخبر الثاني اللي بعد هذا مباشرة يفضح ...الوزارة

ماكو كتب و هم يقولون مأجلين علشان نعطيهم وقت للمراجعه

مساااااكين الوزارة
طلع قلبهم على الطلبة - نفس الطلبة اللي ما وفروا لهم كتب

الوزارة تذرعت بان الاولوية في التسجيل لغاية مواليد سبتمبر ٢٠١١ و بعدها صخّت
عيل وين تسجيل الاشهر من اكتوبر الى ديسمبر ٢٠١١
؟؟؟

مالمقصود من وراء سياسة وزارة التربية و التعليم التي تقوم على تغليظ المرقة بشتى انواع المشاكل
مشاكل مع الطلبة بتوفير المعلمين و المادة التعليمية
مشاكل مع اولياء الامور بعدم تسجيل ابنائهم بحجج واهيه من قانون قديم لم يطبق الا اليوم و على مواليد ٢٠١١ بالذات ، لماذا ؟ اي نوع من ترسبات ... لديكم؟
مشاكل مع المعلمين منذ اقرار و عدم تنفيذ الكادر و مزاحمة راحة المعلم المطلوبة للإنتاج بضغط الجداول و ورش العمل و برامج التمهن
لماذا؟

تدمير التعليم و بذلك جيل المستقبل و البلد القائم على هذه الاجيال
هذا هو المقصود
اما مصطلحات جودة التعليم و كل ما يتعلق بها فهو مجرد حبر على ورق و تصريحات للاستهلاك الاعلامي مردودها اقل من الصفر نظرا لتكاليفها بالميزانية.

ما بيسجلونهم لان الوزارة چذبت عليكم و انتوا صدقتوها

متى بتعلنون عن تسجيل مواليد اكتوبر و نوفمبر و ديسمبر ؟

فضيحة الوزارة ستعوضها بمهرجان البحرين اولا وستلمع صورتها بالعناوين الرنانة تعلم رقمي وتكنلوجي وووووالنهاية الدولة تريد تهاوي التعليم

للحين ننطر موسم المهرجانات علشان نشوف اذا الوزارة اللي تركت عيالينا بكتب مهلوكه و بعضهم من غير كتب بحجة التوفير بالميزانية شنو راح تسوي علشان توفر بمصاريف المهرجانات

ياجل الامتحانات .... ياجل قبول الطلبة .... ياجل استلام استحقاقات العاملين ....ياجل ......
عاجل : تم نحطيم التعليم

احلى نكتة
متطوعون ليس لهم عمل الا استلام الراتب ....هههههه

هل يستقيم التعليم بمعلم مقهور مطالب باعباء ليس لا نهاية ....

نصاب ٢١ حصه
تأمين حصص
مشاركة الزامية بلجان مدرسية ما تشتغل
تمهن و ورش عمل ما تضيف شي للمعلم و مضطر يحضرها علشان راتبه ما يتم واقف مكانه
اجتماعات مع موجهين لا يفقهون بالتدريس ، الوزارة محفظتنهم كلمتين تحلطم و وازتنهم على المعلم علشان يطفشونه بوظيفته و كأن الوزارة لم تسلبه اي وسيله لضبط الطلبة بقوانينها

تم تدمير التعليم ....انجزت المهمة بنجاح

اكبر انواع الفساد ....حيث التوظيف والترقي بالمقلوب .... حال التعليم من سئ الى اسوء

طاقم الوزارة الحالى ساق التعليم الى الحضيض ... فقط حقق اكثر من 85 % من سخط المعلمين

وين الكتب يا حضرة وكيل المناهج ؟

يقتلون القتيل و يمشون في جنازته
يقولون التأجيل علشان الطلبة يقدرون يدرسون وقت اطول
ما صارت هذي امتحانات منتصف
و ثانيا شلون يدرسون و هم ما عندهم كتب
حشيش فاخر هذا و الا شنو ؟

بنت المحرق
المشكلة مافي معلمات او معلمين مؤهلين للتدريس والوافدين مأاااااااساة بس يبون الراتب وجلب عوايلهم كان عندنا مكان لهم ولعوايلهم!! وين مدارس المستقبل الي يتكلمون عنها ؟؟!هاذي مدارس المستقبل !!!بكتب محلوله قديمة وبمعلمين تنقصهم الكفاءة !!بس فالحين في الاستعراض بنقاط ايجابية قليييلة في بحر التخبط والخراب
كنا منار العلم في الخليج آه يازمن !!

١- في معلمين مؤهلين
لكن بالمقابل في مضايقة باجراءات و قوانين مقيده للمعلمين من الوزارة
٢- المعلمين الوافدين حالهم حال المواطنين من ناحية الكفاءه ، يعني فيهم السيء
عاد منو اللي مختارنهم للتوظيف غير الوزارة نفسها؟

الوزارة هي السبب الاول و الاخير بتردي مستوى التعليم
هي اللي في ايدها التوظيف و تحفيز و تدريب الموظفين
الخلل و الخطأ منها
فلنسمي الامور بمسمياتها

التعليم في وادي و الوزارة المعنية بالتعليم في وادي ثاني
عموما سياسة الهروب للأمام متوقعه و مجربه
كل افرازاتها مزيد من الفشل للطلبة
طبعا آاااااخر ما يهم الوزارة هو الطلبة

رسالة لك

الخير باق في امتي الى يوم القيامة .

مااقول الا وي وي على البحرين بلد الدمار خيرش الى غيرش والمواطن في مستنقع السياسة

اقحمتم انفسكم بالسياسة

اقحمتم انفسكم بالسياسة والان تذقون طعم اقحام انفسكم بسياسة الدولة .

اولا: الوزارة قاعده تدمر التعليم بشكل عام بالبلد يعني الكل متضرر من غير تحديد الطائفه...ثانيا لكل فعل ردة فعل، الطالب اللي اليوم مهضوم حقه و متشتت بلا تعليم او تربية بسبب سياسة الوزارة، بكره يكبر و يصير عبء على البلد ....للأسف ما عندك بعد نظر ...انت اصلا ما تشوف ابعد من ارنبة انفك

يا ذكي
المركب اذا غرق يغرقون كل اللي فيه
عيالي و عيالك
بعدها خل منطقك الأعوج يفيدك

عيل ليش للحين الدوام من طلوع الشمس الى جريب المغرب والله عجب بس خلوا الطلاب يداومون من الساعه ٨ الصبح الى الساعه ١٢ الظهر احسن لهم

و أزمة منقولي معهد البحرين للتدريب اللي تسببت عليهم وزارة التربيه و التعليم بها ؟ تأجل حلها لكم سنه ؟
خمس سنوات من تحرل المعهد لوزارة التربيه و ما شفنا الا الانجازات السلبية فقط

دمروا التعليم ابتداء من رياض الاطفال و حتى التعليم العالي
والله هالمعهد و البوليتكنيك ى الجامعة و كلية العلوم شدخل ادارتهم بوزارة التربية اللي ما فلحت حتى بإدارة مدارس
هذي المؤسسات التعليميه فوق طاقتكم يا تربية و تعليم
و رحم الله امروء عرف قدر نفسه

سكشن بطالب واحد فقط !!!
هذي ما صارت الا في معهد البحرين للتدريب
و تحديدا في عهد ادارة وزارة التربية و التعليم
هذا فساد اداري يستدعي وقفة تحقيق و محاسبة المتسبب فيه لان المحاضر يستلم راتب ما يغطي ربعه هالطالب الوحيد اللي بياخذ من وقته للمحاضره

من سيء لأسوأ مستوى التعليم بالبحرين
و خصوصا بآخر خمس سنوات بعد ضخ كميات مهولة من المتطوعين و ترقية كم مماثل ممن لا ناقة له و لا جمل بالتعليم اساسا لوظائف قيادية بالمدارس

اذا عرف السبب بطل العجب

ولدي في مدرسة سار توهم مدرسينهم رياضيات درسين ،اشلون بيمتحنونهم ...مانقول الا حسبي الله ونعم الوكيل .

عمرها ما بتعتدل و لا حتى بتعترف بخطأ ارتكبته بحق الطلبة. حتى و اغلب مدارسها حاصدة تقدير غير ملائم بعد مستانس حضرة الافندي بالشووو من خلال الزيارات و التقاط الصور بابتسامته المشرقه
تبتسم على شنو يا حظي؟

نسيتون ما تقولون بالتعميم تكرما و تعطفا من الوزارة اجلنا لكم امتحانات المنتصف. لكن السبب تدرون منو؟ السبب هو الفطحل، فلتة زمانه اللي اشار عليكم بجمع و توزيع الكتب المستعملة. و بسببها لهذا اليوم الطلبة من غير كتب

و من غير شغلات واااااااجد مثل المعلمين و المشرفين الاداريين و المرشدين الاجتماعيين و الطاولات و الكراسي
يعني حدث و لا حرج

متطوعينهم فائدتهم الوحيدة شفط الميزانية بسبب رواتبهم اللي من غير مردود على امل ان تعود أيام الوشاية المجيده

مدرسة سند للبنات .... صف الأول بدون مدرسه ثابتة

على الاقل فيها معلمه
بعض المدارس بلا معلمات
الخير و البركة في الموارد البشرية بوزارة التربية
عفسوا المدارس عفاس هالسنة
القسم الوحيد اللي ينافسهم بالعفسة هو قسم المواد و التجهيزات اللي انتج ازمة طلبة بلا كتب بكثير من المدارس
يعني حتى اذا عندهم معلمه ما راح يستفيدون منها شي

وين هيئة ظمان الجودة ؟

هيئة ضمان الجودة عاجزه
هي مجرد ترفع تقارير فضايح فشل الوزارة
و بالنهاية الأمر يرجع للمربع الأول و هو الوزارة لحل الفشل
يعني يا بو زيد كأنك ما غزيت
دوران في حلقات مفرغه لا له أول و لا آخر
يبه غيروا تشكيلة الوزارة و فكوا الناس من طلبة و معلمين و أولياء أمور من هالاسطوانة المشروخه اللي حفظوها
و على فكرة تقارير الجودة موجودة بموقعهم بشكل تفصيلي لكل مدارس البحرين

احين مافهمت شي من كلمة حتى احد يفهمني الاعدادي اي تاريخ يبتدوون

الإعدادي والابتدائي تبدأ اختباراتهم تاريخ 13-11-2016م وتنتهي 17-11 ، يوجد جدول بالأعلى ، بالتوفيق للجميع

فعلا . صوت تفجر في قرارة نفسي يقول على الدوام : حسبنا الله فيهم ... . !!!

بناتنا في مدرسة بلقيس عندهم مدرسه بس مادرستهم ولادرس ولاعبه في بناتنا بحجة انها ماتبي المدرسه وطالبه نقل والوزاره عندها علم بالموضوع وللحين ماسوو شي بناتنا شذنبهم يتغربلون

خل جيش المتطوعات يدرسونهن هذي حزاتهم ليش طوال اليوم بلع وواكل وين وسام التطوع رواتب زقوم وجامعيات بدون وظايف هل كيف ؟؟!!!البلد خاربة خاربة وفي الريوس والكل ينهب ويحوش بالي يقدر عليه وابن البلد يناظرهم بس خيراتهم

عزيزتي الامور مترابطة ببعضها و الوزاره تدري شنو اللي تتسبب فيه بس هي مو مفتكرة
بترمي معلم بمكان عنل بآخر الدنيا كعقاب ما راح ينتج
بتذل معلم علشان يطلع من مربوط درجة انت ابتدعته، هم ما راح ينتج
بتنتقص من معلم حقه بالحافز بعد سنة حافلة بالعطاء، حتى و ان كان المعلم يعمل بضمير.. هي مسألة وقت من عدم التقدير و ما راح ينتج بالعمل

انا مدرس نفس قصتش

انا مدرس طلبت نقل لمكان وودوني مكان غير وبعيد عن اللي طلبتة قاعد اعاني .

ما في كادر وين المتطوعات خلهم ينقذون البلد خمس سنوات لم يتم تأهيلهم فقط رواتب تصرف من ميزانية الدولة معقولة من انقذ البلظ في سنة الطبعة لا يستطيع الان تحمل هذه الفترة !!!!! لان من تم توظيفهم فقط الاستفزاز طائفة فقط وفقط مصيبة وراء مصيبة ولعنة تتلو لعنة على هذه الوزارة وافدين مجانا يدرسون مجنسين مدارس وثروات تهدر على من استجلبوا من بقاع الارض والجميع يمتص رحيق هذه البلد والنهاية الاصلي بدون كتب ومعلم ووووو لماذا لا يتم اخذ رسوم على الوافدين كما تفعل الدول الخليجية الاخرى الاكثر رخاء من البحرين ؟؟

المتطوعين شغلتهم يستلمون رواتب على الفاضي
هذلين ليسوا مخصصين للعمل
و هم غير مؤهلين اصلا

مدرسة الاندلس فيها ٣٣ من المتطوعين بدون اسناد مهام فعلية لهم.

خبز خبزتيه إكليه يالتربية
مأذينا بوضع من لا يفقه بالتعليم مسؤولا فوق رؤوسنا
من موجهين و مدراء و مدراء مساعدين و معلمين أوائل
و حتى متطوعين ياخذون معاشاتهم بدون شغل و لا انتظام في الدوام
خلهم يفيدونكم الحين

حتى البحرينين

عزيزي حتى البحرينين بدوؤا يتهربون من هذة المهنة والتهرب بالتحويل لاي وظيفة ادارية .

الكتب اشوه بنتي الحين الصف الثاني بدون مدرسه كل يوم تيي لهم مدرسه غير لا واجبات ولا اهتمام من الصف الأول ما عندهم مدرسه الله المستعان

الله يعينكم

احنا للحين بناتنا بدون كتب لا جديدة ولا قديمة وضايق بنت الحال شلون لو بدون مدرسة بعد !! صحيح الا يشوف مصيبة غيره تهون عليه مصيبته
وأطالب من خلال جريدة الوسط يشوفون حل الى هالموضوع .. احنا أولياء أمور الصف الثالث الابتدائي في مدرسة فاطمة بنت أسد نعاني بسبب عدم اعطاء الطالبات كتب دراسية لمعظم المواد رغم ان التقويمات بتبدأ الأسبوع القادم

ضاقت البلد..المدارس و المستشفيات و الشوارع و المنتزهات...بتنفجر ...صرنا غرباء

البلد صغيره و عدد السكان لا يتناسب مع البنيه التحتيه و لا مع ميزانية البلد لتغطية الخدمات المطلوبه من مدارس و مراكز صحيه و شوارع ، اللي قرر يزيد العدد بقرار سياسي خله الحين يشوف الحل بعد ما طبعت المركب

زيادة عدد الطلبه سواء مواطنين او وافدين

تحتاج ترتيب مو بس اشحن البلد وانا حتى الشوارع مو مهيأة لعدد هالسيارات كلها