لا بارك الله فيهم رجال هالزمن ما نحصل إلا الإهمال والهروب من المسئولية

قبل سنتين شافني رجل دين في اكثر من محل للتسوق في فترة متقاربة كل مكان اذهب اليه اشوفه امامي قال لي قاصين عليكم هالازواج اكيد هو اشترى لك السيارة لعمل المشاوير و تلاقينه يشاهد التلفاز قلت له كلامك صح و لكن لا استطيع الاعتماد عليه في الشراء

الاعتماد على الزوجة في انجاز المهام و عمل ال shopping اليومي و الاسبوعي هو راحة ل الكثير من المتزوجين و حتى فلوسهم محتفظين بها في الحفظ و الصون هههه و لكن الزواج هنا لا يكون ناجحا

انته مو سكان مرتك الحين انته .....مرتك????????

ضدهم
لاتكن لينا فتعصر ولاتكن يابسا فتكسر
لاتقصر على زوجتك واولادك ولاتقصر على نفسك في شي ولاعليك من الكلام اللي ينقال
سكان - خاتم-وووو يجب ان تؤدي عليك من واجبات تجاه اهلك وسير يا بويااااااا سير
اما انك تكون(مطي) فهذه مشكلة في شخصيتك وتنضرب بعد؟واوووووو قوية صراحة

اعترف انا ليكم بأني سككككان مرتي وتضربني بس موعارف وش الحل يوميات بحريني مدسوت

اين مشاركات ابن النبيه صالح من ٣ ايام ما شفت تعليقاته هذا النداء من جولييت ..

الرجل البحريني عندما يتزوج من السورية او المغربية او الفلبينية يكون سكانه مرته و يكون مثل المسحور بالسحر ينفذ لها الطلبات و يغرقها بالذهب و الهدايا و الدلع و المصاخه ...

اسوأ انواع الرجال هو الغامض و الجامد و البخيل و الصامت مع زوجته و الذي لا يحقق لها اي حقوق من حقوق الزوجية يعني تعيش معه الهجران و الحرمان كله و لكنه مع اصدقائه كريم جدا و متعاون و يشتري كل شيء من اجلهم و اجتماعي مع الناس والاهل

اني وحدة ما احب الزوج المتسلط اللي يحتقر المرأة و لا يعتبر ليها دور و في نفس الوقت ما احب الزوج اللي على طول يقول حاضر ان شاء الله ... لازم الرجال تكون ليه شخصيته المستقلة و يكون عنده قدرة على الحوار و النقاش ... للأسف زوجي يعتبر ان دخول المرأة في حوار مع زوجها راجع لسوء أخلاقها ... باختصار يحب المرة اللي كله تقول حاضر ... اني صرت أتجنب ادخل معاه في نقاشات و استغرب من صديقاتي اللي أزواجهم ما يقدرون يسوون اي شي بدون مشاورتهم و أخذ الإذن منهم

بالنسبه للردود بعضها حلوه و بعضها تعور القلب - بما اني مو متزوجه ف ماقدر ادخل في التفاصيل
لان الكلام غير الفعل , لو قلت اني احب العصمه تكون في يد الرجل و احب نكون متفاهمين في كل شيء
بيكون مجرد كلام لان الواقع - اما زوج حنون ام متسلط ام عصبي ام خدوم ام محب لربعه اكثر من بيته ؟؟؟
الله يصبر كل إمرأه تعاني من زوجها و يصبر كل رجل يعاني من إمرأته و يا رب تفرج على الجميع

متزوج لاكثر من خمس سنوات اعطيت زوجتي نصف ثروتي ونصف املاكي التي تقدر قيمتها السوقية عينا ونقدا اكثر من 600 الف دينار بحريني في قبال موافقتها لي رضا بالزواج بثانية وعدم السؤال عني مع الحفاظ على جميع حقوقها وافقت وبعد ثلاث سنوات اعطتني شيك نقدي بقيمة مليون دينار للطلاق بثانية فخضعت وطلقتها فهل انا سكانها حقا ام جشع؟

انت لا سكانها ولا جشع بس خيالك واسع

لا نريد من خفيف العقل و المنطق و التفكير التعليق من اجل الاستعراض و الشو اي تعليقه غير حقيقي و غير واقعي

فعلا رضا الناس غاية لا تدرك، اذا فرض الزوج كلمته، قالوا مقصر ولئيم ، واذا تعاون مع زوجته قالوا عنه خروف وسكانه مرته !

انا عندي مشكلة وحدة مع زوجتي وهي كثرة السؤال انتا وين بتطلع ووين بتروح ومع العلم اني ما اقصر وياها في الطلعات وباقي حقوقها الشرعية ولكن وللاسف وبصراحة فعلآ تعبت من كثر ما اسمع هالسؤال، اسوي المستحيل علشان ارضيها ولكن ما فيه فايدة والقهر نفس المشكلة تصيدني اذا بسافر ويا اصحابي ومع العلم السفرة ما تتعدى يومين الى ثلاثة ايام ، تضايق نفسها وتضايقني وتكرهني بالسفرة مع ان من حقي وخصوصآ اني ما اقصر وياها بالسفر فشنو الحل يا جماعة لان عن جد تجيني افكار وافكار فمو عارف شنو اسوي وياها.

كل النسوان جديه يبون ارجالهم لصقة اتفاهم وياها بالطيب يا حبيبي وقول ليها بسافر لله في سبيل الله إلا إذا بعد بتسافر لشيء ثاني

الحياة الزوجية مشاركة وماتنقط مسؤوليه على كتف احد من الطرفين فقط بل اثنينهم يتعاونون في تحمل الظروف والنقاش للوصول لحل ينصف ويعدل بينهم واذا كات الزوجه ذكيه وقرارتها دائما صواب وليس خطا لازم الرجل اطيع والعكس كذلك وعلى الزوجين يقسمون اوقاتهم ومسؤولياتهم بين بعض لتستمر الحياة بشكل طبيعي وانسيابي واتمنى لكم حياة زوجية سعيده

انا ولد خالتي ما يطلع الا اذا اخذ اذن من زوجته وصاير اليها عبووود عدل هههه والمشكلة ينفخ روحه واحنا نجوفه يتنافض اذا تتصل اليه خخخخخ الفقير

صوبة

بعض الردود غريبة
يعني تبي ابوك يشتري الى امك والى اخواتك عادي حلو وبارد
ولا بتقول ابوك سكانه مرته
بتقول ابوك يحب امك
لكن لو انت بتشتري لزوجتك شي
وقالت تبي هالغرض واشتراه يطلع سكانه مرته
لو اختك تبي واشتراه ليها زوجها
بتقول الحمدلله مرتاحة اختي وزوجها زين
اهم شي انت ماتقدم لزوجتك شي
منطق غريب

شوي شوي على روحج لا ينشطر لج عرق الله يساعده هالسكان عليج

اتكلم من حالة واقعية
البنت لو كانت قمة في الانوثة والنعومة في بيت ابوها
وتزوجت
الزوج اذا ما قام بالمسؤولية وماقدرت تخليه يقوم بواجبه
بتضطر هي تتقدم وتتقوى وتسترجل لتكمل امورها وتمشي حياتها
مابتقدر تنتظره كل مرة هو يسوي ويشتري ويفعل
غصبا عنها بتسوي عشان اولادها
وبتعجبه السالفة وبيستمر

انا وزوجي عايشين حياتنا بالتساوي في كل شي , ثنيننا نداوم 8 ساعات فليوم يعني ثنيننا نتعب نفس التعب , انا اطبخ وهو يغسل المواعين , انا اكنس وهو يمسح , وعندنا بنت , نطلع يوم الخميس مع بعض والجمعه يوم طلعتي وهو يقعد مع بنتنا والسبت يوم طلعته واقعد مع بنتنا , كل واحد معاشه لنفسه ولكن مايعنني اننا مانساعد بعض وعايشين حياتنا مرتاحين كل شي بالتساوي الحمدلله ان الله رزقني برجال متفهم مثله

ما شاء الله. وايام الشغل منهو للبنت؟؟؟؟ لا وكل واحد معاشه حقه

حياتنا منسقه جدا و ايام الاسبوع مانفارق بعضنا ونتعشى ك عائله برا البيت او في البيت الا في الحالات الخاصه , يعني شنو بنرمي البنت فلشارع ايام الشغل .. ناس ماتفكر ههههههه

الظاهر خيو جدي عباله فالتة البنت الله المعين ناس من كثر ما هي متعقدة عبالها الناس كلها مثلهم ههههههه
اذا هو رجال وقادر ان يصرف عليها وموفي كل متطلباتها وراضي انها تشتغل ليش يعني بتعطيه من الراتب اكيد بيكون ليها انا اختي مثل حالتها وراتب اختي اليها عمره ما قال ليها عطيني هي تحط من عندها سواءا في سفرات او طلعات او شراي ثياب بس هو ما يقصر الله يخليهم الرجال الي جدي اذا الوحدة بتتزوج تتزوج جدي مو خلنا ساكتين بس

مثل ما يقولون يد وحده ماتصفق ! خصوصا وضعنا فلبحرين يتطلب التعاون بين الزوجين والا محد قدر يعيش

ترى إذا أتحمل شوي الريال بينفجر. أحلى ما في المره اlتسوي روحها أضعف من الريال و تطاوعه وإلا تصير نقمة في حياته الله المجير. ثانيا انتون بس ثلاثة و تقسمون الشغل يعني الصحون مو وايد اللي هو لازم يغسلهم و الطباخ واللي مسندره التعليق به شوي. ترى روحي سوي كل شي لا ما تشوفين عقب عمر طويل إلا انفجر وأخذ فلبينية. ترى هم بعد زينين في الطباخ و البيت و لا يحتاج يشاركهم.٠

انا بالعكس تدخل اهل زوجي مخربين حياتنا ماعندنا مشاكل نواجها فانا اقوم بدورى في البيت وتربية الاولاد وهو في عمله ولايوجد بيننا اختلاف في الرأي علي اي شئ ماعدي تدخل اهله .

ما جفت معاه يوم حلو ...انا اصرف على البيت ومدارس الجهال وكل شي على راسي....واخر شي يسهر الى نص الليل ويروح حق البنات ولا يدري عني....حسبي الله ونعم الوكيل...ولا احصل حقي الشرعي...انجان انا مو بنت ناس انجان اختربت من زمان...الله وكيلي

أنا شخصيتي قوية تزوجت زوجة مسترجلة وللحين مسترجلة يعني مسترجلة وهبلة وين تصير وأنا صابر بس يكبر ولدنا بطلقها خل يوصل عمره ست سنوات بفلتها وخل تروح المحكمة لأن الزوجة حلاوتها في خضوعها للزوج وطاعته ومن تتمرد أشوي صار متزوج رجال ! الحمدلله باقي سنة وبفلتها على أهلها

وليش ماتقول ليها هالكلام مو يمكن تتغير وتنعدل
خصوصا لو شافتك جاد
مو احسن من تكتب هني وهي ماتدري
تقدر تحل الموضوع

ادور الي يريحك ها
6 سنوات كبير يعني!!!
الولد يحتاج امه لو كم يصير عمره

الموضوع مو جذي ،،،، الرياييل اهم ما عندهم أساليب مع زوجاتهم ويصيرون فئران بالليل ويوعدون بألف وعد علشان ليله ،،، رغم ان بامكانهمزيعيشون طبيعي مع زوجاتهم لو كانو يدركون اشلون يكسبونها وما تتغير معاملتهم بالنهار وأخلاقهم

قلت ليكم السبب قبل وعطيت نصيحة ومحد ايدني وبرجع بذكر السبب والحل..خروج المراة من المنزل بدون محرم وسياقة للسيارة وعمل المراة..الحل منع الخروج من المنزل وسحب رخص السياقة

خل الشعب ف حاله
و انته روح السعودية تناسبك العيشة هناك

لو يصير اللي براسك شلون تعيشون هني براتب ما تعيش لو ما تطلع وتقضي امورها حالها حال الرجال ما تعيش روح السعودية ابرك او تدري انضم لداعش

هههههه وانت عبالك ميتين على الشغل ويع ويع يا ريت بس يقعدني جان استانس مع اني اشتغل شغلة زينة ومعاشي قوي بس هو مو راضي اطلع ولا يروح مخكم بعيد مااصرف على البيت بس يقول قعدتش بتخليش تصيرين دبه وبتصيرين تلوعين الجبد بس احين تهتمين في روحش وتلبسين اخر موضة ويع في رجال تعبانة جذي يا ربي كل واحد بلوته غير في هالرجال هادي حالة اني احب اتعدل واتلبس ويش يغيرني يقول بتتمللين هدلين مال برة مشكلة يدرسون برة ويغربلونك بالافكار الي يجون فيها

في نظري ان لما يجد المرأة تقدر تتحمل كل الأمور وأدائها أفضل منه يستغني عن دوره كرب أسرة ونفس الوقت يفقد الثقة بنفسه ،، لكن لا يحب الاعتراف بذلك فالمرأة تتحمل كل الأمور والاشياء التي تخص اسرتها ومن حقها بعدين ان الرجل يكون تحت امرها

سبحان الله ،في رجال تقعد وياهم يجيب لك الضغط بس حكمة رب العالمين تصيده زوجة تسنعه هههههه بس نفس الوقت في حريم ما يبي لهم الا العين الحاره على شان تحسب الف حساب الى زوجها

الزوج الذي يتعاون مع زوجته ويلبي احتياجات اسرته تطلق عليه هذه المقولة

لو كل واحد تعدد في الزوجات جان ما صار انه مره تتحكم فيه وتخليه خاتم في ايدها
لكن كل من تزوج صار خروف كل ما تبي منه شي قال حاضر وتأمرين وشوي شوي صار خاتم في ايدها
مو عيب تساعد زوجتك لكن لا تخليها تتعود
ولا تحرمها من كل اللي في خاطرها بس مو كل مره
لا تصير جاف ولا تكون لين
خلك في النص ومسيطر

اشوف واحد متزوج ثنين اسد مع زوجته الاولي ونعامة مع الثانية لانها اصغر منه ولاعبه به

والله يعتمد على الرجل يكون متعاون وما يقصر على بيته ولا زوجته ماديا وعاطفيا ونفس الوقت في أمور له كلمة الفصل وخط احمر ما تدخل فيها زوجتة اما اذ عودها تحشر نفسها بكل شي راح تقوده مثل ...ولازم تكون عند الزوج مسموعه وله ينعمل الف حساب

والله وجهه نظري انه الرجل سكانه مرته لانه فاهم ما بحصل شي فليل ولا بحصل غذا وعشى فايكون سكان لها ولا عليها ادا ما صار سكانها من ينام وياه ياترا

واعطيك معلومه بعد
حتى اذا صار سكان ما بيحصل شي في الليل !

مسكين صاحبي من أسد في بيتهم إلى فار تحت زوجتة زجرة واحدة منها تسكته والمشكلة أحيانا تسويها قدامنا ... أهو إلي يطبخ ويمشط شعر بنته ويلبس أولادة ويوصلهم ويكنس وهي طلعات مع ربعها أو في بيت أهلها ومخربتنه عن أهله مقاطعنهم بس على شانها قال ويش يحبها

يعتمد على شخصية الزوج وتعامله مع الزوجة والعكس صحيح،، بس للأسف في نساء فيهم عقدة التحكم والتسلط وتبي الرجال ديكور حتى تقول للناس انها متزوجة وهي ولا كأنها،،،

رفقا بالقوارير هي الام والاخت والبنت والزجة هي الامل هي الحياة هي الامان هي الحنان هي الدنيا ولولاها لما كنا

رفقا بالاغراش والاقلاصات

اكيد اكيد تتكلم عن نفسك عاد انت غرشة والا قلاص

والله في ناس واجد السكان المره مالته خصه اذا تروح المجمعات حامل شنطتها وحامل شنطت الجاهل ودز القاري ولاهي تسايح وتتمايح قدّامه دهينه لاتنكتين

أذا الرجل يخدم بيتة واولادة وزوجتة وهو راضي ما المشكلة ؟ هل يعني ذلك هو خاضع لزوجتة ؟ أغلب امور البيت لابد أن يكون هو القائم عليها ولاتوجد أي فوارق بأن تطلب الزوجة بعض مستلزمات البيت من الزوج أو هو يحضرها بنفسة.أما مقولة سكانه مرته فهناك من سكانه صديقه بعد .

سكانه مرته مصطلح سخيف ويسبب مشاكل ويخرب بيوت
فروق في قوة الشخصية بين الرجل والمرأة يجعل حضور المرأة أقوى من حضور الرجل
حب الرجل الشديد لزوجته يجعل من تفكير الناس بأن الرجل ضعيف حينما يساعد زوجته في كل شيئ
الأهل وخصوصاً الأم دخول مرأة جديدة في حياة ابنها وانشغاله معها يجعل الأم تقول بأن ابنها سكان مرته
حسد الناس الذي ملأ المقابر من أسرة وادعة ومحبة بسبب مساعدة الزوج لزوجته بأمور المنزل
جوزوا وخلوا الناس في حالها وبلا سكان بلا خاتم

اعرف واحد لو يصير تخليه مرته يحمل جان حمل لاعنه صيره زمرات وبطاقة البنك عدها ولا تعطيه فلس مسكين وهياته طول اليوم لنص للصبح وهو يتحمل بالجهال ولين هو بالشغل ينامون بالضرب حتى تهيت

الحين يصير الرجال يحمل ما خلو شئ

قال تعالى: وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ

يختلف من سكان لسكان إذا الباور ستيرنق خراب مشكلة

أي والله .. إذا يوم ترجع البيت واتشوف آثار طبخ في المطبخ .. اطلع حطبة اتكسرها على جسمي والدم يسيل مني وأمام الأولاد .. وكل هذا لأني طبخت ولعوزت المطبخ...بالإضافة إلى أن بطاقة البنك اضل عندها ما اشوفها طول حياتي..والقهر انا اله اشتغل واكرف وهي تاخذ لفلوس.. وتالي بقولون احنا نتزوج الثانية وووالخ...

انت سيطر على الوحدة تالي فكر في الثانية

الاخو متزوج وحدة اتشيل حديد او كوماندوز؟

دراما لا تمت للواقع بـ صلة !

كفاية تأليف قصص

كااااااك :(

اللي مايصرف على زوجته ويخليها تصرف عليه واللي شخصيته ضعيفة يستاهلون تكون زوجته هي السكان والجير والمكينة بعد.

هاهاهاها عاد اليوم الوسط موظوعها في الصميم لاحد ايقول موسكان ليها انا اول واحد اعترف سكان زمن سيه سيد راح وليقول موسكان ماعليكم منه اتحصلونه مقفل عنه الباب وصباح الخير للجميع

في ناس موجودين سكانه مرته .. احيانا يكون كلام الزوجه صحيحه .. فمو معناته ان يكون هذا الشخص سكانه مرته

الا من هالنوع من لرجال وعنده زوجه مسيطره عليه راح يجي يوم يحط على، راسها زوجه ثانيه وبالسر يمكن بعدين عاد، خل تنفعها السيطره والفرعنه ههههههاااااي

فشيله بعض الرجال

شكثرهم سكان مرته هالايام

يرجع الامر لسببين 1- لضعف شخصية الزوج و سيطرة الزوجة ع كل تفاصيل الحياة العائلية 2- لإعتماد الزوج ع الزوجة و تملصه من القيام بمهامه كرب اسرة

اذا كانت المرأة سُكاناً لزوجها ، فعلى الزوج أن يكون البريك و الهاند بريك و الا فقد التواز و الا مال أمره إلى الشتات

صدقت

اني زوجي اذا يشوف واحد يساعد زوجته ولا يعطيها فلوس يقول هذا سكانه مرته هو نظريته ان الرجال مايساعد زوجته ولايصرف عليها لان معاشه من حقه اولازم زوجته هي الى تخدمه وتخدم اولاده حتى اذا واحد يحب زوجته يقول هذا مايحبها بس ايخاف منها

عندي صديق طفولة قبل كلة رونات وياة او من تزوج أختفة چنة انقرض مثل الديناصورات او لي يومكم جهاز الذكي ماعندة عندة تليفون طرز بوكلچ او مايشغلة أمطلعة عينة الله يكون في عونة النخية.

مشكل اذا ساعد زوجته قلتون سكان مرته عيل ويش تقولون عن الي تارك كل شي على زوجته من اصبح لما انام قايمه بشغله وشغلي والجهال حاسه جني اله مافي احساس بالمسؤلية عنده حده على السفر والهيامه حالي حال المطلقه او المعلقة او الارملة اسم زواج ماقول الا الله يصبرني ويقدرني اربيهم صح

عندما تصادر المرأة حرية الرجل، يصبح الرجل سكانه مرته.

وينهو اللي سكانه مرته بعرسه بناتي ،،اني لاني شايفتنه ولاني محصله ليه نموذج ،،وفي هالزمن ماشوف الا اللي سكانها رجلها ، المره الحين هيه عمود البيت والاخ عمود القهاوي

هذا لانك تبي السيطرة عند عيالك والزوج يصير خدامة. عندها المرأة تصير اتكالية ولا يكون لها دور بناء، يعني لا تهتم في بيت ولا أحد ودايما تتحرطم. في النهاية مو لصالح العائلة ولا عيالك.

تارسين الديرة اتحصلونة في البيت خيخة او برع البيت أسد او مو غريبة رقم 8 منهم؟!

في السابق كان يقولون سكانه أمه والان أنقلبت الاية فأصبح سكانه مرته، الرجل عندما يقوم بواجباته تجاه أسرته

ضعف في الشخصيه وهروب من تحمل المسؤليات وأنا شخصيا أعرف ناس وايد من هالنوع.

مو كل الاصابع سوى فهناك رجال وهناك رجال غير محسوبين على الرجال وهناك نساء كا الرجال وهناك نساء وجودهم والعدم سوى ولو خليت لخربت

صراحة انا معظم اللي اسمعه يقول هالكلمه.اشوفها فيه ويبي يطلع حرته في غيره.... وإذا واحد اهتم بزوجته واحترم رايها والتفت لبيته قالو سكان مرته وش هالتخلف

ماشا الله عليك تخلف !!! ايه يا المتطوره عرفتي جم كلمه صارو الناس متخلفين

ما فيه رجال سكانه مرته بس الناس من يشوفون واحد قايم بدوره مع بيته وأولاده ومخلنهم من أولوياته قبل اي احد يقولون عنه جدي يبون الواحد كله هايت في القهاوي ومن زوجته نطقت بكلمه عصب عليها بعدين بيقولون رجال

والله من جعل نفسه بسوس لعبة فيه الدجاج

سكانه مرته تقدر تشوفه في المجمعات و الاسواق يمشي خلف زوجته و هي تؤشر على الاغراض و هو يشتري و يضع في العربة و لا يستطيع ان يكلمها حتى لو وصلت الفاتورة فوق ٢٠٠ دينار و في البيت مثل الثور ينظف و يطبخ و يكنس و هي اميرة تلعب في هاتفها ..

ابسط تعريف ل سكانه مرته انه يعمل بالريموت كنترول بواسطة زوجته وانا اشوف النساء اللي يتصلون في ازواجهن و يعطونهم الطلبيات و الاوردرات و الاوامر اذهب و اشتر كذا و كذا و بعدين اذهب الى ... و هو ما يتنفس او يعترض يعني خروف ..

يعني لاتروح تشتري ولا تلبي حاجات اهلك فانت خروف .؟

خروف يعني ضعيف الشخصية يا ذكي .... ما له اي كلمة او سيطرة ..

شنو هالافكار الغبية يعني اذا راح اشترى اغراض بيتهم واغراض اولاده يعتبر خروف لازم المراة تطلع تتسقط بين الرجال عشان اشكالك ما يطلعون خرفان خلو العباد في حالها وانت خلي زوجتش تشاخط من مكان لمكان تجيب الاغراض وتنهي اشغال البيت
ناس ما تفرق بين الواجد وبين التخرفن والله الي افكاره جدي هو الخروف

انا اتمني زوجي يشتري اغراض البيت ومااحب اخرج اقوله اني مستعده اقوم بجميع مهام البيت من تنظيف وطبخ وانت قضي طلباتنا من برا بس للاسف هو تارك كل شئ علي حتي اروح ادفع الابيال والكهرباء واقساط السيارة ومدارس الاولا والقاءات التربوية والمستشفيات كل شي كل شي علي والله قهر.

عشرين سنة و انا اقوم بشراء جميع الاغراض و هو يدفع الفواتير و يجلب الخادمات و يدفع فلوس تصليح السيارات المكلفة و غيرها

الرجال قوامون على النساء واذا صار عكس ذالك فيرجع الخلل في الرجل نفسه فهناك نساء متسلطات على كل شئ الرجل ينفذ الاوامر كأنه ابنها وليس زوجها والزوج شخصيه ضعيفة فتستغل ذالك الضعف ارجعو الى مقاطع محمد شاكر في الانستغرام وبتعرفون ويش اقصد

في نسوان يشتغلون ورجالهم مقعده، في لبيوت يخدمون ويجودون الجهال، ويطبخون ويغسلون يعني مربيه وشغاله والزوجه تجي من الشغل كلشي بارز، ههههههه والبعض تعطي زوجها، راتب من عندها على خدمته في البيت،،،، راحت رجال ترفع الدروازه وجت رجال المطنزه والعازه

هههههه

انه بس الشي الا محيرني ومحير علماء النفس اشلون الزوجه على نفسها تصير هى سكان

هذي من علامات الساعة وقاعدة تزيد. بس لا نخلط بينها وبين مساعدة الزوجة في أمور المنزل لأن هذا هذا من عادات اهل البيت ولا يتناقض مع الرجولة.

الموضوع ليس له اى صله بالتحكم وانما هو الثقه المعطات لربت البيت فى اداره الشؤون المنزل لان الرجل جل وقته خارجه والزوجه هى ادرى بالامور الحياتيه ولذلك تكون الزوجه اصلح لذلك ولكن ليس فى كل الامور