انا عن نفسي الاصلي وبس افضل لحالتي مو كل يوم اشتري في شي اسمه ماركة وفي شي كواليتي ماركة في فرق ولكن الناس ماتدري عن شي اهني

الماركات اكبر كذبه يسرقون الناس

المسألة مسألة ذوق و حسن اختيار معقول و منطقي, اذا كنت تعرف وش تختار بتحصله يعني بتحصله لو في سوق المنامة

وينة وين الاصلي والماركات باقين على الكوبي 1
عطر بدينار ونعال 3 دينار وساعة 5 دينار وشنطة 2دينار وكل ما انعدمت شرينا على نفس الشاكلة
وعايشين حالنا حال اصحاب الماركات الله يزيدهم ويزيدنا من فضلة

الى زائر 4

كلام سليم ويدل على ثقافة ورقي.... احسنت

انا أفضل الأصلي بدون تردد من أكل ولباس وغير ولا أحب التقليد وحتى برامج الكمبيوتر من وندوز وأنتي فايروس
وغير ما أتعامل إلا مع الأصلي وأدفع فلوس وانا مرتاح مو البرنامج الي كوبي أو مسوين له كراك صراحة حرام ليش
الناس ما يحترمون القانون وحقوق الطبع والملكية بالله عليكم شركة تاعبين روحهم ومسوين البرنامج في نفس
الوقت حاطين تحذير بأن هذي حقوق طبع ما يجوز سرقتها أو التغير فيها وفي ناس بكل برود يسون كراك ويسرقون
البرنامج بذمتك أنت ترضى واحد يسرق لك شي؟ أكيد لا.. فإذا ما ترضى ليش تسرق حق الناس!

روح عط هالبيزات فقير احسن ليك

مو كل شي اشتريه مقلد ولا كل شي اشتريه أصلي ..

اكيد الاصلي لكن اللي اسعارها معقولة مو ٧٠٠ و ٨٠٠ و ٢٠٠٠ دينار
مثلا الشنط نشتري من بارافويس او الدو او لندن ديون وهالسوالف
الجواتي جارلز اند كيث الدو حذاء لطيف وغيرها
الاكسسوارات ذهب او فضة
الساعات ناخذ ماركات بس اللي نقدر على اسعارها
طبعا بدون اسراف ومو فوق طاقتنا
في ماركات اصلية محد يقدر عليها مثل ديور فان كليف هذلين ما نقدر نشتريها

تطرحون مواضيع عبالكم احنا قطريين او اماراتيين عايشين في عز وخير والفلوس مو عارفين شنسوي فيها من كثرتها !! مو كأنه بحرينيين نستانس ونتشقق اذا اشترينا شي تقليد رخيص! وين احنا وين الاصلي؟!!

اي والله ههههه ، احنا لو نشتري اصلي جان ما استعملناه ????

اشتر ما يرضي نفسك والبس ما يعجب الناس
يعني بل عربي اشتر على قد ما عندك
والبس ما يعجب الناس

مو عشان الموضة بس الاصلي اريح كثياب الرياضة والجواتي وبعض الشنط وتدوم اكثر من التقليد
بس هالراتب الضعيف مايخلينا نشتري كل اللي نفسنا فيه

اهم شي ذوقي
ما الفائدة من شراء ماركات و هي غير متناسقة؟ و على الرغم من ان راتبي كبير و الحمد لله الا اني اشتري حتى من الدكاكين الصغيرة في الاسواق التقليدية و الحمد لله جسمي متناسق و ذوقي يثني عليه الكثير فبالتالي "كشختي" اجمل و ارخص من زميلاتي في العمل ممن يقتنين الماركات

اكيد تشترين شيلات القطن خخخخ اي دكاكين صغيرة اللي تكشخين منها دلينا عليها !!!

ههههه مسكينة حبيبتي اللبس ذوق انا بعد اشتريالرخيص والغالي واذا ركبتهم مع بعض الكل يطالع ويثني عليه ناس واجد تشتري الغالي لكن ما تعرف شلون تلبسه او تركبه مع قطع اخرى الاساس الذوق يا عيوني مو الفلوس والماركات
ولو توفرت الفلوس والماكات اوووو بيكون نور على نور
عبالش كل من عنده فلوس وماركات يعن يكشخة ما لاول

الساعات اكيد الأصلي أفضل أما الشنط والملابس إذا كانت اصليه وسعرها مبالغ فيه اصلا ما نقدر نشتريها أغلب البحرينيين يفضلون الماركات اللي سعرها معقول ومو غلط نشتري شي اصلي وغالي في مناسبه معينه أو نهديها لشخص عزيز في أحد المناسبات

يقول احد الحكماء
الماركه خدعه اخترعها الاذكياء لسلب مال الاغنياء
فوقع فيه الفقراء

اخد شنطة أصلية من الماركات اللي على قدنا الدو واكسسريز

الماركات خدعة رأسمالية

رخيص وقوي
عجل اشتغل شهر حق اشتري ليي شنطة اصلية ب200 دينار وشهالعبط لاويجيك شكلها يلوع الجبد بس لانها ماركة مادري ويش

يعني اشتري شنطة 500 دينار والا جوتي 700 بس عشان اصلي
حتى لو معاشي يكفي ما اشتري كلها فترة وامل منها واخذ غيرها عشان جدي الرخيص افضل ما تجيك حره اذا رميته

ترميه لان رخيص اكيد بيخترب بسرعة ولكن الغالي سعره فيه حتى لو تلبسه مئة مرة وطبعا مو قاعدة اعمم على كل شي لان مو كل غالي غالي ولا كل رخيص مو زين بس الافضلية للغالي يعني اشتري قطعة وحدة غالية وتعيش سنة ولا اشتري 10 قطع رخيصة وارميها بعد شهر مع العلم اني اشتري الغالي واشتري الرخيص حسب الميزانية

بالنسبة للعطور والمكياج ماينفع تقليد لان تسبب السرطانات وبلاوي للبشرة اما الملابس والاحذية وغيرها اذا توفرت الجودة في التقليد وبنفس الوقت يكون رخيص فليش لا

هههه
حتى العطور الاصليه تسبب هي الامراض على فكرة لانها ايضا تحتوي على مواد كيمائيه

مو تسبب السرطان الاصلي ريحته طياره ماتظل دقسقة بس الاصلي اكيد تدوم لاسبوع بالثياب

ابصم بالعشرة انه لو اجيب لك قعتين قماش وارش على وحده اصلي والثانيه نفس العطر بس تقليد انك ماتميزهم من بعض
مامسئلة الماركات الا خدعه
اشتريت تلفزيون جاينا قبل سنه وللحين شغال ونسيبي اشترى ماركه مشهورة من 3اشهر واخترب بعدشهرين ما الماركه الا خدعه

الاصلي او الماركه ماهي الا خدعه من اجل المال
ركبت الطائرة درجه اولى او سياحيه الاثنين بيوصلون نفس الوقت
اشتريت ساعه 5دينار او5000دينار ثنتينهم بيعطونك الوقت
تلفون ب50او400اثنينهم بتقضي بهم حاجتك
الماركه ماهي الا خدعه ابتدعها التجار لجني الاموال بحجة تميز مستخدم هذه الماركه
بينما في الحقيقه هو انك ستقضي حاجتك بالماركه او دونها فماهي الا خدعه للمال

اَي ما قلنا شي كلهم يبحثون عن المال بس لازم في مصنع أفضل من مصنع وشركة أفضل من الثانية والنَّاس مهارات

الأصلي سعره فيه..
وكما يقول المثل الشائع((عتيق الصوف ولا جديد لبريسم))..

الذوق اهم من الماركة
عن نفسي ما احب تقليد الماركات و لكن في نفس الوقت ما اشتري ماركة بسعر غالي و افضل اني اشتري شيء من ماركة سعرها معقول او حتى مو ماركة بالمرة على اني اكذب على نفسي او على غيري ان ماركة. الذوق في التنسيق اهم بغض النظر ماركة او غير ماركة.

الحين شلون يعني
يا أبيض يا أسود أحب وما أحب ما نبي

واحنا محصلين شيء ورادينه

قول الحمدالله غيرك مو محصل هل انترنت الي تستخدمه

اذا كان أصلي والسعر مناسب لي اشتريه واذا كان سعره غالي علي وخاطري فيه اشتري التقليد اذا كان ممشي عمره أما اذا كان تقليد مفضوح اقنع نفسي بعدم الشراء

أكيد أصلي غالي ع الأقل الثياب أو الاحذية أو الحقائب الي بشتريها بتدوم لي لمدة طويلة بس مومعناها ان كل غالي يدوم وكل رخيص مايدوم

الأصلي ثم الأصلي

فقط من يومين اشتريت ساعتي يد رجاليه ونسائية ماركة "رولكس" كوبي (1) نوعيه جيده ، الإثنتان ب 82 دينار بالضبط (7500 تاي بات ) من أحد الأماكن التي تبيع التقليد بشكل سري في أزقة بانكوك ،، لكن صدقني مجرد تضعهم امام ساعات ال رولكس الأصليه يصيرون مجرد سكراب !! الأصلي ولا غير .

الكاسر
اصلي طبعا بس لأَنِّي مفلس اخد التجاري
على قولت المثل ريحته ولا عدمه

"الماركة" خدعة تجارية واللي يدور "كوبي" عنده عقدة نفسية
من ناحية بيئية وكذلك اقتصادية يجب التقنين من الاستهلاك والشراء. فشراء سلعة ذات جودة عالية بغض النظر عن سعرها او ماركتها افضل من شراء سلعة رديئة الجودة لا تدوم طويلا فاضطر لشراء غيرها وبالتالي زاد الصرف فيها وضرت البيئة كذلك.

ممتاز

بارك الله فيك

كلامك جميل .. لكن لا ينطبق على كل السلع .. البعض من السلع و لنفترض الملابس على سبيل المثال جودتها فقط اسم الماركة و هو سبب زيادة السعر ،، و الا هالماركة ويش تفرق عن ثياب المنامة غير اسمها

في فرق

اللي جرب الماركة بيعرف الفرق
بس يفرق السعر من ماركة لاخرى

رخيص وقوي

الرخيص يخيس

بالنسبة للملابس و الحقائب الجلدية اذا توفر التقليد الرخيص مع جودة تشابه الاصلي اكيد افضل التقليد لان الاصلي لو كان يستحق قيمته و تكلفة تصنيعه غالية فعلا لما امكن تصنيع تقليد رخيص . بس التقليد عملة صعبة و لا يتوفر لكل المنتجات .