وعلى فكرة بناتنا مو واقف سوقهمفي ربيع زواج اختي واخويي وولد خالي ومثلي كثير يعني لا تصدقون الديرة واقفة عليكم وعلى اشكالكم روحوا اخذوا من المكان الي تبغونه بس كفوا اذاكم عنه

صراحة بعض التعليقات تنم عن قلة وعي وادراك مو طبيعي ههههه من صدقهم ناس تفكر جذي استغرب والله يعني يقول لك كل الي ماخذين اجنبيات مرتاحين ليش الله خلقهم بصفات وحدة عشان جذي ماتحصل فيهم غلطة شلون تفكرون جذي علموني داخل مخكم شلون يفكر جذي معنى كلامك ان دول اسيا والدول العربية الي تاخذون منها الطلاق مو موجود عندهم الطلاق 0 اقنعوني بوجهة نظركم لان جذي يعن يكلهم استاندر ومواصفات وحدة يا صبر ايوب على هالزمان صدق زمن اغبر يطلع لك واحد ما يسوى بيزة ويمكن شاق الارض وطالع ويقول ما تصون وما تهر ومو زينة هزلت

فكة منهم خله يتزوجون اجنبيات بس ما ياخذون بنات الناس و مايتحملون فيهم، يجب اجلح املح ويبي بنية ملكة جمال!!!!
الحمد لله اني عزابية واذا فكرت اتزوج ماباخذ بحريني

السلام للكل:
مقابلة البنت اجنبيه او بحرييه،لابد من كشف شعرها،لانها بتكشف لك بعد العقد ومن تختلف الصوره تختلف النظره،ثاني شي المهر الف والطايح خمسمئه،يالحبيب مايحجون جذي،مو سلعه،الصح انا مانتكلم بمهر احنا نشتري الرجل،الفرق بين البحرينيه والاجنبية ليس بالمهر فقط،شوفوا مابعد المهر طول السنه اعراس ومن صالون لصالونالاجنبية معتمدة بنفسها ومكياجها ،اودني بيت ابويي اودني بتعرس بنت اخويي،وبنت اختي وكلها مصاريف،اتسوي مشاكل بينما الاجنبية ليست لها علاقات ودني وجيبني واعراس وبلاوي،وفوق هذا البحرينيه تتشيرط

شلون يعني ما عندها إحساس يوحشونها أهلها تبي تشوفهم
ما أقول إلا مشكل على هالتفكير

ههههههه ذكرتني بواحد رجال عود مدير حسابات في شركة وعنده خير وتقريبا سبع بنايات عنده لكن بخيل ماياكل شي أبدا وكل سنه في الفلبين يقعد اليه مدة شهرين وزوجته مديرة مدرسه بعد ولا يعطيها روبيه مصروف

الحقيقة من وجهت نظري الاثنين معا

تدرون شنو أكبر مشكلة ظلم القانون للمرأة يعني المفروض البحرينية دايركت أولادها بحرينين وعندهم الجنسيات

مهما قلتم عن الزواج و مهما قلتم عن النساء او عن دخول القفص الذهبي إلا أن حياة الشخص الأعزب اكثر راحة من المتزوج ..

الواحد مايحب يعلق لان من تقول رايك قاموا دعوا عليك بالشر والحوبة والمصيبة !! لا حرية صحافة ولا حرية راي شهالحاله ياخي لكم دينكم ولي دين مو شرط كلنا لنا راي واحد والناس اذوااااق

كلامك عدل

من الي بيدعي عليك الا اذا انت لسانك متبري منك تبغون تطعنون في شرف الناس و ما يدعون عليكم اكيد بندعي عليك انت وغيرك ترى الله ما خلق الناس ملائكة وفيهم الزين والين العيب انك تعمم فكرة او شي صادك على كل المجتمع زوجته تخوفه قال كل البنات تخوف زوجته مو زينة يقول كل البنات مو زينات الله سبحانه وتعالى يطالع العباد كل واحد وعمله انت يا العبد الضعييف من عشان تقول فلان مو زين وعلان مو زين والكل مو زينيين ترى احنه مو عايشين في غابة نحتاج نرتقي شوي كيفك تتزوج من برة والا من داخل بس احفظ لسانك عن العباد

ناقشوا موضوع أهم ، ليش مافي قانون يحدد مدة للجهات الرسمية بانهاء اجراءتها اذا شخص تزوج أجنبية ؟ ، على أي أساس ينحرم الشخص من زوجتة علشان شخطة قلم من موظف في إدارة رسمية ، بأي دين وأي مذهب وأي شريعة ، نطالب بقانون يعطي الزوجة فيزا سياحية بعقد الزواج على أن تنتهي الإجرتءات الرسمية للإقامة الدامة في خمسة أيام عمل ، الموضوع جدي ومو للتنذر ، بل يجب طرح سلسلة مقالات تناقش قصص الأشخاص الذين انتظروا سنوات حتى يحصلوا على الموافقة بحجج واهية

خذ لك بحرينية وفك عمرك يا أخي

عن كثر الكلام....
يا أخي انت اتروح سوق اللحم و السمك و تسأل عن السمك البحريني وينه ؟؟؟؟
غالي لو في العلالي قيمته فيه .... بس يحتاج له ذووووووق ......و. وين اللي عنده؟؟؟؟؟!!!!

صديق زوجي متزوج من أمريكية ب الاضافة ل الابتعاد الكلي عن العادات و التقاليد و الدين و الأخلاق الإسلامية شخصيتها قوية اقوى من شخصيته مع انه مدير و جميع السلطات في يدها و هي تأمر و هو ينفذ و الاولاد أمريكيين ..

هذا وأسمح ليي طرطور

المفروض من الوسط ان تكتب الزواج من الاجانب وليس الاجنبيات لان كلا الجنسين الآن يتزوجون من اجانب

لاتزايد ولاتضخم ينعدون على الاصابع ومازالت البحرينية في الصدارة ولايعلى عليها فديتها القمر المحتشمة

غلاء المهور مو هو السبب ... الشباب صار ينظر للحياة مع الأجنبية على أساس انها حياة مثالية من خلال مواقع التواصل الاجتماعي اللي تصور الأجنبية كاملة الاوصاف و البحرينية تفتقد لابسط المهارات المتحضرة و طبعا هذا امر غير واقعي .. كل دولة فيها بنات متفاوتة الجمال و الثقافة .. بالنسبة ليي ما أحبذ اتزوج من اجنبية لأَنِّي بكون على ثقة انها ما بتتزوجني و بتفضلني على ولد ديرتها الا من ظروفها الصعبة .. أفضل بنت بحرينية فاهمين بعض و عارفين عادات بعض و نقدر نربي اولادنا بطريقة وحدة

أستغرب من هالتعليقات ترى في فرق بين فلبينو ما تسوى ظفر البحرينية وبين وحدة أنجليزية

انا اقول ان المشكله موفي المهر المشكله الأساسية في مصاريف الحفل وبهرجه لي تجي مع حفلة الخطوبة ومع حفلة الزواج ????
والحين حتى المهر اصبح مبالغ فيه من نحية الشروط مثلا تبغي الحفل في صالة مرمريز او الدنة او برستيج عداري وزيادة مع البوفية و تصوير وطقم الذهب والفستان الخطوبة الحفل وفستان الملجه وادجيه وصالون والى اخر حيث تصبح التكلفة بسبعة آلاف دينار واكثر
كان في السابق الاعراس في الماتم او صالات الماتم وبي اسعر رخيص ومناسبة الى الجميع ولكن الان جيل البنات يظرون الى مستوى اعلا من مستوى الشاب ماديا

عمرري 29 سنه وماني قادر اتزوج شالحل ياجماعه ؟؟
MJ

روح الأردن مخيم من مخيمات اللاجئين السوريين ةخذ لك وحدة أستر عليها

الزواج حظ والبحرينييه لا يعليى عليها والي مو عاجبه يروح الفلبين صايره موضه

المهور عاديه
أستغرب من اللي يقولون المهر غالي كله 1000 دينار و ثاني شي المهر يرجع حق الرجال لأن في الأساس هي راح تشتري ثياب و ذهب و تلبسهم حق زوجها مو حق أحد غريب أهم شي في الموضوع الواحد يدور عن الأخلاق الجمال مش مقياس يعني أنا أخترت زوجتي الحمدالله قنوعه و أخلاقها زينه و كلفني مصاريف الخطوبه تقريبا 3500 المهر و الطايح و الحفله الواحد اهم شي يختار له وحده متربيه و متفهمه عشان تربي أولاده تربيه صحيحه و البنت العاقله تعرف اشلون تدبر أمور البيت من تربيه و صرف و تحاول ما تخلي قروض على ززوجها

هذي عندكم 500 و 1000دينار احنا للأسف المهر عادتا 5000 على الأقل اذا تاخذ وحدة متعلمة وتشتغل.

اسمحوا لي شباب ،، البنات والبنات بنات البلد من احلى واجمل الأشكال والخلق والدين ، واقول لكم وانا شاب واعيش الحال ، كما تطلبون الجمال أيضا البنت تطلبه ، واقول لبعض الشباب الذين عايشتهم ( حالته حاله ويبغي اغنى البنات واحلاهم جمالا ومالا وهذا حقه ، ولكن ايضا لننظر الى حالنا كشباب ايضا ) نريد ونريد واحنا على قد الحال لا مال ولا جمال واللبيب بالأشارة يفهم ، وطايحين في البنات ذم .

139

هههههههه أعتقد زائره رقم 139 شامه اغره !!! اسمع شتقول انا صاحبي من الجنسيه العراقيه !!! الظاهر الدبدوبه عايشه في لاس فيغاس !!! الله يهديش ويعقل عليش !

اشلون تحكم علي دبدوبة شايفني واني مادري وبعدين مالك شغل قلت صاحبي أو صديقي أو بوي فريند وانت لا يكون مسوي نفسك شريف مكة ما تكلم بنات ليش حلال عليكم وحرام علينا

الموضوع سهل انت تختار شريك عمرك. مب تختار شخص يذلك. اول شي مهر. سعر ناقه ثاني صاله ف افخم مكان كل ذه عشان تكون قدام صاحباتها انها الافضل ناهيك عن المعرس يدفع تكاليف مالها حدود حق هياط. اما من اجانب عرس ف بيت اهلها او اهله يهزم ثمين ثلاث من الاصحاب و انتى الموضوع ...

البحريني امهم بحرينية وعنده اخوات اذا تكلم عن البحرينبة بالزين او بالشين يعني تكلم عن امه و خواته

اولا لا تعرف اصلها وفصلها واكثر الي تزوجوا من غير بلدهم اولها سعادة آخرها تعاسة

انتى غيرانه !
بالعكس كل اللى متزوج من خارج البحرين مرتاح ومشي اموره

قرأت تعليقات تكسر الخاطر .. تعليقات توحي بأن كل بحرينية شريفة و كل أجنبية لا.. دقايق بتغدا و برجع

ويش غداكم ادا مجبوس سمج باجي اتغدى وياك

ما يغلى عليك .. حياك

اوووو صدق احلف المهم تغديت او لا التعليقات الي قريتها وطرحوها بناءا على تعليقات ناس مرضى نفسيين يعني يطلع لك واحد يقول تصوني او يطلع لك ولد ميري يقول جلحة ملحة يعني ...... مثلا كانت خاينة عشان جذي جاك هذا الشعور ان البنات البحرينيات مايصونون شنو هالافكار الهدامة الي يملكونها بعض الاشخاص عباله هو واهله الشرفاء والباقي لا مو متربيين ولا جايين من عوائل محترمة عرفت ليش كانت الردود جذي وبقول لك شي الدنيا دوارة والكلمة الي تقطها سواءا انت اوغيرك باجر ترجع لك وتبتلي في اقرب الناس ويوقولن من عاب استعاب

وبقول لك شي ردا على الي طعن في البحرينيات انت لا محلل ولا مبري الذمة ويا رب الحوبة تصيدك في اولادك وبناتك وبتشوفها باذن الله لان الله عادل في حكمه تبغون تروحون تلعبون وتسوون علاقات وبعدين تقعدون تذمون في الناس واطلعون عليهم حجي ترى بكل مكان في الزين والشين لكن ال يعايش طول عمره على الحرام عباله الناس نفسه عايشة ومتردغة بالحرام لكن مو كفوكم الحمد لله كل واحد يعرف قدر نفسه

يالحبيب ترى البحرينيه هي أمك و هي اختك هذا طبعا اذا كنت بحريني و لاتعمم في بحرينيات ينحطون على الرأس والله و في لا مافي قاعده عامه او ثابته

سؤال للي يذم النساء البحرينيات يا ترى هالذم يشمل اهلك وطوايفك يا ترى شلون طلعت بهذا الاكتشاف العظيم وال يعمم علي البنات الصفات الشينة يا ترى انت عشت حياة طبيعية اكيد صادتك عقدة بالحياة انزين علمنا شنو صادك عشان نقدر حالتك النفسية انزين رحت تعالجت والا انوين شلون تفكر شلون اطالع الناس اكيد بحقد وغل لان الي تفكيره جذي دائما يكون حانق على الحياة مو سعيد بحياته ويتحلطم مسكين كسرت خاطري دائما الانسان الي ينعت الناس بالنقص يكون عنده نقص داخل نفسه مساكين حالتكم صعبة

شبات الجدد كله مستملين و حنانين يبون و يبون ولاكن بدون فاده من الملل الي ضاربنهم

اللي يفكر في اجنبيه ، فكر في اولادك و تربيتهم من راح يربيهم وشلون بيتربون ، فكر في الثقافة و المنشأ و غيرها في الامور لايصير التفكير جنسي بحت

المراة العربية قادرة على انشاء جيل سليم ثقافيا ودينيا واجتماعيا، أجنبية ليس بالضرورة ان تكون اسيوية

مو شرط الاجنبية يعني سيريلانكية او ايطالية !! ترا عادي تكون كويتيه او سعودية وعلى خلق ودين وعاداتهم وتقاليدهم مثلنا يعني لاتشوفون نفسكم فووووق

مسكين عاد مول الكويتية والا السعودية بطالع الاجلح الاملح ويع مسكين صراحة ناس فيها كمية غباء مو طبيعية يا ربي شلون تفكرون انتون ههههه لا وتتفلسف ان البحرينية مهرها واجد تروح تاخذ كويتية الي ا اقل مهر عندهم عشرة الالف دينار انا عشت نص عمري بالكويت وشايفة عروسهم وحياتهم قال ويش كويتية صدقتك عاد

يا اخي تصرف بيزاتك حتى لو بتدفع زياده على قمر سورية احسن من الي بتدفعه على وحده بحرينية تكتشف يوم ثاني بعد الزواج انها ولد عمك جعفر..

مو كل السوريات جميلات ولا كل البحرينيات جياكر وفِي ٣٠٪‏ من البحرينيات بيضان وفِي سوريات حنطيين هذا اذا تطالعون لون البشرة

من حلاتكم بس ... استغفر الله شنو قال ولد عمك جعفر ( لا والله ريحه السوريه احلي ) ...

والله اذا خواتك ولد عمك عباس معذور تتزوج من برة دام تشوف العيانت جذي عبالك كلهم عباس لا لا معذور تحتاج تغير مناظر جان تتغير نفسيتك شوي تشوف الدنيا جميلة حرام طول عمرك جدي منتكسة حالتك لا اؤيدك انك تاخذ من برة احنه بعد ما نبغي زيادة عباس وجعفر بالديرة
بس البلوة اذا العرق طلع دساس ويش بتسوي بتعيد الكرة والا بتغير الانتاج

ههههههههههههههه احسسنت

همك الجمال لا دين ولا اخلاق تبون يادافع البلة

هههههههههههههههههههههه

احس الموضوع يخص الرجال سبب زواجهم من الاجانب بس اشوف كل الردود من النساء يدافعون

لان بنات الديرة حالتهم حالة والعنوسة تأكل فيهم حرام عليكم كل واحد يقول أجنبية ؟؟؟ وبنت البلد من بيأخذها ونعيد نقول ولد البلد لبنت البلد , فكروا بالعيال ودينهم ولا تشتتونهم .

هناك حاجة لتغذية القلوب من مكارم الأخلاق

خل نكون صريحين الزواج من برة هدفه الاول هو الغريزة و رجال عيونه زايغة و ما عنده قناعة و اكيد طبعا ما راح يكتفي بامراة وحدة مو تقولون سالفة مهر و خرابيط او رجال منبوذ و سمعته طابة و مااحد يبيه و على العموم الافضل يتزوج من برة عشان لا يورط بنات البلد بأمراضه النفسية

الحين كل وحده بتقول سبب من جهتها
لين قلنا السبب اهو الغريزة - مومشكلته لين الأجنبية تعرف تلبي حاج ومتطلبات الرجال والبحرينية لا
لين الشغله سببها الجمال اهتمو ونظفو روحكم مو تخلون الفلبينيات على وصاختهم لرجال تروح ليهم وفوق هدا المهر مايحتاج وثاني شغله الموضوع مو لهالدرجه كبير ترى في بحرينيات جميلات ونظيفات وقنوعات ولرجال تدورهم وفي من لرجال حتى لو ماعنده بس مايطلع عن نسب ديرته لو بالسلف يعني رحمو عاد بعض البنات تشق بوزها على السيارة الكشخه وتفكيرهم ابي واحد ابو فلوس وتنطر لين شوي وتعنس

ليش عيونه زايغه يعني - الله جميل يحب الجمال وماله علاقه في عيون زايغة او مغازل كل شخص يعيش مع الانسان اللي يرتاح له مو غصب ياخذ الا من بلده يعني او يعتبر قليل حيا ومو زين وشكرا

اكثر المتزوجين من اجانب شخصيتهم ضعيفة يخافون من البحرينية و ما عندهم ثقة في نفسهم و الدليل يروحون يتزوجون بنات صغار من برة و مو مكملين تعليمهم حتى يهرب من المسؤولية و يصيع على كيفه ..... هههههه

ليش يخافون منها ؟ !
إهي طويلة السان أو طماعة وغير قنوعة ؟؟

أشتهر أهل جزيرة البحرين بالتجارة والزواج من الأمم الأخرى حاصل منذ القدم ، لهذا ترى هناك الكثير جداتهم من الهند والفرس

اني نصيحتي لكل البحرينيات ما عليش من الرجال الي يذمش عيشي حياتش بس نصيحة لا تعطين ولا رجال فلس من جيبش مهما كان مستواش وراتبش وتعرفي على اَي رجال يعجبش سواء بحريني أو خليجي أو عراقي بس لا توقعين في الفخ وتصرفين عليهم مهما أبدوا مشاعر الحب بادليهم الحب اما الفلوس لا خليهم هم يصرفون عليش ان شالله حتى لو القليل اني صاحبي من الجنسية العراقية لكن صراحة أخليه هو الا يصرف علي يطرش بيزات شهريا عن طريق الصراف ويدفع تذكرة الطيران ويتكفل بالأكل والسكن وصيروا اذكياء الي يبيش لازم يدفع

شلون تتعرف يعني شقاعده تقولين انتي استغفر الله

حرية شخصية ما اشوف فيها عيب هو صديق واحد مو الف واحد

وانتي متزوجتنه وهو هناك وانتي بالبحرين؟
جيبيه وياش وخل يشتغل وعيشي وياه اهني

مايصير تدخل عراقي للبلد اصلا هالمسكينه خخخ ممنوع

يدافع البلاء من كلامش من حقهم الشباب يعزفون عن البحرينية

اوافقك الرأي لكن

كلامك اكثره صحيح. لكن باعتقادي البنت البحرينية والشاب البحريني صاروا يتهربون من مسؤليات الأسرة وخصوصا البنات صار فيهم كسل لتحمل ادارة اللبيت والأولاد وكله بسبب هالمسلسلات اللي تاخذ عقلهم وعواطفهم

اللي يتكلم وهو ما يعرف شي
ترى الفستان اذا تفصيل 250
اذا ايجار اول مر ة 150
الكوشة 150 - 200
الصالة مثل مرمريز شاملة كل شي من دي جي واكل وتصوير وكيكة 1800 وحسب اختيارك بيزيد السعر
الصالون 150 - 300
يعني لو في شي غالي مو بسبب البنية اللي تتطلب
هذا مجتمعها يفرض عليها
حتى لو ما بتسوي شي كبير
لازم بتاخذ اكل للمعازيم
بتروح صالون وتصوير وكوشة وفستان
لو في ماتم الوجبات على بالكم ما تكلف
هي ويش دخلها بالاسعار
ولو بتحاسب لزوجها
شوف الكلام من اهل زوجها بعدين فشلتنا وبخيلة ومختارة الرخيص

كلامي لمعشر الرجال المؤيدين للزواج من اجنبية تتكلمون بواقع صدق؟ .. اكثر سبب تكرر غلاء مهور .. تقصون على من ؟!.. عايشين وياكم ونشوف ونسمع عنهم الزيجات .. المهر من قبل لا انولد وللحين المتعارف ١٠٠٠ وهذا بذمتكم يا رجال راتب كم شهر؟.. اللي بينزاد مو المهر وانما الطايح او بتعبير ثاني المبلغ المخصص لمصاريف الزواج .. وبهالزمن صارت البنات ما تاخذه وتفضل ينصرف على شغلات مهمة بشقتهم او يسافرون اثنينهم واوردي مو ملزوم الرجل يدفعه اساسا بوقت العقد يعني لا يقول مخنوق ماديا من البداية..سببكم الثاني قلتون البحرينية تحب الحنة والزنة .. انت يا رجل اذا عرفت تتعامل ويا الانثى وتأخذها بالسياسة وكانت لها قيمة وقدر عندك كل هذا ببين بعيونها وبترضخ لك بس اذا انت مو قادر تعطي ولا متفهم لا تقط اللوم عليها سببكم الثالث شروطكم .. بيضا طويلة ضعيفة .. شروط الثلاجة حفظناها .. ابحثوا عن نصفكم المكافئ لكم .. لا تقول ما حصلت .. قول انا إنسان متطلب وما ابحث عن الشغلات الدائمة من تدين والتزام وتواضع واخلاق .. والبنت ما تتشرط بشكل الشخص بالعادة .. فارحموها شوي سببكم الرابع الحق الزوجي .. على اي اساس حكمتون على كل البحرينيات انهم ما يلبون حاجة الزوج جنسيا ولا يفهمون بهالامور.. احنا بزمن العولمة مو سنة اجدادنا .. اغلب بنات الحين شايفين الدنيا وعارفين المغريات الموجودة فيها وعارفين ازواجهم اش يحتاجون وشلون يرضونهم والرجال المفروض بنفس الوقت عارفين شلون يرضون زوجاتهم.. اش كثر المشاكل هذي ويكون سببها الزوج؟!.. بس المرأة بطبيعتها تكتم وتصبر وانتون جريئين وعلى اقل شي تكلمتون .. في خلل عالجوه بينكم .. تفاهموا مع بعضكم مو دايركت تنشرون الإشاعات اللي تخلي حتى الجيل الجديد اللي توه صاير بسن الزواج ينچعم وياخذ افكار غلط ردودكم تعور القلب .. وما في أنصاف بصراحة الله يهديكم ويعطي كل واحد على قد نيته

كلامك صحيح التكلفه عندنا تتعتبر لا شيء مقارنه بدول الجوار بس احنا ما نحند الله على النعمه بنت متعلمه وتشتغل واخلاق وادب وجمال والمهر ١٠٠٠ دينار بس

كلامك عين العقل بالضبط

عندي سؤال إشلوون اسمحت لك الوسط تكتب هذا التعليق الطويل جداً !!! إحنا اذا كتبنا ثلث تعليقك استلمنا مسج يقول تعليقك أكبر من الحجم المسموح !
ونحاول نقص منه وهو يكرر علينا نفس المسج البايخ

نفس التساؤل عندي لان كل يوم اضطر ل مسح أكثر من نصف التعليق و بعد يطلع لي المسج البايخ عدد الحروف أكثر من المسموح و في اشتراك يجعلك تشارك ب 1000 حرف .. ام محمود

انا رأي الي يبي يتزوج اجنبية. ..ما مشكلة لاكن خليه بعيد عن الاسيويات. ..عيالة يجيون بعيون آسيوية. ..والتطتز ما يوقف

اللي يفكر بالزواج باجنبية
لان حاط في باله البحرينية او الخليجية نوع واحد
حنة ورنة وزنة وتبهدل ومافي رومانسية
وخصوصا الناس المتشبعة من الافلام
فتبي هالحياة
مع ان يقدر يعيشها مع بنت البلد
لكن بسبب الصورة المنتشرة عن البنات فيلجا لبرا
ونفس الشي البنات
في بالها البحراني بخيل وماعند مسؤوولية وما يهتم بنفسه
فتحلم بالاجنبي والخليجي والتركي

تحس بعض التعليقات فيها نقمة مو طبيعية يا اخي تبغي تاخذ من برة روح احد ماسسك شايف البنات يعني مجودين بنطلونك ارجوك ارجوك تزوجني هههههه روح ليش الكلام الي ماليه معنى الا ملحة والا جلحة والا ماادري شنو والقنبلة الي كتبها شخص يقول تصونه صدقتك عاد بعض الشعوب من يوم هم صغار معروف عنهم مدارسهم اختلاط وفيهم بلاوي انزين هل تعرفون ان في المغرب بيوت تسمى بيوت الامهات العازبات وين مخكم وبعد ما علينا كيفكم بتتزوجون عساكم من المريخ بس كفوا اذاكم عنه ترى بناتنا مو واقفين على النطيحة والمتردية

غلاء المهور وكثر المتطلبات وتقريبا يكلف العرس 4 إلى 5 آلاف ..هو مسكين راتبه قليل جدا يضطر يأخذ قروض..قرض زواج أو قرض بناء وغير هذا تطلب عليه أشياء واجد ....تالي حتى راتبه مايكفي لنص الشهر يعني ويش بخليها تعيش في فقر
خلك عزوبي وعيش مرتاح لاهم ولا غم وبيزاتك خلها لك ونس روحك فيها ..

انا امبي اتزوج واذا انت هالقد خايف على فلوسي بحطهم في مخباتي وادفع ليي مصاريف

انا رجل ، واقول مافي نفس بنات البحرين :
-المهور مش غالية ، نشتري سيارات ب 13 الف ونستخسر مرة طول العمر وياك ب 5 او 7 الالف
-الاجانب مهم صارت محترمة وطيبة تبقى بالاخير بيئتها غير بيئتك وتنعكس على التربية ، يمكن لو عربية اهون بس اجنبية التربية بتكون على النسق الاجنبي
- الطلبات يمكن تكون مبالغ فيها بس البحرنية بتوقف وياك في نوايبك اما الاجنبية مع اول طيارة بتلاقيها مع اعيالها لما تطيح والسجاجين تلعب فيك
-تتحلطمون على البحرينية معاشاتهم قروض لعيالكم ومدارسهم تالي يقولون اجنبية

انته تتزوج بحرينية وتربون عيالكم على العادات والتقاليد والدين وفي النهاية ولادكم ينشقون عنكم شلون لو بتاخذ وحدة اجنبية ما تعرف اصلها ولا فصلها وش بيطلعون ولادك ؟ كلكم راع ومسؤول عن رعيته هدفك من الزواج بس اشباع الرغبة الجنسية لو تجيب ولادك يرفعون راسك؟
اللي من جنوب شرق اسيا ما تعرف شنو ماضيها وحتى لو كانت اجنبية حياتهم جدا مختلفة عنا وفي حديث عن النبي عن الدقة في الاختيار لان يأثر على النطفة لكن كل واحد يتحمل نتيجة افعاله في النهاية ومثل ما ذكرو الجماعة ما بياخذونك الا عشان فلوسك يالطيب

ما لا تقبله المرأة البحرينية (بما فيهم الوالدة الله يحفظها) أن الأجنبية تعرف تكسب الزوج بالمعاملة، ادأما البحرينية فتعرف تطفش الزوج بالطحنة والمنة، وطلبات الاثنتين متشابهة الا ان المعاملة اذا كانت ممتازة فالزوج يقوم بكل شي بحسن خاطر ومنه من نفسه ويستحي ان قصر، أما اذا كان طافش من الاسلوب والتشرط والتمنن فزين اذا طلع منه شي. وتبقى اصابع يدك.مو وحدة، في وفي.

هناك احصائية ظهرت في العام ٢٠٠٦ تقول ان نسبة زواج البحرينيات من اجانب تفوق نسبة زواج البحرينيين من اجنبيات .. فليش العتب على الرجال؟! كل واحد من الجنسين يريد تحقيق "احلامة" بالطريقة اللي تعجبه .. ناس مو عاجبنهم "الشكل" يبغون "يعدلون" النسل مو شرط علشان غني وفقير ومو محصل .. البحرين مليانة بنات وصبيات .. وانا اقول هم اولى من غيرهم

اذا البنت انلعب فيها باسم الحب وانغذر بها الاجنبي افضل من البحريني واهم شي اخلاقه
مزوجين ويلعبون باسم الدين وتدينهم ويسوون روحهم اية الله وهم متزوجين وعندهم اولاد واللعب في البنات غير الوصاخه في مواقع التواصل

ومن قال ان نعتب على الرجال الي يتزوجون من برة خل يتزوج عشر بعد عليه بالعافية هههه بس الغلط ان يجي ويعيب ويقول الا جلحة والا ملحةوالا ماتصون والا خاينة والا شنو يا اخي عندك عقد نفسية روح فرغها برة احسن للعيباد لا تاخذ من هني وتوهق بنت الناس احين السؤال الي يطرح نفسه وخاصة للي يقول تصونه الي من برة لا تعرف اصلها وفصلها ولا تعرف اذا هي زينة او لا ولا تدري شلون مشيتها وحكمت انها زينة وادمية ومباشرة تزوجتها وهني قاعد تذم بالبنات وتنتقدهم بالله عليكم لو مو شاق الارض وطالع ما قال جذي والدنيا دوارة

انا عن نفسي عرست بالقروض ونفصلت ..
للأسف البنات همهم لفلوس والاكل والجنس
والحين ما افكر اعرس على بحرينية وبما ان ديون الارتباط الاولي تلاحقني والراتب ضعيف والملكة صاحبة الجمال والاناقة اللي تبي ترتبط شروطها نفس ركبتها لمقحلفه خلها تقعد في بيتهم ونا مرتاح الحين ومستانس وافكر اعرس على اجنبيه وعيش باقي حياتي بدون هم وغم البحرينية.

غلاء المهور وش دخله وهو ماخذ الثانيه اجنبيه هذا غباء اولا وثانيا العولمه وقلة الوازع الديني المنتشر .... اوصخ منهم وانجس منهم مافي بس حب الشهوات عماهم

لسبب بسيط الجمال ورخص الزواج وخصوصا المغرب والاردن

أشوف اللي يتزوجون أجنبية في الأعم الأغلب يبحثون عن المتعة والراحة الجنسية بالاضافة اختلاف عادات وتقاليد تعتبر أفضل بالنسبة لهم. بنات البلد فيهم الخير والبركة والحسن والجمال يبقى نحن الرجال نتفهم ونطور مستوانا كي نوفر حياة كريمة. شكرًا لكم

ليش ما تتزوجون أجنبيات مسلمات ماشاء الله في وايد شفت في بريطانيا مراكز تزويج إسلامية في بريطانيات من أصول باكستانية وغيرها جميلات وعندهم الجنسية البريطانية ومسلمات وملتزمات ومن كل المذاهب الإسلامية ومنها تحسين نسل

كثرة الرفض الواحد يتقدم لعشر بنات ويمكن مايحصل أي وحدة.

مو لان البنات متطلبات او ما يعجبهم العجب .. يجوز السبب راجع لمواصفات الخاطب .. البنت بالنهاية تبي شخص كفؤ رزين يعتمد عليه ويتحمل مسؤولية بيت وعيال

الحين الظاهرة الزايدة زواج البحرينيات من اجانب

وهذه الظاهرة منتشرة كثيراً .. وليس بها أي خطأ ،بل ورثت لنا جيل جديد يتسم بصفات جديدة عالية المستوى لم نعهدا من قبل

هلوووو خلك عزوبي أفضل شي لو تأخذها ببلاش بعد بتصيدك مرارة الحياة العزوبية راحة الدنيا

متزوجين من 20 سنة و زوجي يعيش العزوبية بالطول والعرض يعني يطلع من الصبح إلى الليل و زيارات ل الاهل و رحلات بحرية مع الاصدقاء ..

انا عن نفسي اعتقد بسبب قلت المعاشات وغلاء المعيشة وانا البحرينية ما تتقبلة انا البحريني علئ قد حالة وخصوصن اذا كان لا يملك سكن وفي الأخير هذاي وجهت نظرا لا اكثر

روح اتعلم تكتب عربي

اللي يبي يتزوج بحرينيه أو اجنبيه على راحته مادري ليش مسوينها مشكلة يعني انت بحريني لازم ماتتزوج إلا بحرينيه فرض عليك حتى البحرينية الحين تتزوج أجنبي وفي حالات واجد وفي تزايد كل إنسان واللي تشتهيه نفسه ويميل له قلبه عساها من جزر الواق واق واللي اقول المهر غالي هذا ببغاء يكرر الكلام بدون وعي والله مهر البحرينية جدا معقول ومن راتب 4 شهور تقدر اجمعه

المهر بروحه معقول، تكاليف الزواج مجملا غير معقولة

والي راتبه 250
شلون يجمعه!!!
خلكم واقعيين شوي

السبب واضح الناس الحين مو نفس قبل. والبنات مو نفس قبل في متطلباتهم والتقييد في العادات والتقاليد الا فئة قليلة جدا. والشاب البحريني الكل يعرف عنه الضغوط الي صايدتنه وفوق هاده قليلين الي يساندونه. والزواج من الأجنبية يستبعد كل هالامور وفوق ده الابنية قطعة قشطة. بتزوج اجنبية.

يجماعه والله ارخص مهر البحرينيات والصناديق مااتقصر الي ماعنده تعطيه وفي تجار 1500 بارزه الي واحد بيخطب لاكن المبالغه في الحفلات اكثر تكلفه من المهر بكثير للعلم فقط لاحد يفكر مهر الاجنيه ارخص انا سئلت يطلع ينفس المهر واكثر

باخد ليي وحده يتيمة مقطوعه من شجرة حق لاتقولي بروح لاهلي

والله في بحرينيات فقراء ويرضون بالقليل، والأجنبية مابتقبل الخليجي إلا لفلوسة مو لسواد عيونه، والبحرينية من صغر البحرين تقدر تسأل الناس كلها عنها، اما الأجنبية من يعرف ماضيها؟والبحرينية ذهب محد يتساوا وياها

والله في بحرينيات فقراء ويرضون بالقليل، والأجنبية مابتقبل الخليجي إلا لفلوسة مو لسواد عيونه، والبحرينية من صغر البحرين تقدر تسأل الناس كلها عنها، اما الأجنبية من يعرف ماضيها؟والبحرينية ذهب محد يتساوا وياها

خلنا حياديين شوي ، اللحين صار الحرام اسهل من الحلال اولاً ، ثانياً بنات الشوارع ماليين البلد خصوصاً الجفير وشارع المعارض ، ثالثاً المهور ارتفعت واجد وهالاشياء سهلت الحرام ، والزواج من اجنبيات هذا كله من حكومتنا ، كلشي صار غالي والمواطن يعض الارض جان يطلع جم بيزه ، وفوق هذا بياخذون ضرايب ، البنت من حقها تستانس في ليلة عمرها اللي ما بتنعاد ولكن بتوازن ، اني بنت ومهري عطيته زوجي هديه وماسويت زواج ما يهمني هالشي ، ولكن في بنات يهمهم ، لكن خفو ع الشباب شوي وشكراً

والله عفيه عليش يعني تقول عطيته مهري وهي تضحك صدق أنش مسكينه بعد نصيحة البحرينية تركي عنش المثاليه الزايده لأن الرجال يحب المرأة اللي تعرف حقها وماتفرط فيه

ليش مسكينه ، على بالش الرجال بيحط لش قدر اذا طلبتين مهر فوق المعقول ؟ ترى بالعكس حبيبتي , الرجال يحب المرأه القوية الشخصيه اللي تخلي ليها اعتبار وكرامه وعزة نفس وهالاشياء ما تجي بالفلوس ، تفكيركم عقيم للاسف ابني مستقبلش وخلش امرأه قويه ولها مكانه وشوفي زوجش شلون بيقدرش وبيحترمش ، اما اذا بتحطين كرامتش ويه الفلوس ترى بتكونين انتين ونعاله واحد !!

لا المهر سبب ولا العولمة سبب
والسبب الرئيسي هو الاختلاط وانتشار هالاجنبيات في بلادنا
والله يغربلهم ويمحيهم من الوجود يتمشون امفصخين والرجال تزيغ مرارتهم ومافي الحين غض بصر وانما تفتيح بصرههههههههه

المحترم والمتربي واللي يخاف الله مايغلط بالحرام بس ضعاف الانفس هم من يغلطون
ويغطون اغلاطهم بعبايه اعمالهم الطبية في ديرتهم مهمها تغطوا بينفضحون بيوم

هي هي هي حدكم على البحرانيه مافي احلا منها وصبوره وتتحمل كلشي وقنوعه لا تنسون انتون وامهاتكم واخواتكم بحرينين يعني اللي يعيب على بنات البحرين يعيب على اهله اولاً
ما اقول كل البنات ملائكه في منهم يحبون الفشار والزمط في كل بلد في بس الاغلبيه ويش حلاوتهم
كم تسوه اذا قالت ليك البحرانيه يا خلف جبدي مو احلا من تأبرني ....

الصراحة الصراحة، تؤبرني أحلى.

مشكلة البحرينية مو متقبلة واقع ان متوسط الرواتب من 400 ل 600 احين واذا بيفتح مشروع ما يبي ايه راس مال، الزواج يكلف في حدود 7000 مو مشكلة، المشكلة انها تنيى ان لازم بعد مصاريف للسيارة وللبني والاثاث.. واغبى نوعية الي تقولك خله يدفع ليه ذاك المبلغ عشان لا يفلتني بعدين !

صدقت زوجتي من اخذتها وهي تخليني كله مديون من قرض الى قرض
تالي طلعت اله في بالها تقول ابغيك كله مديون علشان لا تتزوج شالتفكير الوصخ هههههههه
يبليها طلاق مو زواج ثاني

أفضل البحرينية ولكن الأجنبية أكثر واقعية ومحبة للحياة
وأغلب البحرينيات طبعاً موكلهم تمرمر وتحلطم وتبي تفوشر ولاتعرف تطبخ عدل ومايطالعون مدخول زوجهم بس يطالعون اللي أعلى دخل منهم ويبون يسون نفسهم...

شرق اسيا ثقافتهم مختلفة، المغرب وسوريا عليكم بهم يا شباب !، صواريخ و عرب

زائر اليوم أتخذ البعض من النساء بأن من يريد ان يتزوجها اما ان أن يدفع مهر كبير جداً بحيث تكسر ظهر الرجل وإذا أخذ الرجل إمرأة أجنبية ومتمسكة بدينها وتعطى حقه تحترمه ويحترمها كان هذا عند البعض من الأعداء إرحموا من في الأرض يرحمكم من في السماء

الموضوع مو سالفة غلاء مهور وتشرط البنات.. مشكله بعض الشباب هو البخل.. يبيغيها بأقل تكلفة... ماصارت سلعة في السوق تنطر أيام التخفيض جان يقل سعرها وتشتريها.. يبغي جامعية بس هو يا دوب مخلص الثانوية.. يبغيها جميلة وبيضاء وأنيقة وهو زين منه يتسبح ويحلق في الشهرين مرة.
الاعتدال في كل شيء خير الامور وأفضلها... بنات البحرين جمال وطيبة وتبغي الستر .. تبغي رجال مو أشباه رجال.. يتقدم للبنت وما عنده مصاريف ابسط الامور.. وين فلوس شغلك صرفتها على البهرجة والطلعات مع الشباب والسفر!! اي مسؤولية تراويها البنت

بالنسبة ليي معظم اللي ياخدون من برا يكونون مو مكونين نفسهم وما يحاولون يكونون نفسهم ادا تزوج بحرينية وهو ساكن في غرفه وما يحاول يطور من مستواه المعيشي الفلبينية بتسكت عكس البحرينية ما بترضى انه يقعد جدي ينتظر الفرج

الفاشلون هم يتزوجون الاسيويه علشان لا احد يعرف او يفضحهم اما الواثق من نفسه يحب البحرينيه بنت ناس متربيه وخلوقه مثله اتعرف قبل ما ينطق شنو يبي واتواسيه وقت الشده وتفرح له وقت الفرح

الفاشل يكون في حياته مو بزواج اجنبيه واصابعنا مو سوى وشكرا

كلام صحيح بس لو كان توجد هالبحرينية في هالزمن! قلة من البنات اللي ممكن يحملون هالصفات لكن الأغلبية لا ولا أهلهم بعد يستحقون ان الواحد يناسبهم. الزواج من أجنبية (غير الاسيويات) يوفر المال والمصاؤيف وتكون زوجته في معظم الحالات على هواه وقلبه. البحرينيات مع الاسف و أهلهم مو نفس قبل.

الفاشل انته

ههههه وليش محتر اكيد فاشل ومئة بالمئة بس حبيت اعلق ان ترى ذاك اول الفلبينية تصبر معظمهم ما يصبروةن ويحنون ما عليش من الي يلحن عليهم اعرف عوائل واجد ماخدين فلبينيات تعالي شوفيهم حنة ورنة لا وواحد منهم بعد كا شاب يبغي ياخذ بحرينية ويع من الي بطالع مثلك شايب عايب منتف لا واولاده فلبينيين حدك الفلبينية بعد تخب عليك خلاص ما تلبس غير اللباس

ليش يعني الاجانب فاشلين وأنت حضرتك الناجح . طيب ليش مانعكس الامر يمكن الأجانب مايحبون الفاشلين ويتزوجون فقط من الشخص الناجح

المهر +الشروط+المظاهر +التواص الاجتماعي غير من تفكير المرأه الى الزواج ادا البنت واهل العروس تغاظو عنهم بنكون بخير وعقب الرجل البحريني بفكر يتزوج بحرينيه والحين اغلب الشباب يتزوح سوريه او عراقيه والسبب يرجع الى ال 4 نقاط????ودمتم سالمين

الزواج قسمة و نصيب
و اسباب الزواج من الاجنبيات متعددة
و
لكن
اللي بيتزوج من اجنبية لا يعيب على بنات البلد اذا كان هو و اهله طرقوا الابواب الخطأ

تعجبني
أحسنت

والله انا ندمان ليومي هذا اني اتزوجة من الديره
لو ماخد لي سورية او لبنانيه اشرف لي

"اشرف" ؟
ترى الشرف مو بالتعميم و لا بالجنسية. و اذا انت ما عرفت تختار الشريفة و انت في بلدك و تقدر تسأل عنها و عن طوايفها بتعرف تختار الشريفة من بلد انت الغريب فيه؟؟؟؟؟؟؟؟؟؟؟

وش مجودنك؟ روح هكم على قفا من يشيل وزين بنت الأصل وبنت الأجاويد ترضى فيكم حالتكم حاله ومنتفين

زائر للأسف الشديد البعض من النساء يفكرون بأن الزوج يملك الدنيا ومافيها وتنظر بنظره أرفع منها وكل حاجياتها متوفرة ولكن لاتعطي الزوج حقه في الراحة الجنسية والأدهى والأمر تغتاب فلانة وعلانة وتقول بأنها متدينة

الخليجيات عموما جايفين نفسهم، والبحرينية اقل وحدة جايفة نفسها بينهم. وعلى ما يسمونهم بعض الكوميديين (الأسبانيات) ههههه لان الصراحة عليهم تصرفات تفقع المرارة. اللي تبي حفلتين واللي تبي ثلاث حفلات واللي تبي تسافر شهر العسل حول العالم واللي تبي فستان يبي له قرض 14 سنة علشان يخلص واللي تبي تتفشخر على المعازيم وتسوي الهول والعبر. يعني حالتهم حالة. والاجنبية ما تبي الا الشي القليل وبعدين في الحالتين الخليجية او الاجنبية بطلعون روح الرجال. انا اقول يتم عزوبي أحسن له بألف مرة.

ليس المهر لكن الشروط التعجيزيه الى تجبر الشاب البحريني يتزوج اجنبيه
المهر معروف ومتعارف عليه 1500 دينار
لكن المصاريف الاخره الى تكسر الظهر
منها الصالة اسعارهم مبالغ فيهم 2000الف و 3000 الف
لا وكل النسوان مايرضون يسوون في صالة الماتم ويقتنعون ابها
لا لزم صالة معروفه وفشار
وكل هذا تقول هي الى ليله بلعمر
وطلبات الزوجه الى ماتخلص
يعني الى يبي يخطب في هلجيل الفاشل
لزم يصرف على الاقل من 6 الى 7 الف دينار

نفس المبلغ بتصرفه عالأجنبية اللي راح تجيبها البلد بذيك القيمة وراح تدفعك طول حياتك اكثر من بنت البلد وياريت ليها المبالغ الا ليها والى اهلها واذا سافرت زيارة خسرتك فوق الالف من تذكرة ومن هدايا لبيت ابوها يعني طلعت المهر من عيونك بالتدريج وبالشطارة وانت تضحك

لعلمك فيه صالات 1800 دينار شاملة الاكل والتصوير والدي جي
بت عمي بتسوي في ماتمهم
سالت عن الوجبات طلع ليها بالف ومئتين حسبب عدد المعازيم
لو بتاخذ الباقي من تصوير واغراض وكوشة يطلع اغلى عليها
غيرت رايها وسوته في صالة

من واقع تجربه انا زوجت من بحرينيه واجنبيه..الاجنبيه طلعت روحي من الطلبات وهي معي ومخها وهمها في أهلها..مارتحت الا عندما طلقتها رغم انها من ارقي الدول الاوربيه .كيف لو كانت من شرق اسيا. انصح الجيل الجديد الابتعاد حد الامكان عن الاجنبيات الا للضرورة..هذي الموضوع جدا مهم لان كثير من الشباب خسر فلذه كبذه (الاولاد)بسباب زواج الأجنبية..البحرينيه اذا كانت بت اصل بتوقف معاك الي اخر لحضه في حياتك

مسامحة، أعرف واجد ناس متزوجين أجنبيات، ومرتاحين أكثر من المتزوجين بنت البلد، أحس التعليق كاتبته بنت.

مثل ما في المرتاحين في الي مو مرتاحين انا اعرف حالتين واحد تزوج مغربية وشردت ديرتها واخدت الولد وياها والثاني تزوج مصرية وفي ليل ما اليه ضوا شردت وخلت القرعة ترعى هههههه يضحكون الي يعلقون كلن الاجانب ملائكة ما يغلطون انتون من صدقكم يعني والا تتطنزون

كل واحد ينام على الجنب الا يريحه .... وليس غلاء المهور سببا لذلك
فالكثير من الشباب يضع العديد من الشروط للزوجه يريدها ان تعمل ومواصفات تعجيزيه ليس لها معنى ولكن هل ينظر للاجنبيه كذلك؟؟؟

لا عولمة ولا بطيخ واضحة بسبب غلاء المهور بعد ايشو ، البني آدم في هالديرة مكسور ظهره من كل شي تطلب عليه مهر ولا تقول مهر الملكة ديانا وتتفلسف على الرجال بطريقة محد يتقبلها أوتعوا ترى سيدة نساء العالميين مهرها كان كلش بسيط أنتين احسن منها في ويش والنبي يقول بما معناه خير نساء أمتي أقلهن مهرا

الاجنبية ماتتكلم لان هو يخونها وهي تخونه والوضع طيب ، لكن خل البحرينة تنطق بكلمة جعمها واكلها خراها .
براي سبب عزوف الشباب عن الزواج عشان لايحمل مسولية البيت والمصروف وهدا من حق الزوجة والاولاد
ومن ناحية غلاء المهور هرارررررر وين غلاء المهور كل مهرها اذا زاد ٢٠٠٠ دينار ولا بعد يوم ثاني تعطيه وياه والي ماتعطيه اياه تصرفه على روحها ثياب ومكياج عشان تتعدل للخروف وشكرا

وانتون

وانتون بعد تتشرطون تبغونها جامعية وبيضا وطويلة وتالي تتذمرون ليش ماتاخذ ليك وحدة من قدك

افضل الاجنبية… اولا تحسين النسل و ثانيا فتاة تحمل ثقافة و فكر تعطي الكثير من الامور قيمة و معنى لتزرعها في اولادي لان الكثير من القيم اصبحت عدم… نسائنا بس اهم شي يروحون العمرة و العراق ورايران… اثار الزيارة مارليها وجود للاسف..

وبعدين اولادك بيطيحون في حظك ، اكو اخويي ماخذ فلبينية وبناته جامعيات ومتفوقات بس محد يمر صوب بابهم رغم انهم اجاويد لكن بنات الفلبينية ويشبهونها محد يبيهم ، وجارنا ماخذ مصريه ولده يدور وحده مو محصل مايبون ولد المصرية ، اقول اتقوا الله في اولادكم اللي مايعرفون خالهم ولا خالتهم وللاسف لكن ياخذون اطباعهم بالدم والوراثه ...

يعني بس نساءنا يروحون الزيارة وما يكون ليها اثر باقي الناس يروحون ويرجعون بالاثر الي تقوله ههههههه هذا التفكير هو العنصرية بعينها والمريض فقط هو الي يفكر بهذ التفكير ويحسب كل الناس مثل بعض الله يساعدك على روحك عموما من حقك تحسن النسل اذا انتون عائلة جياكر بس مثل عائلتنا ولله الحمد مال وزين ما نحتاج هالامور وكثير من العوائل ما تحتاج تحسين النسل قلنا ليهم قبل معظم الي يتزوجون من برة تحسين نسل ما صدقوا انزين بسالك لو طلعوا مثلكم جذي الخطة فشلت اقول لك الشيشانيات جيناتهم قوية افضل شر البلية ما يضحك

أي أحسن البحرينية التي تحمل دين وأصل وعراقة من بلادي والله تحمل ثقافة خدمة .

اعتقد ان الزواج من اجنبيات لا ينجح أبدا لأنه يبدأ باللعب مع البنات وإذا كان ملفه اسود خريج تايلند لن تقبله العائلات البحرينية المحترمة ف يلجأ إلى الفلبينية او الاندونيسية عاملة المنازل و هذا قدره .. يستاهل

كلن يرى الناس بعين طبعه

الفيلا الملاصقة لنا من ثلاث طوابق ل زوجة فلبينية و زوج بحريني مدمغ ... مهجورة من شهرين شكله سافرت الزوجة ولن تعود البحرين ل الابد بعد أن خسر عليها مئات آلاف الدنانير .....

انا تزوجت في بداية الثمانينات و المهر كان الف دينار و اليوم المهور لا تتعدي الألف عند الكثيرين يعني المهر ليس السبب و لكن السبب هو كثرة الطلبات و الشروط التعجيزية هذه نقطه و النقطة الثانية صحيح ان الأجنبيه تدش عليها بلاش لكن ستدفع اللي وراك و اللي قدامك لاهلها

ينقص المرأة بعد النظر في أمور فتضغط على زوجها لتفرض رأيها غير مراعية لخبرة زوجها الأكثر في الحياة-ضعف كثير من النساء في تلمس حاجات الرجل الجنسيةأو اهمالها -تأثير الأهل على المرأة والسماح لتدخلات الأهل-اهتمام المرأة العاملة بعملها على حساب تربية الأولاد وعلاقتها بزوجها . ملاحظة هامة ذكرت ملاحظاتي للمناقشة الجادة وليس من أجل الهجوم على المرأة وتركيزي على المرأة لأن الموضوع يخصها بشكل أكبر وهناك أيضا ملاحظات على الرجال ولكن لم أذكرها لضيق المساحة والوقت ولأن الموضوع لايتناول الرجل بصورة مباشرة

يتزوجون الاجنبيه وتمرهم!! بعدين يجون للبحرينيه!
واقع تجربة عايشينه! يروح يكمل شغله وعقب يطلق

المعروف غير اللي تقولينه، عقب ما تمرمره البحرينية يروح للأجنبية، ولعلمچ، في السعودية نسبة طلاق السعوديين من سعوديات أربعة وأربعين بالمئة، ونسبة طلاقهم من السوريات مثلاً صفر بالمئة، وقارني عاد، كلش نظر.

وانت عطوك الاحصائية في سوريا والسعودية صفر بالمئة عاد
على هالحالة الله خلق السوريات كاملات مكملات ما فيهم نقص ولا شي سبحان الله اكتشاف عظيم يعني احين كلهم بيروحون الجنة خوش شي صراحة ناس مسخرة تبرر الشي بطريقة مبتذلة الله يساعدكم على روحكم ترى الي ربت البحريني ربت البحرينية واذا البحرينية شينة البحريني بعد شين ما تفرق وعلى فكرة معروف الي يتزوجون هالفئات معظمهم يمكن حتى كلمة ما يعرف يكتب ولا عنده اسلوب في الكلام لان الي يتكلم بهذا الاسلوب اكيد ما بيكون عنده اسلوب لا حوار ولا كلام ولا شي

شكلش ما تقرين عدل، أقول لش نسبة طلاق السعوديين، السعوديين من السوريات صفر، ادخلي غوغل واكتبي هالعنوان بتطلع لش الإحصائيات تارسة الجرايد.

انت قاعد تتكلم عن السعودية واحنا نتكلم عن البحرين ههههههههه

والله الي اعرفه العكس يروح يدور الاجنبيه! وعقب يجي للبحرينية يتبچبچ!

والدليل المحاكم! في بحرينيه ترفع قضية على زوجها وتمرمره؟ مسكينه تسكت وتنچب لكن اذا اجنبيه تلعن والدين والدينه والدليل قبل شهر المغربية الي رافعه قضيه على زوجها.

من صدقش!!! عجل المحاكم الشرعية اللي في البحرين مسوينها لمن؟! تخصص أجنبيات؟!!

28

عندي صديق من زيمبابوي بس عايش في أستراليا ؛ إذا لج خاطر حاضر لج !! قلة الحيه ما ينفع لهم إلا جذي .

أنا متزوج وعن تجربة أقول أنا من جيل السبعينات لا أعرف جيدا تفكير هذا الجيل من شباب ونساء ولكن من تجربتي هناك مشاكل كثيرة في المرأه البحرينيه منها : عدم تفهم المرأة لصعوبة الحياة وامكانيات الزوج المحدودة فتضغط على زوجها في أمور غير ضرورية -الاصرار على أمور شكلية في الحياة الاجتماعية محاكاة لصديقاتها غير مراعية لظروف الزوج الذي قد لايستطيع توفير مايوفره أزواج صديقاتها -تدخل المرأة في أمور حياتية لاتملك الخبرة الكافية فيها مثل الرجل والاصرار على رأيها-

اعتقد هالسؤال للرجال فقط و لو كان للنساء - اللي متزوجه اجنبي تقدر اتفيدنه ^_^

المهر

فتاه عشرينية

انا عن نفسي ابي اتزوج اجنبي (أمريكي أو استرالي ) ... بحريني نوووووو

I am a young American and a handsome , rich and own a curvaceous body and I have a company do you accept to marry me

الكثير من البحرينيات تزوجن من فرنسيين و أمريكيين و بريطانيين و نفس الشي البحرينيين و النتائج في الأطفال يوجد عدد كبير من الطلبة والطالبات الام روسية او فلبينية او هندية و اذا كان الاب أجنبي فلا تجد التربية البحرينية

قال ويش قال غلاء المهور تقصون على روحكم جم مهر البحرينيات والقهر تصرفه على تاثيث وبعدين تعيش صابره تربي عياله وتسكت على ظلمه ونزواته والاجنبية مايدري لا عن اصلها ولا فصلها وكل يوم والثاني تبي تطرش فلوس لاهلها وتبي تروح ليهم وتبي تطلع ومطاعم وتبي تعيش عيشه اكبر واحد من اهلها ماعاشها واطفال لا دين ولا اخلاق ومن يصير في ضيق شاتته شوتت الجلب

مو كل الاجنبيات بالصفات اللي ذكرتها. كثير من الاجنبيات يبذلون جهدهم لاسعاد الزوج وارضاءه وما تطلب منه اي شي لاهلها لانها مقدرة ظروفه ولانها عارفه انه مو شغله يقعد يصرف على اهلها. البحرينيات اهمه اللي يطلبون ويسكرون ظهر الزوج ولا يهتمون بتربية اولادهم وعايشين حق روحهم وبس. الزمن تغير مو مثل اول تلاقي البنت تراعي زوجها وتحترمه وأهلها يحبونه ويحترمونه. الحين البنت حتى لو تشتغل بتطلب من زوجها يصرف عليها بدل ما تخفف عنه وتساعده!! لا تقصون على روحكم.

تقدر شنو الاجنبية عيدها عيدها تعال شوف الي متزوجين اجنبيات خذ لك فرة وراويني مسكين تجدبون الجدبة وتصدقونها يمكن تصبر عليه في البداية بعدين من تشتد الحياة تلعن قفده وتتملل وشفنا منهم واجد لا تجدبون واجد وتزينون السالفة وعموما بناتنا مو واقفين على االجياكر الي يبغون يحسنون النسل ويطلعون برة الحمد لله ماشي سوقهم والاعراس حدث ولا حرج واحين من يخلص محرم وصفر بتشوفون اي كثر الاعراس دايرة مشكل الي يسمعهم البنات واقفين عليهم ويع ه مساكين والله

انا في تصوري ليس غلاء المهور بل قلة الوعي من الشباب البحريني

من ناحيتي أرى ان الناس احرار فيما يفعلون و لكن .. حلأة الثوب رقعتها منها و فيها .. كما ان بنات البلد يمتازون با لقناعة و الطيبة و القلب الحنون,عكس الاجنبيات اللواتي يتزوجون من البخليجي عامة و البحريني خاصة طمعا في الأمور الماديه

مسامحة أي ماديات اللي يطمعون فيها الأجنبيات؟! لا يكون البحريني بيل غيتس واحنا ما ندري؟! البحريني حالته حالة، قول الأجنبية تقدر وتتفهم ومخلصة للزوج وبلا أحكام عاطفية.

احلى شي مخلصة عجبتني صراحة ههههه بس لا تكررها لان بعدين تصدق هالسالفة ترى الي يفكر بهذي الطريقة والافكار عادة تكون عنده حالة نفسية لان يفتكر كل الناس مو زينة وايي ماساة حال بعض الناس الله يساعدكم على روحكم شلون تفكرون وشلون تحبون وشلون تشوفون الناس تحبون مثلنا يعني تشوفون الناس بحسن نية والا شلون خاطري ادش مخوخكم واشوف شلون تفكرون ومخكم شلون مركب يا دافع البلاء الحمد لله ما عندنا جدي عينات مريضة

ياذكي احنا عملتنا أقوى منهم سواء السوريات أو المغربيات أو الفلبينيات أو التايلنديات فشي طبيعي الأربعين دينار الي تعطيها إياه اذا تحولها لبلدها تصير واحد وهم ما عندهم غلاء أسعار فتصير غنية. في بلدهم اذا جمعت الفلوس وتشتري لها بيت بعد هناك يكون في علمك وتخليك تولي

غربلونا بنات البلد واهاليهم وبعض الشباب جلب لنفسه وللاخرين بعض التعقيدات

للاسف ادا كان راتبه 300 وطلبها شقه خارج المنزل وشروطها موظف جامعي او حكومي وين راح يتزوج من البلد
فا الاجانب تتقبل لو في صندقه ولو تكون خادمه بين امه واهله

للاسف الرجل في هذا الزمن عن الراحه والدلع بحيث ننسى من هو الرجل ومن هي المرأة

انا مااقول المهر لكن الشروط التعجيزيه تخلي الشاب البحريني يتزوج من برى

هل تطبيق الشق السني لقانون الأحوال الشخصية زاد من معدل عزوف الشباب من الزواج بالبحرينية

احسبيها بعدين ايها الشاب من ناحية الدين و تربية الاولاد والعادات والتقاليد فالزوجة وعاء واختر خير وعاء اضافة الى المصاريف المترتبة من ناحية كل سنة مرة مرتين على الاقل سفر الى اهلها مع عيالها غير الهدايا ميزانية سنوية

على اساس الاسبانية ما تسافر كل سنة مرة مرتين وما تشتري هدايا

والله اذا مو رجال ما تقدر تحكمها شي راجع لك انا اختي تسافر كل جم سنة مرة ما تروح مكان ولا تجبر زوجها على السفر
من الي يسافر مرتين ثلاث حلمان انت والا جاي من المريخ ناس تعلق تعليقات تحس انها مو بالدنيا او مخها ضارب خلاص ومن كثر ما هو ضارب يهلوسون

اقول مرة مرتين. على طول سويتونها مرتين ثلاث... لا اله الا الله . صدق نسوان

يعني فرقت المرة والمرتين مو انت طالعتها حتى في هالسفرة الحمد لله ان عندنا للحين رجال اوادم اجاويد

معظم البحرينيات يدعين كذبا وبهتانا ان شرطهم الوحيد هو الاخلاق والتدين, ولكن في الواقع ان الفتاة البحرينية رغم انها (جلحة ملحة) لا تريد الا الوسيم الرشيق الطويل الغني!! وبالتالي فإن لجوء الشباب للزواج من غير البحرينية له ما يبرره وان كنت لا اميل شخصيا للاجنبية انما العربية افضل ...... عندكم السوريات والعراقيات يا عمري عسل في عسل واسأل مجرب ولا تسأل طبيب!!

عن تجربة السوريات والاجنبيات لن يختاروك لجمالك وحسن اخلاقك وانما لجيبك ودنانيرك ويالله خاتمه خير اللي ياخذ سورية عقله يروح تشفط منه فلوسه وهو يرقص

بالعكس، ما أعرف أحد تزوج سورية إلا ومدحها، والبحريني ما عنده فلوس ولا دنانير عشان تطمع فيه، والحين البحرينية كلش ما تطمع يعني؟!

عدال شوي شوي .. ياملك الجمال .. قدرك الفلبينيات

و الرجال البحرينيين شنو شروطهم في زوجة المستقبل؟
الاخلاق و الدين؟

10

10 / ليش إنتين شاطه روحش من صباح الله خير ! بتحصلين نصيبش إن شاء الله وسعي الصدر!

مثل ما قلتي اذا يبي بهذي المواصفات , اكيد بتكون غاليه لانه مثل ما يتشرط على الاهل ,,, الاهل يتشرطون عليه
والله يا عالم القناعه كنز لا ينفى - يعني الحين اذا تزوجت جميلة طول العمر راح تكون جميلة ؟ واذا تزوجت ضعيفه
طول العمر ضعيفه ؟ واذا تزوجت متينه ما بتضعف ؟ واذا كانت مريضه تنحرم من الزواج ؟ ياليت كل واحد يفكر
ان رب العالمين يبي يعدل بين الناس و كل شخص يتشرط ربه فوق وراح يحاسبه وبيشوف غروره في عياله لان
هالدنيا دواره و الله يوفق الجميع و يعرس الكل

غلاء المهور اهون بعد الزواج هم وكدر وحنة وكله تبغي الغالي
اعرف ناس واجد ماخذين سوريات وناسة وضحك رغم الراتب قليل
صرت اتندم بسبب عجلتي

وانتون كل شي تصدقونه ترى جيرانه ماخذين سوريا لاعنة قفده ومخلستنه من بيزاته يوم بتجيب ابوها ويوم امها ويوم ماادري ويش ويوم تبغي طقم ويوم هرار ترى مو كلهم مثل ما تقول وترى النسوان كلهم مثل بعض من اطوف سنوات العمر يبدون يحنون بس الغباء الي يصور للبعض ان هالجنسية او هالشخص ملاك
الزواج رزق ونصيب مو لان اخذت من الديرة الفلانية يعني بتصير مرتاح معنى كلامكم ان كل الشعب السوري المتزوجين عايشين الهناء والسعادة وهذا خلاف الطبيعة لان البشر اشكال واجناس بس الغباء اذا طغى خلاص الشخص يصير اعمى قلب وبصيرة

قبل سنة تقريبا صارت قصة في منطقة اخاف اذكرها الكل يعرف القصة هههه المهم من صوب مدينة حمد شخص تزوج من جنسية معينة وكان حاط ليها شقة مرة عندها ومرة عند زوجته الا الجيران يتصلون اليه ان يسمعون حركة واصوات اليوم الي ما يجي المهم سووا كمين للمراة طلعت تدخل رجال على فراش زوجها وهو الخروف نايم في العسل عباله مول ميتة عليه طبعا القصة الهدف منها مو اقول ان كلهم مو زينيين بس ترى ما تصدقون ان الاجانب كلهم زينيين والبحرينيات كلهم مو زينيين تجدبون الجدبة وتصدقونها

اضم صوتي إلى زائر 10 وشكرا

للاسف هذي الشماعة اللي الشاب اذا بغى يعرس من اجنبية قال المهور غالية - يا اخي في الف بنت يعني انت حافي ومنتف و تبي جميلة و دارسة و بيضا و طويلة و تشرط و تتشرط و هم تبي يزوجونك ببلاش على شنو يعني!

غلاء المهور مبالغ فية وخلوهم يلون الملحان اكو السوريات منفرين وكل وحده تقول الزود عندي

عليك بالعافية مع السوريات والفلبينيات بس الغالي ماله الا الغالي والرخيص له الرخيص

عدال توم كروز ولد انجلينا جولي تحصله اجلح املح جيكر ويروح يدور وحدة تحسن اليه النسل بس ما نلومك سنيين وانت اطالع الجياكر عندك بالبيت روح اخذ سورية او اي جنسية جود تتحسن نظرتك للحياة واطالعها بمنظور جميل
الحمد لله احنه اولادنا الله عطاهم الجمال والمال ما يدورون الا البحرينية ما يحتاجون تحسين نسل معذور

يمكن البحرين اقل مهورا للدول الخليج..ولكن اضحت العوئل والأهالي متمسكة بالمظاهر وخصوصا عندما يقول نحن لا نريد إلا الرجل ..شنو البيزات..وتطلع بعدها بالعكس 180 درجة. والزواج من اجنبية امر واشقى.

الزواج من الاجنبيه لانها قليله الكلام وتعرف ما يريح الرجل وتقوم باحتياجات المنزل بهدوء عكس البحرينيه صوتها واصل اخر الدنيا والتلفون مايطيح من يدها

اني اختلف مع الاّراء الي طلعت بالفيديو ومااعتقد غلاء المهور هو السبب ويمكن قبل يجوز هالسبب اما الحين اشوف ان العولمة هي السبب والرجال يفكر وباعتقاده ان المرأة الأجنبية هي ملاك في الجمال والتعامل وغيره الى انه ينصدم بالواقع لما يتزوج وإني اعرف رجال واجد تزوجوا أجنبيات وعندهم اولاد منهم لكن مو مرتاحين لدرجة انه يخون هالاجنبية مع البحرينية ويحن لبنات بلده

اعتراف صريح منكم يالحريم أنكم تخونون مع رجال غير أزواجكم

اقرأ عدل الزوج مو الزوجه

انزين يالذكية الزوج يخون مثلا هي قالت بعظمة لسانها يخون مع بححححريبيينية فهمتين لو بعد أفهمش؟

اعتراف منك انك معقد

يضحكوني الي يعلقون وكانهم جابوا الذيب من ذيله عادي ترى احنه مو ملائكة وكثير من النساء والرجال صار ديدنهم الحيانة شفيك اشتطيت وعبالك صدت على المراة البحرينية شي هههههههه
وثانيا انت ليش فرضت انه يخون يمكن قصدها ان يتزوجها بالسر احين خوب منتشر هالشي بين الناس البنات والاولاد وحتى المتزوجين مو شرط يروح لوحدة متزوجة

انت شكو ليش حارق دمك وبعدين اني وضحت ان الأجنبية مو ملاك منزل من السما وإني اعرف بحرينيين متزوجين أجنبيات وكلمتهم وتعرفت عليهم هذا مو شغلك

الأسباب كثيرة مثل غلاء المهور والشروط المبالغ فيها وكذلك هناك ظاهرة جديدة وهي أختلاق المشاكل من الفتاة بعد الزواج لأن الزوج لا يعجب صديقاتها أو أن صديقاتها أنتقدوها فتختلق مشكلات ليس لها وجود في محاولة لتغيير الزوج وليس هناك ثقافة زوجية أصلا

المهور مو غالية، الواحد ممكن يتزوج وكل المصاريف ما توصل 5 الاف دينار واذا البنت متفهمة 2000 دينار بتكفيه، لكن في تصوري من يلجأ للبنت الاجنبية هو شخص له اسبابه الخاصة وغالبية الزواج من اجنبيات يفشل وينتهي بالطلاق لان حلات الثوب رقعته منه وفيه

متقاعد
االرواج من أجنبيات سببه هو سلوك الشاب في شبابه مثلا اذا كان دائما يسافر الى بلد للمتعة الجنسية و يستمر لمدة و عندما يريد الزواج شئ طبيعي ان يرفض من بنت البلد لأنهم يسألون عنه و بالتالي يذهب الى الأجنبيات لأنهم لا يسألون عنه حقيقة واقعية

في الصميم عجبتني قلنا ليهم لو فيه خير ما عافه الطير يقول لش انا غني وعندي وعندي وتحصله بعدين يبهدل حتى الاجنبية ويلعن قفدها او العكس هي تلعن قفده وتراويه نجوم في عز النهار يستاهل عساهم من هذا واكثر
وناس طبعا يبغون يحسنون النسل تحصله جيكر ما يتشاهد ما نلومه اذا يدافع عن هالنوع من الزواج يحتاج تحسين نسل صراحة ترى انا مااعيب على خلقة الله بس اتكلم بناءا على تجبرة مع احد الاخوة قال ان بياخذ وحدة من دول الشام عشان يطلعون اولاده حلوين انزين شضمنك يطلعون حلوين يمكن يصيرون نفسك ناس ماادري شلون تفكر

لا هذا ولا ذاك ، هي نزوة وشهوة حيوانية وظن الرجل بان الدلع لا ياتي الا من هذه الاشكال . ان قالو لقلة مهرها فهو سيدفع طول عمره لسفرها لاهلها وللهدايا لهم ووووو.
وان قالو عولمة فهدا النوع من الزواج ليس بجديد علينا ابدا ، وانما عدم الاكتفاء الذاتي من ابنة البلد والنظر للاجنبية على انها ملاك منزل من السماء. على الرغم من قلة نظافتها واختلاف الدين

الاثنين. و غير العادات التي اصبحت واجبة مثل الشبكة و الحفلات العديدة التي تسبق حفلة الزواج الرئيسية. و اخرتها طلاق و اذا المهر عالي الزوجة تبقى معلقة . الاجنبية لها سلبيات ايضا اذا لم يتم حسن الاختيار لكن ارض الله واسعة و يجب التباعد في الانساب و استغرب من توصية الرسول بالتباعد في الانساب و في الدول العربية ؤعملون خلاف ذلك. تختارون ما يعجبكم من الاسلام و ترمون ما لا يعجبكم.

زواج الاقارب ...وليس من العربية اوالاجنبية