الشيمة والمروة الله يحفظ أصحابها , قلت بهذه الايام وأصبحت نادرة.

هههههههه وينك يلونان الفزعه الفزعه يلهوله الفزعه هههه

يجب مساعدة الجميع وخصوصا المرأة

في زمننا الحالي ثلاثة ارباع البنات ماتسوى ع زوجها يدلعها
لانه كل ما دلعتها تبي اكثر وتشوف روحها عليك اكثر...

وحده من أهلي تزوجت شاب صلح لها بنجر.

في مجتمعنا هو جزء من سمات العرب والغرض المساعدة. حسب الدراسات عند االغرب، الغرض الغالب هو أظهار الرجولة، لأن من يتم مساعدته يكون شكله جذاب في الغالب. وليس من طبع الغرب المساعدة لو تدحن في الأرض.

والله أولادي أقعد وياهم وامشط شعرهم وقرض أظافرهم ودلكهم وحببهم وشيل لعوازهم ويحبوني أكثر من أمهم اللي حتى تغار مني عليهم.... بعض الناس وينهم وين يبغي ليها خبره وفن

يساعدها مو لله عشان بس يغازل ويتعرف

من مقومات رجولة مساعدة أي امرأة تحتاج المساعدة فعلاً، والبعض لا يهتم سواء كانت مسنة أو في مقتبل العمر!
وأيضاً أقول للبعض: هل أنتم أعلم من رب العالمين بما في الأنفس؟!!!

اظهارا للمساعدة واظهارا للتقرب وهو أقرب

مشكلة توقف لوحدة مبنجر تايرها تقول لا ما فيني شي عبالها نبي شي منها خلها تولي .. مرة وحدة عندها لكزس وانا كورولا البانيت كان مو مسكر عدل .. طقيت عليها هرن وانا ااشر لها البانيت مبطل صوبعت لي ومشت .. شوي والبانيت في الجامة تستاهل

معظمهم ....يوقفون عشان عباله بحصل منها شي
لكن خل صبي توقف عليه سيارته ضرب هرانه و لا احد يساعده

مرة وقفت السيارة على زوجي وصراحة جت الفزعة من رجال واجد بس عاد ويش يساعدونه وهم يطالعوني هههههه

يقولون لش أصحاب الفزعة : لعيونش بس ترى فزعنا

شنو هالافكار الهدامة لهدرجة وصلنا بالتفكير الله يعينكم على روحكم تفشلون يا ربي شلون وصلنا احملوهم على حسن النية سوء النية مو زين والله مو زين

قال رسول الله (ص)
(خير الناس أنفعهم للناس)
اننى عندما اقدم مساعدة للمرأة فى الشارع فاننى ابتغى الاجر والثواب من الله عز وجل ولعلمى بان المرأة ليست لها القوة البدنية والخبرة الميكانيكيه من اجل حل مشكلتها حالها كحال زوجتى او اختى او ابنتى اذا تعطلت سيارتها فى الشارع فهذه نيتى والله اعلم بنيات الآخرين ..
عموما الشعب البحرينى شعب شيوم ويحب المساعده.

الموضوع يتكلم عن الي يساعدون الحريم ويطنشون الرجال
أنا أقول مافي ولا شي من الشهامة والرجولة ولو أنت شهم جان ساعدت المحتاج بغض النظر كونه رجل أو امرأة ، هذي الانواع تبغي تتلصق ونيتهم مو صافية .
أما الي يساعد الناس سواء رجل أو امرأة فهو نعم الرجل الشهم ويا كثرهم في هالديرة الحلوة .

ما تقولون ان المراة تريد المساواة مع الرجل في كل شيء .. اوكي عيل ليش اساعدها خلها تشيل روحها بروحها وتحترم قانون المساواة !

بصراحة دايماً الشباب يساعدون بذات في مواقف السيارات ... فالسلمانية وسوق المنامة .. بس الواحدة تطلب بأدب وذوق وبدون مياعة الكل بيساعدها بشهامة وذوق ... وخاصة بني بحرون اطيب منهم مافي ☺

اي بني بحرون طيبين لدرجه ينقص عليهم من بنات ....

اعتقد ان الشي بالفطرة لان المرأه بنيتها ضعيفه والرجل اقوى فطبيعي راح يساعدها باي موقف وهم من الطفوله يشوف بيئته شلون تعامل المرأه ومواقف تمر يتعلم منها
وطبعاً زمنا الحالي موجودين ولكن البعض قصده غير شريف للأسف والبعض حب فشخره قدام الناس

للأ سف في هالزمن صارت المرأه رجال ومسامحه بعض الرجال هم النسوان لا شغله ولا مشغله وهي شايله الصرف والتنظيف والتربيه وياريت يعجبه بعد وفوق كل هذا ما يقدر ولاشي ومتكل ع أهله في السكن هذا حالي بصراحه

أقول تساعد المرأة في الشارع لثلاث ، لجمالها ولمالها ولتبرجها هذا هوه الواقع وأما أذا وحدة جيكرة حتى لو يوقفون يساعدونها يردون يهونون ويمشون عنها

وانت من اي فئة انت مره جيكره او من الرجال اللي يوقفون ويهونون

المراة دائما ضعيفة هذي فطرة في الانسان لما الرجل يراء امراة في الشارع سيارتها متعطلة بوقف يقدم المساعدة هذه يسمي رجولة

أنا رُزقت بأول مولودة الحمدلله وعمرها شهر ونصف حالياً ، قبل 3 او 4 ايام جتني زيارة من أخ زوجتي وزوجته ، وكانت عليهما ملامح الدهشة لما شاهدوني اساعد زوجتي في التناوب على الاهتمام بابنتي ، خصوصاً لحظة تبديل الحفاضة ، طبعاً أنا إن لم أقوم بهذا الشيء لأجل زوجتي فهو حباً في ابنتي ، لذلك عرفت حينها بأن الرجال مختلفين كلياً في نظرتهم حول مساعدة الزوجة أو أي إمرأة أخرى.

اذا اصب ماي في سيارتي لازم يجي واحد يسوي روحه خبير السيارات عشان يعلمني وين اصب ماي ! سيارتي تره كل يوم اشغلها و اسوقها ما بعرف وين احط ماي؟ جم مره اخليهم ولا يدرون وين الرادييتير حق سيارتي انا لازم اعلمهم ! خلوا عنكم الفلسفة و احترموا عقل المرأة شوي تره 2017 .. تقهرني الحركة عدل. لحد يقول صبي في بيتكم ما عندنا طبيلة

ما أحس شي يستدعي يعني هل انتين متيقنة انهم يسون هالشي بس لأنش بنية ؟ تبالغين

شيمة واخلاق وصون للمرأة يعني اي وحظة يصيب السيارة خلل اهي مابتعرف شنو فيها فالرجل في اغلب الحالات يعرف فيوقف يساعدها. وتركو عنكم التعليقات على الاثنين وصفوا النية????

لا بعض الرجال يصطادون في الماء العكر وخصوصا اللي تتبرج وهدفها غير شريف تتمصلح من هالمواقف !

جتنا رجال المطنزة والعازة. هذاك أوّل الرجال يساعد المرأة اذا توهقت في مواقف صعبه اما الحين يالله خير وخاتمة خير يطالع ويمشي

مره صادنا بنجر كنت اني واختي واخوي وما قدرنا نبدله لا التاير السبير كان مجيم كنا في مجمع وقمنا نطلب المساعدة ولا احد عطانا وجه بعدها اتصلنا لاخويي وجا ساعدنا الناس

أمس في مكان البارك ضيق ماقدر افتح الباب اذا السيايير يطوفون حاملة ولدي بوشهور بقعده في الكرسي انتظرت جم سيارة فتحت الباب اقعده واحد واقف ينتظر بطوف ثواني إلا هو يهرن عليي أن بسرعة خلصي انصدمت وين وصلنا اني مرأة ما بسوي هالحركة لأحد فما بالكم غريب لمراة موول ماعاد شيمة

بصراحة الا ما يساعد فيه نقص رجولة

في تعليقات متخلفة ماينرد عليها..
المهم مافي مروءه نفس اول اذا غريب قام يلف ويدور في فريق وقفوا ليه الحين يتعلفون بالبنات ورجال كبار واقفة الي يضحك والي ولا كأن يجوف

في الأصل هي شهامه ورجوله ، بس في الأغلب استعراض ونيه مو طيبه

وليش تفرض ان اغلبهم استسعراض ونية مو طيبة يا ربي ليش تفرضون السوء في العباد
ترى سوء النية مو زين وعقابه شديد الله يهديكم بس ويش صاير في الدنيا احمل اخاك المؤمن على سبعين محمل نبغي بس محمل واحد ما نحصل يا دافع البلا

نية ونية ونية الشخص المساعد للمرأة

مكانة المرأة بشكل خاص في المجتمع + الايثار ( الرجولة ) ،، الاثنين معا

ليش المرأة تطلع من البيت في الاساس بدون محرم وليش تسوق سيارة ..المرأة مكانها بيتها .خدمة الزوج والاولاد افضل من خروجها من المنزل..الحين طالعة طلعة الريقات بنات يطلعون بروح مطاعم من الصبح

اللي قاعدين نجوفه اغلب الرجال هم اللي يبون الفكه من مشاوير زوجاتهم أو بناتهم و عني شخصيا اروح المكان اللي ابغيه بروحي ولا اقعد اسبوع الاحق ورا زوجي ليما يوافق يوديني

????اذا حاب تحبس زوجتك كيفيك
بس اتوقع في مجتمعنا حاليا صارت المرأة عندنا مسؤليات حالها حال الرجال

ردك يبين انك من عصر الجاهلية
اذا تبي يتحقق حلمك روح انضم الى داعش

لحووول وانت للحين ما انقرضت عصر ...خلص والنقرض وانت للحين موجود يا صبر السماء والارض
والي ما عندها بعل ويش تسوي تصير انت سايق وقاضي اعمالها شرايك عشان ما تطلع لان حضرتك تخاف من وجود النساء بالحياة وتخاف من الفتنة هذا السببب والا في سبب اخر

بعض الرجال ليسوا برجال لإثبات شخصيتهم المهزومه يضغطون بالشرع والمحرم ووو وهو في شرع الله ما يطبقه في حياته

انت من الرجال الا يبي لهم رجم

وصلنا ل 2017 وللحين
ف ناس منطقهم جذي!!

مساعدة الزوج لزوجة في الامور الخاصة بها من تنظيف وغيرها جعلها تتمرد على الزوج وتقلل من شخصية..ترى الحين تساعدها في التنظيف باجر بتخليك تبدل حفاظة الجاهل

الكلام مو عن الزوجة في البيت

الإمام علي كان يساعد فاطمة الزهراء على أعمال البيت و بالعكس تكبر قيمة الرجل في عين زوجته لما يشيل عنها الحمل و يخفف من الشغل عنها إلى متى هذا الفكر الرجعي في معاملة الزوجة تراها زوجتك و شريكة حياتك عاملها مثل ما تحب هي تعاملك

الأمام علي كان يساعد فاطمة الزهراء بس فاطمة الزهراء ما كانت تفارر في سيارتها من مجمع لمجمع ومن كوفي لكوفي ومن سوق الى سوق بسكم لا تضربون أمثال بعيدة كل البعد عن الواقع

وبدل حفاظة الجاهل وشفيها؟ جي مو ولده هو بعد؟ والله امرك غريب بعد!

وهالجاهل مو ولده! او تبون تجبون ولاد والمرأة تصير شغاله ليكم

لا تساعد في شغل البيت ولا تتزوج بعد لا تكون اسرة فاسدة

انا ابدل حفاظات اولادي اثنينهم
و اغسل مواعين
و اكنس البيت احيانا
و اكوي ثيابي و اوقات ثياب اولادي و احيانا ثياب زوجتي
و لضيق الوقت نادرا ما اطبخ
و اغسل الثياب - تشغيل الغساله ما يبيله خبير
بالنهاية هذا بيت(نا)
و هذلين اولاد(نا)
اما انت، الله يشافيك مما ابتلاك
بمرض ال "أنا"
ليش متزوج؟
استأجر خدامه للتنظيف و عندك المطاعم للأكل و الدوبي لكواي الثياب... و الجاهل اللي بتستكثر عليه تبديلك لحفاظته... انت لست مؤهل لأن تكون ابوه
شغل الاب اكثر من مجرد مكينة فلوس ATM

زائر 30 الحبوووب الطيوووب الحنون:
ربي يوفقك....من كل قلبي...ربي يوفقك

كنت أسوي نفسك شنو النتيجة زوجتي صارت خايبه وأعتماديه وخلت الشغل على ظهري. الزوجة لا تعطيها ويه وايد راح تندم صدقني والزمن راح يثتبت لك. عيش حياتك وعط زوجتك حقها فقط مب فوق حقها. الزوجات الحين شنقو يقولون الزوجة مفترض ما تطبخ ولا تشتغل في البيت عيل شنو دورج يا حظي. الله المستعان

زائر69 المسكين البائس:
كسرت خاطري...ما عليه تقدر ترجع الأمور
إنت قدها؟

قصدك اشكالك الي ماعندهم تعاون مع الزوجة ولاحس مسؤلية تفكر بس تتزوج وتصرف فلوس هذا اذا وفرت فلوس بعد لاتنسى هذا الطفل ولدك واساساً انت شرعاً واجب عليك تسوي كل شي المرأه كرم منها ولانها معطاء فقايمه بشغل البيت من والى والا هي اصلا مو مجبوره تخدم اشكالك ما اقول الا الله يعين الي بتاخذك
او شكلك عبود قايم بشغل البيت وتبدل حفاظات فمن جذي جاي تطلع قهرك اهني

زوج اختي يسوي الي قلته وساعات قليلة يبدل حفاظة ولده غير معاملته الطيبة وياهم تعال شوف التوافيق الي يحصلها والله ما يروح مكان الا الله مسخر اليه عباده البر مو للناس لعائلتك ترى زمو عيب اذا ساعدتها بالقليل مو شرط تبدل حفاضة ولدك اذا ما تبغي بس شيل ثيابك غسل صحنك اشيا بسيطة ممكن تؤثر على يومك وحياتك بشكل ايجابي لكن من يفهم هالشي الله المعين ويساعدك على تفكيرك ويهديك

اقول لاتتزوج دام عقليتك جدي
هي زوجتك مو عدوتك
وتعاون ينمي العلاقه اكثر ????

رجولة وشيمة

كلشي و كل شخص و نيته

حفاظ على مقام المرأة و الحمدلله لا زالت النخوه والشيمة موجودة

يبغون يطلعون فيها بس لو رجل وقع في نفس المشكله ما احد عطاه وجه.مره انا مبركن غلط وورائي مرأه مو عارفه تطلع ثلاثة شباب يعدلون ليها

المرأة تحتاج للمساعدة إدا كانت لوحدها وليس بعيب الرجل يساعد بل انه شخص يحترمه الناس

افشار فقط

في ناس فشار وفي ناس جادين فيه
وايد اشياء يفزعون للمراة اكثر من الرجل
مثل لين وقفت عليها السيارة يصير تجمع صوبها الكل يبي يساعد لكن لين الرجال وقفت عليه محد يفتر فيه

من قال لك افشار لو اختك او امك وقفت عليهم السيارة هل بامكانها تقوم بالتصليح نقول شكرا لكل من يقدم المساعدة لرجل او المرأة

يووو افشار ويش شالمنطق بالعكس شهامة اذا شخص اخذ من وقته ثانية بس عشان يسالني ويش فيش وما سوا شي بعد بكون ممتنة اليه وشاكرة وشهامة منه فما بالك لو وقف وصلح ليي تاير او سوا ليي شي الله يرحم هالنوعية من الرجال ويوفقهم ويسهل امورهم
صار تفكيركم يفشل كل شي تحسبونه فشار يا دافع البلا

مو كل الرجال نيتهم خراب في ناس تساعد بنية صافيه