اكيد لا، ليش ياخذ قرض على أمور ثانوية؟ المشكله ان في واجد بنات يفكرون ان الزواج هو ليلة العرس والحفله

لسلامته عن النحراف يأخذ للضرورة للزواج إن يكن محتاج

الحمد لله انخطبت وتزوجت ورفضت رفض تام زوجي ياخذ قرض على امور ثانوية بالعكس رضيت بحفلة عادية والكل استانس وفرح وعشت ايام خطوبتي لا افكر في قرض ولا هم يحزنون ولما جيت بتزوج سويت لي جلوة وعرس في ليلة وهم كانت بسيطه ولله الحمد الله سهلها على خير وكان الكل يلومني وعقبها كلهم صاحوا من القروض إلا اثرت على حياتهم اليومية وعقبها اعترفوا انه الصح وهم اخذوها مع الخيل ياشقرة وماجاهم الا رفسة الخيل وياموا خسروا ناس ونهايتهم الفراق الا يبون يشترون رجال بوقفون معاه وبساندونه والا يبون لفشار والرجال موافق يستاه

انا عندى اقتراح للمتزوجين اذا عندهم الامكانيه ان ايزوجو الشباب الي ما عندة استطاعه ويعتبرونها صدقه
جاريه لهم , بيابه عن نفسي لقد مهرت لخوي لما كنت ميسور

للتوضيح رايي ان ياخذ قرض
بس ما يبالغ في الحفلة والشكليات
ياخذ قرض اذا راتبه بسيط وبياخذ له سنين طويلة على ما يتزوج
فالقرض يقدر يختصر هالسنين كلها
لكن بنفس الوقت يحط في باله ان بيتم سنين يدفع فيه
فلا يطيره في الحفلة بس
لان الحفلة ساعتين وبتخلص
واحلى الحفلات واللي تستانس فيها هي البسيطة اهم شي لمة الاهل وياكم
وتشوفون الفرح في عيونهم

طبعا لا، لان بداية الحياة بقرض يجعل الزواج تقيل، الافضل ان يبدء الشاب في العمل والتوفير المعقول خلال الفترة الاولي ولو اضطر الى اخذ قرض لاستكمال الزوراج بسيط فلا مانع.
القر قرض في الحالات التالية
شراء سيارة جديدة اذا كان الراتب ميسور، شراء عقار، مشروع تجاري تاثيث شقة او منزل فقط.
حتى قرض للسفر غير مجدي ولو كان لشهر العسل، بامكان الشخض قضاء شهر العسل في البلد ليلتين او دول الجوار ويكوت الصرف بالمعقول.
طبعا هذا يتم بالتنسيق مع الطرفين. المشكلة الناس قاعد تطالع بعضها بالخصوص القوارير

مشكل عاد الا تفرق خذيت قرض او ماخذيت ظهرك مكسور مكسور الله يرحم البنات القنوعات

اي مع الاقتراض
رواتب البحرين ما يقدر يسوي فيها شي الا بعد فترة حتى لو اشترك في كم جمعية
جم بيطلع له ؟
اذا الشخص يقترض لسيارة ويقترض لدراسة جامعة ويقترض لبناء
وناس تقترض لسفر
شنو المانع يقترض للزواج؟
الزواج شي مهم
بس يحاسب وكل شي باعتدال
مو ياخذ قرض كبير ويضيع كله بالحفلة نفسها

واقع مر الله يعين الشباب ... نادر في هالزمن اتحصلون وحده قنوعه يعني ليش اتحطون على ضهركم اقروض واديون ... سووا حفله بسيطه في ماتم او صاله سعرها معقول كلها ساعتين او 3 وتمشون وين اللي ندعي احنا قدوة اهل البييت .. الرسول الصلاة والسلام عليه قال : افضل النساء منهم اقلهم مهرا . لان من بداية مشوار الحياه بتكون قنوعه وبتصبر على الحلوه والمره ..... هالزمن مافي قناعه وماهمهم الا يرضون الناس بالافشار وفي الاخير النتيجه مشاكل كلما تبي تطلب شي ما اتحصله نتيجة القروض والديون . ام علي.

معضمهم الشباب ياخدون قرض للزواج .

اشترك في جمعيات أفضل ليكم من القروض

من الغباء الاقتراض او صرف مبالغ كبيرة على الحفلات.. المفترض هالمبالغ تكون للشقة و الزوج و الزوجة...

من الغباء ان تتزوج شغل ماخذ قرض و تصرفه على حفلة ... صرفي الفلوس على شقة و اثاث و سفره و سياره شي بيدوم بينكم و بيسهل و يسعد حياتهم ... الناس الي بتصفق في الحفله بتطلع وتنسى و يبقى القرض على ظهر الزوج و الزوجة يدفعونه مع بعض لان الراتب للاثنين ... الاهالي مفروض يثقفون بناتهم

للأسف نفسيتي دمار بسبب القرض

نصيحه من مقترض..لاتاخد قرض ليلة وحدة في العمر بتعاني منها نفسيتك 7 سنوات على شان ليلة وحدة لايقصون عليك اهلك او اهل العروس دور وحدة قنوعه خصوصا ادا بعدك في مقتبل العمر وادا نويت تاخد قرض فكر انك بتعاني 7 سنوات حق تدفع على شان هالليلة الوحدة بدل هالليلة سافرو مابتكلف ربع الابتخسره في هالليله

ياشباب لايقص عليكم إبليس وتاخذون قرض

بتخرج قريب وعمري بيكون ٢٣. على ماتوظف عشان أحصل هل ٤٠٠ دينار الي ماتدري انت تجمعها للحج لو للمخالفات لو للعرس. يعني لو بتحسبها بالارقام فانطر للثلاثين .. طبعا البناات لا يحسبون شي ولا هامنهم .. اهم شي الرجال يجي بارز مبرز ببدلته حتى لو اكبر منها بعشر سنوات

على حسب جمال الوحدة....ناخذ قرض على وزنها

هل تؤيد؟! وكأنما الشخص مخيّر!

مد رجولك على قد لحافك واللي موعاجبها لايعجبها

اني سويت حفلة بسيطة وماكلفت عليه لكن مو سالفة المهر بس ومصاريف الزواج مايبقى شي من راتبه اجار الشقة وقرض السياره والتأثيث إذا كان الراتب قليل

تبي تتزوج في العشرينات مالك الا القرض او اصبر لين ماتصير ٣٠ .. لا تنسى وراك ٢٠٠٠ دينار بعد حق الحج واذا ماعندك سياره بعد لاحول ولا قوة .. الله المستعان بس

كثير من الشباب مخيرين بين أمرين أحلاهما مر إما الإنحراف الأخلاقي واما هم وغم الدين . في المقابل البعض يبالغ في الاستقراض وتكاليف الزواج .

قبل المهمور 700 صارت 800 صارت 1000 وصارت 1500 وقاعده تزيد وتزيد
اذا مابتتنازلون عن حفلات و هالامور خفضو في لمهور ع الاقل مصاريف الحفلات قاعده تزيد و لمهور تزيد و الله يلعن يزيد

وش يسوي اذا ماعنده بيزات يقترض ويتزوج احسن من ينحرف

هذا يعتمد على قناعة البنت ، وحتى لو لجأ إلى القروض في نهاية المطاف هي المتضررة في الأول والأخير .. الديون بعد الزواج هي سبب المشاكل والحالة النفسية اللي تهدد الزواج ، ومن وجهة نظري لا اويد القرض بتاتا ، وبالتوفيق للجميع

الحل عند البنات يرضون بالزواج بالمهر البسيط و زواج ما يهلك الشباب من غير أشياء ما لها لزمة الا الفشار يدعون بالإسلام و ما يطبقون و يدعون بالانفتاح و اذا وصل للامور الزواج البسيط تنغلق عقولهم و يصرون بهرار الحفلة و شلون تكون بكل تفاصيلها و لا يهمهم التكلفة و لا يهمهم صعوبة الشاب في تلبية الطلبات

عشان الكتكوت ليش لا

صعب انك تتزوج بدون قرض انا توني متزوج وساحب قرض 9 آلالاف دينار والحين مااحصل شي من راتبي ... والقادم اعظم

يا يقترض يا ما يتزوج أنت في البحرين

سوال ما ينعرف شلون يحاولون عليه يعني شلون يتزوج بدون قرض،؟؟ اذا اقل زواج يكلف ٣ آلاف دينار واهو عنده سيارة بقرض وغير وغير شلون بيتزوج بدون قرض؟

لا

السلام عليكم ..
كم تمنيت لو كان هذا السؤال موجه للبنات فقط لنعرف كيف يرون الأمر ..
تحية لكل رأي ، حتى مع اختلاف وجهات النظر..
. زائر العرادي

وفِي شاب بحريني اتزوج من غير قرض

مافي أحد يستاهل

في احد يقدر يتزوج بدون قرض !؟

ياريت قرض او سلفيه او اي شي نشتري فيها بس غرفة نوم وبيبان تستر علينا :( الله كريم

المشكلة مافي حل غير لازم يقترض

يعني يصير يتزوج البحريني العادي بدون قرض؟ لازم دين ده الا نعرفه ،،الا ادا متاخر ف الزواج وجمع ليه جم دينار يجوز

البحريني بالذات ان ما اقترض ماتزوج

نبي نتزوج بس المشكلة طلبات البنات تغرقنا من الديون او القروض لتلبية طلبات البنت للزواج الزواج صاير في مجتمعنا بيع و شراء و اغلب البنات و أهالي البنات ينظرون اول نظرة للحالة المادية اذا كانت الحالة المادية ممتاز يحصل الشاب علئ موافقة و اذا كانت حالته ضعيفة يحصل الرفض و نسو اللي مكتوب في القران خذوهم فقراء يغنيكم الله

أتمنى من الشباب عدم الاستعجال في الزواج
الزواج اكثره مشاكل ، يعني مديون و نفسيتك زفت هههههه

في الحقيقة أغلب مواطنو هذا البلد ومنهم فئة الشباب الذين هم أمل وعماد مستقبل الأمم تقريبا حياتهم قائمة على المساعدات والاعانات والهبات والعلاوات الانية والهدايا للبعض، وطبعاً قائمة على القروض بشقيها حلالها وحرامها للأسف الشديد والمحزن والمخزي والعياذ بالله لجميع التطلعات والمشاريع والاحتياجات الشخصية والحياتية باعتبار أن الأجرة أو المعاشات والرواتب الشهرية التي يتقاضاها الفرد لا تصمد أمام الغلاء المعيشي الفاحش، وللقول بأن من سيفتح مؤسسة الحياة الزوجية الحديثة عليه أن يقتصر على الأساسيات.
العبد

نعم
لان اذا ما اقترض يقعد طول عمره عازب ما ننسى ان كل بنت لها احلامها .....

و اذا ما اقترضوا ويش يسوون في عمرهم؟ نص الشعب كحيان
لكن انصح الجميع انهظ يكونوا عقلانيين في الامور التي تتعلق بالزواج و الابتعاد عن الاسراف

لا تزيد الاقتراض من البنوك دلت الفوائد العالية يا حبدا لو أنشئ صندوق خاصة في البنك الإسلامي لدعم او الإعانة على الزواج او بما يسمى قرض الميسر

ما فيه حل غير الاقتراض .. الشاب بعد ما يتخرج يبي وظيفه وبعدها يبي سياره توصله الشغل .. يعني بعد قرض .. وبعدين بيتزوج .. بعد قرض .. وبيت وبعد قرض او اقساط ..

نعم افضل،من الفلوس بتروح الى اشي غير مفيده القرض يجيب زوجه افضل من ايام زمان محد يقدر يتزوج الحين سهل بي فضل البنوك

لا طبعا
عندك تزوج
ما عندك اقعد مكانك و اسكت
و شكرا

اجل وبشدة حتى لا ينحرف الشاب

أني أبغي حفلة خطوبتي تكون بسيطة وعائلية بس. وما أحب اللي بكون زوج لي مديون ومتضايق في بداية حياتنا مع بعض!!

كلامش صح نحاول نبتعد عن القروض .. الحفله تكون بسيطه واهم شي مرتبه ترضي ذوقي كفايه مو لازم ترضي الكل

احسنتي زاد الله من امثالش ... حق يكون الشباب قادرين على تحمل تكلفه الزواج لازم اهالي البنت يراعون بعد ما يزيدون من التكاليف يكسرون ضهره من بداية العمر العرض اله بيصير قدام الناس ما بينفع بعدين يصير الزوج مديون وكله يتسلف كله عائد على الزوجة بعدين

أنا كشاب لا أؤيد الاقتراض من أجل الزواج، وأتمنى أن تكون حفلة زفافي بسيطة جداً.
الأموال التي سأنفقها على الناس الأولى أن أبني بها المسكن الذي يؤويني وشريكة الحياة.

تعال عاد فهم السندريلات اللي عندنا، مع كامل تقديري واحترامي لبناتنا العزيزات

انا عن نفسي اؤمن ان اللي يبي يتزوج لازم يكون نفسه من جميع النواحي ويكون معتمد على نفسه بشكل شبه كامل فلازم يكون موفر مبلغ لميزانية الزواج .. اما الاقتراض للزواج فهو بداية النهاية

لا وألف لا اذا كان راتبه محدود لايفاكوفتش بهاي شي لان راح يواجه مشكلة مابعد الزواج انا افضل انا يجمع مبلغ اويدخل جمعية بس لايفكر للقرض حتى زواج لايكون مبالغ فيه وهذا من وجهة نظري ولكم خالص التحية واحترام

ما بشارك في التصويت لأن الواحد يتحير ويش يقول .. الشاب المسكين بين خيارين، إما يتسلف أو يتأخر في الزواج إلى سن ال 28 وفوق..
الله يصلح الأحوال ويهدي أهالي البنات حق يتفهمون أوضاع الشباب

طبعا لا .... الصراحه انا جربت ... وتعب و ضغط نفسي ... انصح الشباب بالادخار لو القليل كل شهر.... و لا يجامل اهل العروس لانه بيتعب

no
no
no

وهل تعتقدون أن الراتب لوحده قادر على بناء حياة زوجية

من الواجب ان يكون هناك وعي اكثر وان يتفق الزوجان علي الاقتصاد بقدر الامكان في مصاريف الزواج لانا في بدايه العمر لا انصح الاقتراض من البنوك

بدل العزوبيه قرض واجار شقه وبعد اجار بيت ان اشا الله يكون بيت اسكان طول العمر

وهل القرض قادر على بناء حياة زوجية مريحة؟؟؟؟؟؟؟؟؟؟؟؟

وهل القرض راح يكون لبناء الحياة الزوجية وتوفير الضروريات
أو بينصرف على ليلة وحدة للـ "مفوشر" ؟