يا كثررررررررهم هالاشكال من أشباه الرجال .... بس اسم لكن الواقع مر واليم من تصرفات واخلاق معدومة من الضمير

المفروض ياخذ منهم ثنتينهم ..عجل هو متزوجنهم ليش ، علشان هذا وعلشان ذاك ولو انا منه اخذت ٤ يشتغلون علشان اريحهم ويريحوني

صراحة من حق بعض الحريم يقولون عن رجالهم هالشي لأن وللأسف في رجال يقصرون على عيالهم وزوجاتهم علشان زوجة ثانيه او وحده اساسا مو متزوجنها .. وين العدالة والدين في هذا؟

الحين ماتعرفون الا الشرع حلل أربع ولما اخذ البيت الا دفعت فيه من تعبها وعطاه الثانية وين الشرع يتزوج خله يتزوج بفلوسه ويعدل بينهم هذا لو يعرف شرع الله ما ظلم نفسه قبل لا يظلم زوجته

الشرع الحنيف حلل إلى أربع زوجات والمبلغ اخذه من زوجته بموافقتها ورضاها.

المبلغ اتفق معاها ان يشتري فيه منزل، ليهم، اما ان يتزوج باخري من مال زوجاه فهذا نصب واحتيال ووقاحة، لا يقبلها لا شرع ولا دين

صرف الفلوس حرام لأنها مو راضيه انه يحطها في الصرف على زوجته الثانيه اللي هي ماكانت تدري بها .. الرجال ياخدون شي من الشرع ويغضون النظر عن اشياء ثانيه كأنهم مايعرفون الا آية التعدد مايعرفون ان النفقة واجب عليه وهي حتى لو غنيه لازم يعطيها وان اذا اخذت من غيره لحاجتها صار دين عليه وغير هاده الشرع يجبره يصرف على الثانيه من عنده يعني هاديك مو عاطنها حقها عبالها مدلعنها ..بس مادام درت الأولى يستاهل ههههه احين هادي بتقطع عنه البيزات من صوب وديك يمكن ترفع عليه قضيه لأنه ما يصرف عليها ههههههه

برضاها من أجل شراء منزل مب عاطته الفلوس عشان يشتري بيت للثانية برضاها، كبر عقلك، يعني لو انت طلبت من صديقك يشتري ليك سيارة واخذ فلوسك خلنا نقول سيارة فوق ال 15 ألف و بدل ما يشتريها ليك شراها لزوجته فهل نقول انك عطيته المبلغ برضاك أم غش وأحتيال ونصب يعاقب علية القانون؟

صدج ما يستحي لو اني جان بطيت رأسه

من حقه يتزوج كحكم قراني ولكن لايستغل

والله حرام عليك عاد
تزوجت الثانيه ناقلنا شي عليك بالعافيه
بس تصرف عليها من الزوجه الوليه
لا عاد هاذي نذاله
صج انك دوني ايش خليت بعد
لاحول ولا قوة الا بالله العلي العظيم
ماتشوفين شر اختي ماعليش اتصبري وبيرجع اليش راكع

طبيعية الأنسان ما يكتفي بشخص واحد ؟ ولا بس لأن مل و قال بروح اتزوج غيرها ؟

هي خايبة قال شنو قال ما ابغي اوصلها لمحاكم عشانلا اخرب صورة الأب في بنته، وهذا أب اللي حرم طفلتة من سكنها عشان وحده ثانية، كثروا اشباه الرجال وعلى النساء الحذر، مو مشكلة تساعدين زوجش بمبالغ صغيرة بس الكبيرة لازم وراها اثباتات والحق مايزعل

اساعدة بمبالغ صغيرة لغرض احتاجة او للبيت او للضرورة لكن مبلغ كبير مثل هذا مستحيل وأصلا اني محتاطة من زمان وأراقب حساباته بالبنك بدون علمة و حتى السيارتين اللي عندنا بأسمي وكان يفكر بشراء بيت مستقبلا ومن الحين قلت لية يا بأسمي يا ما أبيه، الرجال ينخاف منهم عكس النسوان اللي تتحملة سنين وعقب يرميها حق الأصغر مثل ما صارت مع بنت جيرانا بس الحمدالله كل شيء بأسمها وبعد الموت ورثوها عيالها وخلت الثانية بدون ورث وسرعان ماتركت بيت زوجها ورجعت بيتهم لأن همها كان الفلوس ولا شنو يجبر وحده تتزوج رجال كبير

مرعبة الفكرة أضحي من أجل شخص ممكن بأي لحظة يتركني و يدور غيري
كرهتونا بالزواج
و لا تقولون النسوان بعد، كلش مافي مقارنة المرأة تخسر اكثر و لو ماقدرت تتعايش ماتقدر تتطلق بسهولة الا اذا هو ماحب يستمر
يعني في كل الحالات مشكلة!!؟
والله شي يضيق الخلق

هي المسئله مو مسئلة فلوس الرجال اذا احس بالنقص والذل في قصر مرصع بالجواهر ومفروش بالذهب فانه يفضل يسكن في خرابه مع انسانه يكون سعيد معاها
بس بالنسبه انه يخلي القديمه تصرف على الجديده هذي نذاله وقلة اصل
لا بد من العدل بين الزوجات

هاي فيلم عادل إمام يمكن حق رمضان

شي عيب والله ..
اذكر لما اضطريت افنش من شغلي اول ما خطبت محد شالني شيل غيرها .
كبرت في عيني في حزتها عدل ..واكو احين فلوسي وفلوسها للجهال .
كوني في عينها حبيبها شي ماله وصف ،، الله يديمها من نعمه علينا .
والله يهدي الجميع

الحمدلله مااشتغل وزوجي هو الا يصرف عليي واما بالنسبة للرجال الي يسوون جدي اغبياء يأمنون على الغريبة اكثر من بنات بلادهم

من الأساس لو كان رجال ما يقبل تصرف عليه زوجته

إذا ما كانت مقصره عليك مالك حق
تاخد عليها وثانيا ماخده قروض وبلاوي كلها
على حسابك وبعدين تخون العشره
بس تبي تخلص غرائزك الشهوانيه

أنا مع التعدد بس من جيب الرجل مو من مرته هذا عيب وخيانة خذ أربع بس من فلوسك

المرأة بشكل عام لا ترضى بزوجة ثانية حتى لو كانت مقصرة مع أن الشرع حلل أربع المرأه المسلمه للأسف أذا كان الدين ضدها نكرت اما اذا معاها فرحت فهم أنانيين للأسف متابعين الغرب

الشرع قال خذ من جيبه و عايده
اذا يبي يتزوج في جهنم
ويش يدخلني ادفع تكاليف متعته؟؟؟!

وانتو يالرجال همكم التعدد بس عارفين شنو الشروط حتى الله عز وجل قال ولن تقدرو حتى لو حرصتم، تركوا عنكم الهرار والجمبزه انت افتح بيت بالأول وعقب فكر بالثاني، التعدد ماهو متعه كثر ماهو مسؤولية، في حياتي ماشفت رجال اعدل حتى ابوي مع ان امي الثانية بس لين افكر بالأولى كنت احزن عليها الله يرحمها، التعدد مب بالسهولة اللي تتوقعها، والمرأه طبعها غيور صعب عليها تشوف زوجها في حضن وحده ثانية، 80% من شعب البحرين غير قادر على التعدد وال 20% الباقين بين ظالم و نادم

وماذا عن الزوج المقصر؟؟ في هالحالة شتسوي المرأه ؟؟

حقيقة يجب ان تعرفها جميع النساء
الرجل يحب المرأه التي يصرف هو عليها وليس المرأه التي تشاركة الصرف او تصرف على نفسها لاتساعدينة بالآخر يبحث عن امرأه تخليه يصرف عليها علشان يحس برجولته لذلك كوني انت المرأه التي يصرف عليها حتى لوكنت غنية لاحظي كل القصص المرأه أعانت زوجها مادياً وبالآخر يتزوج عليها لانه حس بالنقص عند مساعتها له لذلك يبحث عن امرأه ماحس امامها بالنقص أو بالعجز المادي لكل النساء لاتساعدين الرجل مادياً لأنه راح يرجعلك الجميل بصدمة انتبهي ????????

انا رجل وارفض ان مثل هذي الاشكال يقال عنها رجال عيب تخون العشرة والعيش والملح مع الناس فما بالك مع زوجتك واذا مو كفو للثانية ليش تتزوج انت معدوم الضمير والإنسانية ولا احد يطلع ويقول يطبق شرع الله الله سبحانة وتعالى ما امر بهذي الطريقة الزواج اتمنى ان الرجال يكونو على وعي لانها شهوة وتنهي ولكن الشريك باقي الى ما شاء الله واتمنى من النساء انها تحسن اختيار الشريك واتجنبو المطاوعيه اعتقد هم اساس الزواج بأكثر من وحده وواخر شي يجيب عيال ما يعرف يربيهم .

كنت بخلي لايك ع تعليقك بس اتهامك للملتزمين اللي تعبر عنهم بالمطاوعية خلاني أتراجع

كلامه صح ماغلط اني كان مسوي روحه مطوع حتي تلفزيون ماكان راضي يشتري يقول حرام وحرم ولادي يطالعون التلفزيون ومسوي روحه آية الله وآخرته اخد وحده اجنبيه ماينعرف ليها اصل من فصل وهكو اشتري بدل التلفزيون اثنين الرجال ماغلط قال الواقع

الف لايك لك

بنسميك عدو المطاوعية .. لان في كل تعليق وكل موضوع تسيئ لهم حتى لو مالهم دخل ... شفيك متعقد منهم .... صرنا نعرف تعليقك من اسلوبك ضدهم

اني اسوي ليك مليون لايك

كلام فاضي شكلك شايف نفسك شنو مطاوعيه انت يعني ماطيع ربك اذا انت تطيع ربك فأنت بعد مطوع أما اذا كنت لاتطيع ربك هذا شيء ثاني

جارنا العكس الاولى ما تشتغل والثانية هي البنك والسايق ليهم
لان ماعدها اولاد فيقولون لمن تخش الفلوس

أنا كنت مدير مدرسة وأكثر المشاكل اللي مرت علينا هي بسبب ظلم الرجل للمرأة والأولاد. ليس العيب في أن الرجل يتزوج الثانية أو الثالثة أو الرابعة وإنما في ظلم المرأة السابقة . أعرف القليلين ممن عدلوا في زواجهم الثاني وأبي رحمه الله منهم .

ترى حتى اذا الزوجة ماعندها فلوس عادي عنده ضيق عليها بحجة قلة المدخول وهو حق سواد وجه المشكله ان صبرت المراة انظلمت وان رفضت قالوا مو مربيه وماتحاسب لزوجها وماتساعده كل شي على راسها واسمحوا لي كلهم رجال نفسي الشي يبون الفرصه بس خجتهم الشرع حلل وهذي فطره اتعمق في الشرع عقب قول حلل الشرع قالك قصر على الاولى وخذ فلوسها ولا تعطيها حقوقها كامله تقصون على روحكم

اتفقت مع اهل زوجي على شراء بيت العائلة ولمة بنيت وحطيت كل مااملك قالو لي مابنبيع وخسرت كل فلوسي، تتوقعون يتوفقون في اللي سووه فيني؟

اخت صديقتي سوت البيت وأثثت وكملت أكثر من النصف مشاركه بالبيت وكانوا متزوجين عن حب تقاعد وتزوج عليها الثانيه وسافر يدرس دين يزعم وطردهم من البيت هي وأولادها ولا عطاها شي وسافر مع الثانيه مع أن من المصلين الي يمثلون الالتزام الديني والدين بريئ منهم

مو كل من درس دين يعني شخص متدين!

اذا بتساعدينه سلفيه و طالبيه ! لا تعطينه عطية منها بيتعلم الربادة و منها المال السايب يعلم السرقة وبيحسش مغفلة وبيستغفلش ..

ههههههههههاااااي
على كل وحده افترضت وعطت زوجها باسم الحب والعشرة والتضحية. ..هههههه ترا في زوجات خلو رجالهم يشترون لهم كل شي سياره وبيت وصرف وسفرات وهي قاعده مرتاحه أما اللي عطت

بل بل بل الحمد لله ان عندي فلوسي وين اللي ياخذ فلوس من زوجته يوفق لا بوكم لا بو الفلس الي يطلع منكم

تعدد الزوجات حق اصيل للرجال والفطره التي فطر الله بها الرجال هي حب النساء
حقيقة لازم المراه تقر بها
اما يتزوج من مال زوجته هذا يسمونه استغلال وقلة رجوله
ادا الله تعالى انعم على عبده ليش ما يتزوج بدل الوحه اربع

الرجل الي يستغل الأولى ويتزوج من مالها أو حتى ما يتزوج من مالها لكنها هي الي تصرف كل فلوسها على أولادها وبيتها وفي النهايه يأخذ جديد يونس روحه هذا ليس رجل إنما ذكر وما أكثر الذكور وأقل الرجال حسبي الله عليه الله لا يهنيه ولا يوفقه من يسوي هالعمله والطلاق منه أشرف بكثير من البقاء مع شبه رجل

قلة حيا
تبي تنجعس انجعس ببيزاتك

هو مب الكل لكن 100/1 من الرجال لهم امان انا رجل اقول حق المراة المظلومه لا تعطينه فلوس وايد حد المعقول و احتفظي في راتبك حق نفسك وعيالك تره الرجل يرمي امه وابوه في العجزه ...على المراة اذا صارت ذكيه يحسب الرجل ألف حساب لكن اذا صارت طيبه زياده عن اللزوم يسمونها غبيه... حتى الرجل الطيب الزياده الرحال يسمونه الغبي.... البنت اخذت قرض 40 ألف دينار حق الزوج كم سنه بتسدد خير الامور اوسطهى مثل صحيفة الوسط احتفظي في مالك بالسر لا تخلينه يعرف حسابك كم .في رجال متزوجين لهم علاقات غرام محرمه مع البنات

الرجال ليسوا سواء ويوجد المحب لزوجته وعشرتها الى الأبد.. اما اللي يتزوج من فلوس زوجته فهو نذل والأنذال كثير بس الطيبين اكثر والدليل ملايين الأسر المستقرة في بلدان الخليج.

صح كلامك الرجال الذي يتزوج من فلوس الاولى وبسرق فلوسها هذا اعزكم الاه ........ و لو اشوفه اضربه كف على وجه هذا لازم يسنون قانون سجن نصب واحتيال وسرقه

في قصة مراة تعبت رتبت قصر في الاحساء حسدوها جالها المرض الشين وماتت على طول بعد 40 يوم تزوج زوحها بسرعه

من حق الرجل الشرعي التعدد وهذا حق من حقوق الرجل بغض النظر عن جنسية الزوجه الاولى او الثانيه وانه اقول الرجل المتزوج من واحده ظالم لنفسه اذا الله سبحانه اعطى الرجل الحق بتعدد ليش يظيقها ع نفسه

لا شوف القران صح قال لا تعدلو واحده ... ما تقدرون ومستحيل تصل درجة العصمة حتى تعدل ... وبعدين كيف يظلم نفسه اذا زوجته رفعت الطلاق و ضغطت على الكلاق وصارت معلقه او طلقتها بهدين عيالك يضيعوم او حراميه او خماره انت مل تقدر تربيه انت بتكون مشغول مع الجديده انا عمزوجتي تزوج الثاني واليوم 25 عام ابنائه و بناته من الاولى والثانيه يكرهون بعضهم اخوان بينهم بغض هو رجل متدين وطيب وممتاز صلاة وكل شيء عدل ما يقدر يعدل كل يحب الثانيه الجديده سفر و كل مكان هامل الاولى

يا فلتة زمانك يتزوج من جيسه مو من جيس مرته هذا يسمونه قليل اصل

مو هذا موضوعنا
الموضوع انه يلعب على الاولى الطيبة الا تعطيه كل ماتملك عشان يروح يتزوج من وراها ويصرف عالثانية من خير الاولى
لو هو فعلا رجال جان ماراح قص عالفقيرة
والتعدد حق الا يستطيع يصرف ويعدل
اي صرف واي عدل في هالحالة!!
تعرفون ان الشرع حلل اربع ونقطة
بس ماتعرفون باقي الاحكام

والقهر الزوجه الثانيه قليلة الاصل اللي تقبل على الزوجه الأوليه تنطرد من بيتها وتشرد اولادها وتجي هي تقعد فيه بارز مبرزحسبالها بيتها صدق لا حيا ولا مستحى عسي الدواير تدور عليش وتنطردين وتجي الفالفه على راسش وتشربين من نفس الكاس

للأسف المراءه عندما تحب تغلق جميع حواسها فقط قلبها ومايعني لها المال مقابل الحب اَي شي لكن الرجل كل حواسه تعمل الا الضمير اذا مات مابعد يرجع والحمد لله والشكر على نعمه العقل والرجاء الحذر من الجميع النساء الساذجات والرجال الساذجين محتاج فلوس مو مسوليتي مو شغلي مو واجبي انت المساول عني الله عطانا عقل لا نسلمه بيد مخلوق

والله انكم تضحكون لين تتكلمون عن التعدد ومصدقين روحكم بروحكم منتفين وحالتكم حاله من الفگر والديون والاقساط وثلاثة ارباعكم تطردون الزوجه القديمه هي بولادها وتجيبون الجديده وتقعدونها في البيت اللي بنته الأوليه بفلوسها انتون وينكم ووين العدل صدق مصخره

الله يعقل عليك خوش تفكير يا مخلص المظلومين

نصيحتي للمرأة مهما بلغ حبش حق زوجش ومهما وثقتين لاتصرفين كل ماتملكين عشانه، ساعديه بالمعقول
واحتفظي لنفسش بمبلغ كل شهر يكون لش ضمان لمستقبلش والافضل ان مايكون زوجش على علم ابه، لان ماتدرين شنو باجر راح يصير

انا رجل اقول لك اختي صح كلامك .. على قول اخوننا المصرين اخص على رجال عايش على افه مراته او نفس المثل : اخص على رجال عايشين على افه النسوان

اني مو متزوجه واقوليكم ماقصرتون كفاية متعقدة من العرس بسبة الي اسمعه وبعد الحين هالموضوع عقدني اكثر

والله هذي مشكلتش
الفتاة المقبلة عالزواج لازم تعرف الواقع احسن من تتم عايشة في احلام وردية وتنصدم بعدين
حوليها نقطة اجابية ان صار عندش فكرة عن واقع الحياة الزوجية وشلون لازم تتعاملين وتحفظين حقش وتكونين حذرة بدل ماتنظرين للشي بسلبية وتقولين تعقدتين!
الحياة الزوجية مشروع كبير وبيكون ناجح باذن الله اذا الزوج والزوجة كانوا يسعون الى رضى ربهم وفي النهاية الحياة الزوجية ماتخلى من مشاكل والعقبات وتحتاج صبر ووعي وتفاهم وكذلك فيها الحب والحنان و الاستقرار وزينة حياة الدنيا (الاولاد)

قعدي ابويه في بيت ابوش معززه مكرمه وتركيهم عنش يبوقون الكحل من العيون لابارك الله في كل ظالم

هذا النوع من اشباه الرجال ماله الا الزبالة يرمونه فيها

من يحمل نفس الصفه
حبيبي كل يغني انا الأرباح ورأس المال هههههههه يتذاكى مسوي روحه عبقري ههههه انا أهو اللي يفكر ومسير الحياه وفاهم شسوي هههه

فعلا لرجال ما لهم امان

حدث كثير هذا تره انا رجل واقول تره ساعات حتى ألي ما عنده فلوس مره وحده تجيه تفكير زوجه جديده وهو يكره التفكير في الجديده وهو يتعاطف مع مظلومه مثل هذا المراة اقول للمساكين النساء لا تثقي في اي رجل ممكن رجل ممتاز ويحبك لكن مره وحده يتغير حتى لو بعد 25 عام بعد .. في وحده في احساء فتحت صالون شغلت سعوديه خبيرة التجميل وبعدين صار عندها فلوس الريال خذ خبيرة التجميل ألي تشتغل عند زوجته وترك عز زوجته بعد ما شبع حصل كثير مثل دواس وايد احذري و احفظي مالك لنفسك و اطفالك الرجل يرمي امه و ابوه في العجزه

انا الأرباح ورأس المال هههههه
مضحك البحريني يقول هالاغنيه غناها الجسمي لي أنا رأس المال والأرباح هههههههه كل يقول لي جديه كل مره اكلمها وبعد كلام الحب والغزل يقول هالاغنيه لي ههههههههه عااااجل من زوجها يغني لها نفس الاغنيه

الرجال البحريني
ماليه أمان واللي تثق في زوجها ثقه عمياء غبيه غبيه لأن كلهم مثل بعض يبون اللي تساعدهم وتشارك في الأقساط والدفع وتريحهم لكن هو صايع والدليل علاقاته السابقه

يعني ابو ماله أمان ‘ لو خليت لخربت واشوف الغالبيه العظمى اجاويد مع زوجاتهم اما هالحاله وشاكلتها فهي إستثناء يشكل نسبه بسيطه من عديمي المرؤة

فعلا
الرجال ماليه أمام يغازل ويحب ويحن ليها

مو كل من ليس له أمان حتى نساء هذا العصر

ويش انتون ....تفتحون ابواب للشك وتجنون النسوان

الله كبير

لا امان لهم طيح الله حظه ولا هناه اكثر رجال الخليج على شاكلته ياخذون المراة ويستنزفونها من جميع النواحي المال والصحه وبعد ذاللك يدور ليه على اخرى

هذه الحالات تحدث بسبب سذاجة المرأة وثقتها العمياء بالرجل وجهلها بحقوقها

هناك من بنت البيت لكن في النهاية البيت بأسم الزوج فضاعت حقوقها يوم حدثت المشاكل لأنها لاتملك ارصدة شراء مواد البناء والمبالغ المصروفة فخسرت البيت والزوج.

هذى قصتى . و ما قل الا حسبى الله و نعم الوكيل . عيشت معه 19 سنة خلفت 6 عيال عايشة فى غربة و فقر و وقت الله رزقنا نسى عشرة و زواج مغربية . و احين 3 سنة ما اعطانى حضانة و قل ما كلمت قل لى روحى ديرتك او تزوجى . والله حسرة مب على ريال حسرة على تمر و وفاء و صبر لراح على فاضى .

بعض النساء تبذخ بالعطاء حتى تحسس زوجها انها تحبه ومستعدة تتحمل الديون والقروض عشانه..بينما هو يطالعها وكأنها البقرة الحلوب..ويستنزف عطاياها على شهواته..الله يعاوض كل طيبة عطت وضحت..وينتقم من كل خبيث ولئيم