الناس تفتح لروحها باب وفي ناس تطالع ناس....

في عقيقة والكثير من المستحبات والي عنده عقل وماتهمه هالامور يعرف وين يلاقي الي يدفع عن مولوده البلاء وإلخ ، والي يقول بخل وعالاقل وزعوا حلاوة ! من قال مانضيف الناس بالعكس اغلب البيوت يسون استقبال بقدوعات بكل مالذ وطاب وثانياً الي يهاجمون الرجال الي يجون يكتبون معاناتهم ان زوجاتهم سوو جدي ، مو ضعف ولا قلة رجولة لا ! الرجال احين مسكين ان قال مايبي الشي طلعوه رزيل ومايحب مرته ومايحب يسويها اتكيت قدام الناس ومن كلمها راحت لبيت اهلها لا والمشكلة ادا الاهل يحتضنونها ويكفرون تصرف الرجال وش تتوقعون!

الله شرع الوليمة والعقيدة نعم التوزيعات عن المولود المفروض وليمة يا بخلاء

سخافة

صار ليها فوق ال 10 سنوات هالسالفة.... وما أثرت فيني في نظري دفع صدقة بإسم الطفل واسعاد فقير بها أفضل بكثير بإذن الله تعالى سازرق بطفل في الشهور القليلة القادمة وما جهزت مثل هالامور والدنيا ماشية عادي
مو بخل بس ماليه داعي في أمور أهم
ناس حد الكاب كيك ب 100 دينار ليوم !

عن نفسي لست من الاغنياء ولاكن كل ولادة تكلفني ٤ الاف دينار احتاج مشفى خاص وبعد المشفى فندق نقاهة واغنية خاصة للطفل وتوزيعات وخرابيط بالاظافة الى هدية السلامة ولا اعتبره اسراف ولاتبذير ولايهمني التباهي او التفاخر بل بيني وبين زوجتي فقط والله علما اقول شهيد

هذه الظواهر الجديدة التي تتسم بالبذخ هي دليل على الرفاهية التي وصل لها الشعب ، والغريب أنهم ليل نهار يصيحون ما عندهم ومفلسين

والكل اتفق انه بخل وصفع مثل ما الكل اتفق انه تبذير
لا تسووونها صفاعه وبخل حتى ماي مافيولا تسوومها تبذير ٤٠٠ و ٥٠٠ خير الامور اوسطها
واما بنعمة ربك فحدث
كل شي في حدود المعقول مافي مشكله

المشكلة أنه كل وحدة من البنات اطالع الثانية هي سوت أنا بسوي أحلى منها وفي النهاية هالمولود كله مفلوت عند الخدامة هي تربية ولين كبر مفلوت في الشارع وبعدين يصيحون لين صادة شي التربية معدومة فالحين في لفشار

هضواهر قاعدة ادش المجتمع و كلها جديدة و ماليها داعي في اشياء اولا و احنا جايين على سنوات عجاف يعني ضواهر الإسراف لازم نمحيها من مجتمعنا و نكون واعين ما نمشي على الي تسويه الناس و انتابع هل بدع و لازم نقمع هضواهر لان بعدين بتصير في اعرافنا

كلها بدع ومن زمان أنا تطرقت لهالمواضيع.. خساير ما منها فايدة ولاعايدة.. قلت لزوجتي خل نقدم قدوع راقي وكفاية قامت الدنيا وقعدت.. أتصدق أو ساعد بالمبالغ اللي تتفلت مني ومناك.. في آلاف مو لاقية قوت يومها.

قبل ما في هالهرار ومحد يتكلم، الحين صارت عن النسوان ضرورية، قدوع كافي، لا اطلعون اشياء تحت مظلة توجيب الظيوف، قدوع شاي قهوة، اما باقي الخرابيط هي هرار حق لا فلانة تقول اني ولدت وما وزعت. الله يعين الازواج بس، ووحدة تقول ما تكلف 500 فلس، اختي ضربيها في 100 بتصير 50 دينار، بروحه الزوج بعد الولادة يحتاج كل فلس حق يوفر مستلزمات الطفل، ومعظم هذي المستلزمات تكلف، أعينوا ازواجكم.

من جهتي بان الاموال التي تصرف في التوزيعات اصرفها الى الاولاد
او اتصدق بها للمولود الجديد افضل من اوزع توزيعات لافايده منها غير الانتقاد
وهادا شي اسراف لان يسرف في شي مو محتاجنه حاجه ضروريه

زوجي الي يحب يسوي التوزيعات ويحب يكونون من صنع ايده..يشتري الأغراض ويسويهم فماتكلفه شي ماتزيد عن 30 دينار

البحريني على قد حاله
لكن :
في الفواتح توزيعات
في المواليد توزيعات
راجع من زيارة توزيعات
راجع من حج توزيعات
راجع من كشتة توزيعات
اطلقوا سراحه توزيعات
القريقشون توزيعات
التخرج توزيعات
الليسن توزيعات
بيت جديد توزيعات
العرس توزيعات
وفي النهاية يقول ناشف و مفقور

نسيت العيد الميلاد ????????????

لازم اسوي توزيعات وما اكلف زوجي ، اذخر من مصروفي ، ولا تكلفني مبالغ هائله ، اعرف ناس حتى برميته مايوزعون ، من البخل عجل من ويش من الكرم مثلا؟

ما يوزعون لانهم مو اغبياء
واذا انتين كريمة تصدقي بالفلوس افضل من هالهرار

أنتي شنو عرفج بضروف الناس
يمكن مو بخل بل فاقة
أعوذ بالله منج

لعلمش
اني وزوجي شغلتنا زينه الحمد لله
ماسويت توزيعات
هو حلاوة بالغرفة وخلاص
لازم هالمفوشر
وبعدين تصيحون ماعندكم فلوس

أستغرب من بعض الكومنتات صراحة! معظم اللي بجون للوحدة الوالدة المستشفى راح يكونون من الأهل والأقارب والصديقات، يعني ما يستاهلون تضيفونهم بقدوع محترم؟؟ بعض الردود تقول حتى مو لازم قدوع! كلها حلاوة وشاي وماي، هالقد تكلفكم؟؟ وحتى التوزيعات في توزيعات الواحد يستفيد منها وما تنقط وأسعارها ما تتجاوز 500 فلس، مثل الأكواب وفواصل الكتب وغيرها!

يعني ما اليها لزوم هالتوزيعات يعني وحدة والدة توزع فواص وكوب ليش...

وسعو صدركم واستقبلو الضيوف في منزلكم وگدعوهم بدل مستشفه اصبح بدل مكان رعايه صحيه قاعته استقبال

الموضوع مو عن القدوع عزيزتي بل عن التوزيعات
نحط قدوع مو بس محترم الا فاخر بعد اكراما للضيف
بس مابيكلف شي كل واحد على قد استطاعته
اما تقولين ليي الناس تستفيد من التوزيعات اكواب ومادري شنو يعني بالعقل الناس لو احتاجت اكواب وفواصل كتب مابتروح تسوي لروحها ؟ بتنتظرش لما انتين لو غيرش تولدون حق تسوون ليهم توزيعات ؟؟ وش هالمنطق دا
على فكرة اني موضد التوزيعات اذا كانت بالمعقول وكان شي مفيد مثل ماقلتين كوب مابينفلت بس لاتتكلمون بهاللغة الاستهزائية عن الي مايسوي موشرط ماعنده استطاعة يمكن قناعة حتى

هي مجرد ذكرى سواء كوب أو كريم أو قرآت
وإذا الواحد يقدر يسوي شي بسيط ليش لا؟
واللي يبي يحتفظ بهم يحتفظ واللي ما يبي بكيفه
انتون بعد ما له داعي تستهزئون باللي يسوون توزيعات وتدخلون في نواياهم

كلامش سليم
اني ما استهزأ بالي يسوي توزيعات
تزعجني لغة الاستهزاء اساسا من اي طرف وما استخدمها
الي حاب يسوي الشي راجع ليه .. يبغي ذكرى يبغي فشار على كيفه
بس لايتعمم الشي ويكون كأنه عرف وعادة اجتماعية والي مايسوي ينظر اليه على انه يغرد خارج السرب وبخيل و و و
لان غير المقبول ان يكون هالشي مؤشر على كرم او بخل
هي عادة دخيلة شلوون نخليها معيار لحكمنا على الناس !
الي بيسوي كيفه والي مابيسوي كيفه
بس هي في النهاية مصرف غير ضروري او كماليات.. لو كنا يعني بنقسم المصروفات الى ضروريات وكمالييات

اي جاي وقهوه
فواكه وحلاوة من طارق
بس غير جدي ما احط في جميع ولاداتي وولادتي الجايه بعد

بدل هالهرار وهالمصاريف اخذوا البيزات واصدقوا ابها على فقير دفعة بلا عن ولدكم واتحصلون حسنات بدل السيئات اللي بتحصلونها بسبب اسرافكم

مصاريف وبدع على الفاضي الناس هبابهم اعيشون روحهم واولادهم والحين طالعين لينه بالهبدعه واحد صديقي،اقول انا ما ابغي اسوي بس زوجتي اجبرتني وصرفت حوالي 1000 دينار على هالخرابيط

في رأيي الإنسان ايحكم عقله ومو كلشي الناس ايسوون لازم اسويه ...اللي الله عطاه خير ويبي يوزع راجع اليه واللي ما يقدر مو مجبور بما تيسر من شي بسيط فرحة بقدوم المولود ايوزع ومد ارجولك على قد اللحافك .

بدل التوزيعات والولايم والخساير على الفاضي افتحو للطفل حساب من ينولد وحطو الفلوس في حسابه بينفعه اذا كبر

???????? موضوع مهم جداااا
الحمدلله حالتي المادية ممتازة ولكن فعلاا ولا مرة سويت توزيعات لدي ٣ ابناء وانجبتهم بمستشفيات خاصة كل مرة اطلع مبلغ التوزيعات لفقير صدقة عن ابني بدل ما أوزع ما قد يفيد أو لا يفيد استقبل من تعنى لي افضل استقبال والقدوع موجود والحمدلله

من الفشار والسفت .. طبعا اول من بدأ بهدي الظاهرة هم العجم والبحارنة مايبي ليهم شي ويقلدون علية وكل وحده صارت تنافس الثانية تبي شوفوني

مو شرط كل الاشياء الي تتوزع مامنها فايدة وتنقط في لخمام!!!
فيه ناس يوزعون كوب او عطور او لوشن .. هالاشياء يستفاد منها وترى ذكرى حلوة..
عن نفسي وزعت عطور تولات ماكلفني حتى 20 دينار .. كل واحد واستطاعته .. والزوج اذا مايحب سالفة التوزيعات يقدر انه مايدفع مو شي ضروري لأن. . والمفروض كلمته تنسمع عند زوجته مو يجي اهني ويتحلطم ان مرتي جبرتني والله حالة هههه رجال آخر زمن

شدراني كل واحد وجاي يتكلم عن عرضه
ماتستحون وتخجلون

ما هي إلا من سفاسف الأمور، بدع ابتدعتها النسوة ع حساب أزواجهن، فشار في فشار.

هذه قناعات كل واحد كيفة مو لازم التقليد الا يحب ويقدر لازم يفهمون هالشي صايريين الناس لازم تنتقد بعضها

المشكلة حتى القنوعه والي ما تقدر حزة الخزه تقول فشيله لازم آخذ معروفه هالحركات

اني صراحة سويت توزيعات لكن اصنعهم بيدي و اشتر ي الاغراض بارخص الاسعا .. المهم السعر اناسب ما لدي من مال خا.ص من دون ان اطلبفلس واحد من زوجي..والحمد لله.

هذي الامور صايرة بوابة مشاكل للعلاقات الزوجية حتى للي دخلهم غير محدود لان الازواج عارفين ان السالفة بهرجة نسوان ونقطة والزوج يدفع الثمن طبعا، لكن افضل حل تخيرها يا هالشي يا سفرة الصيف ، هني بتحس انها قاعدة تخسر روحها

والله لازم يشغلون روحهم في موضوع ينتقدونه ، يسوون من الحبة قبة ، ياخي كل واحد وكيفه ما تبون تسوون مو مجبورين تبون تسوون على هواكم

زوجة اخوي سوت توزيعاتها عند المحل الفلاني انا لازم اسوي عند المحل الفلاتاني زميلتى في العمل عملت عند المحل اللي في المنامة انا لازم اعمل طلبية من برع البحرين وعليكم تكملة القصة

أحسنت

سبحااان الله الحين طلع الكل مايسوي
عجل مت الا يسوي

اي والله اني ما سويت تصدق عاد ومحد تجرأ من اهلي يقولي ليش ما سويتي بالعكس الكل قالي اي احسن لك وش لش بالمصاريف
ترا احنا نتكلم اهني محد يعرف الثاني فماله داعي اني أجذب يعني

أنا توني وواضعة وما سويت ولاشي لا توزيعات ولا خرابيط غير القدوع العادي
يعني مو كلّ الا في البحرين جوا وعلقوا عشان تقول سبحان الله طلع الكل مايسوي وأچدب الاودام
لازم بيطلعون لك ناس بيقولون اي سوينا وعندهم مبرارتهم

سبحان الله .. بس تبغون تطلعون الناس جذابين
صديقتي و لا ولادة سوت و أني كل ولادة اسوي بميزانية بسيطة و أهم شي شي منه فايدة

إذا الله رزقني بولد باوزّع عليهم كسكبال (قريقشون) ويش رايكم؟

الله يرزقش الذرية الصالحة إن شاء الله .

بركة بعد
اهم شيء النية الصالحة الله يقدركم على تربية عيالكم

والمشكلة كله أشياء غير مفيدة ونهايتها الخمام..
والله حرام

اضطريت اسوي هذا الشي بالاجبار، مع تيقني التام ان اسراف وهرار لكن يا تخضع للزوجة وتسوي او تطلع بصورة البخيل والمصفع حتى اهلها ببلبلون

أنا اشوف هذا كلام فاضي ومصاريف مالها داعي ،، بس مثل ما قلتوا صارت منافسه بين النساء لتقديم الاجمل والأغلى
لله الحمد أنا جبت بنتين ما سويت ولا شي لهدايا او توزيعات وفرحتي ما قصرت ولا ذره الحمدلله

الحمدلله لا في زواجي ولا في ولادتي سويت هالخرابيط.. ماعدا القدوع والشوكليت.
وبعض الأهل فكروا انها مسألة فلوس واقترحوا عليي ان اروح المحلات الرخيصة بحصل فيها كل شي..

المشكلة الكل ينتقد واذا صار الصدق لازم يسوون حاله حال العالم

أصلا مصاريف وخساير بيزات ولازم وحدة تولد توزع هدايا او الناس يودون لها هدية الله ساتر على عباده
وحده فتحت بيت جديد بعد لازم هدايا ليش الناس كاعدة بس توزع هدايا وعلى بنك

الحمدالله ولدت مرتين ولا مره فكرت اسوي توزيعات مالها معنى مجرد ضايفة من يزورني من حلوى وشاي وفواكه ومبلغ دلغ طلعته صدقة لسلامتي وسلامة المولود وانا عن نفسي لما اروح ابارك لمن تولد التوزيعات مدة بسيطه واقطها لان اساس ما استفيد منها ولا اقدر اعطيها للجهال يلعبون ابها لانها قابلة للكسر

المستفيد الوحيد هم من يعمل في مجال التوزيعات ويبيعون ما قيمته 150 فلس ب 400 و 700 فلس ب قليل من العمل اليدوي . زوجتي لديها المهارة و القدرة على عمل التوزيعات الا انني لم اشجعها بسبب عدم اقتناعي و ما يسببه للعائلات من تآكل مدخراتهم التي يحتاجها طفلهم في بداية عمره ،،

الامراض الاجتماعية عمبتكثر. بس مصائب قوم عند قوم فوائد. اتقو الله في مخابيكم يا ناس

جان زين الكل يهد هرار التوزيعات وبوفيه المعادل

صدقت والله

اني ولدت مرتين وماسويت والثالثه الكل انتقذني واعتبروه بخل ورزالة وصفاعه وفشيلة واضطريت اسوي بس ماكلفني ١٥ دينار

من الفشار والسفت .. طبعا اول من بدأ بهدي الظاهرة هم العجم والبحارنة مايبي ليهم شي ويقلدون علية وكل وحده صارت تنافس الثانية تبي تكون أفضل ..

اللي ينتقد هو أول واحد يسوي وثانيا ما عليكم من الناس.. الناس أحرار من فلوسها لو فلوسكم صح انا ما سويت بس مالي حق انتقد الناس سوت أو ما سوت اتركو الخلق للخالق كل شي تدخلون نفسكم فيه

هرار النسوان ما يخلص كله يقلدون في كل شي ويفلتون بيزاتهم على اشياء تافهة عقب يقولون ما تشتري لي ثياب وما تسفرني !!

بضبط كلام صحيح جملة وتفصيلا

عاد مو ب ٣٠٠ ولا ب ٤٠٠ .. حتى ٥٠ دينار ما تكلف .. سووها قصة
يكون شي بسيط وغير مبالغ فيه

المجتمع البحريني يستقبل كل ما هب ودب من عادات لا علاقة للمجتمع بها، والسبب أن المجتمع البحريني تراخى في التمسك بتقاليده حتى اختفت هويته وأخذ يستقبل أي عادة تافهة برحابة صدر.

الحين الكل ما يسوي ... صدق في أشياء مردها للزباله بس في أشياء للاستعمال مثل الكريمات الميني وادري الكل بقول ما نستخدمها وتكون أشياء للأطفال بس ليها استخدامات في الميني فالزلين في احد ما يستخدم الفازلين وتزين بسيط في البيت وخلاص الي يقولون آخذي قدوع طبعا القدوع من حلويات و فواكه موجود بس اذا أخذت معجنات واشياء واجد وقليل جو من البدايه شنو أسوي في الي بقى وإذا أخذت قليل وجو ناس اكثر فشيله القدوع ما يكفي فهذا الشي يبقى اي وقت بجي اخد يهنينا بالولادة موجود

انتون مجانين تتدينون للي ماتحتاجونه و اللي تحتاجونه ماتشترونه

هذي صارت مغارم مو مصاريف

الحمد لله رب العالمين

انتين جبتين ولد توزعين على الناس بدع

توزيعات شي ماله داعي ودلاعة من الزوجة

المشكلة ان بعض التوزيعات ويمكن اكثرها مصيرها الى الزبالة

الناس المفترض تخف تعلیقاتها اللی ما منها فایده إن هدی سوت و هدی ما سوت لأنه الناس بهمها هالهم و بتسوی و المفروض الناس تکون فی اید وحده وتقطع هالعاده

فعلا الضيافة العادية احسن شي وليش الواحد يكلف نفسه فوق طاقته وهالشي مايرضي رب العالمين اسراف ماليه داعي بس للتباهي والمفاخرة

زمن السطحية والتفاهة ومنزلة الانسان بما يصرف حتى لو متسلفنه في وفاة في ولادة في اي شي،، بينما تترك الأمور الهامة دون دعم ...

الواحد مو مقاطع يسوي لناس كلها يسوي الا يقدر عليه ولي يجي في البدايه يحصل ولاهو مكلف يلبس الناس ذهب .. اي شيء يقدر عليه ويسوي بيده اولا بيستغل وقته وثانيا بيستوي شيء من جهده .. وخل المتاجر تقص على ناس غير ..

ادفعوا الله لا يخفف عليكم... هذا كله بسبب الزواج.. زوجات هالايام يتزوجون مخابيكم.. ادفعوا لا خفف الله عليكم

وش الرابط ؟ ترا الزواج سنة رسول الله!

صل ع النبي هد اعصابك يا 104 عيب يا بابا
شكلك منصم بوحدة وقمت تدعي على غيرك .. وبعدين الي بيدفع ويسوي هالشغلات حر بمصروفه كل واحد واستطاعته مو شي اجباري

الحين الناس مظاهر بس عندك ماعندك اطلع

الحمدلله ماسويت في ولاداتي ..احسه تبذير وشكليات مالها داعي ..بس نقدم للضيوف البقلاوة والكاكاو والقهوه

فضاوة

بدل صرف الفلوس في التوزيعات والولايم سو للطفل حساب في البنك وحطو له الفلوس يكون حساب ادخار له يستلمه بعد ما يكبر
لكن الناس ما عندها وعي ابدا

اللي عنده دهن يدهن روحه .... اذا مقتدرة وعندي خير خل اسوي اللي اسويه ... لكن اللي ع قد حاله وبس حق فشار هذا صراحة خبال

مقتدرة ؟ وتخلين الفقيرة تطالع وتتحسر وتجبر نفسها تصير نفسش .. والشي ماله داعي فليش تسوين؟!

اي والله اللي عنده حته خل يتحنه ، و الفقيرة اللي تطالع وتتحسر هذا مو اسمه تحسر هذا حسد و الله يغنينا ويغنيهم

ستسال يوما ما في مالك في اي شيئ انفقته
في حلالها حساب و في حرامها عقاب

والله سويت والين الله بعد رزقنى بسوى ..الا عنده يسوى ولا ما عنده مو مجبور

مال اول التوزيعات ترى ههههههههههههههه

مال اول !! ليش جم ولد عندك وجم عمر اكبرهم "الله يخليهم ويحفظهم قبل كل شي"
كل ناس تعيش زمنها مافي شي مال اول

ما عندي جهال، ومن الحين حزبان إلى هالمصاريف التافهة واللي ما لها أصل !!
لازم كل واحد يبغي يسوي أي شي يفكر في الناس اللي بتتبعه، خصوصاً في هالعصر اللي حتى الفقير يتباهى بالمظاهر ويصيح بعدين من المصاريف !

الله يرزقك ويرزق المؤمنين الذريه الصالحة

في إعتقادي أن هذه العاده كلها هرار و بدع ما انزل الله بها من سلطان،،،أولادي و بناتي ما سويت ليهم عقيقات و لا نوع من هذه البدع،، لم يصبهم أي مكروه و هام ما شأالله أذكياء و من الأوائل على مدارسم و اصبح فيهم الطبيب و مدير الأعمال و المهندس... الخ

العقيقة ليست بدعة ، بل سنةة نبوية -- لانخلط بين الامور

العقيقة مستحبة كسنة نبوية ومن قال اللي مايسويها بيصيده شي لكن هي تعتبر شكر لله على المولود الجديد

الحمدالله توني ولادة ولا همتني هالامور لانه ادري مصيرها للخمام ..فقط اخدت صينية حلاوة كاكو وحدة وكتبت عليها اسم مولودي لانه ادري ع الاقل ان الكاكو بينأكل مو تحف او اهرار مصيرها بينفلت

خلوا عنكم السالفة
وادعو الله يرزقني الذرية

الله يرزقك ويعطيك الذرية الصالحة وجميع من لم يأتية من المسلمين والمسلمات بحق الصلاة والسلام على خير الأنام محمد وآله الطيبين الطاهرين الكرام

الله يرزقش الذرية الصالحة إن شاء الله ويرزق كل محروم .

الله يرزقك ويرزقني ويرزق كل من يتمنى بحق محمد وآل محمد

الكل يتحلطم
والكل يسوي

و الله عجب منكم اذا كلكم تقولون فشار و مصاريف عجل من الي يسوي هالعجايب !!!
على هالحسبة الأغلبية ما يسوون شي و اني اشوف العكس
و يفضّل اذا واحد بقول رأيه يقوله بإحترام لا يغلط لا على الزوج و لا الزوجة
و اذا الواحد حب يسوي شي يسويه بحدود المعقول و الي يرضي الله
اني اعرف وحدة متزوجة من سنين و ربي ما رزقها بالذرية و توها قبل أسبوع والده و في خاطرها تسوي شي لضيوفها و سوت شي كلش بسيط و ما كلفها حتى ٢٠ و اذا على غرشة ماي و چوكلت بتعيبون فاسمحوا ليي عقولكم صغيرة

يلا يا جماعة همتكم... أميتوا هذه البدع إللي تقصف الميزانية قبل لا أتزوج ،و إلا ما في إلليي إلا وحدة من برة البلد ????

الي من برة البلد بتصرف عليها أضعاف هالخزعبلات اذا بغت تزور أهلها بتاخد الي قدامك والي وراك بتوديه لأهلها

من قال انا متزوج من دولة عربية صحيح انا كل سنة تسافر بس طول سنة صرفها اقل من بحرينية ولا اليها بهاي خرافات والقناعة موجودة حمداااه

اها ماعليه صدقني
..
مايحتاج حارتنا ديئة وبنعرف بعضنا الاجنبية تشفط مخبا الزوج شفاط وكل سنة رجلها ديون لهداياها وسفرتها ومصرف ايدها هناك وباقي السنة حالها حال اي زوجة واولاد يصرفون الا اذا ما تأكلهم وتلبسهم وتشربهم ومعيشنهم في عشة هذا شي ثاني ????

أوادم عقلها خفيف، بيزات التوزيعات هدي سو ابها عقيقة أو تبرع بها لمسجد أو مأتم أو مضيف عن ولدك وشوف البركة بدل هالمسخرة واللعبة، إن شاء الله إذا الله رزقنا بالولد الصالح نسوي عقيقة ونتبرع للأماكن المقدسة بالأموال ليبارك الله لنا الولد.
ملاحظة: أي واحد بيطلع فيها وبينفخ صدره على ردي بجيه تسفيل من الزين.

لا حول ولا قوة إلا بالله

اربع اطفال ربي يحفظهم ولله الحمد هالهرار مو صوبي ماسويت ولا شي ولا بسوي اولادي اولى بهالفلوس خصوصا بعد الولاده بتقابلنا مصاريف واجد

ولد زويد
سبب البدع والضلال والخرفات الي ما أنزل الله بها من سلطان هم بنات هذا الجيل الفاشل والنسوان بشكل عام وأكبر دليل بسببهم تم إخراج آدم عليه السلام من الجنة والأمثلة كثيره لا يسعها المجال ولكن أيضا بعض الخرفان قصدي الرجال صاير لي سكان ويش ما قالت له زوجته راح ركيض

تعجبني يا ولد زويد.. واضح انك تحمل عقل متنور لا يؤمن بهذه البدع و الخرافات...

الله بيحاسبك على اتهامك لأمنا حواء والنبي آدم بيوقفك يوم القيامة للسؤال

ماعندك عشى تتعشى وعندك رويد وتجشى الناس ميته على عمرها وهم همهم المظاهر

مو كل النسوان مثل بعض اني حامل وما انكر ان اني افكر في ولادتي والتجهيزات لكن مستحيل اسوي توزيعات مكلفة وما منها فايدة فقط رياء
الله يسهل وبسوي شي بسيط والحمدلله على السلامة

يعني في الاخير بسوين و غيرش قالوها

افشار ومصاريف ماليها داعي

كل شي بدع واحنا الحين في زمن المظاهر والي ما يسوي هالشي بينظرون له نظرة شاذة او انه ما يواكب الزمن وهذا اكيد يأثر على الشخص نفسه واني اذا حملت او ولدت ما بسوي هالخساير تكون حقي افضل بروحها العيشة صعبة

مو بس جدي، في بعض الاحاونتات في الانستغرام عجبهم الموضوع، و قامو يسوون ولائم لا تتجاوز قيمتها ال40 دينار (صحن حلا و صحن موالح و جم شغله)، و تنباع باغلى الاسعار!
اكرام الضيف شي جميل، بس يا حبذا عدم الاسراف..

انا الحمدلله رزقت بمولودين قبل البدع والهرار

في ولادتي ماسويت توزيعات وهرار وما راح اسوي.. والي يسون توزيعات ترى مصيرها الخمام .. يعني لا تتوقعون انه الناس بتحتفظ ابها ..

احس حياتي كلها فشيلة بسبة المناسبات و احس عقلي مشوش من الدوشة بس ويش اسوي مابليدحيلة اداري و اجاري مو من قلة الزاد ولكن من التكرار و الروتين .

سبب البدع والضلال هم ...النسوان والبنات
إختراعات أنواع وأشكال وأكبر دليل هو بسببهم تم إخراج آدم عليه السلام من الجنة بيتقدم حق بنتها واحد قالت لازم نسوي بوفيه للمعادلة بطلقها زوجها قالت حفلة طلاق بتتزوج قالت حفلة توديع العزوبية وووووالخ

ليش بس تَحُطُّون على النسوان اكو في رجال عندهم بدع ههههههه يروحون يشترون طيور وجلاب سعرها فوق بس للفشار ويروحون يسافرون حتى لو هم فقارى ويرمون فلوسهم في الخرابيط

حسبنا الله ونعم الوكيل

ناس وصلت لحد الفسق .. بعض الزوجات تجبر زوجها على السلفه من اجل هذا التوزيعات ، ومثل ما تفضلوا الجماعه المفروض اله والده اهيه تستلم هدايا من الضيوف

واقعاً هو تحميل العرف المجتمعي من ليس له قدرة مالية على ذلك.
يعني انا بسوي وعندي قدرة غير بيضطر يتدين لحساب عمل هذه التوزيعات..
نسأل الملتزمين بهذه السوالف هل هم ملتزمين بسنن الولادة وما بعدها من عقيقة وما شاكل؟

والله مقتنع انا هالاشياء ما لازم نسويها بس شسوي مافيني شدة تبرطم عليي شهر :(

بدعه وغيره ومطالع وشي وانتي بالكرامه تافه وخصوصا ادا كان الاب فقير على قده هولاء هل يعرفون سنة النبي (ص) شنو المفروض تسوي ادا يجيك مولود؟
بس فشار وغيره من فلانه وعلانه ومطالع كل وحدة طالع الثانية هذه الله ناعم عليها وعلى زوجها انتي زوجك فقير لا الكلام مااااايمشي

يا ناس يا عالم ترى العقيقية اولى من التوزيعات
و يصير الشخص يعق بأكثر من عقيقة لاولاده
ما سويت توزيعات في ولاداتي السابقة و اعرف ان في ناس انتقدتني و وصفتني بالبخل لأن وظيفتي هرفيييية لكن اني وحدة اتعب على ما احصل فلوسي و احب ابذلها في شيء له فايدة. اذا الله وسع عليي اكثر و اكثر و جبت جاهل زود الا اسوي له عقيقة جمل
انزن اللي خاطرهم في التوزيعات اعطوا كل شخص يزوركم دينار في ايده احسن من هالتناتيش اللي ما منها فايدة

اني بعد ماسويت في ولاداتي ولابسوي لان شي مومقتنعة فيه ومثل ماقلتين بسبب وظيفتي وراتبي وصفوني بالبخل .. لكن اني ماحد يهمني قالو ماقالو .. عجل الناس تدفع فوق ١٠٠ دينار على توزيعات مصيرها الخمام واذا جا ليهم فقير يدورون ليه اقل مبلغ عندهم ١٠٠ فلس لو ٢٥ فلس ويعطونه .. من البخيل الحين؟ اذا مستغني عن هال١٠٠ و ال ٢٠٠ مالت التوزيعات عطها فقير وسد ابه جوعه بدل ما تصرفها على هرار .. وهدحنا مومقصرين على اولادنا في شي الحمدلله مومسألة بخل مسألة فكر ومبدأ لكن جماعتنا ماعندهم هالثقافة .. للأسف ثقافة ...!

المفروض لا توزيعات ولا ولايم ولا هرار وبسكم صرف فلوس على الفاضي

الشره مو على النسوان الشره على الرجال الطراطير اللي متابعينهم
تلاقي الرجال ما عنده شخصية يوقف الاسراف في بيته بس حده يعلق في الجريدة يقول مرتي سوت ومرتي فعلت وانا اقول لو انت رجال ما صار كل هالشي

الناس يبدعون في الصرف والخساير لكن انهم يسون شي يجيب حقهم فلوس ما يعرفون صدق فاشلين

انا من 3 شهور جتني مولود وزعت قرأن ومحد اخد

البيوت متروسه قرآين من الفواتح واذا صار على القرآن غبار من قلة القرائة القرآن يشتكي علينا وبعدين تعطون الأطفال ويلعبون فيه هي حالة؟!

الحمد لله رزقت بمولود، والتوزيعات انا سويتها بنفسي وماكلفني ٣٠ وكل التوزيعات كانت حلوى، المكلف في التوزيعات لين يختار الاباء هدايا ضمن التوزيعات مثل كريمات او ملابس اطفال او او.

انا اسوي توزيعات بس شي بسيط وفي البيت مايكلف من عشرين الى ثلاثين دينار بس.

و ال20 و ال30 مب فلوس في ناس ماعنده

صح في ناس ما عندهم بس مو ملزومين يسوون .. و مكتوب توصل ٣٠٠ دينار و هي بتسوي بعشرين فرق واجد

حتى لو كان 5 دينار بعد إسراف وبدعة لا تتفاخرين

بلا هرار عاد، يعني ضيوف جايين ما بتقدعونهم؟ الكرم من صفاتنا كمسلمين و عرب، لا تصرف ٣٠٠ ولا ٤٠٠ بس على الاقل قدوع للضيوف، و اكيد بيتعدى الخمسة دينار

يالاوادم لا تسوون توزيعات .. نجمعهم نجمعهم تالي نفلتهم في الخمام لان مامنهم فايدة لا هم يسوون لنا حاجة مثل صحن لو براية محاية خخخ ولا هم حليوين ان بنعلقهم في مكان لو بنصفهم في المكتبة شسوي ارزز مراضع في حجرتي؟ اذا بتوزعون وزعوا شي مفيد . او اخذوا قدوع وقدعوا الناس وكان الله غفورا رحيما

احيان يقدمون شامبو او شكلاته وكريم ممتاز توزيع الولاده ممتاز ... لكن اخر مره رحنه فندق مريديان عرس وزعو ناس يعز عليهم المعرس والله ما يستحو وزعو كيس قماشي تور فيها حجر جبس ابيض او اسمنت على شكل حلويات فتحتها اريد اكله شفته اسمنت ما يستحون والله العظيم شنو هذا الخساره شنو نسوي فيه رمته في الخمام الله يعزكم شفته مثل حلويات المخبز ابيض قصو علينه طلع اسمنت جبس والله منقهر حدي وبروح اقول حق ام المعرس لازم افتح السالفه اقول هذا ألي يعز ولدك ما يستحي على زجه يجيب توزيعات سمنت

الفائده فقط حق اللي يصنعون هالتوزيعات وكل ساقط وله لاقط والنسوان ماتشبع

أعجبني تعليقك قصير الكلام وكبير المعنى للعقول الراقية Big like

أعجبني تعليقك قصير الكلام وكبير المعنى للعقول الراقية Big like

المفروض يكون بشئ رمزي وبسيط وغير مكلف، بس في ناس على كل ولادة يسونها بخساير مالها داعي

الحمد الله على أيامنا مافيه هل خرابيط شوي حلاوة تقدم إلى الضيوف واني زوجي حتى الحلاوة مايجيب افشل إذا جاني أحد في المستشفى

هههه عجيب زوجش

والفقير هو الضحية ، بعد توزيعها يقوم بعض الناس بأكل الحلويات التي بداخل العلب والأكواب ومن ثم يتم التخلص من تلك العلب الخالية وشبه التالفة الي الفقير وكأنما هو حاوية لكل ما هو غير مرغوب

وفي أستغلالين في الأنستجرام ، أخر طفل لي طلبنا توزيع وبعدين طلع كاكو مغلف حجمه صغير قيمته ما تزيد عن نص دينار وباعوا علينا كتوزيع دينارين ونص للحبة بس عشان عليه لصقة بالأسم طباعة عادية.

دينارين و نص للحبة الوحدة !!!!!
ان چان عطيتون اللي يزوركم دينارين و نص يصرفها بالطريقة اللي تعجبه

بدع البنات, المشكلة الصرف على الرجال. لو كل واحد يدفع للي يبيه ما صارت هالمسخره ..

هذه جديده ما شفناها ف البحرين

هالشي ممتع اذا كان بسيط و من عمل الام بيدهه و مايكلفهه الا المبلغ اليسير ... يقولون عشان ينشغلون الناس بعيونهم عن الياهل ... بس ان تروح تشتري صينية كاكو made in china ومكتوب عليه بلجيكي و بذيك الحسبه واوري هم وراهم مصرف الياهل اليديد اهني ... ماأيد ولا هو ضروري ابدن

الله يعقلكم على هالتفكير
حلوة دي ينشغلون بعيونهم عن الجاهل
شر البلية مايضحك

ولد زويد
هههههههههههههههه
على شان يشغلون عيونهم عن الجهال ما أدري ويش شكله هالجاهل جعيري أجلح أملح حاله حال باقي خلق الله الأجانب الإنجليز والأوروبين اني أولادهم أحلى وأجمل والبق في الكلام من أولادكم ما يسوون جدي وانتون حبيبي وين خشمك شاطر ولدنا . والله حاله مشكل

مصاريف عالفاضي

اتزوجو من بره ماراح تلاقون خرابيط هاذي

عشان الجيل الجديد ما فيه بحريني يتكلم بحريني يا فلبينو او مغربي وخذ على التربية السنعة على ايدهم يصير عندكم جيل عجيب لاصار ولا استوى
تخيرو لنطفكم فان العرق دساس

400 دينار اقل شي دا غير مصاريف المستشفيات الخاصة
والمستشفيات العامة معرووفة بسؤء المعاملة

المشكله في النسوان إنهم يقلدون تقليد أعمى ويطالعون فلانه و علانه وهذي سوت وهذي عطت!! وبعدين؟!
ومن خلال معرفتي بالنسوان إنهم يطلبون من الرجال كل شي, من فوجر التلفون والأكل واللباس و و و و مع أنك تعطيهم مصروف جيد ويمكن ما تحصله في قبل لا تتزوجها.. وإذا قلت ليها عندش روبيه بناخذ 5 خبز تقول من وين عندي اني اصرف عليك!!! واذا عطتك الربيه تعايرك عليها.

عيب عليك هذا الكلام من الصبح ،تفتخر ان شخصية زوجتك ضعيفه أمامك وتنشرها على الملأ خلك في سياق الموضوع فقط ماله داعي يا اخي

شي تافه و المراة اللي تصر عليه تافهة ومخها صغير.. الحمدلله اني رفضت استسلم لشراء هالتوزيعات وللاسف تعرضت لضغط من نساء العائلة لكني مقتنعة بكون هالتوزيعات لا فائدة منها وتحمل العائلة عبأ آخر اضافة لمصاريف الطفل الجديد.. وللعلم انا امراة والمولودة طفلتي البكر. حرااااام يا ناس 400 -500 دينار تنفلت في المهملات.

سوالف نسوان مالها اول ولا آخر.. وفي النهاية تقول اني مو نفس النسوان واني ما اصرف وما ابذر.. بالفعل كلها سوالف نسوان باطلة

هذه السالفة مو جديدة، صار لها أكثر من 5 سنوات. وهي مثل ظاهرة توزيعات الناصفة وتوزيعات الملجة وتوزيعات أعياد الميلاد و....إلخ.

أرى أن إحياء سنة العقيقة أولى بهذه المصاريف وهي سنة نبوية سنها رسول الرحمة (ع) ، وهناك من المؤمنين من يقوم بهذه المهام في عديد من المناطق كما أن إطعام الفقراء من لحوم هذه العقائق بتوزيع لحومها في حال عدم الرغبة بالولائم ستكون أفضل (وعلى قولة منصور سنقيمة .. قليل من التفكير)

حتى العقيقة والولايم خساير على الفاضي شنو انت بتستفيد او هم من الفعل كأن الناس عندنا في مجاعة لو تسوي الوليمة في المناطق اللي فيها مجاعة احسن بدل ما تخلونهم يموتون من الجوع وربعنا يشبعون لحد التخمة

يووووووو وش ده هههههه العقيقه من السنن النبويه تدفع الضر والبلاء عن الجاهل

ومن الجهل ما قتل ويش هالضمحلال في الثقافة والدين العقيقة سنة نبويه لا يجب توزيعها على الفقراء الكل يأكل منها ما عدا الوالدين والأجداد

اثنينهم خساير على الفاضي العقيقة باسم الدين والتوزيعات

ولد زويد
نعم سنة نبوية الكلام صحيح ولا غبار ولا إشكال فية لكن ليست واجب يعني مو مجبور اخسر فلوسي حق الناس تجي تبلع وتغسل ايدها وتمشي سواء شخص مقتدر أو غير مقتدر هو إسراف إن كان ولا بد الأفضل يتبرع بالمبلغ إلى عائلة فقيرة تدعي ليه بالخير وأجر من رب العالمين

مع ان شخصية زوجتي جدا ضعيفا أمامي الا أنني تعرضت لضغط شديد في مقاومة هذه العادة أما بقية النساء فالله يعين ازواجهن

ابحث عن أي بدعة ستجد ورائها النساء نسأل الله الهداية للجميع

بعض النساء يحتاجون إلى دورات تعليمية وتثقيفية للحد من ظاهرة الاسراف والتبذير على أمور تافهة ... فالمال المنفوق على هذه (البصاقات) الأولى أن تدخر إلى مصاريف الطفل الذي سيولد من لبس ومأكل وغيارات لا على هذه الأمور التي تهلك الميزانية وتعتبر عائق إلى كثير من الازواج

انا أتفق معك يا اخي في جميع ما قلت ، ولكن العتب الاكبر على الزوج الذي يتبع ما تقولة الزوجة فالأولى ان يتفاهم معها و يقنعها ان هذا الشيئ خطأ .

ماابخلكم????
الرسول كان يوزع الحلاوة بمولد الحسن عليهم السلام ..

شكله وزع جلكسي وتويكس
النبي عق عن الحسن وهي سنة افتهموا عاد مو كل شي يسوونه انتون وراه

بل بل الله يغربلكم ع هلبخل ماتسوى علينه هصينيه البقلاوه وجم كوبه ولله في اطفالي 3 سويت وكل واحد يسوي ع قد ميزانيت

ليست مسألة بخل ولكن هناك أناس تقدر على هذه الأمور ماليا... وهناك العكس مع ناس آخرين... وهذه العادة تجعل من مناسبة قدوم الطفل الجديد إلى خلق العديد من المشاكل بين الزوجين وعبئ على ميزانية العائلات البسيطة

كثرة اللقم تدفع النقم
سلام الله على رسولنا الكريم