الروضات يستغلون ولي الامر استغلال والله سعر المدارس الخاصه ارخص بس ع ولي الامر كنا نكون ايد وحده ونتفق محد يسجل ولده اذا في رسوم اظافيه وياخدون شهر تسع ويخلونهم يداومون نص الشهر ...

....هذا حل واهم من كل المشاركات اطرحو على مجلس النواب يا جماعة الحل موجد اتباع نهج الحكومة بمملكة العربيه السعوديه هناك رياض الاطفال حكومي تابع لوزارة التربيه مجانا وهناك رياض اطفال تبع الصندوق الخيري مبلغ بسيط جدا ... هذا لو يطبق في البحرين روضه حكومي الكل مستفيد ومرتاح وبعد يعلمون الاطفال قبل دخول الصف الاول الابتدائي ..الاستاذ الصف الاول في السعوديه مرتاح الطفل جاهز يجي له بشرط دخول روضة حكومي اطرحو على النواب البرلمان قلو نبي روضه حكومي مجانا

أنا ولي الامر أتضامن مع رياض الأطفال حيث دخلهم ضعيف والتزاماتهم كثيرة , المفروض نحن أولياء الأمور نشكرهم ولا ننظر الى هذا المبلغ الذي يعتبر جزء كبير لسد التزاماتهم الشهرية من رواتب واجار وغيره . مشكورين يا رياض الأطفال إدارة ومعلمين وموظفين على جهودكم

بصراحة حرام احنه زين نقدر نأكلهم من لقروض اله علينه وجي الروضة وتكملها رسوم شهر 6 والمواصلات وهم وله، يوم بداومون من شهر 6 هذا مو حرام

بالنهايه محد مجبو -- قبل كل شي يخلونكم تقرون النص الخاص ومكتوب شهر ٦ ليش توقعون !؟ اهم اجبروكم !؟ لا شي جاي من داخلكم يلا شنسوي خل ندفع دام انتون راضين وقابلين خلاص يعني ماياخذونها الا بعد ماتعرفون بنودهم وتوقعون اما اني بوقع وعقب بقول ماعجبني !؟ مو مشكله اني ضد هالشي بس بعد اخلي روحي بنفس الموقف المكان ماجبرني اني الي رحت له برجولي وقريت بنوده ووقعت دامني وقعت خلاص ادفع يوم صادني هالموقف وقلتلهم ولدي ماراح يداوم قالت لي براحتش بس انتي وقعتي وعجبتش البنود ماكنتي مجبوره توقعي حزتها وتحجزي كرسي

اني دافعة حق السنه ٢٣٠وماخذين مال شهر٦ومواصلات
وكل شهر٧٠دينار صارت الروضات نفس مدارس الخاصة سعرها
حرام ياخذون مال شهر٦وجهال مايداومون

السلام عليكم ورحمة الله
اولا دوام الرسمي للحلقة الااولى في المدارس الحكومية الى تاريخ 25 /5. وبنسبة للاطفال المفترض دوامهم كحال حلقة اولى بالاضافه لي حاب يودي اولادي شهر 6 يقدر يوديهم مع اتفاق مع الروضه ان يفتحون صف للطلبه لي يبون يواصلون واعتقد ان ماحد يبي يواصل .... الاستغلال لحالجة الناس حرام ..... تقريبا ربع الراتب ندفعة للروضة لمصلحة ابنائنا ولمستقبلهم لكن الظلم .... ولو بياخذون جزء من المبلغ بعد ما عليه الا المبلغ كله وحتمال كبير حتى مبنى الروضه يكون مصككه الصفوف ولا حتى تكلفة كهرباء

والله مهزلة رسوم تسجيل طالب بالروضة ٢٥٠ دينار ورسوم التسجيل لطلبة الجامعة عشر دينار وفوق هذا كله ما يسمحون لأطفال الروضة بدخول الحمام أقولون لهم أنتم كبار فقط أطفال الحضانة يدخلون الحمام ماخذين رسوم شهر ٩ وشهر ٦ لسنة ٢٠١٨ مقدم عشان محد يتحجج بالدفع والسنة الجاية منتصف شهر مايو إجازة وهم مستلمين فلوس شهر يونيو، فما الحل؟؟؟

اصراحه حرام ياخدون مبلغ مال شهر كامل وبنتي ما بتداوم ولا يوم منه وانا دافع 65 دينار واتصلت الوزارة كذا مرة محد يرد

خل يسالون الشرع هل حلال ام حرام انه ياخذون رسوم الشهر والطفل غير مداوم ولدي مو مداوم من شهر ٥ويبون الرسوم ايش رايكم مو حرام؟؟؟????

جنت على نفسها براقش
بكرة الوزارة بتطلع قرار ضد الروضات اللي تسوي هالشي

روضة ولدي منصفين صراحة ولا اخذو علينا رسوم ولا مواصلات شهر ٦ والله يوفقهم ويبارك ليهم. وتحية حارة لمديرتهم الطيبة

انه مثلج موقفهم حقاني قالوةالجاهلة مابتداوم مالينه حق بالمبلغ صدق علينه رواتب واسجار وفواتير لكن انتو اولياء الامور مو نلزونين والرزاق الله
وبيبارك لينه في رزقنه
شكرا لهذه الروضه وادارتها

الا يقول احنا ظالمين المعلمات والا يقول وين المشكله دامهم بحرينيات خل نساعدهم جاي العيد ورمضان اخذوا السالفه بالعقل يعني ولي الامر ما عنده التزامات ماعنده عايله يصرف عليها؟ وهالشي يتكرر كل سنه دام تدرون ان العطله راح تصير شهر خمسه خلاص ماله داعي تاخذون رسوم شهر سته لان محد راح يخلي جهاله يداوم لسته واذا يبون رواتب للعاملات خل يسوون اضراب صوب وزارة العمل يعطونهم راتب سته .وبعدين كلها ثلاث ساعات الا يتمون فيها بالروضه واللي يقول ناكلهم ونشربهم ومادري شنو هذي شغلتش واذا مو عاجبتنش لاترضين بهالشغله

انزين عادي هذا الشي من زمان من يوم كانو اولادنا في الروضه. الحين اولادنا كبرو واشتغلو يعني مو شي جديد. اللي يودي اولاده الروضه يدري من البدايه ان بياخدون مصاريف شهر 6 حتى لو أجازة

لا مو مثل قبل يداومون نص الشهر تقريبا احين ولا يوم

انا ادفع 20 دينار رسوم تسجيل السنة الجديدة و 120 مقدم اول شهر و 120 رسم يونيو 2018 إضافة إلى 120 رسوم إدارية خاصة بالترفيه وأمور الرحلات
انا اتفق مع أن أصحاب الحضانات والعاملات والمدرسات يستحقن مقابل رعاية الأبناء وتعليمهم ولكن الرسوم والمبالغ مبالغ فيها بعض الشيء ولا نعلم هل هناك حسيب أو رقيب على أن كان كل ذلك قانونيا أو مدروسا وفق للجهات المعنية بوزارة التربية خصوصا أم لا
نتمنى الإنصاف للجميع أولياء أمور و أصحاب الحضانات

احنا ودينا ولادنا يدرسونهم صح ويتعرفون على الجهال البقية حق يتغير صح بس حرام نعطيهم مبلغ وهم مو بحق ياخدونه يعني المبلغ الي بعطيهم اياه باخذ اليه ثياب الى السنه الجاية وبشتري الى عيد لايكون معاش البحريني عشرين الف حق عادي يقط الفلوس بدون دراسه بس على الفاضي ندفع اكو دفعنا مال شهر ٢ كامل وهم الي داومه يمكن ١٠ ايام بالكثير نص شهر ما تكلمنا بس شهر وهم في البيت هل ٥٠ الدينار بتنفعنا بمشتريات البيت ومشتريات الى العيد وغيرة
ما اقول الا حسبي الله ونعم الوكيل

استغفر الله
هذا رأيك الشخصي
الناس تودي اولادها الروضة حتى يتعلمون ويكتسبون مهارات اجتماعية وابداعية

كلام سليم وفي محله حرام عليهم ياخذون رواتب المدرسين من كبودنا لا وحتى المواصلات للعلم حتى شهر 5 ما بكمل الطفل وياهم وهم ماخذين شهر 6 من بخلي اولادة يروحون جهال في هالحر لا وشهر الله جاي والقهر يوم قلنا ليهم قالو الروضه مفتوحه يبوقون الناس بوق نطالب بالمبلغ يرجع لينا حتى مال المواصلات

نحن مديرات رياض الاطفال هذا افتراء وكذب ونعرف الجهة التي تحاربنا في ارزاقنا وياريت اتخلي اولادكم عندكم مع الخدامة ولا هالمذلة والرسوم الزهيدة ال 40 وال50 دينارفي مقابل من درسهم واكلهم وشربهم ونظفهم بعد قضاء حاجتهم وبدل ملابسهم في حالة ان وسخوا انفسهم والمحافظة عليهم وتسليمهم الي ولي امرهم عند الباب بسلام وانتظار ولي الامر اذا تأخر الظهر دون ان تتذمر المعلمة او مطالبتة بشي ،، نحن نقول لكم خلوهم بالبيت الله الغني

اي روضة علشان ما انسجل اولادنا عندكم؟

كأني عرفتها من اسلوبها !!

ومنهو ضربش على ايدش وقال لش تاخذين مبالغ زهيدة على قولتش
اخذي اللي تحسينه يوفي حقش بدون ما احد يظلمش ولا تظلمين احد
وتاخذين عليهم مال شهر كامل والمواصلات بعد والجهال مابداومون من الحين
ولو تبونهم يداومون لنهاية ستة جان ما خلصتون وياهم المناهج وسويتون حفلات التخرج وعطيتون الجهال اغراضهم !!
يعني ويش هالكلام!!
يعني لا تجون بالمختصر المفيد ونبي ناخد بيزات من عندكم بعد!!

بل هذه نموذج من مديرات الروضات الي همهم شفط ولا ضمير ياكلونك من تتكلم عن حقك يا كافي الشر الله يعين الي مسجل عندها ان شاء الله ما نكون منهم .. المشكله الوزاره تطالب وتنصح الاولياء بدمج اطفالهم بروضات قبل المدارس ولا توفر ليهم روضات حكوميه ..

انا كنت مدرسة رياض اطفال وخريجة رياض و خريجة بكالوريوس علم نفس واعرف ان رياض الاطفال فقط لحفظ اولاد الام العاملة والغير عاملة تبغي ترتاح من اولادها

لابد من إيجاد حل سريع لهذه المشكلة لأنها زادت الأعباء على كاهل أولياء الأمور و فيهااستغلال لحاجة الناس

قاطعوا الروضات خلوهم مع الخادمة لمن تعمل وفي المساء اعطوهم ساعة للكتابة والطفل يتعلم عن طريق اللعب والمحاكات العبوا معهم لعب موجه هادف هذا كل ما يحتاجونه

اللي يقول قعدو وي اولادكم و الله عاد لو ما الام مضطرة تشتغل لان راتب زوجها على قده ما فكرت توديهم روضة و ثاني شي ترى الام بعد بني ادم تبي شوي تتنفس الحين الازواج كل شي قاطينه على نسوانهم و اذا ودته الروضة ترى كلها ٣ ساعات ونص مو الدهر كله منها يستفيد و يكون صداقات و هي ترتاح تجوف باقي الامور و فعلا النصب كل سنة يزيد روضة بتي اغلى من غيرهم و فوق هذا لا منهج عدل و لا عندهم مدرسات و المبنى ايل للسقوط و الحين بعد يقولون مزيدة رسوم الروضة مادري مال شنو بالضبط و رسوم شهر ٦ تناخذ و الجاهل ما يداوم !!!

موظفات رياض الاطفال رواتبهم زهيدة بالنسبة حقي عادي بحرينيات وين المشكلة اذا ساعدناهم شهر الله والعيد

من قلت الدخل اللي يدخل على الروضة ؟؟ في الشهر ٦٠ دينار وفي الصف فوق العشرين جاهل والرحلات ٣ دينار بالرغم ان المواصلات اتخص الروضة وبعد.. أكمل ؟؟ خل ادارة الروضة تعطيهم من الفائض والربح اللي تحصله مو من جيسنا

المشكله ما تروح ها المبالغ زياده في رواتب الموظفات حتى تكون ها القناعه موجوده تروح مخابي الجشع اصحاب الروضات وحججهم الموظفات

لا حسيب ولا رقيب الله يكون في عون المواطن اللي منتف من كل صوب

عن نفسي ، انا راضي عنهم
دام اموالي تروح للبحريني، بشرط ان يكون المبلغ معقول
بدل الشفط من المدارس الخاصة

في هالديرة المواطن ضايع فيها من كل صوب . حتى الروضات قامت اتبوق الناس اشهارا وجهارا ومو مهتمين باولياء الامور من وين اجييبون لفلوس اهم شي الروضة تستبم لفلوس وخل المواطن اموت من لديون والقهر حسبي الله عليهم اصحاب الروضات الطماعين فلوس شهر ستة حرام ياخذونها والاطفال قاعدين بالبيت .

ليش تصيحون خلوهم في بيوتكم ونسوانكم بدل لهياته واللعب في التيلفون والوات سب والإنستغرام وغيرها من الأمور تقد ويه أولادها وإذا كانت تشتغل خلوهم عند جدتهم وأعطوها بيزات بدل الروضة هذا إحنا جيل لا رحنا روضة ولا حضانة الحمدلله صرنا رجال ليش لفشار ولصياح

و زمن جدتي ما يروحون مدارس ليش تتعبونهم لا يروحون المدرسة أحسن
اقعد ويا اولادك درسهم و خلهم يصيرون رجال بعدين تكلم

اخ على النسوااااان لو بيدي جان خليتهم في البيت بلاروضة وخرابيط

حبيبي مب بس رياض اكفال حتى مدارس خاصه حق الاعاقه مال مرض التوحد يأخذون فلوس الكل يلملم فلوس لا حسيب ولا رقيب من وزارة العمل و التنمية زلا من وزارة التربيه البلد فوضه لا قانون حماية المستهلك ولا بطيخ حاميه حراميه بوق وره بوق والمل خرامي حتى بسم الاعاقه

اي احنا الروضة من بداية السنة مع رسوم التسجيل استلمو رسوم شهر سبتمبر كامل مع ان طلاب ما انتظموا الا نص الشهر و رسوم يونيو كامل مع ان الدوام ٢٨ مايو يخلص مو حرام يبوقونا ١٠٠ دينار ما خذينها وين وزاره التربيه عنهم

مو بس رياض الأطفال !! حتى اللي يدرسون دروس خصوصية !!!

كل يشكون
وكل هم عليهم التزامات وتعبانين يعني الروضات ماعليهم التزامات .. إذا الروضه عليها ديون وقفلت انتون تخسرون لو للمدارس الخاصه دفعتون

احنه مو نتشكى احنه نقول عشان ظمير اصحاب الروضات الميت يصحى بس للاسف مايعرفون لا حلال و لا شي
خذوا الرسوم (غير اجباري) يعني الي يبي
معقولة اني اسافر و اخلي بنتي بس عشان روضة
او ان اوديها ويايي و دافعه للروضة و الباص
حدث العاقل بما يعقل

اتمنى يوصل التطور للعناية برياض الاطفال و توفير رياض اطفال حكومي من قبل الدولة كما في دولة الامارات،، و ان شالله اذا صار يطيح سوقهم هالروضات المادية كل يوم و الثاني مطرشين ورقة يبون فلوس لوعوا جبدنه !!

اذا الروضات طاح سوقهم على قولتكم ترى اللي بيتأذون هالبحارنه حرام اللي يشتغلون مدرسات و اخرتها رواتب خرطي .. مع ان بتي شهر ٦ ما بوديها و دفعت رسوم الشهر بس ماله داعي يا جماعه تغلطون و تسبون مو عاجبكم جودو اولادكم في بيتكم

الصراحه حرام ومو مبريين الذمه ومو محللين

والله حراام وفي ذمتهم لا الطلاب ولا المعلمات يداومون ياخدون هالمبلغ ليش ؟؟
اللعام اخدوا شهر ستة مقدم مع التسجيل وقالوا ان الدوام الى نص ستة ومن تاريخ خمسة قالوا بس لاتجيبونهم والسنة نفس الشيءأخدوا رسوم شهر ستة مقدما مع التسجيل

الصراحه حرام المبلغ اللي يأخدونه أنا بعد قلت ليهم بدفع لشهر خمسه قالوا لي ما يصير ...قلت ليهم ما بيحضر شي في شهر سته قالوا لازم تدفع .

ليش ولي الامر هو اللي يدفع مع العلم ان الروضهً حتى لو الطفل داوم ما راح تدرسه في شهر رمضان وتعطلهم الشي
وحتى هاذي السنه اخذوا رسوم السنه المقبله وراح يكون شهر رمضان أيضا

الاب مو مجبور يدرس اولاده في الروضة يدرسهم في البيت أحسن ، عند التسجل الاولاد يخبرونكم ان رسوم شهر يونيو تدفعونه فالاب غير مجبور على تسجل اولاده في الروضة ، والروضة عندهم التزامات مادية يدفعونها من وين . مثال رواتب المدرسات من وين يدفوعنها حتى اصحاب المواصلات ما يقبلون يوصلون الطلاب إلى الى شهر يونيو ، انا اقول بعض الروضات يستاهلون المبالغ الي يدفعا الاب الى الروضة ، واذا كان هناك انتقاد الى الروضات فالاولا توجيه الانتقاد الى الجهات الرسمية لدعم الروضات وتخفيف المصارف على الاباء

وانتون مو مجبورين تدرسون اولادكم في المدارس درسوهم في بيوتكم
ويش هالمنطق
اذا بياخذون اجر شهر 6 فعليهم تدريس الاطفال لشهر 6 هذا حق

حتى سالفة التسجيل ليش جدي ياخدون مبلغ كبير يقولون ليش لتسجيل لكتب حرام مبالغ اول رسوم الروضة ٥٥ليش بدون موصلات الناس صراحه ما تقدر تدفع بس اتصير مجبورة على الدفع

ينتهزون الفرصه من بدايه التسجيل للعام الجديد.. والنهايه انهم مابيداومون ولايوم من شهر 6

اخذوها بالقانون

ازيدكم من الشعر بيت يا الوسط .. زيادة على رسوم شهر ٦ .. روضة عيالي اضطرينا نحتاج للمواصلات اخر اسبوع من ٤ حسبوه علينا شهر وكامل وبياخذون مواصلات شهر ٦ كامل

لقد استلموها غصبا عنا مع التسجيل من بداية العام الدراسي ولما سألناهم أن بكون شهر رمضان والجو حار وطلبة المدارس إجازة قالوا أحنا الروضة بتكون مفتوحة لنهاية شهر يونيو ومن يحب أجيب أولاده حياه الله وكذلك استلموا رسوم شهر يونيو ٢٠١٨ مع التسجيل يعني رضينه أو ما رضينه اخذوهم غصبا عنا نرجو من وزير التربية والتعليم النظر في هذا الأمر ووضع حد لهذي المهزلة

الروضات تكون مفتوحه ل نهايه شهر 6 لأن الروضات فيها اطفال امهاتهم يشتغلون في مدارس والمدارس تعطل 1 يوليو لذلك الروضه تكون مفتوحه

بقية أولياء الأمور ليسوا مسؤولين عن الطلبة أولاد ) المعلمات ) لأن المعلمات بإمكانهم تدبير أماكن أخرى لأبنائهم بنفس الرسوم التي ستدفع للروضة .. لأن هناك الكثير من الروضات لم تنتبه إلى هذه النقطة لأنها ليست مسؤوليتهم

ليس فقط شهر يونيو وأنما شهر سبتمبر نُجبر على دفعه بالكامل بينما الدراسة تبدأ ليس من أول الشهر.
اعتقد يجب أيجاد حل مناسب لهذا الموضوعيتناسب مع الجميع

ديرة سايبة!

انا احد ضحايا الروضات وما ذكر فهوا عين الصواب اخدت منا شهر يونيوا اثناء التسجيل مقدماً قبل كل شي . نطالب بمحاكمتها وانصاف الضحايا .

صح صح احنا دفعنا لشهر يونيو ولدنا بعطل حرام صراحه لو ناخد بهالمبلغ سيمان الشهر

اتمنى من الوزاره توصل لحل انا دفعت مبلغ 90 دينار لشهر 6 وهو اجازه وغير ذلك نطالب نهايه 5 لدفع مبلغ التسجيل لسنه القادمه 130 مع العلم جميع الروضات من العام ااسابق لا توجد دراسه غي شهر 6 مع ذلك يجبرون ولي الامر بدفع رسوم شهر 6 من التسجيل في حيله وخوفا من ولي الامر من عدم الدفع

نعم
يعني بوك وسرقة عيني عينك لا حسيب ولا رقيب

كلهم نفس الشي المفروض على الأقل ياخذون نص راتب فقط

لا تدفعون

المشكلة باخذونه مقدم قبل تسجيل الطفل
يا تقبل يا في أمان الله

بسيطة خلوا ولادكم في البيت لا يداومون ولا يوم من الشهر ولا تدفعون رسومه

ياخذونه مع التسجيل

انا سوت هالشكل مع ولدي الكبير وحرموه من حفل التخرج

رحيل
ياريت تفتحون عيوونكم على حضانات الاطفال الغير المصرحه ..ياريت لانها مسؤليه كبيره ياريت ..

نرجو من الوزاره النظر في هذا الموضوع لان حرام ياخدون فلوس شهر الاطفال في البيت قاعدين وخصوصا مقبل علينا شهر رمضان مصاريف والتزامات

ياريت والله يشوفون لنا حل الي هذا الموضوع لان صار لي ثلاث سنوات ادفع رسوم شهر 6 وعيالي ما يدامون ولا يوم بالعكس قبل لا يكمل شهر 5 اهم فالبيت .. خصوصا المعظم ذوي دخل محدود يعني قاعد يدفع فابخالي ..

كل سنه ننجبر بدفع الرسوم كامله وبدون رضانا والجهال ثلاثة اشهر اجازه في البيت والرسوم مدفوعه للحظانات

نطالب وزاره التربيه والتعليم بوضع حد لهالروضات.. احنا الروضه اخذو رسوم شهر يونيو بالرغب ان ما بنودي اولادنا وثانيا مديره الروضه اتخذت خطوة جدا بتأجيلها اختبارات الاطفال لنهايه شهر مايو عشان تجبر اولياء ان يودون اولادهم .. على الرغم انهم مخلصين المناهج وحفله التخرج الاسبوع الجاي ...

ولدي مابداوم في شهر 6 بس الى تاريخ 12 وهم ماخرينهم عمدا سوا حجتهم امتحانات وهو في روضه ليه داعي روضه امتحان وبعد يدفع احنا ناقصين يعني والحين مطرشين بودونهم فلم وبسوون ليهم احتفال معنه كل خميس يسوون ليهم حفله
مايبون الا لفلوس والله كل المدارس بخلصون قبل ليش هم دا التاخير دا كل

والله مسخره ،،، مافي ضوابط ،،،

حرام والله مو مبريين الذمه ناس ماعندهم ضمير كلللش اولياء الامور هبابها على مصاريفها و هذلين يبوقون عيني عينك

تعبنا من هالشغله الناس مو قاعده على بنك ندفع حق شنو ونخلي شنو
ولو نتاخر على الدفع جم يوم بس تلقى الورقه دازينها مع الياهل !

حتى المواصلات الخاص .. اللي مو تبع الروضة ياخذون مال شهر ٦

هذا الشي من زمان وكل مانتكلم محد عبرنا حرام عليهم،ياخذون قسط شهر سته ويدرون انه محد يداوم وياخذونه ويه رسوم التسجيل علشان يضمنون الملبغ وأني مااخلي ولدي يغيب لانه دافعين المبلغ هم يتصلون ويقولون ترا مافي احد ف روضه غير ولدش وكم طفل علشان انخليه يغيب كأنه بلاش يداوم الشهر

في بعضهم حتى رسوم المواصلات ما خذينها و الباص ما بيجيهم

عفوا... ليس هناك من جديد.. هذه الحكاية
اسأل مجرب و لا تسل طبيب

حرررام الي يسوونه دام انهم مابيعلمون شلون ياخذون
السالفة ويش يسمونها دفع رسوم ؟؟؟ انه دفعت مال شهر ٦

اي والله حرام ياخذون علينه والجهال قاعدين في البيت اصلا

وين الرقابة؟؟؟؟؟؟؟؟؟،؟؟

بصراحه إستغلال وأحنا روضتنا ماخده علينا ١٠ دينار شهريا زياده عن الرسوم وما يكتبون لينا في الرصيد زيدو الرسوم انزين ليش ما يكتبون في الرصيد

لعلمك أن الروضة تريد شهر 6 من هالسنة من إجازة الربيع تبغي فلوس التسجيل والقرطاسية و شهر ستة ما ل السنة الجاية يعني قبل لا يخلص العام سنة وكم شهر يطالبون

مدخول الروضات كبير و هم قادرين على اعطاء المدرسات رواتب شهر 6 فضلا عن قدرتهم على ترفيع رواتب المدرسات..و اعرف روضات منصفة تأخذ رسوم شهر 6 اذا ولي الامر بيبقي ولده في الروضة شهر 6 و اذا لا فهو مخير..
بالنسبة عن حجايج مدراء الروضات ان ياخذون رسوم شهر 6 بسبب كلفة الايجار و رواتب المدرسات و غيرها من اعباء فهذا الله العالم به ..كأبسط مثال روضة فيها في كل صف 20 طفل و رسوم كل شهر 40 دينار مثلا يطلعون في الشهر نن صف واحد 800 دينار و مسكينة المعلمة يصفهونها ب100 او 120 و اذا زاد 150 ليش هالظلم