الله يستر

ما يدرون باللقاح و بيجيبونه لينا و بسوونا فيران تجارب يجربونا علينا و اذا الجرايد يبون يطمنوننا هذا أصلا كله حجي جرايد ما يتصدق أبداً أبداً
الله يستر علينا بستره .....ز

هلع من إنفلونزا الخنازير ومن لقاحه !

اللقاح لا شك أن أمانه غير معروف وغير مدروس بشكل كافي حتى الآن فقد يكون له أعراض جانبيه لن نتعرف اليها إلا بمرور الزمن

ذكرتوني بأيام أمي

الخوف من اللقاح هذا هو نفسه الخوف من لقاح الجدري أول ماقاموا يدورون فيه في مناطق البحرين وخصوصا القرى، كانوا يدقون البيبان بيت بيت عشان يطعمون الأطفال يمكن في الاربعينات لأن الوالدة كانت طفلة، بس كانوا الناس خايفين من اللقاح وكانوا يخشون اولادهم خصوصا المصابين بالجدري وينكرون وجود اطفال في البيت.واليوم احنا نودي اولادنا حق تطعيم الجدري وتطعيمات ثانية ماسألنا أنفسنا عنها ولا رفضناها.ونفس القضية بالنسبة للقاح الجديد،اليوم خايفين ونهرب منه وبكرة بنطعم به اولادنا!!

لن آخذ هذا اللقاح

هذا اللقاح ليس بآمن قرأت لعدد من الأطباء ذلك وحتى لو أنتشر المرض بشكل وباء وطلبوا تطعيم الناس آنا ما راح آخذ هذا اللقاح وأكيد له مضاعفات راح تظهر مع الزمن والأعمار بيد الله
( يدرككم الموت ولو كنتم في بروج مشيدة )

وش هالحاله!!!!

يقال افضل لقاح لقاح الصين...والصين ماعندها كافي للعالم والي من امريكا موزين؟واكيد بياخدون اللقاح الصيني واحنا بيعطون لقاح امريكي..عليك بحديث الكساء وتبخير البيت بالعلك البان وشبه وشراب شاي اليانسون يوميا

الي كتبو عن تخوفهم

الصراحه كلكم خايفين كككككككككك
تبون الحكومه تييب لكم اللقاح وقبل ما اجه تشككون فيه
وتتكلمون عن تأحر اللقاح تارة وتشككون تارة اخرى والله فاضيين احمدو ربكم على كل حال ولي بصير ربكم مقدره

لا يوجد داء بلا دواء

يا جماعة الخير اتفائلوا بلخير تجدوه و مافي داء بلا دواء والمسجات و الايميلات اللي تنتشر ضد اللقاح هلتعفون مصدرها و هل هو كفؤ هاذا الكلام ووجهة نظري انه اكيد ناس فاضية وما تقدر و تلاقي اللي يسوي هلسوالف اول واحد بيتطعم وهو يضحك على الناس وهم يعارضون اللقاح , يا جماعة لاتصيرون اضحوكة الفاشلين اللي يطرشوون مسجات و ايميلات والحافظ الله وهم الفرج من عندالله اتمنا انه يكون اللقاح فعال

لا لقاح ولا خرابيط !!!!!!!!!!!!!!!!!!!!!

انا وحدة ما باخذ التطعيم لا لي ولا لاولادي والي بيصير يصير يعني بالعربي ماراح اخاطر واحنا مو حقل تجارب افهموهااااااااااااا خلها على الله والحافظ الله .

لاخوف

يا جماعة اللي انتشر عن اللقاح اشاعات لتخويفكم
كل يوم يطلعون المختصين يطمنونكم على قلة الفايدة !!

رايح البصرة رايح

يعني شنهو راح اصير رايح البصرة رايح

خخخخخخخخخخخخوش

ماهم ياجماعه شروه يعني يرمونه أ,.يقولون الحقيقه أكثرهم أطير منصبهم ويضهر غبائهم (فترهم يبحثون في الاوراق القديمه كي يوجدون مايحفض ماء الوجه ان وجد ) أخ راح الشعب من يحمي الواطن الدايخ في هاذا البلد

محد راح يقبله

الكل رافض هالتطعيم من بعد ماتوزعت الاخبار وانعرفت الاثار الجانبيه الي راح تصير بعد هاللقاح الكل خايف ومافي أمان
نخليها على الله واالي راح يصير مقدر ومكتوب

...

لو تحطون مليون تأمين
ما بنثق بكم

أرفض هذا اللقاح

في الحقيقة انا ارفض هذا اللقاح وكما يقول مافي دخان بلا نار اي لو ان اللقاح سيخدم ومابه مضرة لما تحدثو عن اضراره بمسجات التليفون وفي الايميلات.
ومن اراد ان يتطعم منه فهو حر اما انا فأرفض هذا اللقاح وراض بمشيئة الله (قل لن يصيبنا الا ما كتب الله لنا هو مولانا وعلى الله فليتوكل المؤمنون )

و الله حالة

الحين هالكلام عن اللقاح انه آمن على لسان الصين و احنا اللقاح مالنا ما يندرى من وين بجيبونه لانه في شركات واجد تصنع و كل دولة اكييييييد غير عن الثانية و يمكن يطلع جاكويتو اللي يجيبونه لينا و يعفسنا بدل ما يحمينا

لا أمان

على الجميع عدم الانجرار والانخداع وراء مثل هذه الاخبار ، أولا الصين هي التي انتجت اللقاح واستخدمته لشعبها ، أم اللقاح الذي يتحدثون عنه هو الغير مقبول من خبراء الطب والمنظات الصحية فهو من أجل التجارة وما شابه ويسبب آثار جانبية خطيرة .

مازلت خايفه

مازلت خايفه وغير متطمنه لهذا اللقاح
يارب فرجها علينا بفرجك العاجل
اللهم اني لا اسألك رد القضاء لكن أسألك اللطف فيه

اللقاح

الله يستر

rose

الله يستر

الله يستر

الله يستر بس
الي قريناه عن هاللقاح مو قليل
وكلها من مصادر اجنبية