قالت وزارة التربية والتعليم في بيان أمس (السبت) إن الوزير ماجد النعيمي وجه إلى التحقيق في الواقعة التي نشرت في الصحافة المحلية يوم أمس عن ضرب مدرس لأحد الطلبة، ودعا إلى «تطبيق الإجراءات المنصوص عليها في الأنظمة واللوائح المدرسية في هذا الخصوص».
وأشارت الوزارة إلى أنه «تم فعلا البدء في التحقيق في ملابسات هذا الموضوع منذ اليوم الأول لحدوثه، تمهيدا لرفع تقرير بشأنه إلى الجهة المختصة بالوزارة، وينتظر أن ترفع لجنة التحقيق تقريرها النهائي إلى جهة الاختصاص في الوزارة اليوم (الأحد)»
العدد 2613 - السبت 31 أكتوبر 2009م الموافق 13 ذي القعدة 1430هـ
أم دعاء
حتى لوكان الطالب هو الغلطان غير مسموح للمدرس أن يضرب الطالب أولا ما يدرى اذا كان فيه مرض او شي واني شفت صورة الطفل شكله مريض يعني الضربة أثرت عليه عدل .. وبعدين التدريس تربية قبل التعليم لازم يكون للمدرس نفس طويل مع الطلبة ومرن في تعامله معاهم وخصوصا انه طالب ابتدائي
وشكرا
مو شرط يون الطلاب غلطان
مو شرط يكون الطالب غلطان
ساعات الاستاذ يبرد حرتة في الطلبة
والله احنا خلصنا من المدرسة او ياما مدرسين قطو علينا كلام على مذهبنا من غير ما يراعون مشاعرنا
....
المدرس غلطان .. حتى لو الطالب أخطأ لو قلل ادب معاه بس المفروض مايرفع ايده عليه ..ياخذه للادارة وهي تعرف تتصرف معاه بتحظر ولي امرة تفصله جم يوم جي ما في قوانيين.. خش
ام وعد
حتى لو مدرس يضرب طالب غلط ولازم يعاااقب حنى لو الطالب غلطان في شي اسمه عقاااب واحظار ولي الامر تفكير جهال الي يظرب والله
اقتراح
اقترح اتحط الوزاره في كل صف كاميره للاولاد فقط علشان انعرف من الي على حق
الله يعين
بصراحة الله يعين المدرسين جيل اللهما ياكافي جيل
يبي له شرطة مجتمع لااسلوك ولااحترام وقلة ادب الله المعين اذا هاليهم ماتحملهم فما بال المدرس
درب الزلق
يا تنرى مين الغلطان الطالب لو المدرس ساعات الطلاب يقهرون من تصرفاتهم اكيد امطول صوته على المدرس ما قول الاالله يساعد المدرسين اللي يدرسون اولاد
فقط أريد حصة واحدة في مدرسة بنين
تعالوا درسوا بس حصة واحدة فقط واعطيكم راتبي شهر كامل علشان تحسوا بمعانات المعلمين والمعلمات بس أقول المعلم يدفع ضريبة تربية الطلبة الخاطئة و قرارات وزارة سيئة الصيت ولو يعلم أولياء الأمور ماذا يفعل اولادهم من قلة أدب لما تحدثوا للمعلم ، الظاهر بنحمل كاميرات معانا لتسجيل ماذا يفعلون الطلبة ومع ذلك معظم المعلمون يكتمون الغيظ لأنهم يحملون رسالة وأمانة لا بد من توصيلها مهما كانت الظروف
( معلمة متفائلة )
المدرسين مشكاة
المدرسين تفكيرهم فقط في الضرب وليس التربية يفكرون انهم في زريبة حيوانات واحنا ايام ما كنا ندرس ما يجي المدرس الا وفي يدة عصا او هوز والكل يتنافس في الضرب وانا اقترح على وزارة التربية تفصل هذا المدرس عشان يكون عبرة حق غيرة ولا يعيدة مرة ثانية واذا الوزارة ما سوت لية شي انصح ولي امرة يروح يشتكي علية في المركز عشان يتادب وما يعودها يمد يدة على احد
ابوعلي
اول اسئلوا ويش جنسية المدرس بعدين احكموا على الطالب.
لاني اب لطفل في مدرسة ابتدائية تأدية من مدرس اجنبي من دولة عربية..(حتى لا يحذف الموضوع) على العموم هذا المدرس يوميا يطق الطلاب في الصف ويأتي ومعه عصا ويهزء فيهم وحصل هذا مع ابني ولكني ماسكت وتواصلت مع المشرف في هذه المدرسه وسويت شكوى عليه بدون فايدة .لحد ماهددت اني اسوف اتصرف معه بنفسي اذا رجع ابني وهو مضروب.عنها فقط حصل حل وشكرا.
بحرانية وأفتخر
الله يعين المدرسين أني مو مدرسه بس لما أوصل ولدي أشدخ نص المدرسه بااااال ما أقدر أستحملهم أرف احنه ولادنا ما نستحملهم
......
صراحة الطلاب الحين معظمهم صايرين قليلين ادب وماعندهم احترام للمدرسين
يخلون الواحد يفقد السيطرة على اعصابه وعلى بده يكفخهم ويدوس في بطنهم
اكيد المجنسين
اكيد المدرس مجنس الله يلعن كل ضالم ضلم شعبة
ساعات وساعات
ساعات المدرس يكون غلطان يعني من الحالات 10% منها يكون المعلم غلطان.
بس 90% من الحالات يكون الطالب هو الغلطان ويستاهل الشدخ لان هذا الجيل مايع يبي له دست عشان يتأدب . انا مدرس في مدرسة ثانوية واحس ان 90 % من الطلبة مايعين ومب قد المسؤلية يبي لهم شد شوي عشان يصيرون رجال . فحالة الضرب تقع احيانا بسبب سؤ تصرف الطلاب المايعين
ابو هاشم
المسأله لا تحتاج الى تحقيق لو كنت مسؤول في الوزاره لأنصفت المدرس وعاقبت الطالب لان بعض الطلاب الله هداهم يستفزون المدرس عمدا مما يجعل المدرس ان يأخذ عقاب سريع للطالب
تفاحه
اللي يعرف السالفه بالتفصيل يقولها :D