انا مع الزائر 5

سيد وحر في نعيم لا يوصف ما عندهم تكييف غصب عنهم بيعصبون وذباب بعد وخبركم هنود .......
وبالخصوص قسم الأشعة نار الله يستر أشعة وحر بينفجرون

اثبتوا كفاءتكم بدلا من عرض الموضوع في الجريدة

اتمنى التوفيق للموظفات في الحصول على وظائف انشاء الله واتمنى ليهم الاستقرار ، لكن كان واضح ان توظيهم عن طريق تمكين وليس عن طريق الوزارة ، الله يهديكم اشلون تبون الوزارة تثبتكم وانتون من البداية بدينتون بالشكاوي هل تتوقعون الوزارة بتتعاون وياكم بهالطريقة ، اثتبتو الى الوزارة بكفاءتكم حتى تقنعونهم بفتح الفرصة اليكم وخصوصا الجد والاجتهاد في عملكم ، يا تمكين هولاء متدربات وبدليل كل وحده عندها دورة 3 أيام ف الاسبوع يعني اشلون هم موظفات ، عنوانكم غلط يا جريدة الوسط تكتبون بدون تحقق صحيح ف الموضوع شكرا

عملية مقصودة

تدوير موظفين الدولة من ممرضات الي مدرسين و بسبب المصلحة العامة صار مسمى المصلحة العامة يعني تطفيش الموظف ,,, على وزارات الدولة تهيئة بيئة عمل صالحة و خالية من الاستراجيات الغير واضحة ... و على العموم معظم مسؤولين الدولة وضعوا في المكان الغير مناسب هل تتوقع اصدار قرار مناسب منهم .

عند الله المشتكى ياخذ الحق منكم

ممكن اعرف ليش تعاملوا الجامعيات مثل الكولي او اسوء بعد وين العيب ان احنا صار لينا سنيين بدون شغل او ان تكمين لقب وعار ليش لانها ساعدت الشباب يحصل فرص عمل والوزارة فعلا محتاجه
ليش موظفات تمكين تشكل عار بنسبه للموظفين الثابتين مع العلم ان ما عنده ثانوي ويمكن اعدادي بعد على شنو شايف نفسه
بدل هل خرابيط وسب والطناز على تمكين الخير وكنا من المريخ ثبنونا وستحو على وجوهكم والله التثبيت لربعكم اشكرة واحنا نكرف في الهواء
صدق الى اختشو ماتوا
هذا الكلام في كل الوزارة

أسمحوا لي بالتطفل ،، شئ يتعلق بهذا الموضوع

الله يساعدكم وكان الله في عون العاطلين ،،
أنا قبل شوي بس جاي من المنطقة الدبلوماسية أقدم في الوزارات لزوجتي ،، طبعا بعض الوزارات تقول قدم في الخدمة وإذا راجعت ديوان الخدمة الرد بارز ( أنتضر يا الطيب حتى ينزل إعلان في الجريدة ) وبعض الوزارات تقول إذا صار طلب بنتصل ،، طبعا أكثر من عشر سنوات أو أكثر مانزلوا إعلان ؟؟ ذهب لوزارة التربية لطلب تقديم وظيفة في الإدارة الموظف قال إذا شفت إلان تعال قدم ( يا جماعة أحد شاف إعلان في الجريدة عن وظيفة في وزارة التربية في الادارة )؟
تحياتي وشكرا للوسط

روحوا شوفوا المختبرات اللي صوب سناء

قدم اوراقك عقب 6اشهر تتوظف تخصص فيزياء كيمياء بدون تربيه توه اموظفين ويقولون راحة تامة مافي شغل ومرتاحيين يبيعون ويشترون عطورات سوق واناسه قدموا هناك

الى غريب الرياض

يا غريب كن أديب

غريب الرياض

ويش فيها؟ هذه حاجة العمل و عليكم بالطاعة. احمدوا ربكم شغلوكم و لو مؤقتا على الرغم من عدم الحاجة لكم. قعدوا في بيوتكم احسن و خلونا نشتغل بهدوء

لا نطلب الأكثر

حنا ما نطلب اي شي الا شيء واحد المعامله الحسنه وعدم التنزيل من قدرنا ليش لأننا تبع تمكين ولازم نرضى بكل شي يجينا من قرارات تعسفيه ومضايقات معتبرينا كأننا جماد ليس لهم شعور هم وكلمه وكلمه قالو احمدو ربكم خذتكم الوزرات ووظفتكم والقهر الي يقولون هالكلام تلاقيهم شهاداتهم معادله لشهادتنا او اقل حتى من شهادتنا وينظرون لنا كأننا طرارين وجايين نبي شي من عندهم وليس موظفين مثلهم بس كل ذنبنا ان ما حصلنا فرصه تبع الوزرات او تبع الشركات اللي هم فيها واننا تبع تمكين

العيب مو بتمكين العيب بلجهات الثانيه

تمكين اللي اشوفه سوت الي عليها بس الجهات الثانيه هي اللي موظفينهم ينظرون لنا كأننا شاذين عنهم بالشغل حنا لازم مثلهم وأكثر نشتغل وفوق هذا لو غلطه تحصل قالو أكيد مال تمكين واذا طلع من موظفينهم سكتو و تفرقه بكل شي حتى مكاتب حالنا حال الناس مالنا وزين عندنا كرسي اذا نقعد عليه واذا جا مراجع نقوم من عليه يعني وش نقول وش نحجي واذا طلبنا حق من حقوقنا قالو لنا لسانكم طويل اما موظفينهم الثابتين قالو عنهم لا شي من حقهم وحتى الدوامات بالوزراه والقهر يعاملونا بإطهاد كأنا عاله عليهم وش قالو احمدو ربكم وظفوكم

التدوير والقصد منه

التدوير والقصد من هذا كله اشغالهم عن موعد

ترقيتهم وهذه هي السياسة المتبعة في بعض من

الجهات الحكومية وحتى الجهة التي اعمل فيها

هناك اكثر من مدير و موظف تم تدويره وانا من

وجهة نظري الشخصية لكي يماطلون وياخرون موعد

ترقيته ويقولون التدوير ينسجم مع الرؤية

شيء جيد؟ لا شيء ديزل أقصد ممتاز

شنو جيد وشنو اخلاص؟ انتوا متنعمين في وظيفه نشوفكم بعيونا اكل ومرعى وقلة صنعه ومن الراحه كل واحد كأنه باب يمشي وخاصه مال الدفاع, وهالفقاره الممرضات ذالينهم ومطفشينهم على شان بس يجيبون ليهم اجانب, بلد خراب ودمار

مواطن عاطل

رجعوهم مكانهم على ماسمعت لأن الوزارة عندهم توظيف شهر نوفمبر من جدي حاولو ايشيلونهم من اهني عشان ايوظفون ربعهم وامس انا بنفسي كنت في مستشفى نعيم وكان السيد واصل الى الباب سئلت ليش جدي قالو ناقلي ثلاث بنات من تمكين وصار علينا ضغط اتقو الله ياوزارة الصحه هذلين ابنائكم ويناتكم هم احق للوظيفه بما انهم مدربين في نفس المجال

شي جيد

والله شي جيد للمواطن الزين زين لو أخلص النية في عملة وهذا الاقرار ماجاء من فراق الاحتكار يولد أنفجار الله إوفق المخلصين في هذا البلد وينفع العباد بهم

طفشان

ويش اقول انا عجل اللي كل شهر اشتغل في اربعة مراكز

لمتى ؟؟؟

سمعت اليوم العفسه قايمه في مبنى الوزاره ..
الله يساعدكم على هالقرارات اللي مو مدروسه ..
رحنا نراجعهم نستفسر عن سبب تأخير توظيفنا احنا خريجات الصحه العامه ..
قطّو اللوم على ديوان الخدمة المدنيه ..
لا نعلم متى سيتم تحديد مصيرنا المجهول ..
بين البطآله والعطآله .. هذا ما اعتدنآ عليه ,, !!

Nur- saydah

اقول راحت علينا احنا الي تونا متخرجين( تمكين) خخخخخ