اللي يطبلون للوزير...ويشكرونة...ترى احنا اللي بوزارة التربية وفي المدارس نعرف الوضع الحقيقي

مع خالص التحية لوزير التربية

الساس تـرى اهــوة الأســاس
فــوقــة تـقـوم الأبـنية
ما هــناك بنـأيـة في الـهـواء
وصلت لـها أي تـقـنـيــة
تعليمنا يحتاج فبركه
حالـتـة صعـيـبـة مضنـية
شناط أعيالنا اتفزرت
بكثرة كتب و ملونـة

شـنطــة سفر للمـدرســة
حمالي ما ايشيلـهـا لنـا
تمشي الحمامه بالعدل
و أحنا نضيع مشينا
ليش المدرسة الخاصة عـدل
واحنا التخبط عندنا

ليش الطالب يطلع ضعيف
ليش يـنجح آلي عنـدنـا
ليش الراسب يدرس بـلاش
خلوه يفارق عننا

الله يازمن

خوش والله كفو موكل من جاء ونجر هذة الشيم في اصل العروبة والله رجل ياريت كل والزراء كلهم يسون مثله

والله ما يقصر نصير الاستاتذة المصرين

وش فيها غيرانين ليش الوزير ما قصر شرح الى الطلاب الدرس لان الاستاذ المصري راحت عليه نومة وش يسوي المسكين متغرب والوزير لازم يساعده
لكن سوالي لو كان المدرس الي متاخر بحريني وش كان ياترى ردة فعل الوزير اكيد عير لانه لازم يعاقب ولكن المدرس المصري نقدر ضروف التاخير مسكين
تدري وزيرنا زيد يحتاج لهذي المدرسة على الاقل 6 مدرسين مصرين احتياط
كل دول الخليج يوطنون الوظائف واحنا الله يالخي الوزراء يمصرنون الوظائف وبذات التربية.
جامعية عاطلة من 7 سنوات

احييك يالنعيمي

احييك ايها الوزير النعيمي انت الوحيد اللي حليت مشكلتي مع جامعة البحرين لما كنت رئيسها وكنت طيب ومتفهم الحاله بشكل كبير الف شكررررررررررررررررررررر لك والى الأمام دائما

شوف الي ما يداومون ويتسجل ليهم حضور

شوفوا الي ما يداومون ويتسجل ليهم حضور , في مدرسة بنات في البحير . اخصائي مصادر التعلم سنة كاملة ما تداوم لان ولدها مريض , ويتسجل ليها حضور يوميا وحضور في اجتماعات مجلس الآدارة , وما شافها في المدرسة ولا أحد شافها في اجتماع . لانها قريبة المديرة . والاثنتين المديرة و قريبتها من عوائل معروفة واحداهما من عائلة الوزير العادل .

لو وزير أجنبي مسويها في ديرته جان مدحتوا وتمنيتوا يسويها وزير عندنه ,,,,و الله ماينعرف لكم كله ذم ذم ذم ذم ذم ذم ذم ذم ذم ذم ,,,,,,

زميل المدرس

يا جماعة الخير الوزير داش الصف قبل بداية الحصة الأولى ومدرس الحصة الأولى جاء قبل الجرس بدقيقتين تقريبا وهو أصلا مشرف إداري مودي طلاب قسمه من الطابور للصفوف ومنتظر مدرسينهم المهم إنه وصل للصف قبل الجرس الخاص ببداية الحصة الأولى والله على ما أقول شهيد

جزاك الله الف خير يا سعادة الوزير

سعادة الوزير، العام الماضي طلبة مقابلتكم في الوزارة ولاكن للاسف لمقابلتكم يجب مقابلة وزيرفي الدور السفلي وبعد الاصرار وزير اخر في الدور العلوي ويجب كتابة سبب المقابلة للتعجيز.ومن ثم رقم مراجعة والله المستعان.
وختاما رعاك الله لما فيه خير للاسلام والمسلمين والوطن الملك و دمتم

جزاك الله الف خير يا سعادة الوزير

ولاكن ذلك مغايرا لما يحدث مع ابنائي في مدرسة الرفاع الشرقي الثانوية حيث ان الكراسات فارغة تماما ومستوى المدرسين البحرينين بشكل خاص والعرب بشكل عام سيئ للغاية (عذرا للمخلصين من الجميع) وابنائي واخرون يعتمدون على الدروس الخصوصية في المعاهد وذلك فقط لظروف عملي في الخارج.

جزاك الله الف خير يا سعادة الوزير

جزاك الله الف خير يا سعادة الوزير
انا اضم صوتي مع الاخت ( زائرة رقم ظ،ظ،). درسة في مدرس السلمانية الابتدائية ثم عبدالرحمن الداخل الاعدادية والشيخ عبدالعزيز الثانوية وكما قالة الاخت كراسات المواد وبالاخص مادة الرياضيات تمتلاء بالامثلة بالصف مع المدرس المخلص فقط وبالمنزل مع الطالب المجد ولاكن ذلك

وما خفي كان اعظم يا سعادة الوزير

يا ريت هالدوريه ما تنقطع طوال العام الدراسي و كل يوم اطب في مدرسة و اتجوف المهزله الى مسوبنة

نتمنى من وزير التربية

مراجعة تعيينات المدراء المساعدين فقد تم تعيين بعض المدرسيين في وظيفة مدير مساعد دون اكمال الاوراق والاجراءات فقط لانه ينتمي الى جمعية معينة وعائلة معينة وهذا حرام في ظل وجود مدرسيين اوائل ومدرسين ذوي كفائة ومستكملين جميع الاوراق والاجراءات وينتظروون التعيين حرام يا وزير

إضافة

للتذكير طاولات الطالب الابتدائي الطفل الصغير هي نفسها طاولات الطالب الاعدادي والثانوي من خمسين سنة ما تغيروا

خوش مدرس والله

مدرسينا ماعندهم سالفة
يتاخرون عن الدوام بعذر غالبا غير مقبول
عدا انه معظمهم بحاجة الى اعادة تأهيل
شلون تريدون الطلاب يصيرون باكر

للوزير مع التحيه

اتمنى من سيادة الوزير حفظه الله ورعاه ان يمد يد العون والمساعده لابناءه العاطلين الجامعيين القابعون في قعر ديارهم والحالمون بوظيفه محترمه تغنيهم عن ذل الحاجه فالديار اولى ببنوها .................
عاطله جامعيه
جغرافيا تطبيقه

وزير شو

تحياتي لك ياوزير التربية
رجاء وطلب من الاف الطلبة الجامعين اليك ان تحل مشكلة معادلة شهاداتم.

نشكر الوزير للزيارة المفاجئة ون دلّ على شيء إنما يدل على حرصه على مايتابع وزارته

ان شاءالله بس شاف الستاره

كل يم وقال كملوا صيانة كل المدارس اتمنى شاف الستاره

لو خليت خربت

اي خلوها على الله يحل كل المشكلات
في مديرة مدرسة الله يفضحها لاعبة في الكمبيوتر وقت توقيع الصبح تقدمه والظهر تأخره وعلى ناس وناس ترى

كل حسد

وزير متابع لكل الامور صراحه .. اعباء كثيره والكل يريد المتابعه كل حسب تخصصه في الوزاره .. ونحن حراس المدارس تم التركيز علينا وتم اقتطاع الكثير من الساعات الاضافيه لتصل الى 30 ساعه فقط والبركه في المدرسين الحاسدين لنا لقمة العيش بدلا من الدعاء لنا بالمزيد يطالعوننا بالحسد والنظره المتعاليه .. لماذا .. ونحن منكم وفيكم .. هل ارتحتون الان بعد ظم شركة حراسه للمدارس وكلها من اصول عربيه ونيباليين وبنجاليه .. هل طاب خاطركم الان والمعاش الذي كنا نتقاظاه ذهب لهاؤلاء

من منامية الى بنت المنامة

بنت المنامة مشكورة على المقال الي كتبتينه ووش فيش معصبة من الصبح...
كل إنسان وله ظروفه.. والمدرس اذا تأخر يدري وراه من يحاسبه خب السالفة مو لعبة.. واكيد صاده ظرف وتأخر..
واني اتذكر شكل الصف احنا كنا كل وحدة تحط من عندها جم ربية ونشتري اشياء نزين بها الصف.. والا الوزارة ماتحط ولا آنة..
والله يعطي كل المدرسين العافية و ماحسينا بقيمتهم الا لما تخرجنا.. تحية لكل مدرس ضميره حي

....

عجبني تعليق زائر رقم2

........

قم بزيارة مفاجئة لمكاتب الوزارة وسوف ترى العجب العجاب لا دوام الا بعد الساعة السابعة بعضهم بحجة زيارة المدارس والا خر لانه يتأخر بعد الدوام ولا هذا ولا داك كلف من معك بزيارة مكاتب الوزارة والادارات التابعة للوزارة خارج مبنى الوزارة وسوف ترى ما يسرك قصدي ما يزعجك ويؤلمك جرب جرب ولو لمرة واحدة سترى العجب وترى من يتشدقون بالاخلاص في العمل والاخلاص لك لانك كافأتهم واقدقت عليهم جرب جرب يا سعادة الوزير لا يشغلك المكتب وترضى بما يكتب لك من تقارير.

بنت المنامه

رساله وكل واحد يجاوبها في نفسه
من فيكم يذكر شلون كان شكل الستاره في الصف؟
من فيكم يذكر المدرس اللي كان كل يوم والثاني متاخر وغايب؟
من فيكم كان يذكر الستاره وهو يقدم امتحان؟
من فيكم كان يذكر ويتحسب على المدرس وهو يقدم امتحان؟
من فيكم يلوم الستاره على وظيفته؟
من فيكم يلوم المدرس على وظيفته؟
من فيكم يحش ويا ربعه على الستاره ايام المدرسه؟
ومن يحش ويا ربعه على المدرسين ايام المدرسه؟
من فيكم صادق مع نفسه؟

بنت المنامه

زائر 23
الطالب قاعد يجاوب غلط وباقي الصف خبر خير مافي غير الطالب اللي رافع يده يعرف الأجابه، يعني معقوله ما تدري ولا انت مو دارس في مدارس البحرين؟
فيصل حماد
تعرف ليش كل مدرسه يطلع فيها مدرس متاخر؟ لأن معظم المدرسين كله يروحون متاخرين
زائر 55
كفيتي ووفيتي، كانش توصفين المدرسه على طول ال 12 سنه اللي درستهم فيها

بنت المنامه

زائر 6
المعلم المتاخر طوفه هبيطه ولا زم ما نحاسبه
صادق والله،، لاازم نحاسب المدير لأن الستاره الطايحه هذي ممكن تاثر على نفسية الطلبه وينزل مستواهم وممكن بعد يرسبون. خبرك شلون بتشرح لهم وهي طايحه؟
زائر 9
؟ تتفنن الوزارة في تحطيم المعلم
يعني حصل عقوبه عشان تاخر تسميها تحطيم؟
زين شنو مو تحطيم؟ يكافئونه لأنه يجي متاخر؟
زائر21
حمدي ربش المدرسات يشرحون مثال
انا درست علمي وكل كورس يطلع لنا رياضيات بدون مدرسه ( الرياضيات كانت حصت فراغ رسميه)

بووووم

كلش فله هذه الكفاءاة من المدرسين الي اجيبونهم من برهو بلواسطه توظفونهم بنتي لحد الحين ما درسوهم مدرسته اردنيه

رساله هامة جدا الى وزير التربية

ادا انت بتحاسب المدرس المتاخر اول شي حاسب الادارة التعليميى اللي في بعض المدارس تخفف النصاب على مدرسيين ومدرسات من اجل ان تظهر المدرسة بانشطة حتى الطالب ما يدري عنها فقط بان الادارة تقدمها للوزارة على اساس ان تقدمها الى الطالب في حين هناك صفوف خالية من المدرسات لان ما عندهم وقت ومدرسيين باقي لهم سنة ويتقاعدون ويعطونهم 3 مناهج اشلون تبي المدرس يعطي الطالب وهو ما تحقق توازن في الهيئة التعليمية الرجاء مراقبة الادارات بصورة اكبر بدل اعطائهم درجات وحوافز وانت محاسب عند ربك

صلاح العمادي

مطنزة والله هذي صورة يحطونها تفشل حدها هذا صف؟ او حظيرة بقر ؟ وين مدارس المستقبل والندوات والمحاضرات عن مدارس المستقبل في الأخير تطلع ذي لا بعد منزلين عليها مقال والوزير يهدد ومادري شنو هذي مسخرة والله وطالع الصف الأغلب مب حاضر على قولة المثل انقلب السحر على الساحر

جامعي

شوف لنا حال ويه الجامعات الخاصة .. شهرتون فينا في كل الصحف .. والحين ما لينا مستقبل ..

هوى بحرانية

لماذا لا ينظر الوزير الى حالة الصف المزرية التي لا تناسب لان تكون مكان للدراسة فيه
اتمنى بس يبطل عيونه ويجوف حالة المدارس اللي يبى ليها صيانة والى الستائر اللي عفى الدهر عليها والى باقي المرافق وخصوصا الحمامات التي تحتاج الى صيانة

لا تعليق

هههههههه

بسنا شو

يا سعادة الوزير دام انك دخلت الصف وشفت ما في مدرس ، بس ما شفت ان حالته حاله ؟ لا ستاير عدله ولا شي صح ؟ السالفة مو بس سالفة مدرس سالفة بيئة دراسية بعد

حركات

الحين المدرس تأخر والوزير قام يدرس مكانه.!
انزين المصور من وين عرف ان الوزير رايح المدرسه ؟؟؟؟؟؟
هل هي زياره مرتب لها او مفاجأه؟؟؟

يه يه عليك حركات بعد

هلا و غلا الوزير عندنا بالفصل اليوم شرفتنا والله تعال شوف البلاوي اللي قاعدة تصير بالمدرسة وشوف المعلمات اللي الحين نصفهم حمل خبرك توهم طالعين من الإجازة وكل وحدة ياية بدبتها وعقب بيطلبون إجازة الوضع و ساعتين الرضاعة وتلاقي المدرسة خالية و فاضية ولا تدريس و لا مراجعة و وقت الإمتحان مساكين الطلبة !!!!!!!

المعلم دائما مظلوم

يعني ما عليه الوزير مشكور على هذي اللفتة منه ان يسوي زيارات مفاجئة بس بعد المدرس ما تاخر الا اكيد عنده عذر و ابسط شي الزحمة و لا اتقولون خله يطلع من وقت اني مثلا اطلع من 6 و ربع و زين اذا وصلت ويا الجرس يعني 7 و عشر ... ليش لان توزيع المدرسين و المدرسات بدون تخطيط اللي ساكنين في المحرق يقطونهم في البديع و الي في البديع عند صخير و تعالوا عاد لزحمة الصبح ... يا ريت ينظرون لسالفة السكن و مكان العمل

مدرس خصوصي

يصلح مدرس خصوصي جان يدرس العيال شكله يفهم في كل المواد

!!!

سبحان الله.. كل مدرسة يزروه الوزير يطلع فيها مدرس متأخر!!!

الوزير متأثر بمسلسل يوميات مدير عام ...

بس جد هذا اللي المفروض يصير من الوزراء !! متابعة وزاراتهم وموظفينهم والزيارات الميدانية ترفع مستوى العطاء والتقيد بالعمل ...

امخلي بلاوي على المكتب وقاعد يترصد للمتأخرين

والله اني امطرشة 3 للوزير رسائل للتظلم من أول يوم دراسي ووعدبالردعلينا وإلى يومكم ما شفناه إلا اليوم طالع ايحوم يصيد أخطاء غيره من الي مستعبدتنهم الإدارات بطابور ومراقبة واحتياط وضبط للتلاميذ ومنهج طويل ونصاب فايض عن طاقته .... وهو هاد مشاكل وزارته وهو يدري ان معظم موظفينه في الوزارة ما داوموا ... ومانعين زيارة المراجعين قبل الساعه 11 ص ... الله يعطيك العافية ....بس خاطري أعرف اش درّستهم حتى من انفعالهم ما قدرت تضبطهم ؟؟؟؟؟

حارس أمن

الى زائر رقم24الوزير مايروح الا ومعاه المصور والسائق وكم واحد من الحاشيه !! عرفت الحين , ورد على زائر رقم10مع احترامي لك ياخي ترى رواتب حراس الأمن تقلصت بعد ماصارت ساعات العمل للوقت الأضافي في وزارات الدولة 30 ساعة فقط,وبعدين كنا نحصل على راتب أكثر من المدرس بالعمل الأضافي يعني12ساعة غايب عن أهلي وعيالي في هالمدرسة وفي النهاية ماحصل على شي يعني,ولا انتوا بس تتكلمون بدون درايه, ترى هذا اللي حاصل ,وكثروا الحساد علينا وأولهم المدرسين,اللي قالوا اشلون رواتب الحراس اكثر منا,الحين ارتحتون ؟

تمثيل

اووووووووو بس خلاص الوزير بنفسه يدرس
انا سمعت بأن كل مدرسة تطرش للوزير ورقة الي بتأخرون عن التدريس والوزير ينوب عنهم؟؟؟؟
أبشروا يا جماعة أنحلت مشكلة التعليم في البحرين
!!!!

شكر وتقدير

شكر وتقدير لوزير التربية على هذه الخطوة التي تشير لاهتمامه بالعملية التعليمية وخطوة في الطريق الصحيح. وجود سلبيات في النظام التعليمي لا يعني عدم الاعتراف بما هو صحيح، ولنكن منصفين.
عن الإساءة لصورة المعلم أمام طلبته بقيام الوزير بالتدريس، أرى المعلم هو المسئول عن تحسينها أو الإساءة لها، فتأخره عن بدء الحصة يقدم صورة سيئة لطلبته، ولا نلومن طالباً يتسيب إن كان "قدوته" كذلك. ثم من يتحمل مسئولية تكثيف الدروس في الفترة الأخيرة من كل فصل دراسي لإكمال المنهج إن كان أحد الأسباب تأخر المدرس؟

شلون مفاجئه والكامير ا وراه!!

يعني يبي يسوي دعايه له وتعالو وشوفوني ادش المدارس بدون علمهم!!
لو الحكومة خلت كل مصور ورا الوزير عشان يبين مصداقيته
علىالعموم مشكور ياوزير على اهتمامك باولادك الطلبه
ونبي منك مثل ماصرحت بطلبات المدرسين والمدرسات من كل مره يبون فلوس للفايلات ووووايشياء أخرى

شلون زيارة مفاجئه؟؟

المصور او الصحفي شلون عرف بزيارة الوزير؟؟ وشلون يسمح ليه يدخل الصف ويصور ويشتت تفكير الطلاب اذا كان صدق جالس يدرسهم ؟؟؟
على العموم اذا كانت نيته التطوير بأهلا وسهلا به

بحرانيه وأفتخر

هذا الأستاذ المتأخر الضاهر أمه مدعيه عليه هههههه مسكين راحت عليه صدق حظه نحس واللي يتكلمون عن الستاره أكيد من الطلبه الله يعين المدرسين احنه اولادنه في البيت جم واحد وما نقدر عليهم شلون 30 جان انتحر

أين التقدير ياالوزير

كل يوم نكتب رسالة للمسئولين وللوزير انقول راعونا احنا مدرسين صار لنا أكثر من 17 سنة اندرس باخلاص قدرونا عطونا جزء من اهتممامك حسسونا بالتقدير المعنوي عالأقل لاحياة لمن تنادي

نعم نعم

عساك على القوة ياسعادة الوزير
ياريت بعض المسؤلين يقومون بنفس الشىء

صورة البحرين أهم

يُشكر وزير التربية على جهوده، مدارس البحرين بخير، لو كان هناك تقصير في بعض المدارس، فذلك لأسباب بحاجة إلى حل، والحل ينبغي أن يتم دون الحاجة لنشر صورة تسيء للمعلم والتعليم في المملكة. صورة البحرين أمام العالم أهم، فلنحافظ عليها.

غريييييييييب

ياسعادة الوزير شوووف المهازل داخل الوزارة من التلاعبات في الترقيات ومن مكاتب خالية ومن مسؤلين ممنوع الدخول عليهم

لو شايلين الستاير احسن ليهم

عزيزي مدير المدرسة
بخصوص الستاير الي في الفصل
مفصلهم في سيدار مثلا

الهي انت رجائي..

معقوله الوزير ما دخل الا هصف الي ما فيه مدرس؟ يعني محد شافه وهو داش المدرسه سيده راح يركض على هصف ولا الاحلى انه واحد يجاوب وواحد رافع ايده والله عجب سنين راح وزير وجه وزير وتخرجت اجيال محد من الوزراء راح اشمعنه الحين؟ ولا الوزير يقول خفو من الطلبات لا تضغطون على اولياء الامور واحنا فلسنه من كثر الطلبات

أقول

صفوا النية زين بتذمون و شين بتذمون ,,,,عجبكم تصرف الوزير بس لأنكم متعودين على الذم طحتوا تعليق على الستارة ,,,,,اللي علق يتبرع بستارة بدل المطنزة .

الوجة المبتسم

ارى من اوليات التدريس الوجة المبتسم البشوش وهذا حقيقية يفقدها وزيرنا المدرس طالع الصورة وشوفها واحكم بنفسك

عاطلة

هناك نقص ملموس في المدارس
واحنا عاطلين
وظفووووووووووووووووونا

هههههه

اشوف التعليقات كلها عن الستاير فانتبهت و طالعت الصورة و انسدحت من الضحك.. صورة تاريخية صراحة...
و في سالفة مهمة صدق .. ان المسؤولين يشوهون صورة المعلمين امام الطلبة و يحطمون معنويات الاثنين ,و هذا أبسط مثال لذلك ,
و هذا عن تجربة عشتها فعلا كرهتني في التدريس و السنين اللي ضيعتها عليه

قال توماس جيفرسون :

عندما يتسلم المرء مسؤلية عامة ,,,,,يجب أن يعتبر نفسه ملك للجميع .

بسكم تهكم على الوزير

ياجماعه والله لو يحطون ستارة من حديد بعد راح ايخربونها الطلبه وعلى قولة المثل (احنا اعيال اقريه وكلاًًٍ يعرف خيه)

هههههههههها

ضحكتوني يا جماعة, تعليقاتكم حلوة ولا عاد عن الستائر.

تعميم للوزراء.. تابعوا يوميات مدير عام

اتمنى من سعادة الوزراء متابعة يوميات مدير عام من اجل اصلاح الخل و الفساد في الوزارات...من المفترض ان ينزل الوزير لكل زاوية بالوزارة من اجل ان يتخذ القرار المناسب...للاسف بعضهم يتخذ قرارات و هو لا يعلم على ارض الواقع هل تتطبق اما لا صالحة ام تالفة؟!

ما في ستاير

أصلا الصف ما فيه ستاير وهذي محطوطه مؤقت عشان التصوير وضوء الشمس ما يؤثر في الصورة وتطلع مو واضحة

الى وزير التربية نقطتين هامتين

نقدر جهود وزارة التربية وبالاخص وزير التربية الذي يقوم بمهامه في دخول المدارس والمتابعة والاهتمام من قبله ولاكن يا وزير بما انك عرفت ان هناك نقص في عدد المدرسين لماذا لا تقومون بتوظيف عدد كبير من الجامعيين المختصيين في وزارتكم بوظيفة مدرسيين لسد النقص والخلل الموجود كل جهودك يا وزير التربية مقدرة وفي الاتجاه الصحيح لاكن ينقصها فقط مشكله واحدة الا وهي التوظيف . وسد النقص الحاصل هناك لاسيما من الخريجين والخريجات العاطلين . ويا وزير ايضا هناك مشكله لماذا تجلبون المدرسين العرب بدل البحرينينن؟

والله زين؟؟

والله زين منه الصراحة الوزير ويا ليت البقية يكونون مثله ويسوون زيارات مفاجئة حتى يشوفون التقصير واللعبة في الوزارات ...
والطلاب الحين يحمدون ربهم في ستاير على أيامنا اللي يقعد صوب الدريشة ينصلخ من الشمس ههههه ما في ستاير

بوخالد

الله يعطيك العافية يادكتور
ما تطور التعليم الا في عهدك ونتمنى المزيد من التطور والارتقاء بالمدرسين وتخفيف اعبائهم

الزيارات الميدانية

الزيارات الميدانية هي من وسائل الإدارة الناجحة ليرى الحقائق على الأرض.. أما الإستماع الى التقارير فدائما" ما تأتي منمقة لمصلحة الجهة التي تكتبها.. لترى الموضوع من ناحية إيجابية - الوزير رأى بعينه مستوى الطلاب والتزام المدرسين وحالة المدارس.. فلنرى ما العمل؟

على الاقل سوا شي مو تخصصه

بارك الله فيك يا معالي الوزير
سويت شيء مو مجبور تسويه لكن نحن نعلم مافي داخل القلب
جزيت خيرا ووفقك الباري وان دل هذه على شيء إنما يدل على حرص الوزير لأبنائه الطلبة مستقبلهم
تحياتي لك يا معالي الوزير وليت الوزراء مثلك يكتشفون ما يجري في محيطهم العملي

وينك عن

وينك عن المدارس الناقصه مدارسات مثل مدرسة بنتي لاتوجد مدرسة رياضيات ودين

للوزير صف للدرس وللموظفين قدوة وردة فعل وللوزير حكمة في الردود

اعطي الوزير درس في الالتزام بالحضور.ولكل حدث رد فعل وكما اعطي الوزير هذا الدرس نتمنى ان تكون هناك دروس اخرى لجميع مستوايات الوزارة من سكرتير مكتبه الى الوكلاء والمدراء والرئساء والمشرفين.ومدراء المدارس ونوابهم والمدرسات والعمال بشكل عام سواء منظفين او فنيين في الصيانة. إن للدروس المقدمة من المسئولين اثر كبير في التزام الموظفين بشكل عام والتعامل في ردود الافعال يجب ان يكون بحكمة وخصوصاً من تم رصدهم في اول درس وان لا يكونوا ضحية للباقين وإنها لحكمة من الوزير (وشكراً للوزير)

يا عالم سؤال ذابحني من أمس

سؤال ذابحني من أمس و الوسط موب راضين ينزونه لعل و عسى القراء يفيدوني بالجواب ... المصور من وين جابوه ؟؟؟؟؟؟؟؟؟؟؟؟

خوش حركة للتصوير

خوش حركة للتصوير لاحظوا طالب يتكلم مع الوزير والثاي رافع يده هههههههه اشولن هذي اتصير عاد اللي بيصور ايصور عدل

العبرة من الصورة

من الدليل على الصورة والكلام انها مدرسة مهملة انزين في مدرسين من عائلة ..... مايداومون اصلا وما في احد يقدر ياخذ عليهم اي اجراء حتى هذا الوزير بس يتشطرون على الفقارة وهذا دليل على ان اي احد يستطيع ان يكون مدرس بس ليش تجيبون اجانب وتجنسونهم بعدين وبتقولون ان مافي خبرات واكبر دليل ان عسكري يقدر يدرس اي مادة بس يعني اجراءات على ناس وناس وناس بدون شهايد يتوظفون وناس عندها احسن الشهادات وقاعدة في البيت من جا هالوزير عفس الوزارة عفاس

يـــــــــا سعــــادة الــوزير

هذا الكــلام أتمنى تقرأه .. شنو رأيك في بعض المدرســات اللي ما ترضى تشرح الا مثال وااحد في مــادة الرياضيات في المرحلة الثانوية .. مع صعوبة المنهج وتعدد الافكار .. واللي يخلي بناتنا في خوف وتوتر .. يقولون لهم وهم تو صاير لهم أسبوعين .. أحنـــا متـــأخرين لازم نخلص بسرعة بسرعة .. حشى .. شهــر ما صار ليهم .. ليش بدل ما يخافون على مستوى ومصلحة الطــالب جذي يلعبون بأعصابهم.. أتمنى أن كل معلمة تعتبر الطالبات بناتها والعكس كذلك

البحريني

خوش وزير حولوه من وزير الى مدرس خلنا نشوف حضوره اذا يسكن في المحرق جيبوه يدرس في مدرسة البديع وخل انشوف .

إلى النعيمي مع التحية

هناك مشاكل أهم يا ليت تلتفت لها : نقص المدرسين، زيادة النصاب على المدرسين، التمييز .

أعتقد ان الوزير

النعيمي وزير ذات حنكة ليس لنا ان نقول انه صاحب دعاية.... اغبط هذا الوزير على هذي الروح....

عيب عليكم يا زوار

من بدال ما تكتبون شيء يشرف هاي الوزير على الي سواه وتشجعون باقي الوزراء على هاي تواضع الي مافي وزير في تاريخ البحرين سواها يعطية العافية بصراحة تقومون تتطنزون وتكتبون تعليقات مال يهال ولا كأنه موقع رسمي عندكم

حارس مقهور

بادرة جيدة من وزير التربية في المقال واجد مبالغ فيه لأن المدرس المشرف جاي من الصبح وقام بمهامة وحضر الحصة الساعة 7.20 بس ياريت الوزير يطب على مكتب الامن والحراسات من الصبح ويشوف المهزلة اللي صايرة ما فيه الا المناوبين على البدالة اااه يعطيهم العافية وعدد قليل جداً من الموظفين أما بالنسبة إلى القائم بأعمال رئيس الجهاز والمقربين له واللي واسطتهم فوق القانون لا ما يداومون إلا بعد مرور ساعة ونصف أو ساعتين بعد الدوام الرسمي خاصة في أيام الاجازات.أما رئيس الجهاز لا يمكن الدخول عليه إلا بتصريح ولا وزير

هي فشيلة للوزارة

يعني الصورة ركزت على إن الوزير يدرس ونسو أشياء ثانية .. شوفو شوفو الستارة مقطعة وطايحة والطاولات معفسة .. وين الميزانية اللي المفروض تصرف كل سنة على التصليح والصيانة .. لو كلها في كيس المسؤلين الحرامية

والله فشيلة

ليت المصور اختار زاوية أخرى من الصف ، الستائر تنبئك عن إما سوء سلوك الطلبة أو إهمال واضح في الصيانة ،وإلا فكيف أصبحت الستائر بهذه الكيفية ولم يمضي على العام الدراسي إلا أيام ؟! وأفضل شيئ أن التقرير لم يتضمن أسم الدرسة ويمكن يكون لأسباب خاصة في نفس يعقوب .

hahahaha

علينه هاي الحركات!!!

صباح الخير..

هلا .. هلا .. بالوزير.. معلم مرة وحدة؟؟ شنو تخصصه الاساسي...

أتمنى من الوزير زيارة مكاتب الموظفين

يا ليت يطل الوزير على موظفيه في الوزاره ويشوفها شلون فاضيه ويتكرم ويخلص معاملات المراجعين بنفسه كما نتمنى ان يوفر ابسط طلب لمدارس المستقبل والصوره خير دليل نتمنى الماء البارد لعيالنا ؟؟؟؟؟؟ ونتظر بداية العام القادم للجزء الثالث من دخول الوزير للصف وقيامه بالتدريس وعشنا ويا ما حنشوف

الله يعطيك العافيه

لوزين كل الوزراء مثللك يا النعيمى بس صورة الستائر تفشل انا ولدى يدرس فى المعهد الجعفرى واشوف الاهتمام باالصف من اولويات المدرسين لكى تكون بيئه صالحه للدراسه

همتك ياوزير

* طاولة المعلم مكسرة والستائر والكراسي مستعدة للعام الدراسي
*المعلم المتأخر بسبب مراقبات صباحية وطابور تحت حرارة الشمس و الرطوبة! ناطور أمام البوابة وين حراس الأمن ورواتبهم مثل المعلم تقريبا في موظف مثله! ويوزع غياب ويراقب حضور المعلمين لماذا لا يفرغ المشرف بقرار شجاع مثل المشرف الأجتماعي رغم مهامه أقل!
* في موظف جامعي بالوزارات يقف بالشمس والرطوبة صباحا وراتبه أقل من المعلم!

شئ جميل ولكن!!!!

موقف جميل من الوزير سيساهم حتما في رفع رصيده لدى الطلاب، لكن في المقابل كم سيساهم هذا التصرف في خلخلة نظرة الطلاب الى معلميهم؟؟ تتفنن الوزارة في تحطيم المعلم متناسية ان ذلك كله سيعود على العملية التعليمية ككل ولكم ان تجروا استفتاء عن مدى الرضى الوظيفي للمعلمين وتقفوا على الاسباب لتعرفوا حقيقة الامر

دير بالك عليها

حليوه الستاره مالت الصف خل بالك عليها وزير

هذا حال مدرسة؟؟

اشفيها الستاير مشققه وحالتها حالة.. مو يقولون في صيانة دورية مع بداية كل عام دراسي .. ما صار للطلبة اسبوع ونص من داوموا وين هالصيانة اللي تكلف الملايين واللي تعلن عنها الوزارة انها صرفتها

ما شاء الله

لاحظ الوزير تأخر المدرس .. لكنه لم يلاحظ كم هي حالة الصف مزرية.. انظروا فقط الى الستائر! اذا كنت ستحاسب حاسب الجميع على كل تقصير .. وليس فقط المعلم لانه الطوفة الهبيطة

شيل الله يا ابا الحسن

صباح الخير يا وزيرنا العزيز، بصراحة..اتمنى اليوم اللي"تطب"فيه على مدرستنا وتشوف شلون صايرة المدرسة معكسر حربي، تجسس وملاحقات وتحقيقات واستجوابات،والنتيجة .. ندخل الحصص والنفسية صفر،ليس لاننا لا نحب النظام ويشهد الله على ذلك لكن الامر اصبح يفتقد الى كثير من المرونة والمراعاة.. ان كان هناك مقصرون-بدون ظرف- فهناك الكثير من المتفانين،فأينكم من هذه المشاهد؟ ام ان الامور تقتصر فقط على ما يظهر المعلم بصورة "الجبازي"؟تحياتي لك واتمنى ان تساهم ملاحظتي في تغيير منهجيتكم في التفكير ..

[هههه مفاجئة ]

صراحة شلون رايح يكون شكل المدرس لما يشوف وزير احراج لي اخر درجة ...

الستائر

الستائر بس****

اتمنى من الوزير إن شاف الستائر الخاصة بنوافذ الفصل!!

صحيح إحنه ركزنا على تأخير المعلم وعلى زيارة الوزير بس ياريت نركز على حالة الصف الا جالسين يدرسون فيه الطلاب؟ والنفسية الا من المفترض يحتاجها الطالب!! وفقكم الباري

خوش وزير

الظاهر ان الوزير متأثر بمسلسل ابله نوره بس ياريت كل الوزارء مثله خصوصا وزير الصحه ووزير الداخليه يالله زين منه الوزير شال حصه عن مدرس عساه اجر وعافيه