الله كريم

لازم كل اسبوع نزور الوزارة ليش علشان تسجيل حضور كأني رايحة أطر من عندهم ياالله و لا عندهم أخلاق راحة الي في قسم التوظيف لا إله الا الله بس لازم تجين كل أسوبع و خلاص مافي حل آخر مافي وظيفة شنو يعني تبينت حكومة لاء مافي انزين خلاص بنصك ملفش من الوزارة المصريات و السودنيات و المغربيات لاعبين بحسبة بناتنا و أحنا أمهاتهم أما في البيت او نراكض في أروقة المعهد المبجل البيتي آي معهد البحرين ليش عاد ليش ليش ابي أصارخ ليش هالظلم لكن الله على الظالم والحساب يوم الحساب للي مايخافون ربهم .

خريجة معهد البحرين

اني خريجة معهد البحرين للتدريب و صار لي الحين 7 سنوات ادور شغل مب محصلة اللي يقول دوام من 8 إلى 4 و الإجازة يوم واحد في الأسبوع و اللي يقول دوامين و اللي يقول شفتات و اليهال اللي عندي في البيت وين احطهم بعد مافي روضات بعد الساعة وحدة و نص تروح تقدم في وزارات قالوا لك لازم بكالوريوس و بالخصوص وزارة التربية!!!

كن واضحاً واعرف ما تريد

اعزائي الخريجين الجامعيين، اعرف ان مداخلاتكم تنم عن حسرة وقهر ولكن لنكن واقعين ، انتن ايتها الاخوات ترسمون صورة للوظيفة(وظيفة حكومية، دوام واحد الى 2) لديكم التزامات اسرية ، كل ذلك حق من حقوقكم كمواطنين ولكن هل بيد وزير العمل الوظيفة الحكومية تلك مسئولية ديوان الخدمة المدنية ، وبالنسبة للتوظيف في القطاع الخاص سياسة الشركات وحركة السوق تتطلب دوام (دوامين، دوام طويل، نوبات) اذن لنكن امينين في طرحنا ولا نضع اللوم على الوزير فالوزير يسعى بكل ما يستطيع من اجل حل مشكلة البطالة، نريد شعب واعي لحقوقه

جامعي

شبعنا من الكذب و صار ليي أكثر من سنة وانا أبحث عن وظيفه تكون من مستوى شهادتي الجامعية أو اقل وماحصلت

جامعي + عاطل

بسك عاد يامجيد أحنا جامعيين وللحين قاعدين بدون وظيفة وأنت أتقول البطالة هبطت ؟؟؟ أكيد بتهبط لان المحتاج بيتوظف أي وظيفه عشان لايموت من الجوع

هذا إكتشاف

يا جماعه الوزير اكتشف بان نسبة البطاله هبطت الى 5ز3 بمعنى اذا كانت البطاله 60% الأن 56.5وصلت الى56.5%

ياعيش هدا الدهن اهناك

الواحد عايش على الامل.
اكثر الشركات الحين يتحكمون في الباحثين عن العمل.
إلا يقول 250 دينار واجد200 بس او يقول تعال وشتغل عندي ببلاش مثلات المحامين ولله المشتكى.

افااااااااااا ماهكذا الظن بك!!!

والدليل أني والكثير من عائلتي عاطلون عن العمل ومنهم من لديهم شهادة البكرليوس والدكتوراة وتقول نخفضت وحجي الناس ؟؟؟؟ كلهم كذابين ونت الصادق ياوزير العمل؟؟؟؟؟

سؤال فني!

أبيك تحلف ان البطالة نزلت! أكو ناس عندها ماجستير و قاعدة في البيت!! ما اقول الا حسبي الله و نعم الوكيل

ما يعجبكم العجب ولا صيام برجب

اذا فيكم خير ردوا على الوزراء الثانين... والعاطليين قلوا وما احد نفعكم يالبحارنة غير هالسيد البحراني ..... بس اللي ما يفهم ما يفهم
الله يعطيك العافية ... امشي وزراتك قبان اللي يبوق ينزال

بسك يابوشلاخ

كل يوم راز روحك بالجريدة وكل شلخ بشلخ والناس ببيوتها خريجين يعانون من البطالة واللي ظروفة صعبة وانت قاعد اهني تهر بسك عاد

يمكن يقصد بطالة الاجانب و عائلاتهم

لان في السابق كان الاب فقط هو الذي يعمل اما الان فقد ساهمت وزارة العمل باعطاء تصاريح عمل لافراد العائلة الاخرين.
ياتي الهندي او الفلبيني او الانجليزي البحرين بعدين يحصل شغل لزوجتة و بعدين اولاده و هكذا نتخلص من بطالة الاجانب. اما البحرينيين خلهم يقعدون في البيت يبيعون نخي و حبة خضرة

كذب المنجمون ولو صدقوا

فعلا .. إذا لم تستح فقل ما تشتهي ؟؟؟؟؟ ابنتاي عاطلتان من سنتين ولم تصرف لهما حتى علاوة التعطل

الشكو ى لله

اي والله نص الالمواطنين البحرينيييييييييييييييييين عاطليين واقول راح يرتفع بعد سنة لان طلبة تمكين ""المتدربين " عندهم عقد لمدة سنتين اكي راحت سنة وباقي سنة ههههههههههههه يعني زيادة بطالة في بطالة

من صباح الله خير

وش ها الكذب من الصبح شعب البحرين نصه عاطل ورواتبه متدنيه والحاله كسيفه الظاهر يقصد بكلامه الاجانب مو البحرينيين