سلمى يا ملحٍ قــــــدْ تـــــلاقـى بــسكّر

يا مـــنزله بالحـــب فــــــاقت لهيبه

ويّاك يرقى احـساس عمري ويزهر

ويزداد فيني الــعشــق ويفوح طيبه

عِشتك أماني في حــشا الروح تكبر

وشفتك مـعزّه مـعْ شمـــــوخٍ وهيبه

صافحت كفّك لين كـــــفّي تــــعطّر

ورده تفوح الطيب مـــاهي غــريبه

سلمى ولوّنتي المدى بلون أخـــــضر

وصرتي ابتسامه في الليالي الكئيبه

لمّا حضرتي كل هالـــــكـون نـــوّر

كِنــــها نجوم اللـيل مـــــــنّي قريبه

واليوم جيتك نبض من قلـب يشعر

يـهدى ثـلاث وْرود تزهى بــــطيبه

ورده تـودّع عــام بالحــــــب سمّر

ورده تـــهـنّي قلــــــب إنتي نصيبه

ورده أخيره لـك تــــقول وتعبّر

كل عام وانتي بخير يا أغلى حبيبه

درب الحب

احذر بدرب الحب لا يــــــصـيدك الــراش

اجمح خطاوي القلب لا تـْضيع في الــلاش

ولا تعتزي في الخال والمـــــــيم والــباش

والا ترى حالك مــــــثل حـــال (مــنقاش)

حلاة خلك ينــعش الـــــــــقلب انــعــــاش

تلقاه لجروحك مـــثل مرهــــــــم وشاش

واذا المحب شاريـــك قول الــهوى عاش

خل الكرامه فيـــك لا تـــــروح بـــبلاش

والكـلمه الـــــلي تخــــــجلك قطها كاش

مـــــــا ينبني بــــالــلاّش يـــنهد باللاش

مثل الأخ الأكبر في هالأرض ما عاش

وعلى اللي ما يغليك لا تـــــــذرف دمــوع

لا يكون تابع خــــــــــله إيــــكون متــبوع

لي صار زاتك عند لخصوم مقــــــــطوع

مخدوع وخلى الــكل ويـــــــاه مــــــخدوع

ايضوّي الدنيا بقــناديـــــــل وشـــــــموع

كنه قبل آهك وضـــع رمــــــز (ممــنوع)

وان كان ما يغلـــــيك لا تــروح له طوع

يبقى الأمل في ســــاحــة الحب مزروع

قل مـــا تبيه وعـــــيش والراس مرفوع

ولابد شـــــمس الـــــحق تزدان بطلوع

جابوا خبر موتــــــه وهو عـمره اسبوع

الأمر عادي

الظاهر إن الفراق أصــــــبـح لنا خِيره

مادام قلـــــبي في وادي وقـلبك بــوادي

مافيه داعي نــلوم ونشتـعل غـــــــــيره

كل منا ياخذ طــريقه وبشـكل هـــــادي

أهديت لك فرحتي وأشغلتنـي بحــــيره

وأثرك شقا غربتي وظنــيتـك بـــلادي

كلما عطيته فؤادك قـــــل تـــــــــقديره

ما أدري هاين غلاي أو حــابب عـنادي

الهم في عشرتك يــا صـــعب تصـويره

ألقاك آهي ودمعـــي وجرحي وسْهادي

لو كان للحب فــي قلبك ذره صــــغيره

ما صـار عندك طبيـعي قربي وبـــعادي

واللي يخون المشاعر خيره فــ غـــيره

مالـه مكانْ يحـــــضـنه داخـــل فْوادي

ابعد مادام انّ قربك منوكل خــــــــيره

مـا عـدت مقصد هواي الــيوم ومرادي

حتى غيابك شقاه انـــــزاح تــــأثـــيره

ويـاك والا بــــــدونك الأمـــــر عادي