صحيفة "الحياة" – النسخة السعودية، 27 ديسيمبر 2010
للمرة الأولى سيتمكّن طلاب منطقة حائل في المملكة العربية السعودية من زيارة «السينما»، وإن يكن ذلك لغرض تعليمي. فقد دشّن المدير العام للتربية والتعليم في منطقة حائل حمد العمران «السينما التعليمية» الثلاثية الأبعاد، في مقر إدارة التجهيزات المدرسية أمس.
وجرى خلال العرض التجريبي الأول للسينما التعليمية، عرض مقاطع حية من الفيلم التسجيلي «البحر العميق»، الذي شاهده الحضور عبر نظارات «الاستقطاب». وقال مدير إدارة التجهيزات المدرسية علي المنصور لـ«الحياة»: «أردنا من خلال العروض الثلاثية الأبعاد، نقل الطلاب إلى عوالم جديدة شائفة وتفاعلية ذات صلة بالمنهج الدراسي، وفيلم البحر العميق بداية لسلسة تعليمية مختارة، تشمل الديناصورات والرحلات الفضائية والمجموعة الشمسية، وجميعها بالتقنية ذاتها». وأشار إلى أن الإدارة وضعت آلية لاستقبال الطلاب من جميع المدارس لمشاهدة الأفلام التعليمية. وذكر أن القاعة تتسع لـ25 طالباً، مؤكداً أن مشروع السينما التعليمية التفاعلية تحت التطوير، وسيجري تعميم الفكرة في المنطقة هذا العام، إذ سيُؤتى بالأجهزة من الولايات المتحدة، لتوزّع على مكاتب التربية والتعليم في حائل، ثم تستهدف المدارس الكبيرة للبنين والبنات في البداية من دون رسوم. وعن إتاحة القاعات للأهالي في ما بعد، قال المنصور: «هذا الأمر سابق لأوانه». وعن التقنية المستخدمة في عرض الأفلام السينمائية، أوضح مشرف التصميم التعليمي في إدارة التجهيزات المشرف على المشروع هزاع الطريف، أن الاختيار وقع على تقنية «الاستقطاب»، التي تقوم على فكرة عرض فيلم مصور بكاميرا ذات عدستين وعارض يستطيع عرض صورتين في وقت واحد، ونظارات متزامنة تفرز الصور لكل عين بصورة منتظمة تصل إلى 120 هيرتز في الثانية.
أثييير
نبي واحد في المدرسه ..
اصلا ماله داعي بتخرج وهم مابيكملون ..
انزين وزارة التربيه اقترح انكم تحطون في الجامعات والكلياات ..
ياجماعة
أول شي الهدف من السنما تعليم الطلاب
وثاني شي حصد الأموال
وثالثا أحسن السعوديين ماعندهم سنيما للأفلام
وطبعا كلكم تعرفون السبب وخاصتا الأمهات أن الأفلام تخرب عقول أولادهم يا من شفت بنات حدهم وسخين والصبيان وسبب أفلام السنما وبعد التلفزيون والله خرب عقولهم وكل هذي الصناعات خل يكون في علمكم كلها من الشيطان كلها صنعها الشيطان عشان الإنسان يعصي ربه ذنوب و معاصي زنا ضرب إنتحار قتل سرق سب تتوقعون من وين كل هاذي جت ؟؟؟؟؟؟؟؟؟؟؟؟؟؟ كلها من السنما وتلفزيونات خربت عقولهم تخريب
أخيرا
زين بس حرام والبنات ؟ لو اني سعودية انتحرت ؟ كل شي ممنوع .. وثاني شي ليش ما يسوون لهم سينمات للأفلام يعني الحين هم ما يطالعون أفلام برا ؟ أوكي زين يسوون سينما للعلم بس بعد يحتاجون لجانب التسلية واللي نشوفه انهم ترا يحبون السينمات أكثر منا لأنهم محرومين والممنوع مرغوب
عقبال النفيش !!
الشيص في الغبه حلو!! .. عن خاطرهم فقاره انقص خشمهم من النطره!
أنا
اسمح يا مشارك رقم تسعة
اسمح فتحو ليكم ويش ما تريدون شعب البحرين مستعد يعيش في الفقر وعلى اصعب ما يتخيله عقلك ولا ياكل حرام لاكن الحكي مو عليك على الي فتح هل السوالف البحرينين اشرف من تتوقع ..
رد زائر 2
يقصدون أفلام تعليمية
تطوير التعليم فى السعوديه
بصراحه التعليم وبل اخص الجامعات بسعوديه يوم عن يوم قاعده تطور وتطور كبير وتوسع الجامعات
سعودي محب
نصيحه يا اهل البحرين خليكم ضد افتتاح صالات السينما فى السعوديه لن اذا فتحو سينما بسعوديه معنتها خساره السينما فى البحرين وان راح يقلصون عدد صالات فى البحرين وراح يتم تسريح اغلب موظفين السنما
ام بدر
هههههههههه الناس تطورت وصلت للقمر وهذا لين توهم يفكرون يسون سينما لا وبس للطلاب يعني باقي الناس مالهم رب والصراحة ايلي مربح سينماتنا بالبحرين السعوديين
جندبه
خطوة حلوة بناء السينما بس اعتقد ان للعلم وقت ولتسلية وقت فمااتوقع انها تكون مثل ماهم يبون
يبون جيل جديد ويهتم بالعالم فقط مااعتقد ان في جيل جدي وبعدين كل شي للاولاد والبنات محذوفين شهاللظلم الي اعيشونه اوك السينما ممنوع لان خلط سو سنما خاصة بالنساء فقط بس شوي يتحررون على عمري اجون البحرين مزهوقين مو كانهم شايفين سينما بحياتهم كل كبت تبي تحافظ على شعب اوك حلو بس مو بطريقه الكبت شنو الفايدة تمنعونهم وهم بالديرة ومن يسافرون اي منطقة قلعوا الحيا كلة ولاكانهم خليج حتى والسبب شنوالكبت الله يهديكم
بالتوفيق ليهم
لو يفتحون ليهم بارات ومراقص اتخف عندنا الزحمة
ماليكم حل
تعالوا البحرين احسن لان الفيلم لو لو لو عرضوه لكم بيكون مدته ربع ساعه لان اي لقطه فيها شعر بنت بيقصونها اي لقطه فيها بنت تسوق بيقطعونها يعني باختصار لاتدخلون فيلم هناك احسن
يا وزير التربية
احذوا حذوهم ياوزير التربية وخذ من خبراتهم ....
مو احنا لين قالوا لينا فلم استانسنا وركضة ويوم وصلنا الحجرة قوطية ونص البنات قعدوا على الأرض والتلفزين سكراب
من زمان عندهم
إذا على تعليمية من زمان عندهم
ما رحتوا المركز التعليمي اللي في الخبر عندهم سينما كبيرة تغطي حتى السقف جاية بطريقة إنها تحاوط الغرفة كامل
........
شفايدتها ؟ افلام من مصر لا سمح الله ؟ او شنو يعني بالضبط ؟؟؟ ^^ . ايها الشعب الكريم ، اكّو موجود تلفزيونات في كل بيت ، نعم تقدر تطالع الاخبار برنامج مفيد موسيقى جميلة . نكت وكوميديا . كرة قدم ورياضة .. . لكن شيء فيه فساد طبعا خطأ اليس كذلك ؟
عيسى جدعلي
خطوه الى الطريق الصحيح والمطلوب تصحيح الوضع ونشر العلم والثقافة ويجب على المملكة ان تهتم في طموحات الشاب التي تحارب الفقر والامية وغيرها وتحياتي للجميع