(أ) أية لغة ضالعة في الماء تلك التي يكتب بها العتيبي نصه؟

هناك هناك مرت دمعتك عذرا وجيت اوجاع

أصب بكف وقتي فزعتي وأقدّم ذراعي

عيوني مترعه بالشوق وعيون الغرام وساع

أبسكب لهفتي لنعاسها بالهاجس الواعي

رحل صيف الجفا واقبلْت لدروب الوصل مرباع

هلا بك يوم ناداك الحنين لشاطي اطباعي

بدمّي لك سفينة عشق تبحر والخفوق شراع

تعال وفل قلبي واطلق المجداف لاضلاعي!

توشّح بالنهار وغط وجه جروحنا بقناع

وقوفك في ظلام الياس لحظه ما لها داعي

ترى الدنيا ليا خرّت لها الأحلام وصلك ضاع

ليا غابت قناديل الأماني يظهر الناعي!

وانا لو ما شريت التضحيه يوم ان وقتي باع

تنكرت لغلاك ولا حضنته يوم جا.. ساعي

ولا سقت المشاعر للتلاقي واعتسفت القاع

ولا صار الوصل نوتة عواطف واغنية راعي!

ولا غنّا المداد ولا تهادى الطرس لي وانصاع

ولا مات السكوت وصار صوتك مولد ابداعي

ولكن جيت اسولف للزمن عن عطرك اللي ذاع

على صدر المكان اللي لقيته يشرح اوضاعي

أعرفك لو جهل وجه المسافه خطوة الملتاع

وراني ما اتْبعك لا شفت دربك سيّد اتباعي!

حبيبي لا تجيني دمعة عذرا واجيك اوجاع

تعال اشرب فَرَحْك لي ضميت لشرهة ذراعي

(ب) لا أحد يجرؤ على استنطاق نص بهذا الصفاء والنقاء والوفاء للغة