وافق رئيس جامعة البحرين إبراهيم جناحي على اقتراح قدمه مجلس طلبة الجامعة بتمديد إجازة العيد ودمجها مع إجازة امتحانات منتصف الفصل ليستأنف الطلبة دراستهم في (4 نوفمبر/ تشرين الثاني 2012)، بهدف «توفير وقت أكبر لتهيئة الطلبة لامتحانات منتصف الفصل، ومنحهم فترة أطول للمذاكرة بشكل مريح وسلس».
وكان رئيس الجامعة ناقش هذا الاقتراح خلال اجتماعه بمجلس الطلبة صباح الأحد (21 أكتوبر/ تشرين الأول 2012)، مؤكداً حرصه على أن ينال الطلبة الوقت الكافي للاستعداد للامتحانات، معرباً عن تقديره لأعضاء المجلس ولاقتراحاتهم التي تعطي إدارة الجامعة وعياً وتواصلاً أكبر مع الجسم الطلابي.
العدد 3700 - الثلثاء 23 أكتوبر 2012م الموافق 07 ذي الحجة 1433هـ
بلا كسل
راجعو عفب العيد كلها فتره واتعدي واتخلصون هالكورس وجدو بالمذاكره سلاحنا ااعلم ياجماعه
واقع يفرض نفسه
سمعنا حجج واجد بخصوص دمج إجازة العيد مع إجازة المنتصف منها إن الفصل بصير مضغوووط على الطلبة خصوصا بسبب كثرة الإجازات، وهذا كلام واقعي لأنه مو معقول إذا بنخلي الوضع كما كان كل إجازة منفصلة بخلص الفصل وبصير خربطة وضغط. وأعتقد هذي الإجازة كافية للطلبة حق الراحة والمراجعة. وأما بخصوص اللي يلعب وياخذ الإجازة في النوم وما يراجع هذا ما يسمونه طالب أصلا. نقطة نظام: دمج الإجازتين ما راح يكون للأبد! بس هالفصل بسبب طول إجازة العيد ! مكبرين السالفة لييش ؟!
الخبر يحتاج لتعديل
هو في الأساس إجازة العيد حق و إجازة المنتصف حق ، و الجامعة راحت و دمجتهم مع بعض علشان لا تصير الإجازة طويلة !!
و المشكلة اللي صارت إن مجلس الطلبة اقتراحه بتمديد الإجازة هو لأن الجامعة مو بس دمجت الإجازتين و حرمتهم من حقهم، بل لأن الجامعة دمجت الإجازيتين و بخست الطلاب حقهم في إجازة اسبوعين، و عطتهم أقل من اسبوع، و لذلك جاء اقتراح التمديد على أساس على الأقل تكون الاجازة اسبوع أحسن من بلاشي .... يعني بالمختصر المفيد الطلبة مظلومين ، و لا منة للجامعة على الطلبة بهالتمديد
ماله داعي
احس ماله داعي لانه الطلبه في هالحلله ما راح يستغلون هالإجازة في المذاكره
وهذا طبعا مو معمم للكل بس اتذكر ايام ماكنا في الجامعه كانوا يعطونا إجازة للمراجعه وعقب نروح مو مراجعين
نستلنس باسبوع الإجازة ونقضيه لعب
مابالك الحين بياخذون إجازة تقريبا عشرة ايام زايد قاصر بيسمتونها نومه هههه
على العموم لايف لون الطلبه نحسدهم عليهم بالف عافيه هالأجازة ووقت سعيد ان شاء الله