زين والله

زين والله شفنا ناس تتكلم عن معاناتنا من زمان تصير لنا مشاكل في ماليزيا ولافي مجال نتكلم عنها من تاخير الفيز وقذارة جامعاتهم ومعاملاتهم مع العرب خصوصا وكم من حوادث صارت وسالفه علي اكبرها وصرنا نتخوف من المواصله والخطف عادي يصير لاي انسان كان ولو صار اهالينا راح يعانون معاناه نفسيه مثل معاناة اهل علي انا ابي اخلص التمهيدي بسرعه وارجع البلد صرنا نتخوف نبقى وما انصح بالبقاء ابد

ل

قبل ما الواحد يفكر بالدراسه في ماليزيا يروح يسأل التعليم العالي عن مستوى جامعاتهم انا كنت راح اروح ماليزيا للدراسه لكن التعليم العالي وضح لي ضعف جامعاتهم ومستواها الضعيف وانا حاليا ادرس في الهند وبخير وأمان يعني القصد الواحد لا يتعب روحه يدرس في ماليزيا اولا لانها خرطي كدراسه ثانيا مخاطره مثل ما ذكروا اغلب الناس وموضوع النشابه شاهد على هالشي تعالو الهند افضل لكم واستمتعوا بالامان

زائر

والله اللي يشوف حال والدته حالها يصعب على الكافرر الله يفرح قلب امك يا علي يارب ما نبي نحزن على شباب آخرين وفقد الاحبه غربه

الفلوس وصخ دنيا

الفلوس ما تهم انا راح اخسر رسوم الفصل الثاني حق ولدي لكن مو مهم تراها وصخ دنيا المهم صحة وأمان ولدي وما يروح ماليزيا ابد

ما يبي لها فهم

السالفه ما يبي لها مفهوميه مكان في خطر لدرجه الخطف اكيد المفروض ماحد يفكر يروح فيه

اغلب اللي يروحون فيها

حق فشار وتصوير بس لانه مناخها حلو وجميل لكن ما فكروا بالمشاكل الزايده اللي تصير في ماليزيا واللي انكتب من الناس هذا شي يسير من اللي يحصل

اصبح بلد مخيف

الله يلعنهم ما خلوا مكان في ماليزيا الا وصار فيه مشاكل بلد صار ما منه فايده ومشاكله اكثر من الهم عالراس حتى ابني صار يتخوف على عمره الله لا يوفقهم وانا بشاطر هالناس هموما ومستحيل يرجع ماليزيا بعد اليوم

قدمت طلب انسحاب

اجرائات الاقامه تطول عدهم والواحد يظل حاير ومقيد بدون جواز غير الارتفاع في اسعار السكن اللي كل مره وقالوا لك اصحاب السكن بيرفعون الايجارات احنا كنا صابرين على قذارة بعض الاشخاص واستفزازاتهم وكنا نصبر لما يسرقون من عدنا كتب او اموال بسيطه ونخاف نشتكي لانه بعدها وبسبب تواطئ شرطتهم نكون عرضه للتهديد من نفس الاشخاص والحين وصل الموضوع للخطف يعني من العاقل اللي راح يخاطر بنفسه بعد هالشيي وانا اولهم جالس بين اهلي وقدمت طلب انسحاب وانتظر استلم الشهاده وعدد الساعات الدراسيه وبدور جامعه زينه

الله ينتقم منهم

الله لا يبارك فيهم من اختفى الولد مافي خبررر ولا اتصال عنه الولد غايب وامه محترقه علئ شوفته الله ينتقم منهم ويرجعه سالم من بين ايديهم والله قهررر اذا نخلي شبابنا يدرسون هناك مره ثانيه وحرام على اهاليهم سخاطرون بحياتهم مره ثانيه

الولد اهم

الفلوس تروح وتجي لكن الولد اهممم كرهونا في ماليزيا من كثر مشاكلهم وبعد اللي سمعناه وشفناه من هالناس ولدي راح اخليه يواصل هني بين اهله وربعه استر له !

بنت العصفور

سوو لنا ماليزيا وكأنها جنة الله في الارض وهي بالواقع كلها اجرام وتعصب مذهبي السنه والسرقات للعرب بالذات تحصل بشكلل مبالغ فيه ولا يوجد عقل لمن يخاطر بأصطحاب ابنائهم فيها بعد اليوم

كم من الحوادث حصلت!!!

بالامس القريب كان حادث الخطف للطالب الكويتي فواز الذي أثارت قصتة ضجه في الاعلام الكويتي وقبلها بفتره الحادث الذي حدث للتاجر البحريني وقصتة المعروفه واليوم قضية الطالب علي النشابه وغدا لا نعلم من يكون الضحيه ! كيف سنأمن بعد اليوم على شبابنا في بلد كهذا !!

سجلت ابني لدراسة في ماليزيا للفصل القادم

ولكن لن ولن ادعه يذهب الله لا يوفقهم بالرسوم الي اخذوها ولكن سلامة ابني هي اهم من لفلوس

يا مسهل الامور

انقطعت اخبار علي تمام ولا تواصل مع الخاطفين لحد هذه اللحظه ولا نعلم بمصير هذا النشابه فدعواتكم جميعا لعلي فأهله اصبحوا لا يملكون الا الدعاء له .

من زمان الاجرام فيها

ادرسوا هني ارحم لكم وخل سفيرهم ينقع بلده ويشرب مايهه كله خطف وعصابات واستغلال وفساد لا اخلاقي ومشاكل كثيره عندهم مادري شلون تخلي عيالها بروحها في بلد مافي سفاره تحميهم ولافي ولي امر يتابع وضعهم تره ماليزيا صح سياحه لكنها اجرام وطائفيه حد النخااع ويستغلون الخليجي وامواله بالذات واكبر دليل التاجر البحريني اللي قتلوه بدم بارد واذا صار ما صار لاحد يبكي على ولده ساعتها فأحموهم من الحين ولا تجعلونهم يدرسون في هالبلد استر لكم

عباس ولد البلد

مافي مجال لمواصلتي الدراسه مره ثانيه في ماليزيا حتى لو كان الوضع في أمن شوي لكن خوفي لو واصلت وكثرت هالحوادث وقررت بعدها متاخر الرجوع وقتها راح اخسر سنوات دراسيه عالفاضي وخوفا مني للوصول لهلوضع راح اواصل دراستي في البحرين بعد هالحادث ومثل ما ذكروا اهل الشاب المخطوف الافضل تجنب مواصلة الدراسه في ماليزيا خصوصا ان مافي شي يحمينا سفاره او غيره

اصبح الموضوع بالغ التعقيد

الموضوع معقد جدا وشائك ولا اخبار عن الشاب علي النشابه والعائله نفسيا منهاره وعند انتهاء الموضوع على خير سيترك علي ماليزيا وسيرجع للبحرين لا محاله وحرصا لعدم تكرار هذه الحوادث التي كثرت في الفتره الاخيره يرجئ تجنب هذا البلد والاقامه فيه والذهاب له فقط للسياحه ( احد آهالي الشاب المخطوف )

فاطمه الشهابي

النشابه ماحد يدرب عن اخباره من بعد اختطافه فهل احد يضمن حياته بعد هالحادث في هالبلد !!! هل احد يقدر يأمن علئ شبابنا في هالبلد!!! التاجر البحريني وراح وانقتل والحين الشاب مخطوف والله العالم باحواله ومصيره فهل احد ما يقدر يخاف على عياله من هالبلد !!! بالمنطق ابعد عن الشر وغني له ولاحد يروح هالبلد للاقامه او الدراسه افضل له

....

ماليزيا بلد طائفية وتخوف وفيها عصابات ولدي يوم رجع من شهر العسل البنك بدل بطاقته وقال ليه انهم يستغلون معلومات الشخص لسرقته ،ام وزوجته انسرقت محفظتها وفلوسها. وهذا سفيرهم خل يسنع بلده اول بدل ما يحشر روحه في اللي ما يخصه

تصريح السفير

تصريح السفير على مساعدة الدولة سوى شيى اشوف كل هالسنين ناس كانت اتروح و ترجع من ماليزيا ما كان عندهم اى مشكلة هذه المشاكل كلها اطلعت بعد تصريح السفير يعنى الحطف مسئلة فيها النظر

اي ماليزيا اي بطيخ

اي ماليزيا اي بطيخ بعد اللي صار خلوا عنكم يبه هالبلد وروحوا لكم مكان وبلد ثاني افضل لكم ترا ارواحكم مو لعبه وحافظوا عليها وخلوا عنكم هالبلد الطائفي

ومصير الشاب !

والله صرنا ننتظر اي خبر عن هالشاب المسكين ومصيره اكثر من اسبوع وما عرفنا اخبار عنه الله يعين امه وعائلته ويعين الطلاب اللي نفسيتهم تعبت من اختفاء زميل لهم ما نبي نفقد اي شاب ثاني ارجعوا وريحوا اهاليكم الهند طول عمرنا نسمع ناس يدرسون فيها ومافي مشاكل روحوا الهند ارخص وافضل واكثر اماااان

بدون شك

اصبح من الجنون الدراسه في هالبلد

موقف حصل لي

من قبل شهرين كنت موجود في ماليزيا للدراسه وفي يوم كنا ظالعين نتعشى عالساعه 10 بتوقيت ماليزيا واحنا في الطريق بحالنا حاوطونا خمس ماليزيين بسكاكين وهددونا ان نروح معاهم لاقرب صراف آلي ونعطيهم فلوس وفعلا سوينا اللي بغوه وسحبنا لهم ما يعادل 450 دينار بحريني احنا تخوفنا لكن تغاضينا عالموقف قلنا يمكن موقف عابر ونادر الحصول لكن بعد موضوع اختطاف علي النشابه اصبحنا منتخوفين جداا من مواصله الدراسه في ماليزيا والافضل الانسحااااااااااااااااب بدون تردد او تفكير ونسلم على اعمارنا

نصيحه من ولي امر طالب

كما نصحت ابني بعدم مواصلة الدراسه والاكتفاء بمعادلة السنوات الدراسيه ومواصلة الدراسه في البحرين انصح جل اولياء امور الطلبه هناك بأتخاذ الخطوة ذاتها لعدم ضمان سلامة أبنائنا وامكانيه حصول اي من الحوادث لهم وما نتمنئ بعد ما يطيح الفأس بالرأس ان نتحرك لانقاذ ابنائنا وماليزيا لا يوجد بها حتئ سفارة للبحرين يلجاء لها ابنائنا في حالة حدوث اي مكروه وهذا يسبب خطر كبير جدا عليهم

انا كنت راح ادرس

انا كنت راح ادرس بماليزيا ولما راجعت الوزاره قالوا لي اذا حبيت تدرس اختار وحده من هالثلاث ( الجامعه الماليزيه - جامعة لينتون - والجامعه الاسلاميه ) وباقي الجامعات لا ينصح باختيارها لانها غير معترف فيها بتاتا ومشكوك فيها لكن هالجامعات الثلاث هذي صعبه جدا الدراسه فيها وكنت محتار شسوي بس لما طلع موضوع علي ما احترت لحظه وحده وقررت تغير وجهتي الى الهند افضل واسلم مع اني راح اتاخر سنه الحين للاسف بس افضل من الخطوره والخوف

/

انا اشوف من فتره الناس مجوده لي ماليزيا للدراسه تره جامعاتهم غبيه وخرطي ومستواها ما ابالغ ان قلت نفس جامعه دلمون عندها ناس ما تعرف تقول حرف انجليزي وتتفوق فيها اللي بروح يروح الصين او الهند عالاقل مو ماليزيا بس للفشار والزعبره تراها ما تسوئ وغاليه وشهاداتهم انا اقول نقعها واشرب مايهه اغلب جامعاتهم مو معترف فيها عندنا فلا تخاطرون مره ثانيه ولا تتعبوا روحكم

مو غريبه

ماليزيا بكبرها للمقيمين خطر وواجد جنسيات فيها وكله يستغلون الخليجيين بالذات بس لانهم يعرفون ان عندهم فلوس هالشي وااضح للكل فشلون طالب وخليجي ما يتعرض الى هالاشياء اكيد بيتعرض ومعروف بماليزيا انها فيها عصابات واجد

تجمع الوحدة

ياليت التجمع يطالب بصادق الشعباني الي اختطف في عمان حتي يثبت صدق دعواه وحتي لايكون مجرد تلميع لوجهه

طالب

من اسبوع كنت طالب لكني الحين قررت الانسحاب والرجوع للبلد اغلب نفسيات الطلاب هناك تعبانه ومتخوفه لانه مصير علي ممكن يصير لاي واحد فينا درسنا سنه كامله في ماليزيا ونجحنا بسهوله وبدون معاناه وتعب وكان هالشي يصبرنا على حوادث كانت تصير لنا من سرقة مناهجنا في الجامعه وتخريب سكنا وسرقة اموالنا لكن الحين الوضع اختلف وصار الموضوع يوصل لدرجة الخطف من يدري بكره ما امشي بالشارع عندهم وانخطف حتى لو كان المنطقه صوبنا آمان شوي !!!!

حرم اللي يصير

حرام والله هالشاب مختفي وما حد يدري باخباره وماحد يدري شلون راح ينتهي الموضوع وحرام ان الطلاب بعد هالسالفه يروحون للخطر بنفسهم ما نبي نخسر احد ولا نحزن على احد ماليزيا بلد طائفي الكل يعرفه ويعرف التعصب المذهبي فيه حررررام وخساره بعد هالموضوع طلابنا يروحون للخطر برجليهم

انا اقول اللي يدرس في غير

انا اقول اللي يدرس في غير جامعة لنتون او جامعة ماليزيا الوطنيه يرجع احسن له باقي الجامعات زبااله و لا تعتبر جامعات اصلا وضعيفه جدا واي شخص بالامكان النجاح فيها وبتفوق وحاليا اصبح حصول الخطر لاي شخص وارد فنصيحتي اللي ما يدرس في احدى هالجامعتين يرجع احسن له

مر اكثر من اسبوع

راح اكثر من اسبوع وماندري بأخبار هالشاب ومنقطعه اخباره ومصيره مجهول على اولياء الامور الحذر كللل الحذر من ابتعاث اولادهم لهذا البلد الخطرر بالعصابات المتعددة الجنسيات

نعاني من فتره

نعاني من فتره طويله جدا من سوء الاوضاع في ماليزيا ولا يغركم طبيعة ماليزيا الخلابه لكن عند الاقامه فيها والدراسه ستشعر بالمعاناه الكبيره من طول اجراءات الحصول عالاقامه ومن تردي وضعف مستوئ الجامعات ولو لا قلت الخيارات لما اخترنا ماليزيا ابداااااااا

المارد

مدام السالفة فيها التجمع إن شاء الله علي النشابة يرجع سالم

!!!

وش هالنخوة المفاجئة اللي طالعين فيها !!
متأثرين صدق بالقضية لو عشان التلميع ؟!!

الله اجعل هذا البلد آمنا

أحسنتم الفعل..إن شاء الله دوم تكونون السبّاقين لخدمة المواطنين كافة من دون الاعتبار للمذهب ولا التوجه السياسي .وفقكم الله للخير دوما...

جمبزة

ههههههههههههههههههههههه بعد خراب البصرة تسون نفسكم وطنيين ااااه يالقهر

الطلبة البحرينين يعانون ماليزية

رغم الاشهر التي مضت للطلبة في ماليزية والإجراءت من دفع رسوم للجامعات وتقديم إجراءت الفيزة تتاخر اشهر وتحت التهديد للطلبة والمخطئ إطالت امد اعطاء الإقامة والطالب يظل يتخوف بالطرد وهذه حالة كل البحربنين الطلبة .

خطوة ايجابيه

هذا هو ود اهل البحرين المعروف
والله يرجعه سالم وغانم يارب باسرع وقت

نكتة

ههههه والله ضحكت وني الظاهر عندهم قسم شرطة سرية واستمارات او اذا الخاطفين من القاعدة فاقد الشيء لا يعطيه

فاعل خير

واجد حنونيين ..!!
الذيب مايهرول عبث ..
بس انقول الله يهديكم وترجعون الي صفوف الشعب لتحقيق مطالبة العادلة التي سوف تكونون اول المستفيدين منها والله الموفق ..

sunnybahrain

السلام عليكم ،، ان بعض الظن اثم ،،هذا الاختطاف يذكرنا بنظام بعض الدول التى تختطف المواطنيين وتدعهم بالسجون من دون علم لاهلهم بمكان تواجدهم ،،يالله منو الشاطر الي يعرف هذي الدوله ،،الله يحفظك يا ابن النشابه واطمئن قلوب اهلك ومحبيك ،،يا مسهل .