الحل لا يكمن في اسلوبك يا زائر 1

اساليب التشدد بالايذاء و التشديد و التهديد و الوعيد غير تربويه.
فلا شك افتراض الالتزام بالحضور و لكن لم لا تفكر الوزاره في برامج تنشيطيه بين فترة و اخرى بالمدارس لترغيب الطلاب في الحضور و هنا لا نعني البرامج الدارجه فيما يسمى بالرحلات الترفيهيه التي هي بالاصل دعم لبعض المستثمرين في المشاريع الترفيهيه من جيوب الآباء و اولياء الامور و انما ابتكارات ممن هم اهل ليكونوا تخصص ترفيه تربوي و ليس ممن يعينون لكونهم كذا و كذا خارج اطار الآهليه للهدف المنشود.
نأمل من الوزارة أخذ طرحنا بمحمل الجد.

يفترض الالزام و الالتزام من قبل الجميع...ولكن

=كما شمل الدليل أيضاً تكليفات سابقة لعطلة العيد الوطني وما قبلها وبعدها فضلاً عن إشارته إلى تكليفات لما قبل إجازة العيد الوطني وما بعدها تشمل تنفيذ خطط وبرامج للاحتفال بالمناسبة الوطنية وتتواصل في كل مدارس المملكة يقوم فيها الطلبة والطالبات بالتعبير عن حبهم لوطنهم وولائهم لقيادتهم= جميل جدا
و لكن...
نحن ايضا لنا في عقيدتنا تكليفات موسميه و يتوجب عليكم احترامنا كما نحترمكم.
اما مسألة وجوب الحضور فلا جدال فيها و لا نرى استفادة لأبنائنا من الغياب الا الخسران و نحثهم على المثابرة و الالتزام.

معالي الوزير

انته ثبت جدول الطلبة ونقص المدرسين اول شي وبعدين أتكلم عن انتظام الطلبة ، أنتو خارج السيطرة !!!!

صدق فاضيين وفاشليين

بدل ما حارقين روحكم واجرائات وغياب وحضور ،يعني الحين تبون تبينون إهتمامكم بمستقبل الطلبة وتحصيلهم العلمي. إذا يهمكم مستقبل أبناء الوطن ليش توظفون الأجانب من مصريين واردنيين وتونسيين وهنود وغيرهم ،بينما أبناء الوطن عاطلين .
كلمة حق يراد بها باطل

عشان نحر هذه الوزارة الطائفيه

نحن غياب يوم الاحد وهذه فرصه لا تعوض وان كان التعليم وزارة جابت التعليم على بوزه باستيراد معليمن هم يحتاجون من يدرسهم شلون يدرسون روح ياشيخ بول ونام

انا عن نفسي

والله حالة
اني كل مره اخلي ولادي يروحون
و كل مرة يجون يتحرطمون لما اخليهم يروحون بهذا الوضع الاجازة قيل بعد
النتيجة ما في تشجيع بالمد رسة للحضور
كأنهم يعاقبونه لحضورهم المدرسة
ما يعلمونهم
و يجمعونهم
و بالوضع هذا الوقت يمر ببطئ و غير ما في تقدير لطلاب ع حضوررهم
أني ضد الغياب
بس هذا واقع كل مره أمر فية
وأني أتمنى التغير ولكن. البيئة بالوضع هذا بيئة طاردة لطلاب
فالغياب وسيلة وغاية لطالب

هذا نتيجة

كرهتم الناس في البدراسة من خلال مشاريع فاشلة كتمديد الدوام المدرسي فذوقوا النتائج

خخخخ

بعد بغيبووون

انا بنتي للحين ماوفرو ليهم مدرسة

بتي ما راحت اليوم لأنها عندها رياضة ومادة ثانية للحين ماليها مدّرسة (عزيزتي وزارة التربية، المدرسة في جدحفص وخلف اسواق الحلي ومخبز المنار) يوم الاحد ان شاء في المأتم تندب الحسين.

v

ههههه ضحكتني زائر 19
خل يغيبون الشيعة يروحون العزا و السنة يروحون العمرة وين المشكلة!!
انتو اول عدلوا مدارسكم الي بتتهدم فوق روسكم بعدين تحجوا

هههههههه

حليتها انت يا بو العريف ههههه

ضربxضرب

كرهتون اولادنا من المدرسه،من هالمدرسين المصريين كل يوم ضرب فيهم بسبب وبدون سبب وتبغونهم بعد يداومون(مدرسة سماهيج للبنين)

وزير التربية هو السبب

لحد يلوم الطلبه او اولياء الامور
خلنا نكون واقعيين احنا ما نصدق عشان اعيالنا يرتاحون بس اللوم لازم يوجه لوزير التربيه اللي ما يصدر قرار صارم للعقاب للمتغيبين كل سنه او جعلها اجازه رسميه فسبب تمادي الطلبه هو
عدم وجود رادع من قبل الوزير ونحن اولياء الامور نحتار لان ادا راحوا اولادنا ما درسوهم وادا ما راحوا بعد صراحه انخاف

بسيطة

أي إجازة تكون بين إجازتين تعتبر إجازة للطلاب (فقط) ويتم خصمها من الأجازات السنوية لكل عام دراسي

و هالوزارة صايرة فيلم هندي

كل يوم هوشه و اكشن. خاطري يمر اسبوع بدون ما تسوي ليها سوالف ويا أولياء الأمور أو الطلبة أو الموظفين. محد سالم منها.
و طالعه لينا بموضة احصائية الاعتداءات. ليش؟ قلبتوا وزارة الداخلية مثلا؟
أساسا وزارة الداخلية ما تخلي اخبار عن اعتداءات كثركم، مع ان المدارس منشئات حكومية ترى.
بسكم افلام هنديه و قابلوا شغلكم. كفاية ان المخرجات تحتاج لإعادة تأهيل بشهادة وزارة ثانية اللي هي وزارة العمل. هذا يدل على الخلل في العملية التعليمية ككل.
موظف منقول من معهد البحرين للتدريب

نحتاج للمرونه

نحتاج للمرونه في المدارس في هذه الايام

ها الوزير حاط باله مع أطفال

وزارة داخلها تمييز وفساد ومحسوبية ...عالج البعثات أيها الوزير اذا كنت وزير وتحب مصلحة الطلاب.. أباء وأمهات يربون أولادهم ويعلمونهم ليل ونهار واذا تخرج طالب عطيتونه بعثة لا تليق بتخرجه ، أليس هذا حرام عليكم ....والان أطفال يغيبون يوم أو يومين قبل عطلة عاشوراء وهي ذكرى غالية وعزيزه عليهم .. تهدد ووو .. هذا الذي فالحين فيه.. نصيحة لوجه الله اذا حبيت تذهب نظيف الى الله سبحانه وتعالى عالج وزارتك من الفساد والمحسوبية..بعدين عند الله لا بتفيدك المحسوبية ولا هم يحزنون بينسونك كما نسو غيرك..عالج وزارتك.

القضية مو غياب

شكله الا كتب البيان بنط ليه عرق او بصيده شد عصبي. لو الوزارة تهتم بالعملية التعليمية والتربية راعت طقوس الطائفة في هذه الفترة بل حتى قامت بفعاليات تربوية للطلبة في المآتم وماشابه.لكن المسألة مو غياب المسألة معروووفه

ادا تبون...

اقول ادا تبون طلاب نموذجيين وملتزمين صيروا مدارس نموذجية وملتزمة مو اهانات وتمديد دوام بدون رغبة وثقافة عددية ومدارس آيلة للسقوط بتطيح على روس الجهال وانتون تتفاكرون شلون تحبسونهم في المدارس اللي راح يتخرجون منها بإعاقات نفسية من الاحداث اللي قاعدة تصير بين اليوم والثاني ...في الأول والأخير التعليم شي اختياري مو اجباري فلازم يكون في ترغيب مو ترهيب..والمرونة مطلوبة خاصة في المناسبات الخاصة مثل التحاريم وشهر الله الفضيل...

زائر 24

ومين قال عيالنا معتمدين في الدراسه علي المدرسين والمدرسات والله ولا فاهمين شي منهم اغلبهم ما يدرسون بضمير وأكثر الطلبه إعتمادهم علي المدرسين الخصوصين اللي يتاخذ بالساعه 10 أو 8 دينار طمع دنيا او يعتمدون علي المعاهد

ام

يوم واحد ما باثر اقول يا وزير روح شوف معلمة مصرية بمدرسة السهلة تفلت )بصقت ( في اكل البناتةعلشان ما ياكلون وتبونهم يداومون

حتى لو في غياب مشوا الدراسة

لو يمشون المنهج والمعلمين والمعلمات يدرسون حتى لو كان الحضور طالب واحد جان الاهل بيخافون على مستوى أولادهم وبيخلونهم ينضبطون عشان لا يخسرون الدروس.. بس المعلمين ييتساهلون وياهم ولا يدرسون اذا في غياب .. وبعضهم يبون الفكة بعد .. فخلاص تصير اللعبة من كل النواحي والاستهتار بالدراسة .. من الطالب و المدرس.. مش الدراسة والكل غصباً عنه بينضبط هذا مستقبلهم لازم يصير في أهتمام
وأمتحانات المنتصف على الأبواب واحنا مضيعين في الدراسة من كثر الاستهتار حرام جدي

زائر

هم لو يقللون ساعات التدريب جان الطالب تفتح نفسيته لدراسة عجل من ست نطلع من البيت مانرجع الى ثلاث (من تطلع الشمس لين ماتغيب) احنا طلاب لو تليتبيز

نسوا شيئا

غيابهم لا يعني بقائهم في المنزل , انما هم في اكبر واعظم مدرسة , مدرسة الحسين وما مضى على الحسين , فدعوهم في شانهم فيتعلمو ما لا يعلم في المدارس

التعليم مهم بس

الصراحه انا عندي طباخ الشله بالبيت يوم الاحد ليله التاسع وابي بناتي يساعدوني خوب بعد لازم يتعلمون هاي الأمور بعد
يوم واحد ما بياثر وايد

ههههههه

والله أحنه جهالنا من اليوم ما راحوا المدرسة ...... مو يوم الاحد بعد.

اقترح

ودوا طلبة متطوعين عشان المدارس ما تتوقف هههه وبعدين ثبتوهم . ههههه

ههههههع

هههههههه حلوه

هامتك المسيرة التعليمية؟؟

مسكين فقير

فيه حل

حتى لو ربطتها ب اعمال الطالب المراحل الاعدادية او حتى الثانوية سهل اجتيازها
عادي ينجح بس في الامتحانات ويطوف
الحل مثلا لين اكو اجازة وسطها يوم دوام و عقب اجازة عطوهم هالاجازة
وحاولوا تدخلون بعض الترفيه عشان الطالب يحب التعليم واخرو لهم الدوام

الوزير هو السبب

من الساعة7 الى الساعة 3 وما تبونهم يتهربون اني لو محلهم كنت قائدة تنظيم الغياب

ههههههههه من زمان ترى

اي والله ترى من زماااان مو توه الحين الطلبة يغيبون اذا صار يوم بين اجازتين من ايام ما كنا في المدرسة هههههههه يعني تقريبا من 15 سنة
ويش الجديد؟؟؟!!!!!!!!!!!!

كان فعل ماضي.

كانت المدرسة احلى مكان , الحين بالغصب اسحب بناتي للمدرسة كل صباح من المنهج البالي صوب وتطويل الدوام كالسجن والقوانين الصارمه يا دافع البلا , ملاحظة بنتي بالخامس ابتدائي بمدرسة سند ما تفهم للمصريه تدرس رياضيات والسخافه العدديه بعد ويش هالمناهج .

يعني وزير التربية حريصة كل الحرص على ابنائنا

وزير والوزارة تحتاج الى اعادة من جديد ...

شيء طبيعي

الوزارة تنفذ فعاليات لاتهتم فيها بالحضور والغياب وهدر الحصص اثناء الدوام المدرسي والطلبة دائما يقولون اشمعنه هذي الفعاليات ما تقولون للطلبة ليش غبتو

قديمة

نفس التعميم يرسل للمدارس كل السنة بس تم تغيير اسم الوكيل أين اجراءات الوزارة الفعلية لانها مشكلة تتكرر اين الدراسة التي أعدتها ....

عين وعاون

جان عطوهم اجازة طول العشرة تدرون كل سنة بداية محرم
اكثر الطلبة مايداومون

اخرمن يحرص على التعليم

بعد ما رأينا من تدمير للعملية التعليمية بشتى الوسائل فيقينا أنتم اخر من يحرص على التعليم

عبدلله

الله يستر ما يعتقلونا على الغياب

فرصة للراحة

الأحد غياب انشاء الله أكيد فهو بين اجازتين

كل اجازات

صايرة الاجازات اكثر من ايام الدراسة والطلبه بعد مايخلون روحهم من اتصير اجازة الله يوفقهم مددوها

تضغطون الناس

وش بيدهم غير الغياااب

طبيعي

مدرستنا
توها يوم الخميس موصلة نسبة الحضور فيها من المعلمات 96بالمئة
وهالنسبة ماصارت ولا بتصير

اي تاثير

انت خليت الطالبه يكره الدراسة من 7 الي 3 هم بره البيت اتقى الله احسن اليك

عفوا!!

ما شاف الطلاب في ألمانيا و الا في الدول المتقدمة تحلطموا على وقت الدراسة مع انه اطول من اوقاتنا! سلبية الاهل و الفكر بالتكاسل هو اللي يرسخ فكرة الوقت طوويل لدى الطالب و يكرهه بالدراسة، بالعكس وقتهم زين خلهم يتعلمون لاحقين على ردة البيت و مجابل الايفون و الايباد!

زائر 16

ولا تنسى ايضاً ان مدارسهم تختلف عن مدارسنا، وفيها ملاعب ومسبح وصالة وسينما وكذلك وجبة غداء للطلاب

ام حسن

خلهم يمددون ولكن مدارس غير مهيئه ومناهج ماتخدم الطلاب وفى النهايه مدارسنا مدارس طاردة والطالب يبي الشارى حتى يغيب مااشوف الا كل يوم جايه بنتي وتقول المدرسة قالت جورابي فى زيج وهذا ممنوع وبوقفوني عند الادارة وعلى طول تهديد فى تهديد فمن جدي يبون اي يوم حق يغيبون

زائر 16

مدارسنا وينها ووين المدارس فى المانيا بي كفى الكراسى و تكدس الطلبة فى الصفوف اللى تجيب المرض

اي والله كلامك صح

أولياء الأمور صاروا في البيت يشتقلون بس على شان يحلون الوجيبات المدرسية والشنطة الطالب انا اب اتعب بحمل شنطة طفلي في الصف 3 اقول خاف من الله ياوزير

ظاهرة عامة وانا مشرف و ولي امر ولا يوجد لديه حل الا

الحل بسيط ربط الدرجات بالحضور الغياب الغير مبرر يخصم درجة من اعمال الطالب عن كل يوم غياب في المواد التي تغييب عنها !
لا تعهدات ولا وتوجيه وارشاد ولا كتب ومراسلات لاولياء الامور او المدراء لأنه لا يمسك خيط يجر به الطالب للمدرسة .

ماتبي يسقطون طلاب البحرين كلهم

انت يا ماعندك اعيال او ماعندك مخ شلون صرت مشرف والله طرطرة يعمي

صاحي انته

جان كل الطلاب رسبوا