تلعب عدة عوامل في إقبال العملاء على شراء السيارات، بدءاً من المستوى الاقتصادي والاجتماعي، مروراً بنوع السيارة ومواصفاتها الفنية والتقنية.
أي الأنواع من السيارات تفضل؟ ولماذا؟
هل تؤثر الخدمات التي يقدمها الوكيل المعتمد للسيارات في اختيارك؟
ما المشكلات التي تواجهك لدى الوكيل المعتمد عند تضرر السيارة؟ أو عند إجراء الفحص الدوري؟
الهونداي ..شكل و مال جحات واقتصادية في ضل الاوضاع الوصخه بسبب اصحاب الوصخ
السيارات الأفضل
أنا ممن يفضل السيارات الفخمة كالمرسيدس و البي ام و اللكزس و لكن الأفضل من بينهم هو اللكزس لأن أسعارها ثابتة و قطع غيارها متوفرة بشكل كبير بالمقارنة مع السيارات الالمانية
السلام عليكم ورحمه الله.
حسب معرفتي للسيارات وخبرتي في المحركات الأحتراق الداخلي وتوافر السيارات هو طبعا البعض من اغلب البحرينين يفضل النوع التيوتا الكورلا او الكامري لانها اكثر انتشار وشيوعا وكل اغراض المنتنس وكل شي في تصليحهم متوافر مكاين قيرات حق ادى لا سمح الله صار فيها مشكلة يحصل ليها مكينة وسهوله التصنيع خلنا نصير واقعيين الحين أقوى سيارات أداأ وسرعه وحوادث هي السيارات ((امريكية الصنع)) منها الشيفرولية والفورد والدودج والألماني تقريبا مثل الأمريكي اما مشكلتهم 1بس هي عدم توفر (بعض قطع غيار لمعضم أنواعهم).
ولا يندرى
يقولون مرسيديس تمام بس انا اقول تويوتا احسن
غالبية السيارات
الحين اغلب السيارات شكلها الخارجي عصري الواحد اذاياخذ موتر يطلع علا جميع النواحي موبس الشكل وطبعاً علا وضعة المادي
اقول
لوالهوندا موزينة ماشفت اشكثر ناس ماخذينها بذات الاكورد اشكثرهم في الشارع ومن ناحية لعلل مافية سيارة ماتتعلل شركات السيارات ماتسوي شي دايم عجل شلون تمشي قطع الغيار
اعتقد
لنه مجرد شكل خارجي
السيكل
السيكل افضل وسيلة مواصلات الحين صراحة لا يحتاج صيانة ولا يوقف في الزحمة رخيص وقوي وسريع في نفس الوقت من هالزحمة ولا عليه تسجيل ولا تأمين يعني بختصار مرفوع عنه القلم.
مازدا
الشكل العصري الجميل
الأداء المميز
المتعة في القيادة والطابع الرياضي
الرينج روفر
احبها بس مستحيل اقدر آخذها ههههه
تويوتا
لانه اسعارها اتناسب الحاله المعيشيه وسامانها متوفر في كل مكان وحلوه سياقتها
نيسان
انا عن نفسي جربت سيارات وايد الهوندا الاكورد والكورولا واليوكن واللاند كروزر
يعني وايد اللكزس وغيرها بس ثبت علي النيسان بترول...
وحش وبطل الدروب
الهوندا
هوندا أكورد
هل
بصراحة هل هوندا تعتبر سيارة مادري ليش ناس تحب هل سياره الغبيه و شركة اغبى
انا متعلق بسيارتي
لكن الله بهديها لو ترضى عليي ويشتغل الايسي بروحها .. اكيد بحبها اكثر ;-)
هههههه
الله ايسهلها عليك ياخوي وتآخذ الجديدة
أفضل سياره
هي لاندكروزر gxr v8ثبات في خط واكبر دليل شوفو جيرانا كلا لاندكروزر
أبومحمد
يوجد في العالم نوعين من السيارات النوع الأول ( مرسيدس بنز ) النوع الثاني : باقي السيارات النجمة الثلاثيه مركب هتلر المفضل نعم مرسيدس لا قبله ولا بعده سياره .. سبب عشقي المرسيدس ، جودة الصنع ، و أداء محركاته الممتازة الهادئه ، تشعر انك في غرفه او فوق سحابه اثناء السفر لأبعد المسافات ، وفي التجول داخل المدن تملك الهيبه والوقار ومتعة القيادة والراحه ..؟
لا شي يضاهي الالماني
المرسيدس هو ملك الشارع بكل تأكيد ومن اقوى السيارات من ناحية جسم السيارة كما هو معروف عن السيارات الالمانية الكثير كان يتخوف منها بسبب عدم الظنون ان اسعار قطع الغيار مكلفة جداً الا ان التجربة اثبتت العكس بالنسبة لي حيث ان اسعار قطع غيار المرسيدس غير مكلفة بالمقارنة مع بعض سيارات اليابان
أحب البوينغ و الإيرباص و الإف 16
شهالأسألة .... أي نوع من السيارات تحب
بكرة إسألوا أي ممثلة أو مغنية تحب ....
فقرا مساكين على باب الله تسألونه هالأسألة؟ سياراتنا كل يوم في الكراج
خلها على الله بس
سوف يأتي يوم وتنقرض السيارات الكبيرة والفخمة بسبب الظروف المادية والحروب فكروا من الآن في السيارات الصينية المهم وسيلة مواصلات وليس سكن وتوفر عليك مقابل الألمانية ألتي لاتدع لك نقود في جيبك طلباتها لاتنتهي مثل الزوجة الجميلة مصاريفها كثيرة ولما تعجز هذه السيارة لاتحصل على مشتري والألماني الحين أي كلام كلهم الآن تحت مسمى واحد السيارات البلاستيكية.
هونت آخذ....
.... اسبيرباته جدا غالية طلع صوت في سيارتي وديتها الوكالة حق تصليح قالي بتكلفك 3000 دينار ليش رايح اصلح سيارة او اشتري سيارة مع انها جديدة والسيرفس دايم عندهم والله حرام
BMW
وحش الخطوط وبجذارة
الصديق قبل الطريق
ياجماعه الصديق قبل الطريق قالها بطل الملاكمه محمد علي كلاي كل ماتتمناه من تويوتا تدركه
سابقاً تويوتا حالياً فورد
سابقاً كنت أميل لسيارات تويوتا اليابانية ولكن تحقيق النجاحات شركة تويوتا اتجهت للطمع وعدم الاهتمام بجودة السيارة كما السابقة فأتجهت للاسواق الاسيوية لانتاج سيارتها مثل (يارس,كورلا,كامري,اروين, الخ) مما نقص من جودة سيارتها..
حالياً أفضل شركة فورد حيث انها اتجهت وبقوة تطوير سيارتها بغية اعادة امجادها السابقة.... وهذا التوجه انعكس على جودة وقوة ومميزات سيارة فورد ما عدا الصغيرة التى تصنع في الهند.
العقرب مره فانيه
اظن شفتون آراء بعض الشعب،، كل واحد يحلم يحصل على سيارته المفضله ولكن لو الوسط تطرح هذا السؤال في احدى دول الخليج،، إنچان شفت الاقتصاد مولع فوق،، تدرون ليش؟؟ لأن القراء راح يجاوبون من محلات السيارات مباشره علشان ياخذ اللي خاطره فيها وبسرعه مو احنا قاعدين نحلم ونحچي عل الفاضي،، نحلم بسيارات ونعيش على طقطاق
خوش موضوع
الياباني وبالخصوص التويوتا لأنه وكيلهم بني أدم أسعاره محترمة خدمة أسد وسيارة محترمة جدا جدا ماتتورط حاجتك فيها إلى أن تستمل منها أنته وهي تشتغل نعم بشكل أكيد يؤثر الوكيل عند الصيانة لدى ... لقد تضررت وقد دعموا بسيارتي داخل الوكالة بفرع سترة و ضلت السيارة عندهم شهر ونص وعطوني سيارة بديله .... كل يومين 3 دينار بترول يوم الثالث مافيها بترول والله ما أمزح مشفاط بترول خاربينها متعمدين ورايح سترة وبيتنا في القدم وش هالجنون ومايسوون مشاكل الأيسي إلا في سترة خذ عاد دور أحد يوديك وأحد يجيبك وغفصة
كيا سبورتاج
ويش رايكم في هالسيارة للبنات أوكي ؟ لأن أبي جيب سعره معقول خبركم رواتبنا تضحك في بلد خليجي
افضل سيارات في البحرين
أفضل السيارات الهوندا في المرتبة الأولى قويه جداً بس قطع الغيار غاليه
والمرتبة الثانيه الهونداي سوناتا،أزيرا ،وغيرها وقطع الغيار متوفر بكمية كبيره في السعودية وبرخص.
والمرتبة الثالثة التيوتا بس مشكلتهم علكة وغير واسعة
طبعاً الأربع سلندر فقط والسته سلندر وأفضل من ناحية البنزين
الوكيل
طبعا لازم اذا السياره وكاله فحص كل مره عندهم ولازم تدفع كل مره مع ان السياره ما يحتاج تبدل قطع غيارها بس لازم الوكيل يضرب عليك بيزاتك ويخليك تدفع مبلغ وقدره ,, انزين واذا ما وافقت يسوون لك مشكله ويكنسلون لك الضمان ,, يا اخي السياره على الضمان المفروض كل شي قطع غيار وغيرها من شغلات على حسابكم ... تدفع اقساط للسياره تطلع عليك دبل يعني ازيد من البنوك ارباحهم ,, وين حماية المستهلك لو بس لانهم هوامير لا حساب ولا عتاب
السيارات
أنا أعتقد أي واحد إذا جرب الدوج جارجر سوف لن يقبل بأي سيارة أخرى انا امتلكها منذ سبع سنوات ولي أي مشاكل
مرسيدس
المرسيدس وبس لو تركب اخس موديل يتم اسمه بنز الحمدالله سرعة متوفرة / أمان وثبات متوفر / فخامة محد يقدر يعلق على فخامته وقطع الغيار متوفرة في السوق واللي يقول قطع الغيار غالي اقول له اسمح لي لأنك ماتعرف تشتري الا من الوكالة او تجاري ومايدري ان في ناس تبيع الأصلي ارخص من الوكالة بأضعاف!!!
The Best Or Nothing
لبحرين وبس
احسن سيارة البورش لكن .... مقصبة ،، الي يبي قطع غيار يطرش من خارج البحرين ارخص.
لكسز
لكسز كل ما أبيع لكسز اشتري لكسز الحمدلله ما فيها مشاكل و طبعا المعدات متوفره في السوق و الكراجات من الوكيل في كل منطقه و قسم خاص للكسز طبعا الوكيل هو العامل الأساسي في كل شي
Rebel_Heart
حق البحرين يبي لك سيارة اقتصادية و صغيرة لضيق المواقف و الشوارع و الازدحامات و من ااناحية السعر تكون رخيصة لان معاشاتنا نصها للقروض فعليك بالرخيص و القوي يعني مثل تويوتا يارس ، نيسان ميكرا ، متسوبيشي لانسر ، نيسان سني، هايونداي اكسنت ....الخ
الدوج
احب الدوج يستهويني الشكل.واحب جميع انواع السبورت وبالاخص الكمورو لانها توحي بالرقي والنعيم الله يرزقنا واياكم..اهم شي عندي بالسيارة شكلها اما الباقي مومهم *_^
الپرايد
البرايد سيارة قوية نسبيا وصرفها للوقود اقتصادي جدا وحجمها صغير يناسب استخدام الشعب البحريني وسعرها كذلك شركة الصنع (سايبا الايرانية) وسعر السيارة الجديدة 2200 دينار فقط السيارة كان لها وكيل في البحرين سابقا، ولكن السيارةالجديدة 2015 محدكها جدا قوي تصل سرعتها ل 180 كم مع حمل 400 كيلو
بل
هل سياره حق الفريج أو خلها ليهآل يلعبون فيها
النرويجي ... راعي GTR34
آنه عن نفسي افضل السكايلاين كافضل سياره نيسان عندي لاني من عشاق السرعه >>> جيتي من افضل الجياتي عندي وارتبها وشكلها متوحش وتعتبر
من أفضل السيارات ..واااااااااااااااااااR34اااااااااااااو
الكوري "كيا او الهيونداي"
الكيا و الهيونداي نفس الشي بس اميل لهيونداي بسبب الشكل الكشخه و الاوبشن الخيالي و رخص السعر و السبير بارت اما الي يقول لك صعب بيعتها عقب انا مو بياع شراي انا ابي موتر حق يعمر وياي مو اشتري و ابيع
يايخ حده
الصراحة الجنة اذا ما فيها سيارات بنموت وخاطرنا في سيارة جديدة ( هذا عاد اذا شمينا ريحة الجنة ) الله يعطينا وياكم الجنة ( شعب دايخ ) حتى طلباته وتمنياته سيارة الله يكون في العون . نسيت اجاوب على السوأل احسن سيارة هي ( كل انواع الكرمبعات ) . وعليكم الأختيار سامحونا .
الجنه قال الجنه
الجنه فيها سيارات لوي بعد... صدق انكم طموحين اخواني... اذا جفتنا بالجنه سلم علينا..
المازدا
سيارات المازدا سياره قويه ومريحه ومواصفاتها جداً ممتازه
زائر
عطونه رواتب أول عدل او طيحو قروضنا بعدين منشتري سيارة الله كريم
كامري
الكامري وبس موتر متوسط ومريح
محد
محد قال ميتسوبيشي يا جماعة لا يكون الميتسوبيشي جاينا وانا ما ادري ... بس عيب الميتسوبيشي ان قطع الغيار غالية ولكن متوفرة ...
راعي اللكسز
الي يبي يشتري سيارة آخر مديل أنا اقول خسارة أنه ياخذ له كورلا والله مش سيارات من التسعينات الى يومك الي تغير فيهم البدي بس من حديد الى قرطاس
اللاكزس
أفضل سيارتي اللاكزس حيث شدتني مواصفاتها التقنية المتطورة لشرائها
وشعاري دلل نفسك مع اللاكزس
النيسان
لانه أسعاره مناسبه ويتحمل صيف البحرين
ما يحتاج تفكير..
تـــــويـــــوتـــــا "كورولا" أو بس..
كل واحد يمد رجوله ع قد الحافه
البحرينين اضعف الرواتب لذلك فإنهم يبحثون غاليا عن الرخيص والقوي ويدوم ويحصل قطع الغيار
وينه وين دول الصديقة ياخذون سيارات ما شاااء الله
لما انشولفهم جنهم ملوك صوبنه
مادري اقول قناعة او اقول من زود الضغط علينه وضعف الرواتب
الله يفرج اللهم كن لوليك الحجة ابن الحسن
أفضل شى
أفضل شى مارى وحمار عزكم الله لانها تحافظ البيئة والبحريني شعب فقير جدا وعن زحمة الشوارع ومخالفات المرور وش رأيكم معى فى الرأي وسوف يعود الزمن الى الوراء وبتقولون صدق الاخ
كمواطن بحريني
أفضل سيارة بنتلي ولكن أحلم دائما ب رولزرويس بس اذا أبي اشتري ما أدري ليش دائما أميل الى كريسيدا مستعمله موديل 95 فـ أقل .. يمكن لأنها تغنيك عن النقل العام .
النيسان
النيسان صديق الانسان
Honda Accord!
It is the best through performance and economy but the agents is very bd through relationship
!!
أفضل شي التويوتا
بس عيبهم كل سنة يخففون من قوة البدي ويمكن عقب جم سنة بصير البدي من خشب وبعدين من قرطاس
جي ام سي يوكن XL
كونها من السيارات الواسعه العائليه المريحه والاقتصاديه من ناحية الاستهلاك نظير مثيلاتها من السيارات الكبيره ، ومن مميزات الشركه المصنعه تقديم خدمات دوليه علئ الطريق ، واما الوكيل المحلي فعليه الاهتمام بجودة الصيانه والاستماع وحل شكاوي الزبون ان حصلت حيث اغلب الوكلات لاتضع رقابه جيده علئ فني الصيانه مما يوثر سلبا علئ سمعة الشركه
العقرب
افضل سيارة للبحريني عامة هي البورش او فراري او روز رويز او اودي او البي ام دبليو، طبعاً يعتمد على حسب المواصفات ونظام قوة الدفع والمزايا الألكترونية الحديثة وعلى حسب نظام السلامه بعد،، ماشاء الله علينا كشعب عايش والحمدلله على جميل نعمه، مو قاصرنه شي ومن زود البيزات محنا عارفين ناخذ اي سيارة!! وساعات اذا تهاوشنا على اختيار سياره كل واحد ياخذ السيارة اللي تعجبه وبدون مايتردد!! شعب عايش في الفله!!
هههههههههههههههه
عجبتني الله يرزقنا وياك جنة وسعها السموات والأرض
هلا جبوري
BMW افضل شي
عطني سلف
حقيق. انا خاطري في مرسيدس بنز cls جان تسلفني فلاف روبيات عشان اكمل قيمتها
التويوتا
افضل التيوتااولا بسبب قوة التحمل و اسعار السيارات المعقول وتوفر قطع الغيار بشكل كبير واقتصادي والسعر الممتاز بعد البيع
الامريكي
افضل السيارات الامريكية بسبب الراحة وحجم المكينة كبير وهالشي يعطي راحة وهدوء في الاستعمال بغض النظر عن صرف البترول وان السيارة واسعة من داخل وتكون السيارة مصممة للطرق الطويلة تفيدني اكثر في السفر والاهم ان مواصفات السيارة الامريكية في السلامة افضل من ونادرا مااحصل مثل هالمواصفات في السيارات اليابانية
المقارنة بين الامريكي والياباني فقط لان الالماني حالة خاصة
التيدا
لأنها عملية واقتصادية ولأنها سيارتي الحالية
السيارات الرخيصه
السيارات الرخيصه ولكن الجديده ... تشغلها 5 سنوات وتفلتها
اليك التالي
التيوتا للي يبغي يستثمر امواله ما يخسر منها واجد وقت البيع.
باقي الباباني و الكوري، قطع الغيار متوفره بكل مكان، مستعمل جديد اصلي تجاري. لكن في بيع السياره السعر مش زي التيوتا.
الالماني و اخ على الاماني، بس ما يشد جونا ولا هو مال كرف، بصلح للاستخدام البسيط، و راقي و بعيشك الرفاهيه، بس مو عملي.
بو احمد
اكثر السيارات استعملتها بس التويوتا افضل فى بيعها سهل وايد
ولا يندرى
يقولون كورلا تمام ولا يندرى
بنت عليوي
الكورولا تمام وما تصرف بترول وقطعها متوفرة ومقدور عليها، كانت عندي قبل بس حالياً عجبتني الباجيروا لا تخترب وسيفتي وحلو شكلها وسيمانها متوفر بس عيبها تصرف بترول واجد، بس ما تلاحظون حالياً ان السيارات اللي نحلم فيها ما يركبها إلا الهنود والأجانب؟!؟ من تشوف سيارة قديمه اعرف اللي فيها بحارنه ومن تشوف سيارة جديده وفخمه اغلبهم أجانب او خليجيين