يقام تحت رعاية وزير العمل جميل محمد علي حميدان معرض التوظيف في مجمع الرملي، يوم غد الأربعاء ( 10 حزيران / يونيو 2015)، والذي تنظمه وزارة العمل بالتعاون مع لولو هايبر ماركت، ويستمر حتى يوم بعد غد الخميس بالطابق الأول بالمجمع في منطقة عالي.
ويعد هذا المعرض الأول من نوعه، حيث يشارك فيه أصحاب عمل من مختلف القطاعات تحت سقف ومجمع تجاري واحد، وذلك لعرض شواغر وظيفية متنوعة في قطاعات تجارة التجزئة والاتصالات والسيارات، وغيرها من المهن الجاذبة وفرص التدريب المهني للباحثين عن عمل.
ويأتي تنظيم هذا المعرض في إطار الشراكة المجتمعية بين وزارة العمل ومختلف القطاعات الإنتاجية في مملكة البحرين، وضمن سلسلة من المبادرات الهادفة إلى إيجاد فرص عمل لائقة توفر العيش الكريم للمواطنين الباحثين عن عمل.
وتدعو وزارة العمل الباحثين عن عمل لزيارة المعرض والاستفادة من الشواغر الوظيفية والتدريبية التي يوفرها جناح وزارة العمل، وكذلك الشركات والمؤسسات المشاركة في المعرض التي تتخذ من مجمع الرملي مقراً لها والفروع التابعة لها، علماً بأن المعرض يفتح أبوابه للزوار بدءً من الساعة 9 صباحاً وحتى 5 مساء على مدى يومي الأربعاء والخميس10 و11 يونيو الجاري.
احترام للناس مافي
الواحد يروح يدور شغل في هالمعارض يعطونه كرت ويقولون له قدم عنطريق الموقع .. طيب ابي افهم ليش انتو فاتحين ستيج وموقفين ليكم واحد. بس عشان يقولون الشركة الفلانية شاركت حسبي الله عليكم
بنشوف
بنروح وبنشوف .. والأرزاق بيد الله سبحانه وتعالى
ومن متى المعارض فادت احد بس مظهر
بعد الديره مسخره ندرس ونتعب ونشوف الاجنبي ياخذ مكانه وللاسف لا اعلى من الشهاده ولا خبره اكثر وفوق هذا سكن وتذاكر ومواصلات وتلفون واحيانا سياره والبحريني ماكل تبن بالوظايف احيانا نحس بالندم درسنه وتعبنه ومستوى الثانوي احسن منه
معرض لو ديكور
اتوقع ديكور فقط لا وضايف عدله ولا شي عدل.
البحرين للهنود
للأسف الشركات البحرينية تعتمد على العمالة الأجنبية واكثر شي الهندية مو بس جذي يوظفونهم كاااااااا مسؤولين على البحرينين هذا مو عدل
البحرينين عندهم شهادات عالية وهاذي مو عدل يوظفون الهندي قبل البحريني وهاذي البلد بلادنا
انا مواطن بحريني حاصل على شهادة ثانوية عامة صناعي من سنة ابحث عن عمل للحين ماحد رد عليي حتى لمقابلة قدمت في اكثر من 30 شركة ومصنع صدق المثل الي قال عين عذاري تسقي البعيد وتخلي الجريب .... والسلام
متخرج هندسه و اشتغل شغله مو شغلتي
كما مبين اعلاه انا شخص متخرج هندسه الكترونيه و عن يازعم جامعتنا في البدايه قالت ان الوظائف جاهزه لكم (فقط تسويق للجامعه) و بعد التخرج تبين العكس ههههههه محد يبينا المهم الموضوع هالمعارض من نظرتي الشخصيه مالها معنى لان اوردي الي بيروحون مقدمين على نفس الشركات يمكن اكثر من مره و ماردوا عليهم تتوقعون احين بردون لان قدم من هالمعرض.... اساس المعرض فقط عشان يقولون اي الوزير سوا و الوزير اشتغل و و و ... الحقيقه كلهم خراطه من كبيرهم الى صغيرهم اذا مافي واسطه مافي فايده ( واسطتنا الله سبحانه و تعالى )
لا تعليق
ويوم فيه وظائف شاغره ليش وزارة العمل متعبه نفسه ومسويه معرض وإيجار في مجمع وتكاليف مو الوزارة نفسه تملك صالات كبيره ادا كانت صلدقه مجرد إرسال مسجات للعاطلين المسجلين لديها وسترى الالاف من العاطلين منذُ الصباح الباكر ينطرون تفتح الوزارة للحصول على الوظيفه ،، وبلا كثرة معارض على هرار ، إعلام وملئ صحف وجرايد فقط
معارض فاشلة
بدل هالمعارض الي تخسرون عليها فلوس عطوها العاطلين و وظفوهم و اذا في وظائف مسوين لها معرض ليش وزارة العمل ما عرضتها للعاطلين ؟؟ كم بقى من العمر لين وصلنا عمر التقاعد بتوظفونا ؟؟ خلاص كل العاطلين فهمو شنو هالمعارض الفاشلة الي ما توظف احد
مجرد اعلام
كذب
اعلام فقط
لو يبون يشغلون جان شغلوا من زمان وماله داعي هالمعارض
عاطله
عاطلة عن العمل قرابه 10سنوات وكل المعارض الا صارت قدمت فيها.. انزين يا وزير العمل تقدر اتقول لي ليش للحين ما حصلت لي وظيفة لا اتحط حجه تخصص وشهاده خبره هذا مو عذر ... اذا فعلا في احد يقدر يساعدنا من الوزاره مثل ما قال احد الزائرين ليش ما يساعدني ويوظفني بعد لمتى بظل عاطلة
طمبورها
كله خرطي بس يخلون الناس تتعنى عشان الاعلام
جميل
كأنه الوظائف فائضة ولا يوجد من ياخذها.. اذا عندكم وظايف للناس شغلوهم واتركوا عنكم البهرجات الاعلامية
الله كريم
وهل في مجال لتوظيف البحرينيين او راح يكون المجال الاوسع للاجانب كالمعتاد؟؟؟ احين صار الاجنبي أولى بالتوظيف للاسف.. زوجي عاطل عن العمل ما يقارب السنتين وما خلى مكان ما قدم فيه ولا شفنا حتى رد او اتصال لحضور مقابلة في اي جهة.. هل هذا يعقل؟؟ هل الديرة مافيها وظائف مثلا؟؟ بليييز عطونا رد!!!!
بلتوفيق للجميع
التوفيق للجميع .. وأتمنى ان يكون معرض ناجح للاستفادة لمصلحه الجميع وبالاخصةالباحثين عن العمل
وتمنى من الشركات استقبال العاطلين والباحثين بروح وسيعه صدر وان لايقولون التقديم اون لاين او يوجد اكتفاء في الشركات... لان المعضم دايما يقولون تقديم اون لاين او لازم يوجد خبرة... فتمنياتي للجميع بلتوفيق
انا وزوجتي عاطلين عن العمل
المعارض لم تفيد للتوظيف عجزنا ونحن نذهب الى هذه المعارض ولم نحصل على وظيفة او عمل مواعيد وطلبات لا تنتهي ونتيجة لم توظف
جانزين الوظايف تناسبنا
اولا انا عاطله وهم زوجي عاطل
صارلي فتره اقدم في هالمعراض ولا احد اناديني ولا احد اتصل لي والحاله الله يعلم ابها وانشالله باجر بروح واذا ماوظفتوني اخر مره احضر معارض
قلوب حائرة
الله يرزقك ويوفقك ويسعدك يارب
راجعيهم
روحي لمدير التوظيف انسان محترم وخدوم ومايقصر مع احد افضل من المسئولين الكبارية في الوزارة الا وعودهم اوهام ومامنها فايدة
باحث عن عمل
كله كذب والله...
تعبنه
كل مرة انروح ولا نستفيد شي خلصنه الجامعة وقعدت بالبيت
تعبنه
كل مرة انروح ولا نستفيد شي خلصنه الجامعة وقعدت بالبيت
هراررر في خيشه حجيهم
هراررررر متعودييين
المعرض الاشلخ من نوعه
والله فشلتونا
اختي توظفت في معرض الإناث
شكرًا علي جهودكم ويجب ان نشجع كل جهه تحاول عمل شي مفيد وأختي مثال حيث استفادة
الراتب ضعيف!!!
275 دينار راتب بحريني وين صارت ،هل يكفي ليزوج أو يشتري سياره قرض ؟؟؟؟
والله جذب في جذب
بروح لأنه بعض الشركات تخلي حلاوة وقهوة #نتقهوة
عيب أسلوبك لان الناس يتعبون وانت تتهكم
لا يحوز ما تقوله فهذا الكلام يجرح في أناس يعملون من اجلنا و الكل يستطيع ان يذهب من اجل ان يحصل علي عمل
هههههه
استغفر الله ....على الجرح
هرار مجمع وتعال تسمع
يعني الوظايف فايضة .. ومالها من يشغلها .. اكو احنا عاطلين ونروح نراقض في هالوزارات ... ولاحد معبرنا
ما اقول الا كل بهرجه اعلامي ..هرار مجمع وتعال اتسمع