عاشق السماوي:

هلا... شلونك عساك بخير.

عاشق الذيب:

والله آنا بخير وبكره راح يكون من أسعد أيامنا بالفوز باللغب.

عاشق السماوي:

هههه ضحكتني يا رفيجي... ترى الكأس بنييبه، وما تهمنا بطولاتكم القديمة.

عاشق الذيب:

ترى احترنا وياكم... في كاس ولي العهد قلتو الكاس لكم ويبناه بالوقت القاتل وهل المرة بعد الكاس لنا وبتشوفون يا رفاعية وبعد بتقولون ألقابنا غديمة.

عاشق السماوي:

انتو مازلتو تتكلمون عن بطولات غديمة... احنا اولاد اليوم. يمكن تحسب البطولات من نصف الثمانينات وانت ياي.

عاشق الذيب:

والله ضحكتني... شريدة ابرحوه ياب اكثر من بطولاتكم.

ملجاوي يدخل على الخط: انا ابغيها محرقاوية ليش؟ لان المعرس وياهم... وان بقول ان المحرق بطولاته ما لها حل يا اصحاب السعادة. وينكم وين لمحرق البطل.

شرقاوي داخل على الخط: آنا بصير مع ييرانا لان الرفاع يمثل منطغتنا.

عاشق السماوي:

مو مشكلة... أخوي الملجاوي بتشوف اشلون موريتو بهز حارسكم. واحنا بعد مال جدحفص ويانا لان اولاد سلمان معانا.

عاشق الذيب:

من حق جماهير الشرقي تصير ضدنه لان طلعناهم... واحب اقول لكم انه يكفي ثلث جمهور سترة بعد إشجعونا من زمان...باي الملتقى اليمعه.