في ذكرى والدي شاعر البحرين الشيخ أحمد بن محمد آل خليفة، الذكرى الثالثة لرحيله عن الدنيا ولكنه لم يرحل من قلبي وفكري...

يا الله وأنا طالبك تخفف أحزاني

حزنٍ كبيرٍ سطا بي وحيل أشقاني

دنيا بلا شوفة كئيبة ما بها ألواني

لآنه فرح دنياي ولأنه دفا سنيني

ودنيا بلا صوتك وهمسك صرت أعاني

همٍّ كبير حيل ما تقواه الأوزاني

من يوم غابت ضحكتك والتفكير خواني

أسرح وأفكر فيك وتهز وجداني

وبلحظة التفكير ألاقي الدمع جراني

ويهل من عيني مثل ما تهل الأمزاني

تمنيت الزمن يرجع حتى لو ثواني

من شان أغذي بشوفتك شرياني

يبه ثلاث سنين محدا سلاني

الصدر ضايق ودمع العين يكويني

يبه حنيني لك زلزل كياني

أناظر الشباك دايم علّك تجيني

يمكن يجي طيفك ويحرك أشجاني

وإلا تجي في الحلم تبغي تمسيني

يبه بطيبك جبرت القاصي والداني

يذرف دموع الحزن ويمل الأوطاني

وعداد ما طافوا الحرم في كل الأزماني

ترافقك رحمات منهو في السما باني

ابنتك الوحيدة: نورة بنت أحمد بن محمد آل خليفة