آفِزْ لَهْ لِي كَُبَلْ وأْحِبْ إِيْدِيْنِهْ

وِعِيْنِي ما تِفارِقْ لَحْظَهْ عِيْنِهْ

وِيْتْنَهَدْ فُوادي في حُضُـوْرَهْ

وِتِصْبَحْ يَلْسِتِي وِيّاهْ زِيْنِـهْ

@@@

أَرِيْدْ أَهْدِي لَكْ إِعْضامِي وُلَحْماي

وَارِيْدْ أَسْقِيْكْ بِدْمُوْعِي وُبِدْمـاي

وُكِــلْ مارِدْتْ أَعْطِيْتَكْ حَبِيْبِي

هَواي إِنْتِهْ حَبْيْبِي وُجِرْعَةْ اِلْماي

@@@

آحِسْ نَظْراتْ عِيْنِكْ تِشْتِهِيْنِي

وُبَسْماتْ اِلْشِفايِفْ وِاْلْيَدِيْنِـي

وَاحِسْ إِنِّي آبادْلِكْ كِلْ شُعُوْرِكْ

وآحِسْ إِنِّي آبِيْكْ وِاْنْتِهْ تَبِيْنِي

@@@

آحِسْ بِـالآهْ وَتْأَلَـمْ مَعاكُـمْ

إِذا صابَـكْ أَذى صابْنِـي أَذاكُمْ

يا رَبِّـي إِحْفُظْ اِلْغالِي وُسَلْمِـهْ

شِفا جِسْمِي تَرَى هُوْ مِنْ شِفاكُمْ

@@@

آحِسْ إِبْرُوْحِي طايِرْ لِيْنْ آشُوْفَهْ

كِلْ ما فِيْنِي يِفْرَحْ مِـنْ وُصُوْفَهْ

مَلِيْحْ اِلْوَجْهْ يِحْلالِي كَلامِـــهْ

وُمِنْ شافَهْ فَلا ظَنِّي يِطُوْفَــهْ

@@@

آحِسْ اِبْدِنْيِتِي تِحْــلا بِعِيْنِي

إِذا ايْدِيْنِكْ تِلامِسها يِدِيْنِــي

وَاْحِسْ إِبْعِيْنِي تِرْتاحْ بْوُجُوْدِكْ

وَأْحِسْ إِنِّي أَبِيْكْ وِأْنْتِهْ تَبِيْنِي

@@@

آبِيْكْ إِتْكُوْنْ مُلْكِي وِدِّي آنِهْ

أَنا وِيّاكْ وُمِثْلَكْ بِالدِيانِــهْ

حَبِيْبِي يا بَعَدْ عُمْرِي وُرُوْحِي

آشِيْلْ قَلْبِي وَآحِطُّكْ فِي مُكانِهْ

@@@

أَنا يـا فْلانْ مـا أَصْبُرْ بَلَيّـاكْ

يا مَحْـلاهْ اِلْعُمُرْ يا رُوْحِي وِيّاكْ

أَنـا أْتْمَنّى تِعِيْشْ اِلْعُمْرْ يَمِّــي

لا تِنْسانِي وَأْنا يا عُمْرِي ما أْنْساكْ

@@@

أَنا مَقْدَرْ آعِيْشْ لَحْظَهْ بَلَيّاكْ

كَرُوْحٍ بِالْجَسَدْ يا رُوْحِي وِيّاكْ

أَنا أْحِبِّـــكْ وُحُبِّي لَكْ تَعَدَى

حُدُوْدْ إِلْحُبْ وُكِلْ ما فِيْنِي يِهْواكْ

@@@

أَنا مَجْبُوْرْ آمُرْ بابِهْ وَشُوْفَهْ

أَنا آحِبِّهْ وُقَلْبِي ما يِعُوْفَــهْ

إِذا شِفْتَهْ يِزِيْلْ اِلْهَمْ عَنِّــي

يِمَتِّعْ ناظِرِي بَاحْلَى وُصُوْفَهْ

@@@

أَنا حَبِّيْتْ وُشِفْتْ اِلْحُبْ راحَـهْ

وُبِدُوْنْ اِلْحُبْ ما نِسْوَى صَراحَهْ

وُعِشْتْ اِلْحُبْ أَفْراحْ وُمِسَـرَّهْ

أُهُوْ عُمْرِي وُهُوْ نُوْرْ اِلْبَراحَهْ

@@@

أَنا آحِبِّكْ يا مَحْبُوْبِي وَلا تُوْبْ

وُقَلْبِي ما يَبِي غِيْرَكْ يا مَحْبُوْبْ

وُعِيْنِي تِشْتِهِي نَظْرَةْ عِيُوْنِـكْ

وِيِرْتاحْ اِلْنِظَرْ لُوْ كانْ مَتْعُوْبْ

خليفه العيسى