صاحبي صاحبي والعمر الأول سرى

وأنت حلمٍ يراود مهجتي واحتريه

كيف أطاوع عيوني لو نداها الكرى

لو يطول انتظاري هالوصال أشتريه

بالطعون اللي لها قلبي ملاذ وذرى

أنت أول طريق أستعذبه واكتويه

في ضلوعي وهوجاسي كتبك وقرى

في عيونك بدايات الغلا واحفظيه

ليلةٍ كانت أوراقي غيوم وثرى

واسمك اللي نبت فيها وقلت احتويه

مثل وشم على كف الزمان انبرى

مثل صبح على جمر الشفاه وابيه

كل صبح لثم عطرك وعنه درى

والله اني أحبه وأعشقه واهتويه

الهوى من خفوقك في خفوقي جرى

واحتويته وقفلت المحاني عليه

صاحبي صاحبي والليل الأول سرى

كيف أبخذل خفوقي واغضبه وأنت فيه؟