هلا بك جرح ما يبرى هلا بك والجروح أحباب

حياتي كان يهنا لك عذابي ما عليك اعتاب

هلا بك أول وآخر حبيب بالحلا جذاب

حياتي سرك بقلبي كتمته عن جميع أجناب

هلا بك صاحب وافي... هلا بك نادر الأصحاب

حياتي خالد حبك ولو حتى بقينا أغراب

أكابر واعتلي فوق المشاعر والأمل كذاب

حكايتنا بدت من نظرة أولى سببها أعجاب

وكتبت أجمل قصايد حب في ليل نهاره ذاب

لك الله ما انشغل بالي بغيرك والهوى غلاب

تذكرني بك جروحي متى ما غبت عن عيني

تدلل والجروح تصير... قصايد في شراييني

بقيت أنت ورحل غيرك عن الخاطر وتكفيني

وأسولف به على نفسي وش الله عنك يلهيني

أبزعل كل من يزعلك... وأرضي وانت مرضيني

سليت وما مضى خله... أبيك لباقي سنيني

وابمشي سكة أقداري وأبوفي للهوى ديني

أحس بروعة اللحظه وايدك تحضن ايديني

وتطفي الشمس بدموع الليالي يوم تبكيني

شغلتي كل تفكيري وملكتي كل ما فيني