غصبٍ على عين جرحى أقبل أعذارك

وأسامحك لو نهتني عزتي دونك

كثر الخطايا بحقي زاد مقدارك

مع كل هذا وأخاف اتخونك ظنونك

لا ترتبك لا تحاول تفضح أسرارك

أقراك كلك على بعضك من عيونك

يا حلو طيشك مع اعنادك مع اصرارك

ويا قو باسك ونفس الوقت ياهونك

مع كل طاري تجيني آخر أخبارك

وإذا نسيتك تذكرني بك اطعونك

لا جيت أبختار غيرك أرجع اختارك

ولا جيت اخونك أزيدك عشق واصونك

عندي خبر جنتي هي بالهوى نارك

بالضبط فيني جنون يشبه اجنونك

اترك خطاياك واترك عنك أعذارك

انسى عذابي وقلي إنت وشلونك