لانعس طرفك ومرّتني سحابه

لا تساومني وتلعن هالبرايا

السهر طوّل وحزنك لي مهابه

يا كثر ظلمك ويا سود النوايا

من قريتك تهت في حلم الكتابه

ارتوي عشقك ولو هبت سرايا

انهمر صبحك وعطرني ترابه

وانثنت لك صورةٍ وسط المرايا

في عيونك كل سواليفي ربابه

يوم اضمك واحتضن كل الهدايا

من عشقتك ودّع الخافق عذابه

ورقّصت لك نجمةٍ بين الحنايا

لانهض صوتك وشاغبني سرابه

مد شوفك للقمر طيب ونوايا

لو خذاك الريح لا لا تصك بابه

هاك عمرٍ كل عذاريبه مزايا