ياســائل عني ترى خاطري ضــاق

تسـاوت غداريها بليل بّه نجـوم

اقاسـي الاهـات يـوم الردىِ بـاق

اقاسي الاهات يوم بأثريــــوم

حتى الصبر يا خوك ما عاد ينطـــاق

صبري تعدى الحد واخشى من اللوم

لا بغيت ادله واحسب ان خاطري راق

تنتابني هوأجيس كنها حلـوم

هواجيسي توارد عجلاتٍ ســـباق

بين الضـلوع آقاسـيهايوم بيـوم

كأني اســــير يطلب الله الاعتاق

خلـوه ربعه يـوم قفوا به القـوم

يا بوســـعد ماودي بكشف الأوراق

وأبوح بسـر بين الاضلاع مضموم

لا شك حالـي يا فتى الجـود ينبــاق

وأصبحت انا في حيرةٍ دايم الـدوم

اللي عزيتــــه شفت انا منه ما لاق

واللي شـريته باعني بأول السـوم

واليــوم انا حالي يسـتحق الآشفاق

مـمّن اوده صرت انا اليوم مضيوم

شربت انا من صافي الســم تريـاق

ولا ادري اني أشرب الكأس مسموم

دنيا بـــلاويها كما ضرب الاعناق

تشيب اللي تـوه اليـوم مفطوم

دنيا يفوزبـها من الناس بـــواق

وراعي الشهامة أ صبح اليوم مذموم

أشــــوفها تشكل أشكال وارناق

وأشوفها صارت غرابيل وعلـوم

أشوف لي ناس بلا خلق واخـــلاق

ما كنّهـا اجـواد لها نهج وسلوم

وهذاك طوير بالجناحين صـــفاق

يا له من وقعــةٍ لوكثر الحــوم

والليل بينجلي مع شمس الاشـــراق

والنايم لابد انه يصحى من النـوم

هذه ظروف مع الايام تنســــاق

دوراتـهالابــد لنا بـها يـوم

ترجع ايّـام ماضـيات لنا عتّــاق

يوم انه الحرما يتعشـى مع البـوم

يا الله يالمعبود قســـــام الارزاق

يا عالم بالسـر يا فارض الصــوم

اجعل منها يا والي العرش منطــــاق

وانت الذي علمه علا كل معلـوم

وصــــلاة ربي عداد ما لاح براق

على نبيٍ صـفوة الخلق معصــوم