اي نعم ماني وسيم ..... ولا افكر بالوسامة

وش اخلي للحريم.... ان كانت الفكره كذلك؟

اي نعم شين ودميم.... وللقبح فيني علامة

وصدقيني ما عشقتك..من اجل لمحه فجمالك

الرجل له مقدريه.... في سلوكه مع كلامه

وكانها ردت لشكلي .... فابعدي عني وصالك

والرجل صاحب مواقف ... وقتها يشهر حسامه

والرجوله يومه انه...... يرتمي بحضن المهالك

لا أبو حسن الوجيه ..... الماخذه طبع النعامة

تندفن وسط التراب....... ولا تعد كثر المسالك

ابدوي يا بنت ابوها ..... ابدوي طيب وكرامه

ابدوي اكلح وأملح ...... وان حكى قرب زوالك

عايريني بالبداوه ...... تعرفي حله وحرامه

لفتخر اني ولدها ..... واقطع اليمنى وشمالك

عايريني بالبداوه ...... واشهدي معنى الصرامه

لحرق اليابس والاخضر .... واسلبك اجمل خصالك

ما دريت ان التفاني .... يبغي الكحله ودامه

ولا عرفت ان المحبه ...... تنتظر كسوة هبالك

به شعر يسرح ويمرح...... ويتبختر في غرامه

واحمدي ربك لقيتي ....من يغازل لك غزالك

لا تخليني افكر ....... اترك الحب وهيامه

كلها خنجر وأطعن ....... قلبي العاشق بدالك

والوسامه يا الوسيمه .... عمرها يمشي سنامه

والمشاعر يا حياتي ...... وحدها تبقى قبالك

ان فهمتي فاعقليها ...... واضحكي لي بابتسامه

او طلبتك فارقيني ........ ما ابي منك وصالك