همتي تعلا السحايب والنجوم

ما تنازل نظرتي من دونها

لي طموح ولي على وقتي عزوم

لو تحدّى قلت له يا هونها

اشري الفرحه ولو غيري يسوم

امتلكها لو نووا يغلونها

دام قلبي يملك احساس الغيوم

إن عطى ما قال لاتنسونها

ما عليّ من الليالي والخصوم

وصورتي لوحة شعر يقرونها

شامخه لو مرّت اسراب الهموم

ما يغيّر حزن وقتي لونها

لي جنون وعشق لو يقسى رحوم

ما بكت ليلى على مجنونها

صدقوا تاريخ ما يحكي كتوم

كذبوا تاريخ جبّ عيونها