أبوي.. حي

أبوي.. مامات

أبوي في ضلوعي

أبوي...

إن شفتني أبكي

لا تصدق دموعي

هذي دموع الدعا

إن جيت بدعي لك

أو مرني هم يومي

وجيت بشكي لك..

أنا مثل كل مره

أحمل أوجاعي

وأجيك أقبل يديك

وأشكي أوضاعي

يا بوي.. ما بكي عليك

أنا ترى ابكي لك

أقولها..

من فؤاد.. صادقٍ.. واعي

مادمت حيّ معي

ما للحزن داعي

(2)

ياما كثير اموات

ع ترابنا يمشون

وياما كثير أحياء

في قلوبنا يعيشون

حدٍ.. ولو هومات..

يبقى معانا حي..

وحدٍ.. ولو هو حي

ينعد م الأموات

يعني البكا يا بوي

ما دمت عندي حي

وتلامس أوجاعي

(3)

يا بوي انت معي

كل يوم في بالي

يا بوي أجلس معك

وأقنّد دلالي..

يا بوي.. صبح ومسا

وعيونك اقبالي

يا بوي.. مامت عني

ولا صرت أنا لحالي

كل يوم اشوفك أنا

في بسمة عيالي

ما أحتاج هذا العزا

ما اصدّق أي ناعي

ما دمت حي معي

ما ظن له داعي

(4)

أبوي.. مامات!