اذا تلعثمْ فجُرْ يكْفيني نْهاركْ

يكْفيني الليلْ أنّكْ فيه قمّاري

العشقْ محنةْ غلا في لجّةْ اصراركْ

رحْت بمدَاده تخطْ دْروب أقداري

شِقْر الذُوَايبْ وْغَادةْ ليلْ واسْفَاركْ

كِنْ السفر فيكْ أوَّل وآخرْ اسفاري

البردْ رافق جفاك وزدْت به ناركْ

إنْ بعْتْ كل الوصل تلقاني الشاري

في لعبتين: الجهر، ومزاحم أسراركْ

ضيّعتْ وصْلٍ حسبته سرْ مشواري

أشقاك واكسر مداك ووحشة أسوارك

لا جيتني صمت ترعد لحظة اعصاري

صبح المشاريهْ وعْتابك مع اعذارك

طفلٍ تركته يشيْب بْزحمة أفكاري