ذكروا أيام جدودنا
ذكروا أيام أمهاتنا
ذكروا أيام جداتنا
وأهل الأول قنوعين
ولا هو مثل ألحين
يقولون ما في كهربا في البحرين
قلت الصبر زين
كل واحد يقول عندي الفخر
من يرجع بوقت الظهر
شغل المكيف بلا فكر
ويقول يحلى النوم الحين
يقولون ما في كهربا في البحرين
قلت الصبر زين
كانوا يصيفون في عريش
ويصبرون على أكل الجريش
والكل منهم راضي بالعيش
وأهل الأول صبورين
ولا هو مثل جيل الحين
يقولون ما في كهربا في البحرين
قلت الصبر زين
والمره ليمن أصبحت
راحت إلى الكوكب روت
والحطب للقدر جمعت
عيشة تعب مو ألحين
يقولون ما في كهربا في البحرين
قلت الصبر زين
والرجال تذهب للغوص
ولا يعرفون إلا الممروس
ويعانون من قلة الفلوس
ويغيبون بالثلاثة أشهر والشهرين
يقولون ما في كهربا في البحرين
قلت الصبر زين
كل واحد منهم يصبر
ولا يقول اليوم أف حر
بس يحمد الله ويشكر
أهل الأول متواضعين
ولا هم مثل جيل ألحين
يقولون ما في كهربا في البحرين
قلت الصبر زين
لو كل واحد فينا صبر
واتغلب على موجة الحر
صلوا على خير البشر
وفالي لكم فال الزين
يا اجيال يا متعلمين
يقولون ما في كهربا في البحرين
قلت الصبر زين
نعيمة مطر محمد
العدد 741 - الأربعاء 15 سبتمبر 2004م الموافق 30 رجب 1425هـ
