ناشدت زوجة المتهم بالاعتداء على عرض ابنته القاصر والبالغة 13 عاماً من مجلس الأعلى للقضاء والجهات المختصة إخلاء سبيل زوجها الذي يعاني من مرض، كما أن حالته المادية صعبة جدا وخصوصا أن المتهم يعول 10 أشخاص. وقالت زوجه المتهم إن زوجها يعاني من مرض وإنه يعترف بأمور لم يقم بها، كما أن كلامه كان متناقضا بين أقواله في الشرطة والنيابة، بالإضافة إلى أنه مهدد بالفصل من عمله في حال استمرار حبسه.
وبينت زوجة المتهم أن زوجها هو العائل الوحيد لأسرتهم المكونة من 5 بنات و4 أولاد بالإضافة إلى المتحدثة الزوجة، مناشدة المسئولين الإفراج عنه وخصوصا أنها تنازلت عن البلاغ المقدم ضد زوجها.
وأفادت المتحدثة بأن البنك يقطع من حساب زوجها شهريا 450 دينارا بالإضافة إلى أن بنك الإسكان يقتطع 138 دينارا، وأنه في حال استمرار حبسه ستزيد حالتهم سوءا بعدم مقدرتهم دفع المبالغ، ولا يوجد احد يعولهم في حال بقاء زوجها في الحبس.
يذكر أن المحكمة الكبرى الجنائية أرجأت قضية بحريني متهم بالاعتداء على عرض ابنته القاصر والبالغة 13 عاماً حتى 21 سبتمبر/ أيلول.
وكانت زوجة المتهم تقدمت ببلاغ ضد زوجها أنه اعتدى على عرض ابنتهما جنسياً، في حين أكدت المجني عليها (13 عاماً) أنها ومنذ شهر كان والدها يتصل بها عندما يكون في العمل مساءً وطلب منها ذات يوم عدم مناداته بـ «بابا»، بل مناداته بـ «حبيبي»، كما كان يطلب منها النوم معها في غرفتها، إلا أنها لم تكن تعرف قصد والدها، وكان والدها قد تمادى في اتصالاته فطلبت منه التوقف عن مضايقتها.
العدد 2880 - الأحد 25 يوليو 2010م الموافق 12 شعبان 1431هـ
لا حول الله ولا قوة الا بالله
الله يعينهم و يساعدهم و الله لا يحوجهم له يارب و ان شاء الله يصير كل الي يبغونه ولا يتعرض لبنت قاصر مره ثانيه !
مشكورين ع الخبر
القاضي
أستفر الله ربي واتوب اليه..
الى هالحد وصل بني ادم يتصرف مثل الحيوانات ما يعرف وين يخلي شهوته ,,
مقهوووووووووورة منها
انشا اللة ما اكلتين يعتدي على بنتي واطلب ان يفرجون عنه
عالم آخر
الله العالم بالأمور ...في إعتقادي إن الأم تريد تهديد زوجها بالشرطة لأن شجارها معه لم ينفع ...وخوفها على ابنتها ولكنها لما سمعت منه التوبة ...رجعت لتنفي ما تقولته من البداية ...طبيعي شكلها ما تفهم إنها راح تعرض نفسها لمسائلة قانونية في الكذب وتغيير كلامها لأن القضية مو سهلة كلش ...بالنسبة لي أموت من الجوع وأنرمي في الشارع ولا أسمح لأحد أن يتعرض أولادي للإغتصاب ...لأن ذلك ضد قيم الإسلام أولاً وثانياً يعرض حياة الأبناء للإنحراف المؤكد في المستقبل
حمامهـ السلام
لا حول ولا قوة الا بالله العلي العظيم
حرام عليج عشان الحاله والفلوس تتنازلين عن القضية يا مرأة هذي بنتج والله حرام مرأة غريبة جدا خله تروح الفلوس وتصير الحاله اسوء من جدي بس اهم شي حق بنتج والله حرام عليج اسمحيلي هذا قلب قاسي بس للعلم انه القضية موجدي قي تناقض في القضية
يارب سترك علينه وع جميع المؤمنين والمؤمنات يالله
خلوه يخيس ويكون عبرة لغيره
زين ما دام اهوا عليكم كل هالديون ، راح ترتاحون لما يكون موقوف لانه ما راح احد يطالبكم بها
خلوه يخيس حتى يكون عبرة لغيره
والله غريب مع كل هالقذارة وتبي يطلقون سراحه
عيشي بضيق من دونه افضل من تعيشي مرتاحه معاه وهاي حالته
بعدين انت وينك طول المدة اللي كان يسوي فيها هالمنكرات؟
غريفية- آخر زمن
هذا الاب مايستحي و يستحق الاعدام واذا سامحته زوجته فعياله مراح اسامحونه
هذي بنتك !! لا ومتزوج بعد !
غلطان ونص بعد !! بس قطع الاعناق ولاقطع الارزاق والام ماقالت هالكلام الا علشان عيالها بعدهم صغار وماليهم احد يصرف عليهم ..
الله يصبر الام ويرحم بحال البنت توها صغيرة
البحرينيين ساعات مثل الغجر
ياناس ياعالم، السالفة واضحة، المرأه ضعيفه وضايعة فى بحر من الديون ومسئولية الأولاد ، والحكومة ما عندها حتى أدنى خطة لمعالجة الموضوع نفسيا وأقتصاديا لهذه العائلة، فشنو تتوقعون من هذه المرأة وبالذات لو كانت طيبة مثل أمهاتنا الا يقلبهم يرق حتى على العدو، ساعدوهم بكلمة مفيذة وطلبو من الحكومة تعينهم وتوفر لهم أرشاد صحى ونفسى، والله خلاص كل واحد قاعد عند الكمبيوتر وصوبه قلاص شاى ويسب ويدعو بالشر، تعلمو من دول مثل ألمانية شلون عندهم قسم خاص للحالات هذى من أرشاد نفسى علشان الأولاد الأبرياء.
الزوجة تتعرض للضغط
يبدوا ان الزوجة قد تعرضت للضغط .. أكيد فيه ناس قعدوا يزنون على راسها . يقولون اليها ويش ليش تشتكين على زوجش ؟؟ ألحين منهوا بيصرف عليكم . ألحين ليش ما حليتينها ودي وخلاص . يمكن هوه عنده مرض نفسي وانتين اشتكيتين عليه .. الخ
يعني فيه ناس قعدوا يلومونها علشان تتنازل عن القضيه
هذا اللي أتوقعه صار والله أعلم
أم أحمد
مانحط في ذمتنه في هالأيام المباركة ألحين السالفة شنو الزوجة مفبركة السالفة على الزوج و هو بريء و لا الزوج فعلا متحرش في بنته و لو متحرش الزوجة ليش تطلب يهدونه علشان البيزات و المصاريف و الحالة النفسية للبنت بعد الإعتداء ,,,,,,,,,مانحط في ذمتنه بس السالفة متخربطة .
الخّداعون
الذي عنده الحيله فاليحتال بالمكر والخديعة الظاهر هذه الزوجة حصلت على حيلة لإخراج زوجها من السجن
أحد ايصدق امرأة ؟!
القصة : تهاوشت الزوجة مع زوجها قالت فعل و فعل ، و بعدين فكرت في الموضوع و تراجعت. و هذه السالفة كلها انشوفها في زوجات كثيرات اذا اختلفت الزوجة مع زوجها ما تخلي شيء سيء الا اتقوله فيه ، و بعد ايام تمدحه . بس هذه الزوجة اتمادت في السالفة اتمنى ان تفهم الزوجات و تأخذ العبرة
المراة مسكينة ما عليها لوم
اللي سواه ها الوحش مو قليل وهي بلغت عنه لتحمي ابنتها لكن بعد ذالك هل وجدت من يساعدها وابنتها لتخطي الاثار النفسية لما حدث ام اصبحت قصة وتعرضت للانتقاد او للتعليقات فقط ثم هل فكرتم في شعورها وحالها بعد هذه المصيبة وهي ترى اولادها جائعون ومهددة بخسارة منزلها وتفكر في مصير اطفالها الاخرين عيب على مجتمع بافراده وجمعياته الانسانية ومؤسساته الحكومية ان تضطر هذه المراة لطلب الافراج عن الوحش حتى يطعم اطفالها
هذي مسخرة والله
استغفر الله العظيم على هالنفسيات الوصخه!!
لا تعليق على الزوجة !! ما اقول الا دمار!!
بحرانية
والله مسخرة ابهات اخر زمن
ههههههههههههههههه
وانتون مصدقين بعد ؟! اكييييييييد السالفهـ فيها تلفيق وكذب عجل زوجتهـ تشتكي عليهـ وبعدين تقوليهم طلعوه لانهـ فيه مرض يتعرف باشياء ما سواها ؟ ههههههههههه والله العظيم مسخره
زائر111
أني بصراحه فكرت زوجته ميته قلت ليش ما يتزوج بدل ما يشبع رغباته في بناته طلعت زوجته موجوده بس ويش هالغباء تبغين يطلعونه علشان لفلوس وشرف بناتش اللي ضاع ؟؟؟؟؟
؟؟؟!
والله مسكينة هذه الزوجة هي بين نارين عائل الأسرة الوحيد والديون المتراكمة وعدم الأمان والصدمة في الزوج اللى المفروض يكون هو مصدر الأمان ليهم في هذه الحال المفروض تتدخل الحكومة و رجال الأعمال اللي قادرين يسددون عنها دينها ويكفلوا هذه الأسرة اكيد ما بتقدر تشتغل وتصرف على 9 اولاد والله لو اموال الزكاة تروح لحل مشاكل النا س ما بتجد احد فقير ولا محتاج ولا عندة مشكلة
غريب الرياض
هذا مجنس و جايب عشرة!! عشان يعتدي عليهم على التوالي الكلب. لازم يودع في المصحة النفسية مدى الحياة, و طبيعي اذا دخل هناك الممرضين ما بيقصرون و ياه. بيخلونه يدمن ادوية الاعصاب و الحبوب خخخخخخخخ
درازية بعيدة
(اللهم صلي على محمد وآل محمد)
غريب أمر هالزوجة بالأول تروح للشرطةوترفع القضية الفاضحة التي فضحت العائلة بأكملها وعلى رأسهم الزوج المعتدي والبنت التي لصقت بها الفضيحة للأبد
وألحين تترجى الشرطة يفرجون عنه علشان يصرف عليهم لاومتعاطفة وياه وتقول مريض هدوه!!اللة يكون في عون البنت مع أب هكذا وأم ذات شخصية مهزوزة،وما أدري الزوجة ملفقة القضية للزوج وألحين تراجعت ومو عارفة شلون إطلعةمن السجن اللة أعلم؟!
ليش ما الدولة تسترهم
ليش ما الدولة تسترهم دام ما عندهم عائل
أهم مافى الحياة الأولاد
ماعندها أحساس أى أهم زوجش ولا بنتش وسمعاتها هذى طفلة الحياة أمامها هذا وحش مصيره السجن وذبح
مايهم عندها اغتصاب اذا كان الحال ضعيف ولا فلوس ولا راحه نفسيه
وهي تطالب بخروجه من السجن كلا الحالتين هي المتضررة وليس البنت
منتظرة الفرج
أقول خافي الله في بنتش شنو ذنبها هالمسكينة والرزق على الله مو على زوجش ولا على المكان اللي يشتغل فيه.. وخليه مسجوون على الاقل يحس بفعله المشين
جان فكرتي من الأول قبل لا تشتكين عليه
تشتكين عليه و بعدين اتقولين أفرجوا عنه ما يصير !! جان من البداية دورتي حل آخر لحل المشكلة بدل السجن و القضايا و المحاكم اللي ما تخلص
الى الجهات المعنية
وين الرقابة؟ وين مؤسسات الدولة المختصة فى مثل هالقضايا ليش ماتتدخل للحد من هالإساءة الجسدية والنفسية لهالأطفال اللى ماليهم ذنب فى إن أبوهم إنسان مريض نفسيا ووحش وأمهم إمرأة ضعيفة وشخصيتها مهزوزة وغير قادرة على توفير الحماية لهم .. يعنى بس دخلوا الأبو السجن وخلاص .. هالعائلة نسوها ؟؟؟؟؟؟؟
غريبه حالتها
تبي يهدونه شلون وشرف بنتج علشان المصاريف
يتراوى ليها داشه رجلها السينما!!
مسكينه هذه المرأة بعد الإدعاء على زوجها وتشويه سمعته ! عادت لتبرأته يتراوى ليها سينما ,, خلاص صادته الشدّاخه,, الأولى أن توضع معه في السجن بتهمة تضليل السلطات ؟؟ الله يعين ها لبنيّه اللي عايشه ويّا ناس مثل هالزوجين ؟؟
لاحول
والله قضيه صعبه معتدي على بنته ومريض وهو الوحيد الي يصرف على العائله ولما انحبس محد يقدر يصرف يعني شيسوون مثلا يطلقون صراحه برغم الي سواه وحق هالمسكينه لبنيه من يعوضها؟؟؟؟
غبية محد يامن على رجال نفسه مره ثانية
والله تشتغل ودبر امرها بروحها
حرام هل وحش يطلع من سجن
والله جمعيات الخيرية ما تقول شيء
هذا عرض وشرف محد يجيسه مهمااا كان
وسمعة
شلون تتنازلين تقدرين ترجعين ليه بعد كل اللي سواه
ويييييع
الزوجه هي تبي حباس مي صاحيه!!
مي عاقله الزوجه لو هي عاقله ماقالت افرجو عنه وشرحت ظروفه
كل من عليه قروض يعتدي على بناته وخلق الله يعني البحرين خلاااص
الله يعقلش منتين صاحيه كلش استغربنا منش بدل ماتقولين عدموه الله يعدمش
والله حاله
يسوي فعله شنيعه..تشتكون عليه..تروحون تطالبون بالافراج عنه.. وين ما راح يكررها وماراح يسويها اخس من كل مره؟
البطل الصامـت
لاحول ولا قوة الا بالله
وش ليكم فيه مرة ثانية؟؟
سمرة تصبح
على سوى في بنتة تبونه يطلع
لو تستحي ما طالبت بأخلاء سبيله لأنه سيفعلها مره ثانيه
st sfoon st
باين هذة القضية فبها تلفيق قوي .