غربلنا من ؟

احنا ما غربلنا أحد الي مغربلينا انتون و أشكالكم الي ما تدرون عن أولادكم حتى الورقة تتكيسلون تلصقونها في الدفتر أو توقعون عليها كل يوم تضيع الحصة الأولى في تلصيق أوراق الواجبات و تعديل الدفاتر وانتون خبر خير تدري كم ياخذ واني الصق ورقة الواجب ل30 طفل او أكثر و الصمغ على حسابي بعد حتى أقلام رصاص ماعندهم أصرف عليهم يعني كل يوم واذا خلص قلم السبورة مايجيبون غيره كيف بيتعلمون غير الوزارة الي مغربلتنا بطلباتهاو مافي ميزانية للطلبات

احنا ترى 25 حصة

لا يفوتكم احنا ترى 25 حصة غير لقاء اولياء الللامور الأسبوعي غير الاجتماعات غير تحضير الدروس العادية و الالكترونية و الحضور و الزيارات التبادلية وووو و القهر مدرستنا الاولى ما عندها و لا حصة بس سوو سوو و الأدهى و الأمر ترى الطالبات الي عندنا غير ناطقات باللغة العربية و ينك ياغريب الرياض ياللي ماعندك احساس و حاسدينا على ساعة الرضاعة ترى حنا ما نحصلها كل يوم و اذا حصلناها تكون من وقت فراغنا و ليس من حصصنا و أكثر شيء نقعد في المدرسة نكمل أشغالنا الي ماتخلص و بعد ناخذها للبيت جرب ا

التدوير للمديرين والمديرات هو الحل

وخاصة المدارس ذات الأداء السيئ وكل أداء سيئ يعكس أداء المدير لأنه رب العمل فإن صلح الرأس صلح الجسد . . . ولا تعليق انقذونا

ما رأيكم

شرآيكم في المدرسة التي سوت ثمان حصص للتدريب لمهرجان البحرين أولاً وإعطاء نصاب الثامنة لبعض المعلمات وهذه الحصة ضايعة هدر لا حسيب ولا رقيب وكأنها حصة للراحة مجانية وهي مقتطعة من زمن الحصص التي تقل في زمنها وتقيد المعلم في عطائه وعمله مع الطلاب وإرهاق الطالب بكثرة الحصص وكثرة عدد المعلمين وطلبات كل معلم وقولوا على التحصيل السلام

لا تعليق

اللي ما يعرف الوضع في المدراس لا يتكلم

تؤذن في خرابة

حرام ينظلم معلم الفصل فهو يأخذ حصص أكثر من غيره من المعلمين حتى لو مر على خبرته عشرين سنة ما تشفع له هذه السنوات في تخفض نصابه وين العدل ياوزارة التربية وصق المثل اللي يقول أبوي ما يقدر إلا على ....... كملوا يا جماعة الخير

تكمله

أزيدكم من الشعر بيت
كانت محضره من بره ، عقب ما تخلص شرح تعطينا واجبات نحلهم وتصحح الكراسات وتشوف الأنشطه وتنزل الدرجات كلهم في نفس الحصه. تركز وتشتغل بسرعه مو مثل حوسة الباقي

هذا اللي اسمه مدرس

إلى زائر 16
أحنا صدق مو مدرسين، بس درسنا في المدرسه 12 سنه.
ولي الحين اذكر المدرسات يجون يسحبون الكرسي ويقعدون ربع ساعه، بعدين يوقفون يسمعون اللي حافظينه ربع ساعه، بعدين يقعدون لين تخلص الحصه.. هذا لين اصلن داومو. الثانوي 3 سنوات بس مدرسه وحده اللي كانت تشرح بعدين جابو لنا " شهين ديريي"، للأمانه ماكنت احبها بس الله الشاهد، كانو 3 وحدات من بنات الصف يشاركون في الحصة، ولما درستنا صارو بنات الصف كلهم يشاركون وكلهم فاهمين واصلن ولا وحده فيهم محضرة. هذا اللي يعرف يدرس الله يعطيها الجنه.

معلمة نظام فصل

مدرستنا المشرفات بدون حصص المشرفة تضع الاحتياط فقط والمدرسة الاولى بدون حصص ويوصل الوزارة بحصص والوزارة تعلم ومدرسات الاحتياط لنظام القتل الادارة فقط أو لغياب مربية الصف وفي آخر العام الدراسي الحوافز للاداريين والمحسوبية ،من ينظر للجدول الدروس يلاحظ الفرق في عدد الحصص 22 حصة 12 حصة 16 حصة وبدون تربية صف إلا هذا النظام 22 حصة وبدون رحمة أين العدل ؟ وأضم صوتي مع التعليقات السابقة

العمل القسري نوع من انواع الاسترقاق

تجبر وزارة التربية معلميها لحضور دورات من اوقاتهم الخاصة دون اجر و تطالبهم باعمال لا تتسع لها اوقات فراغهم فتستكمل الاعمال في البيت خارج الدوام دون اجر وهذا النوع من العمل القسري يعد شكل من اشكال الاسترقاق بحسب تعريف الامم المتحدة

غريب الرياض - الى ام ميثم

الله معاج. اصلا احنا تعلمنا بروحنا و المدرسين قليل الزين فيهم. و لو اصلا عندهم طموح ما كانوا صاروا مدرسين و هذا اختيارهم فلا يصيحوا. و احنا درسنا و تخرجنا من الجامعة لكن بتعبنا مو المدرس. ان شاء الله بيجي اليوم اللي يفنشونكم فيه لان العالم بيتجه للدراسة اونلاين و نفتك منكم.

زوج معلمة

زوجتي معلمة فصل مسكينة واجد تعبانه جسديًا ونفسيًا من كثرة العمل 23 حصة تدريس / حصة لقاء أولياء الأمور / مناوبة / اللجان والأنشطة الأخرى / حصة نشاط وإلى آخرها من المهام الإدارية هذا بالإضافة إلى التحضير في المنزل / إعداد الأنشطة / إعداد التقويمات / تجهيز البيئة الصفية من حسابها الخاص متناسين أن لها أسرة وأطفال يحتاجون الرعاية والعناية .
ياوزارة ارحموا من في الأرض يرحمكم من في السماء

سمعوا

الى جميع المدرسين
شكرا لكم على جهودكم الجبارة في التربية اولا وفي التعليم ثانيا
اكيد ولي يده في النار غير اللي يده في الماي
مايفكرون الزائرين الا في المعاش والاجازه
وارجوا من المدرسين الصبر لان التدريس مثل الجهاد

نظام الفشل

نظام مرهق جدًا يطالب فيه المعلم بانتاجيه عالية متناسين أنه شخص له طاقة محدودة ها نحن نراه يعمل في المدرسة ثم يعود إلى البيت منهكًا ليعمل أنشطة وتصحيح وإعداد التقويمات وغيرها
فالعمل صباحي مسائي

إلى 5 و6 و7 و13

احترموا نفسكم وعن الغلط، اللي يقول هالكلام أنه متأكدة ما درس ولا عمره بجرب التدريس أكثر الأمراض منتشرة في المدرسين ما سمعنا عامل مات في شغله إلا من حادث لكن المعلم يموت كل يوم ألف مرة الحمد لله المعلمين يدرسون بضمير بس شوفو اولادكم وربوهم زين وعملوهم الأدب في المدرسة مو قدامكم ملائكة ووراكم شياطين أعوذ بالله بدل ما تشكرون المعلمة تهينونها ، وين التطبيق ( قم للمعلم وفه التبجيلا كاد المعلم أن يكون رسولا) أم ميثم

معلمة مكروفة

لا أزيدكم من الشعر بيت ,,, في مدرستنا معلمين نظام القتل أوه قصدي الفصل ياخذون بعد حصص احتياط,, والله خراطة أي انتاجية وأي ابداع و أي ضبط يبونه في الصف ويا 36 طالب\\ه
رجاء أحنا نتكلم عن المهن الانسانية اللي هي يكون التعامل مع الاطفال والاشخاص مو المكاين والتيلرات والحواسيب ,,,,,, مع احترامي اللي مايدري عن مهنة التدريس وصعوباتها ومساؤها وعيوبها رجاءا لا يتفلسف

`راي

نظام فاشل جدا والله ينتقم من الي كان السبب يعني اذا المعلمة فاشلة الطالبة 3 سنوات من عمرها راحت مثل بنتي الحين مدرستها فاشلة والله يساعدني على 3 سنوات

نظام فاشل

نظام الفصل نظام فاشل والله معلم واحد يدرس خمس مواد وما وياه ولا مساعد كل شي على المعلم والله حرام على الأقل وظفوا وخلوهم ايساعدون هالمعلمين وخصوصاً المعلمات الي ايدرسون أولاد بيموتون خسارة عليهم صاروا إناث مسترجلة من لجنون خففوا عليهم ياوزارة التربية والتعليم

رسالة لبعض الزوار و وزارة التربية

بنت المنامة أنت تقارنين بين ساعات عمل مكتبية وساعات عمل فيها تعليم وتربية لتلاميذ صغار أنت نفسك لا تتحملين الجلوس مع أبنائك ساعة متواصلة تدرسينهم والدليل الواجبات البيتية البسيطة التي يتم أخذها للمنزل ترجع كما هي بدون أحل بحجة نحننا لا نستحمل نعلم أعيالنا فكيف بمدرس نظام الفصل المطالب بالجلوس 5 حصص متواصلة مع الطلاب وكذلك مطالب بمسؤليات لا حصر لها .
ننحن معلمات نظام الفصل نطالب الوزارة العدل في توزيع الحصص فغير معقول معلمات في نفس المدرسة نصابهم16 حصة وأقل ومعلمات 22حصة بحجة منهج جديد

التعليم الصناعي

في هذه الإدارة تتفشى العنصرية وتعشعش الطائفية حيث يتم تفريغ المقربين والمتسلقين ويتم تعينهم في مراكز مريحة والادهى من ذلك تعيين الاجانب في الاشراف التربوية وتهميش ابناء الوطن .

بنت المنامه

رياضيات بسيطه
23 حصه
الحصه 45 دقيقه
23 * 45 = 1035 دقيقه
عشان نطلع كم ساعه
1035 / 60 = 17.25 ساعة في الأسبوع.
الحجة الثانية: 4 حصص متواصلة
(45 *4 ) /60 = 3 ساعات.
القطاع الخاص يشتغلون اقل شي 40 ساعة في الأسبوع. اول بريك يقدرون ياخذونه عقب ما يكملون 4 ساعات شغل متواصل, وبعد البريك بعد يشتغلون 4 ساعات متواصل.
لو يتحججون مثل المدرسين جان الوسط يبي لها ملحق خاص حق " الحجايج"
مع احترامي لكل المدرسين المتفانين.
ورجاءا يالوسط لا تحذفون

يا وزارة ما يصير

اقول ريحوا مدرسين نظام فصل ما يصير شذي
قللوا النصاب شوي
شلون تبونهم يبدعون وهم مرهقين واي انشطة الي تبونهم يشتغلون عليها بعد ؟ صراحة معلمين نظام الفصل منفصلين عن العالم حتى في البيت يشتغلون للمدرسة ما يكفي الوقت في المدرسة وهذا كله بيكون خلل وضرر للطلاب بالدرجة الاولى
حطوا روحكم مكانهم مقابلين 30 تلميد او اكثر بعد طول اليوم ؟ اي ضبط اي خرابيط ؟ واي طاقة هذه الجبارة الي عندهم ؟ يبون يقلدون على مدارس بريطانيا واليابان قللوا عدد الطلاب اول

to be a women..full time job..

يا زائرة 5 اني مو مدرسة بعدي طالبة بس عندي الكثير من الأقرباء المدرسين وبصراحة مهمة متعبة.. خصوصا اان الاطفال في هذا السن مايفهمون عدل ولا عندهم ادراك ولا يخجلون من شي( مو كلهم) والشطانة ويافلان اقعد وياعلان اسكت
المرأة عندها ولد او اثنين في بيتها وتستجن.. مو 30 طفل مجتمعين..بتطلع عيونها..
ويا غريب الرياض المرأة مو مطالبة انها تسوى شي شرعا..
وبعدين هي اكيد تشتغل في المدرسة وترجع البيت تداري بيتها وزوجها واولادها..

عجبي

عجبي من بعض الزوار الذين يضعون اللوم على المدرسين ! هل دخلتم مرة على صف به هذا الكم الكبير من الطلبة ؟ أتمنى أن تفعلوا ذلك وستعلنون على الملأ أن المعلم يستحق التخيف فحصة واحدة تعادل ساعتين عمل في الوزارات الأخري ، و لا يمكن للمعلم أن يبدع إذا أرهق بالنصاب و أخيرا أقول حاسدين فقير على موتة الجمعة .

غربلونا هالمدرسات

كالعادة المدرسات كله يتحلطمون دايما مو عاجبنهم و القهر الساعة 130 هم في البيت
عجل احنا اللي نشتغل الى الساعة 6 الليل شنقول. لا و بعد 3 اشهر اجازة و قاعدين في البيت و بعد مو عاجبنهم. و ازيدكم من الشعر بيت.. عندهم ساعتين رضاعة كل يوم يعني الساعة 11 هم راجعين البيت و بعد مو عاجبنهم.
اقول بسكم تحلطم احمدو ربكم و اشتغلوا بضمير احسن
تراكم مللتوناااا
اووفففف

الحــــــل يــــا وزارة التـــربية

الحــــــل واضح يا وزارة التــــربية بــــان تقوم بتـــوظيف عـــــدد كافي مـــــن المعلمين والمعلمات لتغطية النقص الحاصل
23 حصة تدريس في الاسبوع من الاحد الى الخميس نستنتج منه ان هناك نقص كبير في اعداد المعلمين والمعلمات وهذه هي مشكله وزارة التربية وياوزارة يكفي ضغط على المعلمين لكي لا يتاثر طلابهم ,,وزارة التربية عليها التعاون وتصحيح الاوضاع وهذه هي مشكلتها لا مشكله المعلمين

غريب الرياض

خلهم يشتغلون. صح تقريبا 5 حصص كل يوم. بس هم حريم و ما عندهم مسؤوليات. و هذا دليل على تهربهم من المسؤولية.

نظام الفصل

أنتون اول درسوا عدل حللوا معاشاتكم بعدين أحتجوا و اللي ماتمبي الشغل تطلع و يخلونه نشتغل مكنها ,,,,كله يتشكون من زين تدريسكم عاد لو مو المدرسات الخصوصيات لعيالنا جان كلهم راسبين ,,,,

الحصص

اصل حصص النظام الفصل من الوزاره 20 حصه فقط لآن حصتين الفن تعطى لمرسة الفن ويصير نصيب المدرس(المدرسه) 20 حصه ولكن المدراء والمديرات مايبون يكلفون على روحهم ودائما يحطونها على الوزاره علشان يحابون بطانتهم

مدرس ومشرف ويقوم بعمل جدول المدرسين
متقاعد

هذا ذنب المديرات

يعني تصوروا التوزيع العادل للحصص في مدرستنا معلمات نظام فصل 23 حصة + تربية صف+مناوبة + حصة نشاط وغيرها ومعلمات على 4 حصص و6 حصص والمشرفات الادرايات على 2 حصة والمعلمة الاولى لنظام فصل 4 حصص ويتحلطمون لا ومعلمات الحلقة الثانية مرفوع عنهم القلم 18 حصة وبدون مناوبة ولا تربية صف حتى الاحتياط مرتاحة وكل ماتحجينا سكتونا رغم إن القانون في صفنا النصاب 22 حصة يعني وين العدل الوزارة تأخذ على عدد المعلمات الكلي بس الادارات تتلاعب في توزيع الانصبة

تأذنون في خرابة

للأسف الوزارة ماعندها اطلاع على الجرائد ماعندهم وقت العام الماضي رفعنا شكوى ومعاها أسماءنا بهذا الخصوص وكان معدل الحصص التي ندرسها 24-26 حصة وطالبنا بحل او بدل نقدي بس للأسف الوزارة ماافتكرت بالموضوع ولا ردت علينا ليومكم هذا والرسالة طرشتها لمكتب الشيخ هشام ولا يمكن انكار ارسالها لهم ارسلت بالفاكس واتصلت وتأكدت من وصولها حتى المديرة تبي حل ماحصلت والنتيجة احنا الضحايا

معلمة نظام قتل

لقد أسمعت لو ناديت حياً ولكن لا حياة لمن تنادي نظام فصل يوفر للوزارة أكثر من خمس وظائف لمواد دراسية ولكن !!!!!الشكوى لله 000