ذعذع الما

كل غصن بما عليه من الأغاني

خابرٍ بيني وبين الشعر خوّه

إن بغيته جا... ولا جيته بغاني

فهد عافت

يختنق دربهم

هقوتي نصفهم شقرا مع الخيل

رحت في صوب والجهّال في صوب

يختنق دربهم كذب وعراقيل

كل كذبه لها لون وميَة ثوب

محمد بن مشعان

يوم الردي يرتجف

يوم الردي يرتجف وعروقه تردّه

ويلوح وجه الثرى في هامة اولاده

من غير هذا الرجل للعز نعتدّه

تنبيك عن مقبلات علومه... تلاده

محمد المر بالعبد

بارد ضلاله

وفيه تشرق شمس حلمٍ كنت في بارد ضلاله

أرسم آمالي وهو في بالي جْسوره متينه

وفيه يجمعني بمن حولي مشاوير وزماله

استوت وجهاتنا والدرب الامثل سالكينه

متعب غازي

تشتري الأخطل

ابشروا يا مطربين الدفتر الأجمل

يكفي عن مر السؤال وذل الحاحه

دفترٍ فيه القصايد تشتري الأخطل

وعنتر يضحّي بعبْل ويرمي سلاحه

عبدالرحمن بن مساعد

أبفرش ضحكتي

نجا هذا، غرق هذا، وصل هذا، وهذا تاه

نساك فلان وفلانٍ ذكركْ، يا ناس فكّوني

أنا ما همّني لا صار سيلي عارفٍ مجراه

ابفرش ضحكتي بعيون كل اللي يمرّوني

علي الضوي