الله يكبر العقول

الحمد لله على نعمة العقل

............

ما أدري أصدق عيوني لة أصدق تلفزيون البحرين ووزارة الداخلية؟؟

رجال والنعم

تحيه الى رجال الامن فهم صمام الامان للبحرين الحبيبه والله يعطيهم الف عافيه

بصراحة

بصراحة المرور معاهم حق ، شنو يعني تعطلون الناس عن مصالحها ......... ، أوكي ما اختلفنا احنا مع السلمية لكن ليس على مصلحة غيرنا ، وإللي سوا هالشغلة يا مفنش ، يا عاطل ، يا مستقيل ، يا بدون شغل ولا مشغلة ، ترضى على نفسك تقطع رزق غيرك ويمكن هو محتاج حق لقمة العيش أكثر منك ؟؟؟!!

في أشغال ما تراعي ظروف الناس وبس يبي لها دز علشان تقول لك فنش وفي مليون غيرك محتاج

(كلمة حق)

الحركة كلش مو حلوة في حقنا ، تشمتون فينا الأوادم ، فكروا قبل لا تتهورون وتصير ناس ضايعة بسببكم وفي رقبتكم ليوم الدين

اذا حركة عادية

يعني كأيام عادية ، ليش بعد البث المباشر واهتمام الزايد في هذا اليوم في وسائل الاعلام

مواطن

لازم تعطي مسافة بينك وبين السيارة الي قدامك
مسافة الامان

شي غريب يعني؟

ترى المنامة من زمان زحمة.. و خصوصا في اوقات الظهر (11-2) و في ناس ماعرف اب شنو اوصفهم ........ حاولوا تأزيم الوضع و قدروا ايزيدون الضغط على الشوارع.

و الي ايقول مشوار 5 دقايق اقوله شكلك يديد على البحرين.. حزة الظهر من ابراج اللولو الى شارع المعارض ياخذ 45 دقيقة الى ساعة.. مادري اي مشوار ذي الي 5 دقايق!

في البحرين فقط

لاول مرة في العالم نسمع من يسيرفي الشارع ببط يعطونة مخالفة

سوال الى المرور

اذا تقولون الى العالم ان لاتوجد ازدحام وهذا شي طبيعي في مكان حيوي لماذا جميع رجال المرور دوامو 24 ساعة ثلاث شفتات موزعين على مناطق البحرين؟ ولماذا المخالفات وزعت على بعض السواق بحجة السير ببطء؟

رد علي زائر 5 و6

انصحكم بقراءة قانون المرور قبل التعليق

رجال الأمن كانو في الموقف

صحيح إن كان شوي زحمة لكن عادي رجال المرور والأمن منتشرين وكانو في الموقف
الله يعطيهم الصحة والعافية

أمان يالبحرين أمان

وربطو الطوق على رقبتكم

لا حول ولا قوة

الا بالله علي ناس يبون خسارة لوطنهم باسم المعارضة والسلمية !!!
سبحان الله الدنيا غريبة عجيبة

ٌإدا ما في زحمة ليش منزعجين

إنزين خلنا انقول أن الخطة فشلت والحركة المرورية طبيعة عجل ليش حاركين أعصابكم
ما صار شئ ولازم ما تعطون مخالفات وتسحبون رخص القيادة
حركة أمس دللت على أن البلاد لن تستقر حتى يكون هناك حل حقيقي يقر للشعب بتقرير مصيره

التصوير

انا كنت موجود اهناك وكان وقت التصوير المرور ايوقف السيارات وخلون بعش السيارات اطوف واصورونهم حق اقولون الوضع طبيعي

حبيت الزحمه

ليش ما تتعاملون وي الزحمه بحب بالعكس انا استانست تأخرت على الشغل بس ساعه ونص وشفت الوجه المبتسم ف يالشوارع وخلصت السالفه وصلنا بعد الزحمه وغنيت اغنيه زحمه يا دنيا زحمه بالعكس يا ريت كل يوم زحمه

شلون

من قبل يعطونا مخالفات على السرعة والحين يوم قمنا نمشي على راحتنا عطيتونا مخالفة على التباطؤ عجيب غريب

الإعلام

الإعلام جزم من المشكلة يبي يكحله عماها
....

واجد زين

واجد زين عجل خلصت دفاتر المخالفات امس
يالله الكل يسرع في الشارع
ما في مخالفات

اقترح مخالفات على بطء اشارات المرور

أمس

انا مع تطبيق القانون على السوق المتسببين في عرقلت السير ....

اختراع جديد دام في مخالفه اسمها بطئ في السير !!

اقترح على المرور تركيب كاميرات بطئ تصور السياره اللي تسوق اقل من 100 على الهاي وي

واوردي موجوده كاميرات السرعه اللي تصور اكثر من 100 يعني لازم تثبت رجولك على هالسرعه لا تصيدك مخالفه

عجب

تفرحون علي اي شى ضد بلدكم ويقولون احنا مواطنينين

شوفوا غيرها

الصراحة الحركة كلش رخيصة وتدل على جهل اولئك الذين دعوا اليها لكن الحدللة فشلت الخطة كالحطط السابقة وكان في دوام 100% ولا وبعد من الساعة 6 عشان الناس ما كانت تبقي يصيدها الزحمة يعني اول مرة اداوم واشوف الكل واصل 6 يعني هذا يدل على فشل المخطط.

البث المباشر شجع الناس على الخروج أساس يتأكدون وزادوا الزحمة

أمس كنت من المشاهدين للبث المباشر حول حركة الشارع الطبيعية حتى كان التصوير لا يعاد كل ثلاثين ثانية
لأن في حركة السيارات لاحظت سيارة رافعة تظهر في الصورة كل 15 ثانية فقلت في نفسي سبحان الله واجد عندنا سيارات رافعات في البحرين
وكلهم لون واحد

الكذب عيني عينك
واحنا صار لنا ساعتين في طابور السيارات وإيقولون الأمور طبيعية

الحركة طبيعية اذاً

اذا الحركة طبيعية ليش مخالفات اول مرة اسمع التباطؤ با المسار
كل اسمع سرعة سرعة

التباطؤ بالمسار

إذا كانت هذه المخالف "التباطؤ بالمسار" ستطبق ما أقول إلا راحت على الآسيوين إلي ياخذ المسار الأيسر و لا تتعدى السرعه 40.
ولكن كالعاده مثل حكام القدم والسله و اليد غالبية المخالفات إنما هي تقديريه تعتمد على الحكم و إحنه في البحرين تعتمد امخالفه على رجل المرور !!!!!!!!!!!!!!

حلوة حلوة صراحة

من متى هالمخالفة بعد التباطؤ في المسار ..
إلا أقول ما حصلتون حجة حق المخالفات

بدون لف ودوران ولامجاملات فان الحقيقة امس كانت زحمة في شوارع المنامة

لان الصور المنقولة في الفيس بوك وتويتر لاتكذب لدى اكثر من شخص نقل بالصور والفيديو حزة الزحمة في الصبح.

رد على ابو مرام

كلنا نطلع في هل وقت وكانت الامور مثل سابقاتها ويمكن احسن بعد لان مافي ولا حادث .
اخوي بومرام في خاطرك شي تبي تقوله مستحي تقوله دايركت ؟

أبـو مرام

يا جماعة الخير أنا أتكلم عن نفسي أخّت ما يقارب عن ساعة وربع في مشواري الذي لم يستغرق سوى بضع دقائق في الأيام الماضية فإذا استغرق مشواري بالأمس ساعة وربع فكيف حركة الشوارع طبيعية حسب ما ذكرت الإدارة العامة للمرور ؟؟ فهموني ياجماعة ترى أنا مخّي مجيّم عدل من كثر الجبن اللي آكله.... تحياتي لجميع قراء جريدة الوسط ولطاقمها...أبـو مرام ستراوي ويحب بلاده.

جديدة

إبداع في المخالفات